鳳城酒家

營業中

休息中

呢個餐廳都幾旺場眼見有好多人幫襯裝修都光猛企理係個地下比較滑少少老人家同小朋友真係要小心個地下好似有浸油面朋友仔們去嘅時候要睇路嘢食方面都可以鍾意順德風味嘅朋友這裏嘅出品都做得唔錯海鮮有驚喜整體嚟講啲嘢食合格

鳳城酒家 上環與期待雖然有落差，但能體驗一些傳統方式的點心，對現代人來說是一個不錯體驗，而且終於能嘗試到傳說中的罐湯餃。價格算係有少少貴中上價位。鳳梨酥：鳳梨香口有迴香，外皮有點厚，算係鬆脆，開頭只係貪得意見佢似雀仔同有鳥籠算係有驚喜。 金光炸粉果：入面有蝦肉，外皮煙靭，但味道較淡。有少似咸水角又唔似，太淡了。龍蝦湯鮮竹卷：鮮竹光多蝦膠彈牙，湯汁好吸引，真係有龍蝦味的湯，性價比個人覺得值了。炸鮮奶：炸醬皮算係有點厚唔夠鬆脆，奶味唔重亦唔甜，太淡味，唔值呢個價錢。絕對可以唔駛試。鍋貼大明蝦：蝦多士咁，賣相嘛嘛地，多士唔多油，但無咩驚喜。特搜蒸籠：鮑魚燒賣、彩虹鮮蝦餃、櫻花蝦燒賣、宮廷紅棗糕、熔岩流沙包。燒賣正常，蝦餃大隻多蝦，但唔夠好食都係竹筍蝦餃會好食點。紅棗糕味唔重有淡紅棗香味。熔岩流沙包無驚喜唔夠流沙，唔食佢無損失。古法罐湯餃：上桌時已經穿左漏汁😖入面口感似糊狀好多粒粒，可能湯膠未熔晒，湯粒碎加材料脆，整體口感太碎濕濕，唔能夠認真品嘗到味道，我還是食浸的罐湯餃好些。蜜汁火方配蝴蝶包：蜜汁火腿個汁唔夠濃唔夠甜，但肉唔肥膩易入口，蝴蝶包鬆軟。鳳城水餃：皮薄，餡料厚身，正常驚喜都係無。鮮

睇住佢哋上環店左舖搬右舖，亦都係我開始寫上環食記嘅時間，鳳城呢個經典老牌名聽過多年，在於佢選址都唔係我活動區域，要不是嚟咗上環返工，基本上唔會㨂嚟飲茶。同事話呢間酒樓都幾貴，食物都不錯，今日我有幸嚟試下。真心而評，個人覺得點心水準一般，都係叫貨級數，無乜驚喜。炒飯和炸子雞比較好食，但都不見突出。見到燉湯用紫砂茶壺上菜，幾吸睛，但我哋無叫。作為一個土生土長香港人，好希望有百年老店繼續穩站香江，請好好經營提升水準。

老字號順德菜酒家，上環分店曾因疫情而停業，舊年重開後，終於今日約咗舊同事在此飲茶敍舊。酒家位處上環西港城隔離地庫，裝修幾有特色，有卡位有貴賓房，私隱度頗高。三個人叫了以上食物紅燒乳鴿，特價42.8一隻，雖然係特價嘢但製作絕不馬虎，上檯一刻就感覺佢係剛剛炸好，熱度十足，乳鴿好夠味，唔需要任何調味，真係抵讚！蜆介鯪魚球$68，味道有啲唔新鮮，應該係再翻炸過！招牌鳳城炒飯$148，飯都炒得粒粒分明，但蝦同叉燒粒份量唔多，味道較淡。金光炸粉果$34、西米焗布甸$36，炸粉果屬酒家推介，但似乎較失色，粉好厚，入面餡料少。另外西米焗布甸就幾好味，其他地方好難食到。鮮蝦腸粉$48，賣相較特別，蝦都夠鮮及爽，都唔錯。彩虹鮮蝦餃$48，只不過係蝦餃皮有幾種顏色，其實都只係一般蝦餃，味道還可以。金藏牛肉球$39，係用腐皮包住個牛肉球，牛肉都好實淨，唔錯。

裝修:地方光猛，枱同枱擺位都尚算闊落唯一缺點地下有啲滑和老人家同行要小心有幾間房有大電視其中一間房仲有私人廁所都容納到相當之多人職員服務態度好嘢食中規中矩對得住個價錢酒水到合理👍

位於上環的鳳城酒家已經重開, 如果喜歡懷舊點心, 又多一個選擇😋推介它的上湯煎粉果, 酥脆的外皮包着豐富的餡料， 口感十足👍其他點心例如：玉桂蘋果叉燒酥$42、 蓮蓉西米布甸$36、 蜜糖蛋散$32, 也是不妨一試。除了點心之外, 今次還點了午市孖寶, $398：片皮鴨半隻和豉汁蒸鱔, 白鱔十分肥美, 豉汁入味, 好吃👍 片皮鴨質發揮正常質素，不過份量偏小， 不過以這個價錢來說，還是可以的。如果可以提升一下服務質素會更好， 例如主動下單。

今日放假，做完要做嘅嘢就去食啲嘢，知道有間鳳城（新舖），好耐冇食過鳳城咪去（早知去北園／海港／竹園好過）……環境整潔乾淨，因為太耐冇堂食飲茶，都知價錢吾會平，果然……都係志在歇一歇，吾係嘆茶……所以只點了好普通而又吾應該吾好食嘅嘢……糯米鷄～原來係叫鮮竹葉鮑魚糯米鷄，但吾係用蒸籠上，吾熱……一粒鮑魚仔，一粒潤腸，冇乜香氣，比“糯米鷄“三個字呃咗，應該叫迷你珍珠鷄就差不多……39元一小件3D車仔腸粉（混醬腸粉）～呢個簡直混帳，賣相係ok，但好心閂除這個點心，差過在街邊食……腸粉漿口，邊皮蒸到乾硬了，吾知係咪keep在櫃內一直蒸住，似一“pat“粉漿放入口……吾知用咩方法整得咁難食🤔……鳳城水餃似番啲樣，豬仔叉燒包樣靚都ok……環境、服務係ok，不過今日點的食物麻麻……應該冇下一次……大門入口養了兩隻水魚在魚缸內，大大隻，但缸細，有虐畜之嫌……

因為好多酒樓最近攪婚姻，比人book左場見上環鳳城重開，餐單好多選擇，所以帶74歲阿媽去幫襯諗住坐得舒服，點知隔離枱3個香港人；一直係隔離高談闊論，把口未停過；嘈音指數爆燈遠遠有個阿伯&老婆係度嘈交真心交響樂，立體聲嘈音～講返食物～蘋果肉桂叉燒酥好味！～焗西米布甸，好味！～蜜汁火腿夾包，好味！～杏仁露，OK！～潮洲粉果（皮好厚，料唔足；味淡；係我食過既粉果，數一數二差）～春風得意腸～賣相OK，炸物黎講，未食過咁失敗的；第一啖，一口都係油；我地只係食左白色腸粉皮，無食的涵）因為太嘈趕住走（錢都廢事找，但多謝都無聲） 因為因趕住走（無叫佢地退返呢碟野既錢）～間野餐牌雖然選擇夠多，但無湯粉麵、粥以及茶樓一般有的蒸飯，想食飯一係叫炒麵、一係叫炒飯，一係叫大份既籠仔蒸飯《敗筆黎》～食左$295, 其實未食夠，太太嘈；食得唔安樂（想叫多個鳳城水餃、焗布甸、蘿蔔榚）咁啱媽噚日喉嚨痛⋯好多野想叫無叫；見侍應拎上手既炸物都炸到過火過油～真心唔推介我媽話為左個甜品&蜜汁火方，會有下次我下次帶耳塞先敢落去食

鳳城酒家係香港老字號，最近佢係上環重開，除咗保留以往傳統酒樓面貌，仲加入左啲新元素🌝茶介 $13/位除咗有平時見開嘅傳統茶，仲多咗白桃烏龍同荔枝紅茶，揀咗荔枝紅茶味，有清香荔枝味幾好飲又唔假🌝紫砂茶壺燉螺頭湯 $88/位燉湯係用紫砂茶壺裝住，燉得味道清甜又足料，好多湯渣，真材實料🌝鍋貼大明蝦 $26/隻即係蝦多士，蝦肉彈牙，多士又酥脆🌝風味釀蟹蓋 $78/件 鳳城招牌之一，味道濃郁，配飯食一流🌖京式片皮鴨半隻 $200半隻片皮鴨處理得幾好，皮脆肉嫩，油脂豐富，而薄餅皮再薄啲就更好😂🌖大良炒鮮奶 $138鮮奶炒得滑溜，調味清淡可以解解膩🌝紅棗糕 $38/4件岩岩蒸好熱辣辣上枱，紅棗味幾出仲煙煙韌韌拉絲好正

在上環食肆林立，餐廳們要做到客似雲來絕不容易，用客似雲來來形容鳳城，就絕不為過，今天我這個饞嘴的人，又要再到鳳城吃個飽。鳳城酒家創於1954年，係傳統酒家嘅佼佼姐，佢地主打傳統順德菜同河鮮。首先點了我最愛的東星斑，烹調方式可以選用欖角豉汁蒸，煎焗等等，成條都幾大條啊，入口魚皮仲係好爽口彈牙，魚肉好鮮嫩，非常之好味。銀湖雞茸燕窩羹呢個燕窩真係好足料啊，有唔少雞肉係入面，仲有燕窩碎添，每一啖湯都可以飲到香濃嘅雞肉香味。龍袍大虎蝦每一隻都好大隻，蝦肉爽口彈牙，入口鮮甜，加上有鹹蛋黃醬，就更加惹味。清炒菜苗菜苗入口好嫩滑，唔會炒得太過老，入口非常之鮮甜。招牌蓮蓉西米焗布甸呢個西米布甸做法比較傳統，表皮焗得好香脆，又唔會太過甜。雪燕楊枝甘露楊枝甘露用咗好多芒果粒製作，令到芒果味非常之濃郁。我們點了芒果布甸，芒果布甸透心涼，又香又滑，又有芒果肉，好味。我們都很滿意今晚的菜式，大家相約之後再來一聚。

最近我發現位於上環嘅鳳城酒家裝修完畢，經過裝修之後嘅酒家有時尚嘅風格，成間店舖都裝修得好靚好光猛。鳳城喺香港都有唔少分店，而鳳城酒家就走較傳統嘅酒樓路線。嚟得鳳城梗係要使佢哋嘅當紅炸子雞啦，炸子雞外皮非常之薄啊，脂肪唔會太過多，雞肉非常之嫩滑。龍袍大虎蝦虎蝦外皮好香脆，加上師傅已經佢除咗虎蝦不必要嘅部分，令到入口更加容易食。招牌西米焗布甸呢一個甜品係一路比較傳統嘅甜品，布甸嘅表皮覺得非常之香脆，入口有香濃嘅奶味，再加上有粒粒嘅西米，令到口感更加豐富。整體來講，我覺得今餐嘅質素非常之唔錯，加上酒樓裝修得好靚，所以成個用餐嘅過程都好開心。

過咗大半年，鳳城酒家終於回歸上環，以全新面貌，嶄新演繹，順德傳統名菜。鳳城酒家喺1954 年創辦，一直將傳統順德菜同河鮮烹調煮法發揚光大，以傳統手法精製粵式功夫名菜聞名外亦保留廣東飲食傳統～ 場內亦設有酒吧區、VIP房（內有電動麻雀機及卡拉OK）～.💛 蓮蓉西米布甸: 焦香煙韌嘅外皮包住細滑嘅西米同蓮蓉，口感香滑，蓮蓉餡料夠多，唔會覺得好甜，即叫即焗，熱辣辣又香噴噴～🥬 生菜包鵪鶉崧: 鵪鶉崧肉粒鮮甜有嚼勁，配上爽口嘅竹筍粒、冬茹粒爆香，醬料香濃，包喺爽脆生菜包再加入海鮮醬，可以中和油膩感～🫖 紫砂茶壺杏汁豬肺湯: 用上紫砂茶壺盛載着杏汁豬肺湯，用茶杯一杯一杯喝很有風味，茶壺內𥚃唔單止有香濃嘅杏汁熬成嘅湯，豬肺軟腍有彈性，仲有雞腳，飲落好滋潤～🥛 順德炸鮮奶: 炸鮮奶炸到外脆內軟，外層金黃酥脆，內裏軟滑潔白，帶濃濃鮮奶香～🐟 煎釀鯪魚: 呢度完全係功夫菜，鯪魚肉味道鮮美，肉質嫩滑，伴上豉汁，釀鯪魚經浸煮後完全吸收，彈牙又索汁～🥬 梅菜蒸菜心苗: 蒸出嚟嘅菜心苗顏色翠綠又幼嫩，梅菜唔會咸，菜心苗吸盡梅菜嘅咸味，味道剛剛好，用蒸籠出別有一番風味～

早排知道鳳城酒家係上環重開之後，都諗住帶屋企人黎，新店一改新面貌，加入左啲年輕元素，除左有bar枱之外，仲有鑽石黑嘅VIP房，裝修甚有氣派，可以係入面唱K，仲有得玩電動麻將🀄️除左傳統酒樓圓枱，兩個人黎仲有卡位可以揀🥢茶介🍵 $13/位白桃烏龍、荔枝紅茶都有好多款特色茶可以揀，茶味清香，有淡淡白桃同荔枝味，平時少見🥢紫砂茶壺燉螺頭湯🫖 $88/位燉湯用一個茶壺裝住，夠熱又足料，火侯剛好，味道清甜，滋陰補腎🥢鍋貼大明蝦🍤 $26/隻 2隻起雖然叫鍋貼，但其實就係蝦多士，仲要係用大蝦整成，同件多士一樣咁大隻，厚肉😳炸得金黃香脆🥢百花釀蟹鉗🦀 $88/件 2件起蟹鉗兩隻都脹卜卜，入面炸到好熱，食嘅時候要小心辣親。口感彈牙，仲有絲絲蟹肉，推介必點😋🥢招牌炸子雞🐓 $188/半隻外皮酥脆，雞肉肥美嫩滑，有肉汁，半隻已經好大份，果然係招牌菜式🥢順德桂魚卷🐟$338魚肉鮮嫩滑溜，入面包住火腿絲同松子仁，啖啖滋味，仲有部分魚件蘸粉炸過，加埋大蔥同西蘭花🥦濃郁惹味🥢蛋白杏仁茶🥛 $38杏仁茶勁滑！味道濃郁，美白養顏，仲配左一塊香脆嘅合桃酥，幾有誠意🥢雪燕楊枝甘露🥭$38香甜芒果肉加上西柚肉，酸酸甜甜，味道

想同大家講呢間嘢，超中伏。啱啱過完大海返嚟搵啲嘢醫肚，諗住鳳城呢個牌子啲嘢一定好食。叫完之後先至係惡夢嘅開始。真心早知係咁嘅話我哋食麥當勞就算。菠蘿炒飯竟然冇菠蘿味，嗰隻蝦有呀酸味。叫咗個帶子炒蘆筍，帶子係有臭味。最穩陣嘅片皮鴨，啲鴨就唔錯，但係佢個皮就蒸到一pat嘢出嚟。10塊餅淨係搣到兩三塊. 大佬，你叫我七個人點分呀？想同個經理講，我叫極都唔當我哋係隱形人。真係好似逃學威龍入邊啊婉瓊姐，要訂個粉刷過去先至有反應。勸大家呢間嘢，可免則免。

見過年，諗住試新嘢，搵一間高級啲嘅請老豆飲茶。可惜唔單止令人失望，甚至令人無奈。😢—我同老豆兩個人去，大廳明明好多位，但樓面都帶我哋入去廳房。我哋一坐低，佢就同我老竇講恭喜發財、身體健康、萬事勝意，斟茶又講多次。因為我仲係單身，所以我冇留意，但係我老竇靜靜雞同我講，其實個樓面係想收利是。咁我老竇俾啦，佢出咗去冇耐，又有另外一個人入嚟講恭喜發財，我老竇又比。佢走咗之後，又有第三個人入嚟⋯—另外，雖然間房叫貴賓房，但係其實係「廚師用膳房」。我哋食到一半，有一大班廚師（8至10個人）入嚟廳房，坐響另一張枱度。講嘢嘅聲量，同埋內容，都好似旁若無「客」咁。—我老竇自己都係廚師，所以非常尊重廚師呢個職業。最令我老竇唔開心嘅係個樓面既心態，佢明知呢一個係廚師用餐嘅房，外邊又有大把位，點解都要帶我哋入去廳房呢？（係咪因為方便佢哋逗利是呢？🤔）—雖然坐嚮貴賓廳，但係一啲都冇做貴賓嘅感覺，甚至有少少被當做「羊牯」嘅感覺。