鳳城酒家

營業中

休息中

北角鳳城不經不覺食了十多年, 雖然比上不足, 但亦比下有餘. 水準有起有落難免, 但也不失為有特色的好食肆. 因為多年來同班伙計熟落晒, 所以服務方面從來無問題. 其實伙計都係人, 佢地都有頂唔順既時候, 會流露真性情, 在此類傳統酒樓, 都無可能要求佢地好似酒店侍應咁"專業". 你對佢地好啲, 佢地都無理由同你過唔去.講番食經, 佢地呢四五年招牌炸子雞一直特價, 嚟到唔食就唔抵, 食得太多又食到厭, 不知不覺近期就反而嚟少咗.今晚同班老友一行六人嚟食晚飯, 有小別重逢既感覺. 炸子雞一向都得, 皮脆肉嫩又入味(有圖為證), 可以收貨. 其它菜色有:大良炒鮮奶- 杬仁好香口, 鮮奶亦唔錯, 略嫌粉多了一點.家鄉炒魚崧- 鯪魚崧加菜粒花生同炒, 味道一流有口感, 家人最喜歡小菜之一.椒鹽豆腐- 鳳城用既豆腐時常都幾好, 有清甜豆香味, 用嚟椒鹽外脆內軟, 掂! (佢地既紅燒豆腐都好得㗎.)中式牛柳- 當然唔係靚牛扒一級但都可以, 唔會鞋唔會韌, 汁甜甜酸酸開胃, 飯都食多碗.金銀貴魚卷- 略為失望, 可能桂花魚本身肉質就唔好, 魚肉欠結實, 唔好食. 生魚卷可能會好啲, 但無特價...飯

早幾個月之前，一家人去左北角鳳城食午飯和晚飯。炸子雞好香脆，炒飯又夠鑊氣和夠晒乾身。

First of all, I would say, Fung Shing is the best restaurant which I would vote so far. Remeber when I was young, my father usually brought us to the one in Causeway Bay, which is the location of Regal Hotel now. The food was so unforgetable. After that restaurant closed down and also we knew that the chef and boss opened another one in North Point, then we stick with them until now. By the way, I am the 3rd generation who eat their food in our family.If say the food is nice, I would not say No

爸爸生日, 咁o岩媽咪前幾日同同事黎北角鳯城飲茶, 食左好有質素o既炸子雞, 就建議黎食晚飯慶祝.八點半到達, 入座率唔夠一半. 坐低即刻點菜, 叫左:1)炸子雞(半隻) - 炸得皮香肉滑, 爸爸獨個兒解決左成隻雞脾2)桂林炸蝦丸- 我同家姐都鍾意食香口野, 但係礙於市面無淡水魚, 想要金銀桂魚卷- 無, 炸鯪魚球- 都無, 百花釀蟹鉗- 賣晒, 無乜選擇下問個侍應乜野係大良煎蝦餅, 佢好不屑咁話咪即係蝦仁煎蛋, 唔推薦, 唯有選擇桂林炸蝦丸. 問"頹"侍應點解叫桂林, 佢話無意思嫁播, 咪普通炸蝦丸囉. 上檯有10粒, 蘸左麵包糠炸得香脆, 而且唔油膩, 裡面裹住一粒馬蹄, 增加口感, 正!3)蟹肉扒雙蔬- 勁多新鮮蟹肉呀! 雙蔬係草菇拼芥菜膽. 味道淡左d, 但係蟹肉好爽!4)蝦子扒柚皮- 第一次食, 口感好得意, 夠晒鹹香5)上湯莧菜- 莧菜老左d連埋啤酒白飯, 賣單唔駛$500, 幾抵食!不過服務態度尚須改善, 侍應頹左d!

是日家人的牛一飯，去邊度食是大會指定的，就是在這裡，不能異議。一行四人，是晚都幾多人，好在一早訂了位。慣左坐低就叫菜，來鳳城當然不用看餐牌也識點叫，不過是晚例外，因為家長話事。媽子叫了個八人的雞肫翅套餐，包乳豬併盤、雞肫翅一窩、炸子雞一隻、咕嚕肉及腰果炒帶子，炒菜及炒飯，因為是牛一飯，所以將個炒飯轉了窩麵，而最後亦加了半打壽包。個餐係八個人食的，咁我地四個人，點食咁多？媽子話「而家食唔起咩？」係係係，做仔既當然即刻收聲。一來就雞肫翅、乳豬併盤同炸子雞，三味一齊來。一看之下，大吃一跳，為何份量如此少的呢？雞肫翅是一盅不是一窩，併盤的乳豬得六件﹝如圖示﹞，下面墊有十件生腸左右，加一團海浙，炸子雞明顯是半隻。當然家長沒出聲，後輩也照吃不敢做次。味道方面，亦好像退了步，雞肫翅是渣還渣，水還水，賣相幾差，吃在要求甚高的家母口中，評語之差，可以預期；乳豬不差，但不及旺角鳳城，生腸夠厚夠爽，還算不錯。炸子雞是最能維持水準的一味菜色，皮脆肉嫩，是真正的炸子雞而不是炸雞，或炸蒜蓉雞。再上幾個菜，就知點解之前的菜色份量這樣少，原來是落單的，寫錯了五和菜。同侍應反映，佢話佢唔知，講來講去都要把菜放下。5人餐

因好耐冇成班兄弟食飯已早訂定今晚飯局,一放工飛毛腿即鬆一行5人踩上去試一試下佢地o既出名地道菜,7點幾上到去人都唔太多,但跟住就越食越多人,如唔想等位最好都係訂定(木台)穩陣d,坐低之後跟手叫菜,分別叫左...叉燒,分蹄,生腸---送酒餐前小食,大致都o.k.炸子雞---賣相幾好,食落肉質都唔錯唔會"鞋"另外皮都幾脆,有水準!蝦子扒柚皮--柚皮煮得好入味及冇苦味唔會似外面食店果d油淋淋咁,幾好,我好欣賞!!!大明蝦--蝦肉幾爽口另外多士底炸得o岩o岩好唔會油淋淋,唔錯!野雞卷拼炒鮮奶---野雞卷似乎炸得過左火,普通,而炒鮮奶加上崧子仁味道唔錯,但一定要趁熱食!揚州炒飯---飯身炒得唔錯幾乾身唔會太油,另都幾多配料...但居然有番茄喎!!但食落又幾好食,今晚另一喜愛!!!甜品當然係....西米焗布甸---香味同味道都適中,但唔夠乾身太濕,只可以話普通咁啦!全晚o既菜大致都有水準,埋單$6百幾,以咁價錢都幾低!!!

向來唔極鍾意出外用膳既媽子上兩個星期六及日返左鄉下掃墓，橫掂好耐冇出外用膳，在我的提議下午飯時段便到了這裡。其實已事先訂左檯，上到去，還是要等約15分鐘，皆因老字號的茶樓在香港越來越少，但係侍應姐姐都好有禮貌。入到位之後再等15分鐘，其餘的家庭成員陸續出現，本人就負責點點心，包括上湯炸潮州粉果、叉燒腸、腐皮卷、雞扎及爽肚。炸粉果剛剛好四隻，裡面有蝦，浸既湯雖係凍，但無損浸在湯後的鬆脆，皮還不算厚；叉燒腸熱既時候都chi住曬，雖不嚴重，但要扣分；腐皮卷裡面，我記憶所及，肉的成份不算多，有三絲，包括紅蘿蔔、冬菇及白蘿蔔，不算濃味；雞扎通常會用火腿條，但呢度反而用粟米條，雞則係冰鮮雞，而感覺上不會太肥膩；爽肚不算爽，但不淋兼有少少辣，不錯呢；而兩款菜式由我家姐拍板，第一味係福建炒飯，飯係炒底，配料包括豬肉絲、燒酒炒芥蘭頭及鮮甜洋，汁不算多亦冇杰到起漿糊的情況出現，比一般食店炒得好；第二味係兩款既雙拼，包括炒鮮奶及野雞卷，多謝侍應提醒我地可以咁樣做法。大良是順德縣城，順德縣是珠江三角洲中的魚米之鄉，也是珠江三角洲中，最懂得利用地形特點作循環生產的地區。當地鄉人利用魚塘的塘基種桑，以桑葉養蠶，用

一正都以為這裡飲茶沒什麼特別,,,殊不知~~~~<肉絲炒麪>正!!麪做得好脆但唔會過火..剛好.材料十足.第一次D 麪食完仲有甘多餸剩.而味道一般的好.<叉燒飯>驚喜D叉燒肥燒適中,實屬驚喜之作.加上叉燒汁味道配合好好，唔似有ｄ蜜汁一pat甘撻係叉燒上.估唔到呢!!!<蒸排骨>推介嘩!!一般茶樓的排骨我都唔大興趣,因為淨係見到一舊舊肥膏,而且個碟底d油嚇死你!!!好講返呢度,一上臺...排骨四四方方一粒粒甘唔會見到一舊舊肥膏,再望個碟見唔到一層層的油，而係肉汁..稀稀地既..放心哂..食落去..幾爽口同彈牙...好好味...加上唔會有太多配料..只見到2粒辣椒同幾粒豆豉...成個感覺幾清..真係飲茶食過最好味的蒸排骨(只少個人認為）好想快d再食..<麻蓉包>不錯!!都算大個,有咸旦王,麻蓉味道適中唔會太甜..最重要係食完唔會好滯...OKOK<雞扎>味道OK...少少油.雖然已經比其他地方好好多.不得不提用料方面..每一件雞扎有兩舊雞..沒有大路的火腿,換上去的是粟米心和豬天梯(應該是)經過今次一定再去飲茶

由於男友仔家人日日係度飲茶...食過一次晚飯，茶未飲過所以星期六收左工過去..點知佢地益小菜而唔係點心．有D失望...但原來係佢地覺得小菜好食左而我又好少去，專登益o家.平時係食點心..好啦好啦．．THX1)炸子雞唔錯...有雞味，皮都幾好..不過可能凍左．好似好油左Ｄ2)窩旦牛肉飯好似好好味..不過我遲左去．．無得食3)"奄春"鬆(唔識打)幾好..唔太油．．都幾香..用d生菜包住..好味4)廈門炒米推介呀!!正!!炒得好乾身..好少油..Ｄ米粉又好味

承蒙恩寵有幸在此夜宴：脆皮乳豬、大良炒鮮奶、鍋貼大明蝦、野雞卷、瑤柱炒魚肚、炸子雞、炸蒸粉果各半、西米布甸。乳豬：依然鬆脆，肥瘦適中，件數不多，可作餐前小吃；炒鮮奶：「滑滑嘟嘟似豬膏咁滑！嘿．牛油蛋撻無咁滑」，白色一團團東西未曾見識過，昔日吃的是甜（炸鮮奶），來一個鹹的確有點新意，洒上香口崧子仁，顯得鮮奶味較淡，口感是黏黏的，建議未涼前吃罷，較合胃口；大明蝦：蝦配鬆化底，點上沙拉醬，可口怡人。鮮味論不上，肉質爽口，底層不油膩，較乾身；野雞卷：未曾見識過，倒想到「得龍」一試，惜未有時機。在此的卷炸過了火，正當猜疑卷中物時，吃下一少薄脆，勾起兒時每逢過年娘親用搓角子餘下豬油炸渣或混飯吃的回憶。原來這卷出自「豬膏」上，友猜內裡乾坤是金華火腿物，特別卻有點膩；炒魚肚：瑤柱、蛋碎、芽菜、魚肚絲．．．炒成的一味小菜，清清的送飯，但吃至此時此刻，比不上一碟清炒菜；炸子雞：這裡跟之前在太子吃的，水準較為高，更脆皮較少油，肉質肥美；粉果：蒸的，外皮呈半透明，精緻，內裡乾坤無甚考究，較鹹；還是炸的精彩絕倫得多，比上次吃的更脆口；西米布甸：是晚心滿意足地還是要一睹她的風采，不多言喻，只說甜度適中，美味合胃口

上湯炸粉果好脆口，浸湯又唔會林，反而有鮮味少油膩。只是老牌的，例牌點心選擇少，但質素好，起碼夠熱又唔會走味。佢地收下午茶時段的，要留意。

今天太座短週，便到這裡撐枱 腳。進店10:45，客人不多，長者更少，有吉。不像旺角鳳城人頭湧湧，點心車來來往往。(不明？)人手足，但仍要五分鐘後才開到茶- 普洱。(更不明？？)伙計隨即遞來點心紙，說什麼11:00後無點心。(又要頭???)，匆匆的先要了6樣點心，後來太座見炸腐皮卷賣相好，便再加兩樣。(唔想食7)1.爽肚：爽而不，配上一點兒椒絲，好惹味。(推介)2.叉燒腸：賣相像粉卷加長版，餡料比腸粉多，粉皮極淋，並不是滑的口感。(失敗)3.高湯鮮竹卷：好鮮味，蝦和肉比例均衡。(推介)4.鳳爪：肥大肉厚，咸蓋過了辣，稍油膩。5.山竹牛肉：有咬口，但要問才有汁。6.鮮蝦腐皮卷：好酥而不油，蝦爽。(推介)7.蛋黃蓮蓉飽：蓮蓉好香滑而不過甜，配合了黃油咸蛋黃，有油而不膩的感覺，可惜敗筆在不熱。(失了分)8.叉燒飽：No Comment，因趕時間11:35離店，10:55落單，超過30分鐘仍未到。(累我又食7，真大吉>m<)整體點心都有水準(叉腸除外)，茶陳香，服務大有改善空間。比同級老店差(蓮香、龍門和太子鳳城)。題外話1：離開時再走那長長的樓梯，便解了老牌酒家少長者之迷，因不

上星期同各Openrice 食家來吃﹐又係我第一個到。去到後﹐侍應問我﹐我話應該係兩張大臺﹐佢地便指我上樓上﹐上到去﹐我都唔知留姓咪﹐只知應該最大的臺就是喇。坐左兩分十秒零八﹐麵包超人到﹐重買左雞蛋仔﹐佢蠻話熱會重好食的﹐不過我覺得有佢的熱誠已經好好吃。第三個到的是Glass﹐上到黎似搵人咁樣﹐但又唔知搵邊個咁樣﹐我就問﹐係咪搵Openrice呀﹐她話係﹐我就叫佢隨便坐﹐好似我擺酒咁。*O^之後涼拌、Olivian、豬娜、專食和專太等人殺到﹐隨後重有sweety加兩位美女。三位美女同我地講﹐第一間鳳城原來響銅鑼灣﹐近聖保祿學校﹐係一九四幾年喇﹐而家北角呢家都四十幾年﹐講的時候唔似係睇書睇番黎﹐係自己親身經歷咁﹐重有個類似酒樓經理的人物﹐走來同sweety打招呼﹐真係有晒江湖地位。至於食物﹐我最鍾意就係個頭盤併盤﹐有齊我鍾意食的﹔之後的小菜﹐差不多全是炸的。Foodking 話個過代表菜﹐糯米鴨﹐我就連惦都冇惦﹔因為太飽同之前的菜太油膩喇。KC 話鳳城的菜以炸物為主﹐真係比佢炸中呀﹗﹗之後由於太多菜的關係﹐Foodking將個豆苗取消左﹐我好失望呀﹐我最鍾意食菜架喇﹐好失望呀﹗

嚷了一段日子ｏ既北角鳳城，終於有機帶同太上老君、少奶同少爺仔拜會一番。話哂千里迢迢坐完潛水巴，嘔到大家誇啦啦，一埋檯嘆多幾杯茶先；安頓好就狂風掃落葉。鳳城炸粉果、灌湯餃：目標所在，不到黃河心不死，就連太上老君贈我一句：「還你心願，等你死得眼閉！」唉，話雖如此，當大家（過過上湯）咬落脆脆炸粉果一剎那，跟大大粒蝦ｏ既時候，鴉雀無聲點點頭讚好，果真鬆脆。上次在太子尋找「鐵片」不遂，今次來到，一定要見識見識；幾高難道放係碗仔（驚整穿餃裡面ｏ的湯浪費嗎），小心奕奕落埋紅醋一啖咬落去，味道／料雖無乜特別，湯頗甜，但能做到真正「灌湯」ｏ既餃，分數我係比唔少ｏ架！四寶扎、牛柏葉、鳳爪、叉腸、蛋撻仔：一般酒樓ｏ既點心，相比之下，覺得四寶扎都幾好「油水」，可能係有一舊大肥雞啦，好油下；牛柏葉，見太上老君好耐無食過來一個柯打，食落唔韌夠淋身入味；鳳爪，雖只得寥寥幾隻加一舊吸味生根，但隻隻鳳爪都頗巨下，唔怕蝕，另最愛吸味生根，精華之所在；叉燒腸，熱辣辣，皮薄餡多，甜豉油，選擇之一；蛋撻仔，我就一個都無食過，少爺仔一手一個，將自己個口塞得滿滿，睇怕唔會差得去邊ｏ既！見尚有「空檔」，即管叫個脆皮乳豬醫口痕；爽呀，

今日同婆婆舅父等人一起食飯做節, 由於大部份人都住在港島區, 趁機揀左鳳城一試.一行九人, 叫左八樣, 如下:粟米魚肚羹<-- (幾杰身, 因好足料, 唔腥兼味道好正^^)牛<-- 小食, 牛甜甜的, 唔un, 但幾紅色, 食味好過賣相炸子雞一隻<-- 賣相唔係咁得, 見隔離枱隻雞係脹卜卜的, 但我地的就開始"巢"皮, 加上食入口唔夠熱, 大大扣分, 幸好肉質尚算嫩滑, 但比上次在東寶及上環鳳城的都稍遜鳳城琵琶豆腐<-- 幾好, 亦0岩老人家吃(見圖)大良炒鮮奶<-- 一般, 唔太食得出鮮奶味, 略鹹蝦子扒柚皮<-- ok啦, 比大榮華好蝦米節瓜粉絲煲<-- 清清地, 冬菇好香, 粉絲軟硬亦很適中菜遠肉片<-- 這味反而幾出色, 肉片油泡後很香口, 但不會太油淋淋, 最重要係d菜遠唔硬及無渣整體感覺係菜都偏去口味較鹹, 或者這是舊式酒家的特色吧. 多口問句晚市有沒有古法灌湯餃, 答案亦是預期中的:只在午市供應!!!