鳥華 (已結業)

冬天真係成日想食拉麵。是日差唔多九點黎到，即刻有位。基本上係得雞湯麵揀，睇你想唔想加辣或加味噌。另外小食有雞翼餃子等。唔開心嘅係佢碗拉麵本身係冇蛋的，要蛋就要加10蚊。第一次黎簡單叫個原味雞白湯拉麵。一黎到，嘩～唔洗咁多湯下嘛？！我坐bar檯，侍應姐姐響前面由上而下羅過黎差啲倒瀉。。。見咁多湯唯有即刻飲啖，發覺好似媽媽燉翅的雞湯，雞味都算都幾香，但好似稀左啲。好就好在一啲都唔油。蛋麵就普通貨色，屬於偏硬。雞有四塊，基本上係燒雞肉切片，有一塊有浸燶味，肉質都可以，但又冇燒春雞的肉咁嫩。加的蛋都算合格，雖然見到蛋黃邊有啲熟左。配菜比較特別，有好幼的辣椒絲同蔥絲，可能係想配合番成較清的湯底。服務普通。雖然間野係餐廳setting，但服務幾快餐feel，好趕住收工咁。總結：唔係特別好食，亦覺得唔值呢個價錢。食完覺得我都係鍾意食豬骨湯多啲。響咁多拉麵選擇的情況下，應該未必會再返黎了。

經過這間拉麵店數次，一直都沒有多大意欲想要一試。但在雜誌中看到其介紹，「鳥」即是雞，此拉麵店以雞為主打，湯底是每日用超過六十公斤的雞骨同雞腳去熬的。香港來說還是少見（大多以豬骨湯底、叉燒等作賣點）。今次又途經此地，就試試－－鳥華。我們點了一個雞白湯拉麵（加味付半熟蛋）$79，一個味噌雞白湯拉麵（加紫菜）$73 $10=$83等候期間，意想不到的送來一小碟支豆，味道不錯，勝在心思。小小的成本卻已能令食客窩心。味噌雞白湯拉麵（加紫菜）第一感覺，嘩，咁少既。碗子不大亦不太深，驟眼看幾啖應該食哂，男孩一定不夠飽！第一啖即試試湯底，雞味濃濃的，湯底較一般的杰身，感覺得到全是雞的精華，且混合了味噌，味道更濃郁。但令我失望的是那塊紫菜，這麼一塊就收我十元。一風堂都有四塊且是另上的。而且紫菜是已經惗惗的那種，失望。不是平常吃的那種豬肉叉燒，這兒是雞肉叉燒，還可以，較嫩滑，這個雞皮烤過的，挺好吃（平時我是不吃雞皮的啦）麵條亦有別於其他，是很粗身的。而且口感硬硬的。個人不太喜歡。麵條不是很多，但吃下去很飽肚很濟的感覺，我一個人最後竟是吃不完的。另外一個雞白湯拉麵（加味付半熟蛋）。這個湯底就完全能喝出

我和BF是幕名而來的~我們的夢想是試盡各家有名氣的拉麵, 因為時間和地點的關係, 仍然有很多未有機會一試幸好終於在那一晚就輪到這一家, 主打雞湯也比較特別, 吸引非常!因為二人都是路痴和大鄉里(很少出來尖咀), 花了一點時間才找到這家, 條街有一些偏但不難找奉上的茶很香, 但那冷冰冰的溫度讓人有點難過, 當天可是轉冷至18度呢我叫了最基本的雞湯拉麵套餐, 有餃子三只, 男友試和風擔擔麵汽水等飲料只加五元, 都挺合理可惜雞翅膀賣光了, 真的很想試啊雞湯拉麵, 討厭那斜口的碗, 我放不了筷子呀質地有點稠的雞湯喝下去, 是很純的雞鮮味, 我喝了很多啖呀, 不覺得太油膩也沒有太口渴我有加了蛋, 有一整隻, 很好味有濃厚蛋味, 我都不管有沒有流心了因為我本身是很愛很愛蛋的, 即使給我全熟蛋我也不會投訴, 只要味道好就可麵條粗而曲, 彈牙! 樣子和味道都和佐敦的品尚拉麵好相似, 但做的更硬身一點好喜歡這拉麵...看上去份量有點少, 不過其實都會飽至於雞叉燒...不特別也不差, 肉質並不鞋口, 外觀有點像中式叉燒, 只是那兩小塊仔的份量實在是會被忽略...男朋友最愛擔擔麵--- 和風擔擔麵沒有驚喜

平時很少到尖沙咀, 因為我是港島人. 不過是日來到尖咀整頭, 整完約埋老公嚟搵食, 用開飯啦手機app搵地方食兩公婆都鍾意食的拉麵店, 真係好方便! 坦白講, 銅鑼灣一帶的拉麵都差不多吃過, 但鳥華的銅鑼灣分店卻沒有試過. 這晚順勢來試下. 慶幸早少少到(約七點半), 好好彩唔駛等位即入, 食到一半已經開始有人等位.兩年前左右曾在上環一間拉麵店(唔記得咩名)食過雞湯底的拉麵, 但沒有這次好味, 這晚唔知係咪好餓, order個白湯傳統麵, 一到我即刻飲啲湯飲到停唔到口...連啲雞翼同炸魚餅都零舍好味, 重點係唔會炸到乾爭爭, 仲係好juicy.食完有雪米糍送, 讚! 侍應全晚招呼幾好, 會主動加茶, 有禮.唯一唔係幾好的, 係食完離場之後約半小時, 開始感到非常口渴, 唔知係邊樣嘢落得味精太重手了...

上次行過K11都想入去試~ 但食餓左... 今次就專登去食~ 坐下有杯凍茶~ 非常好~ 行到熱有杯凍茶~ 味增雞湯拉麵一上台, 好濃既雞味~ 麵有些偏硬，湯底濃雞味~沒有很濃的鹼味, 味增又不會太咸，恰到好處~可惜的事，雞肉好鞋，好少, 不覺得是新鮮肉，感覺就似肉腸一般個肉~ 太少太薄~ 不應得有食過雞... 環境不太嘈~ overall 是好的~ 但好像少了一點~

俠女:近年香港掀起一股拉麵熱潮，對俠女來說絕對是開心事，因為她是個「拉麵痴」！所謂近朱者赤，愛屋及烏，俠男也漸漸迷上拉麵，獨自品嚐時，不忘跟俠女評價食物之好壞，愈吃愈專業了。俠男近期要戒牛，所以我們改為進食雞。鳥華的專長是雞白湯拉麵，標榜以雞殼熬製湯底六小時，逼出骨膠原精華，低脂健康。不過我倆通常都不太管什麼健康不健康，又不是天天吃，不見得吃完會長命百歲或立刻「入廠」。進店時感覺似曾相識，肯定在同一地方吃過烏冬，原來已經轉了手，不禁慨嘆生意難做。俠女有個習慣，初次上某拉麵店，只會點最入門的款式，因為愈簡單愈難做，最能看到拉麵師傅的真章。是次點了雞白湯拉麵，俠男則選了「極」拉麵，再追加芝麻雞翼和餃子。拉麵碗口是個打斜隨圓型，有點花巧，不是我杯茶。且嚐嚐湯底味道如何，果然雞湯味濃，但湯頭黃澄澄的，不算白。麵質是一般東京拉麵，跟湯底頗合襯，伴以雞叉燒，還是第一次吃，效果不錯。俠男那碗則比較講究，附上一塊檸檬，檸檬汁混在湯底，清新獨特，算是反傳統的成功之作。餃子味道有點怪，是甜的，自己一向不太喜歡甜的主菜，俠男反覺中和了拉麵的鹹味。雞翼只屬一般，沒有太大驚喜。這次俠男不可吃流心蛋，有點泄氣。親

突然間拉麵癮起，還好身處的是尖沙咀，立即找間最近的拉麵店進去。侍者是奉上一杯茶，拿起手，凍冰冰的，感覺即時有點不太對勁，因為我總覺得茶是要飲熱的。還好，這沒有影響我對食物的評價。來到這裡，必定要試其招牌的雞白湯拉麵。其湯底呈黃色，呷一口，濃郁可口，喝得舒服，沒半點涸喉感覺。麵條偏硬，但對我此等要餵飽相機才吃的人來說，是沒問題的，當然我個人也是偏好吃較硬的麵。至於幾片雞肉，只是配角，不韌已經收貨了。總的說，吃得滿意，下次來給我一杯熱茶就好了。

拉麵風潮席捲全城, 愈吹愈熱, 不論是麵款, 或是湯底, 都不斷在進化, 由最初只得豬骨湯、牛骨湯, 及後的雞湯, 以至冷麵、沾麵等, 驚喜層出不窮, 每每予人新鮮感。 雖然本身對拉麵的熱衷不及甜品, 但每當有新店上場時, 都會觸發我那顆好奇的心。 得聞鳥華以雞湯拉麵馳名, 選在週六下午到來, 沒有任何套餐, 看散點的餐牌, 也不便宜的, 基本的一碗麵也接近七十大元。 湯底都是以雞白湯為本, 作出調配, 演變出辛味和味噌, 連同原味, 合共三款。 拉麵之外, 亦供應炸物、小食、迷你碗飯等。店內地方頗為闊落, 空間感夠大, 沒有太多的局促。 座位以四人方檯為主, 連同近門口的幾個吧位, 容納不少的客量, 坐得份外舒適。 柔和的燈光映照下, 配合淺木色調, 更多份溫暖, 一副和室的格局, 很是雅緻骨子。 點菜後送來兩杯凍麥茶, 茶味甘甜, 帶濃重的麥香, 挺涼快的。 雞白湯拉麵配豚肉叉燒、半熟蛋($99)賣相頗為講究, 配料不是隨意的散佈, 反看得出一份用心, 用上高身的白瓷碗裝盛, 更添一份美感。 湯底色澤偏黃, 不像純豬骨的奶白, 趁熱先嚐一口, 原汁原味, 充斥著濃郁的雞味, 鮮甜沒

因為一d事...所以同事a請我同同事b食lunch....本身佢地諗住去萬豚屋食...點知好多人....咁就行返公司附近間鳥華...其實依間經過好多次....都會見到佢門口貼住奇洛李維斯親臨過既相....哈哈...今日終於可以一嘗啦一入到去播住日本d民謠歌...格局都幾寬敞...最梗要係唔駛等位....都係得幾枱客係度....坐低左...待應就俾左menu同杯茶...睇menu有lunch set....a-d....最終我揀左d...因為我唔想食飯同埋沙律.....其實坐係度....都聞到好大陣雞味...一黎到仲大味添....一飲湯好濃既雞味....麵條一般...唔會太淋...但係塊雞就太薄&無味啦...餃子就唔知點解甜甜地總括黎講...一般啦...但可以一試既...

第一次光顧 晚上8時左右 剛好還有一台空位與友人點了 3拉麵 1餃子現在晚飯時段 有免費飲品優惠 另有消費優惠 餃子也是免費 不錯雞白湯拉麵 加全配料 $109可惜 那蛋一點都不流心 友人的都一樣 失色極拉麵 加全配料 湯底 沒有雞白湯濃郁 較普通餃子 意外驚喜皮薄帶肉汁 不錯

這裡的雞白湯湯底一向是她的最大賣點。記得剛開業時吃過一次，份量雖然比較袖珍，但光是喝那一口濃郁的雞湯湯底，便已覺沒有錯來....隔了好一陣子沒來，現在拉麵店已開至成行成市，而這兒亦已開了分店了。時間過得真快...與舅仔伉儷相請不如偶遇來吃個sunday lunch。已是十二時半過外，店內就只有我們一枱客，令未來食過的舅仔不禁有點擔心 : "是不是東西的味道不濟才會如此人流疏落?"....小弟對這裡還仍有信心的，心想我們可能是早抵達一點了吧。果然到我們埋單之時，店內已坐滿了人...頭一次選的雞白湯麵令人食得愜意，這趟要了近來流行的沾麵，不知效果又如何?麵底雖有些偏硬，但勝在沒有很濃的鹼味，況且自己一向甚愛硬身的麵條，所以也不太大介意；湯底依然是她的強項，進口鮮甜濃郁得化不開而不油膩，喝得舅仔不禁"lam lam 脷"。唯一的缺失應是好像不太夠熱；所謂的义燒實際是幾片的雞肉，咬落不嚡口有足夠底味，是中規中矩的水平....舅仔愛吃豚肉义燒，於是從a la carte menu內單點了一客。切得蠻薄身的，入口滑溜有肉帶來的甘香，算是豐腴之作....小友吃麵不嬲"論論盡盡"，所以還是叫碗玉子免治

公眾假期的那天下午5:00 自豬骨湯拉麵襲港之後, 試圖嚐遍全港拉麵既我, 今天來到這到.....這裡出名的是雞湯拉麵, 所以鎖定雞白湯....時日公眾假期下午5:00, 這裡只有一台客人看看價錢其實不算便宜...雞白湯+豚肉叉燒...份量略少....濃濃雞湯尚算不錯, 但還是比較喜歡別家的豬骨湯多些,本身已有雞肉叉燒之下, 為了滿足慾望, 多加了豚肉叉燒, ,但沒甚麼驚喜, 糖心蛋也沒有份外的流心.....醬油拉麵, 香濃的醬油味比雞白湯更討好.....其他的配料都跟雞白湯的一樣....沒太大驚喜.....雞肉餃子...皮薄, 不太油....熱辣辣的吃著...不錯...... 一個下午茶+午餐......其實有點不值.......

同舊同事食飯,一個尖東,一個天星碼頭旁,一人行一半,決定地點在K11附近。見到這間店好評都唔少,決定一試!尖東站出口一出就係,勁就腳!讚好!ORDER左湯麵同飯既定食。一次過食到麵同飯.正!!仲包一杯餐飲...雞白湯拉麵定食版係正常版一半,但都好夠女仔食。飲一啖湯,嘩,好濃雞湯味呀!!麵身都好彈牙好味。一口湯一口麵,湯味就岩岩好播!出奇的夾。由於之前都食開豬骨湯底,食雞湯底反而有種新鮮感...燒雞肉飯 (個名唔SURE岩唔岩)依...正野!雞肉燒過有種微微燶味...好鬼香呀!有幾絲香蔥又平衡返個油膩味...得播!就現場環境所見,之前試新野人潮退去,反而人少少夠晒靜,和舊同事坐得舒舒服服!如果唔係趕時間,可以HEA多陣,服務都唔錯...價錢我又接受到...下次可以再試其他野食!

近排豚骨湯底的拉麵試得多，今日趁著假期的中午時間，跟E先生來鳥華一試以雞湯為主的拉麵。可能是假期，又可能是下著雨的關係，鳥華竟然只有數位食客，有點驚訝。Menu上面大大隻的雞頭圖案十分搶眼，說明店舖的拉麵以雞湯、雞肉為主。 沒多久，兩碗一大一小的拉麵就送來了，貪心的我當然要一次過試均全部配料。(左)白湯拉麵 全部配料，因為有齊全部配料，所以要用大碗盛載，但其實拉麵的份量是一樣的，(右)辣味雞白湯拉麵 加味付半熟蛋。雞白湯拉麵 全部配料 $103雞白湯是整碗拉麵的靈魂，香濃而且鮮味，比豚骨湯多了一份清甜，少了一份膩滯，超讚。拉麵用粗身曲拉麵，爽口彈牙，跟雞白湯很相配。辣蔥微辣頗開胃；綠色的貢菜很奇怪，吃不出味道。雞肉叉燒其實是燒雞片，薄薄的三片，雞味濃郁，但有點乾，肉質過老。豚肉叉燒亦同樣有三片，較大塊厚切，肥瘦適中，肉質鬆軟，不錯。味付半熟蛋不流心，亦無蛋味。總括來說，最簡單的雞白湯拉麵才是最美味，其他配料卻普通得很，可有可無。辣味雞白湯拉麵 加味付半熟蛋 $78雞白湯加入辣味，不算太辣，但無疑會掩蓋雞白湯本身的清甜美味，味付半熟蛋亦不美味，但尚算一碗不錯的辣味拉麵。

今日屋企無野食上次經過見到有間專食雞湯底ge拉麵店而且見雜誌都介紹過就去試下喇可能因為放6點,行到過去先6點半ge關係入面無咩人唔駛等位,當然試下佢個雞白湯拉麵,因為之前見到有人係openrice講過有日本版,即係加左雞油落去,即管問下,又真係有喎仲加多左半熟蛋tim黎到先發現自己唔記得左叫走蔥,因為我係唔太鍾意食蔥ge,不過算喇,先試個湯,因為有油係面,所以先拌勻,唔錯,個濃郁ge雞湯,而且feel到好杰身再試半隻半熟蛋,唔錯,不過應該係來貨問題,隻蛋無咩蛋香,最後試d麵,個麵真係ok架喎,又掛到d湯但係食左半碗到....開始覺得有d咸d個時候連埋d蔥食就岩岩好,好彩無叫叫走蔥je另外半隻半熟強留到最後先食,不過都無變到全熟蛋,good!