鳥海山鐵板燒

營業中

休息中

鳥海山鐵板燒前菜沙律,新鮮沙律菜，仲有隻新鮮蕃茄仔，甜甜的呈現鮮紅色是日，精選刺身帶子 笛鯛 三文魚腩 油甘魚店員都叫我哋順時針食,刺身非常新鮮,帶子厚身,味道鮮甜,比較特別的是笛鯛刺身，口感清爽，肉質結實彈牙，油甘魚都非常好味，油脂滿溢，入口即化澳洲龍蝦整隻龍蝦師傅起肉加上鐵板炒超級香濃，加上蝦膏調製嘅醬汁非常惹味，每一啖龍蝦肉都包裹着龍蝦膏嘅醬 非常鮮甜，仲可以食到龍蝦膏嘅甘香，蝦肉又夠爽口彈牙，入口惹品南非活鮑魚鮑魚size好大隻好厚身，咬落帶小小咸香 ，肉質彈牙 ，帶有啖啖酒香嘅味道牛肉薄燒牛肉肉質鮮嫩 ，入面還包住蔥花粒同炸蒜粒，口感咁豐富，唔會覺得油膩鵝肝多士鵝肝非常厚身 ，味道細膩質地軟滑，又香甜奶油般的口感，味道濃郁又獨特，絲滑嘅口感，咬落去鵝肝油流晒出嚟，非常香口，多士size啱啱好，細細舊 一啖過 ，滿足晒口腔整個味蕾蛋炒飯飯粒粒分明 最後上埋麵豉湯同埋炒椰菜 椰菜配蒜粒炒熱辣辣又爽口

喺深水埗搵到間性價比高嘅鐵板燒!Bar枱座位唔係好多，建議想坐吧枱需要提前訂座。我哋叫咗鳥海山鐵板二人套餐，$1198已經有活鮑魚及龍蝦，價錢相當吸引！刺身一共有四款，店員有介紹食用次序。帶子鮮甜；深池魚爽滑肥美，魚油甘香細膩；油甘魚肉質細膩，香氣濃郁。鮑魚用咗牛油煎香，未入口香氣已經湧出嚟。鮑魚厚度適中容易入口，爽口彈牙同時帶有甘甜嘅鮮味。龍蝦淨係賣相已經好吸引！滿滿嘅龍蝦膏包裹住去殼嘅龍蝦肉，每一啖都充滿略帶鹹味嘅鮮味。另外龍蝦肉肉質Q彈飽滿，相當新鮮。龍蝦頭內仲有少量肉，店員亦有提供濕紙巾抹手，非常細心。雖然鵝肝多士係一口嘅份量，但係鵝肝份量完全冇偷工減料！鵝肝相對厚身，入口即溶，綿密細膩，帶有濃郁嘅香氣及淡淡嘅甜味。牛肉薄燒火喉控制得啱啱好，牛肉燒完仍然好嫩。薄燒香氣四溢，蒜同牛嘅鮮美結合令味道更加濃郁誘人。炒飯色澤均勻，飯粒粒粒分明可見鑊氣充足。炒飯蛋香味濃郁，配上櫻花蝦乾為炒飯帶嚟少少海洋風味。野菜有非常濃郁嘅牛油香氣，再飲埋麵豉湯已經飽，最後甜品仲有雪米糍！呢個價錢食到有活鮑魚同龍蝦嘅鐵板燒性價比極高，店員亦好殷勤不斷加水服務周到，短期內會再去！

烏海山鐵二人套餐 $1,198四色刺身帆立貝、真鯛、池魚、油甘魚魚生件件厚切，真係好新鮮！一啲雪味都唔會有！沙律🥗沙律菜新鮮脆口，唔會雪壞咗淋晒，配埋日式芝麻醬撈埋一齊食好夾活鮑魚師傅調味好香濃，鮑魚口感彈牙，切成一片片容易入口，鮮味十足！一路食一路讚嘆！活龍蝦🦞師傅燒完上菜嘅時候已經聞到好香好香，快快脆影完相要即刻食啦！經過師傅特別烹調，龍蝦鮮甜多汁，咬落口肉質飽滿，呢個又係一路食一路讚嘆！鵝肝多士香煎鵝肝入口即化配上香脆多士，食得好滋味👍薄燒牛肉🥩薄薄一片牛肉肉質鮮嫩，味道唔會太過濃烈炒雜菜🥦🥕炒椰菜🥬爽脆美味，望落好似炒得好油，食落又唔係好油咋喎炒飯🍚好有鑊氣嘅粒粒炒飯作為最後主食填飽肚子🔥雪米糍主食食得太飽，甜品係一粒軟糯外皮包裹住雪米糍，冰冰涼涼，為依一餐畫上完美句號💖烏海山鐵二人套餐絕對是一場視覺同味覺嘅雙重享受！💖 價格稍高，但絕對物有所值！👍 推薦給想要慶祝特別節日嘅朋友

呢間鐵板燒由上年八月開已經想試好耐見佢OpenRice零負評而且好多人都有介紹終於的起心肝生日飯book枱去試試佢晚市做兩輪分別係六點同八點我哋準時1750到出面已經有人排隊所有食客都好準時我哋被安排坐Bar枱可以邊睇師傅煮邊食前菜沙律同市面差唔多 冇乜好講刺身拼盤 魚生鮮味帶子食落開胃之後師傅就開始開爐師傅煮嘢食非常俐落邊睇邊食 係一種高級享受而且師傅有問必答 氣氛非常好鮑魚非常鮮味 就算鐵板燒一啲都唔韌 而且好大隻加埋師傅有調味過整體好惹味龍蝦簡直係個餐嘅一絕必定要食 佢將龍蝦起咗肉之後用龍蝦嘅膏 打成醬汁調味之後 再炒返落龍蝦肉度有鑊氣之餘 亦顯示到師傅功架呢個係必定必定要食鵝肝多士 鵝肝滿滿但係經過師傅嘅鐵板處理完全唔覺得油膩 成口油非常乾身 加埋塊多士簡直絕配牛肉燒 入面有好多蔥有豐滿油溢感之餘亦食到蔥嘅甜香味櫻花蝦炒飯師傅特意炒到好乾身 粒粒分明入面有濃濃嘅牛油香櫻花蝦同炸蒜香氣整體配合得好好50衞門大吟釀 係另外叫 個餐唔包價值$388因為覺得食物太好味一定要開返支清酒咁先會盡興同埋諗極都諗唔到點解佢哋咁嘅質素可以賣到呢個價錢如果喺港島區 或者尖沙咀坐底收貴三份一或者一半

從長沙灣吃到深水埗的「鳥海山鐵板燒」，搬店後再次再朝聖，喜歡這裏的鐵板燒平民價錢，但食材高質，招牌二人精選套餐有齊刺身、龍蝦、鮑魚、鵝肝多士、牛肉薄燒等貴價食材，每位都只係$600左右，真心抵食👍👍🔥人氣鐵板燒套餐二人前 $1198▪️沙律｜新鮮沙律菜配上麻醬醬汁，清新美味▪️是日精選刺身｜深海池魚、油甘魚、 真鯛、油甘魚，四款刺身新鮮肥美，件仲厚切▪️活鮑魚｜新鮮鮑魚，煙靭又夠腍，鮑魚肝醬炒香濃味，味道充滿甘香▪️活龍蝦｜原隻龍蝦非常新鮮，肉質爽口又彈牙，配合蝦頭膏醬爆炒，滋味無窮▪️鵝肝多士｜煎得外脆內軟，入口油潤，鵝肝用海鹽調味，味道香濃無比▪️牛肉薄燒｜牛肉脂肪比例適中，包住香蒜和香蔥，燒至大約五成熟，口感軟嫩又多汁▪️炒飯｜最愛的炒飯，師傅炒得香口粒粒分明，每次我都會追加流心蛋，蛋黃流進炒飯撈勻嚟食，簡直係人間美味▪️野菜｜食炒飯怎能沒有蔬菜配合，蔬菜好清甜，炒得清新爽脆，好食▪️味噌湯｜再配合返一碗熱辣辣嘅麵豉湯，夠晒溫暖又飽肚

餐廳開啟深水埗嘅地方，門面裝修得非常之有氣派。鳥海山鐵板餐（二人餐）$1198 入到去叫咗一個人氣之選嘅鐵板燒套餐，佢有龍蝦、鮑魚同鵝肝食之餘仲可以係二人份量！前菜係麻醬沙律，之後就入到去冷盤。冷盤有四種精選嘅刺身：墨魚、根白、白鯛、油甘魚腩。餐廳會同你介紹食刺身嘅次序，令到你可以好好咁樣享受刺身嘅層次同埋味道嘅遞進。活鮑魚可以食到清酒灒落去煮嘅味道，大火之下加清酒可以鎖住鮑魚嘅海洋咸香，同時間提鮮。鐵板燒將鮑魚表面燒得金黃超脆，火候掌握得好好鮑魚食落去仲保持濕潤仲有彈性。活龍蝦做得非常之出色，佢用咗龍蝦膏同埋清酒去煮龍蝦醬。煮完之後浠稠度掌握得非常之到位，龍蝦膏嘅醬裹住每一嚿龍蝦肉。非常之鮮甜仲可以食到龍蝦膏嘅甘香。$1198除咗龍蝦之後竟然仲可以食到鵝肝。鐵板燒高溫之下鵝肝好快咁釋出濃郁嘅油香。自烤過嘅多士成為成道菜味道嘅載體，佢出收咗鵝肝嘅油脂同埋牛油醬汁。食落去會有鹹甜交錯嘅味道。

之前同老婆兩個人嚟食因為覺得性價比太過高所以一於帶埋屋企人嚟食帶埋兩大長老開心share四點刺身最鍾意係佢個柚子醬汁好清新好開胃龍蝦依舊新鮮一邊望住佢煮簡直係享受最好係今日我哋係食晏晝初頭以為冇乜人點知原來星期五都係爆場食lunch有樣好免收+1 變相其實抵好多鮑魚龍蝦新鮮調味一流 水準依舊冇話因為多人左而變差最正係今次同兩大長老嚟大家都係好飲得可以揀佢$588 大吟釀買一送一邊食好嘢邊飲酒簡直係人生一大樂事以後都會介紹多啲朋友過嚟尤其當佢冇咁忙嘅時候可以邊食邊同師傅傾偈其實有互動都幾開心

💯刺身四點一開場就已經被呢個刺身拼盤震撼到！四款刺身全部鮮味爆燈，完全冇雪藏味。帶子厚切，入口即溶，鮮甜得嚟帶微微海水鹹香；平目魚爽脆清新，點少少酸汁更提鮮；深海池魚油脂適中，魚味濃郁；油甘魚肥美甘香，魚油豐腴但唔膩。師傅刀工細膩，每件刺身厚度均勻，證明食材同手藝都係上乘之作！ 💯鵝肝多士鵝肝多士係邪惡但無敵嘅組合！鵝肝煎得外脆內軟，一啖咬落去，油脂香瞬間爆發，配上烘得香脆嘅多士同甜甜嘅醬汁，完全中和咗鵝肝嘅膩感。最正係師傅火候控制得啱啱好，鵝肝中心保持嫩滑，入口即化，食完仲有陣陣餘韻，令人想encore！ 💯南非鮑魚新鮮到不得了嘅南非活鮑魚，上枱時仲識郁，師傅即場處理，鐵板煎香後再淋上清酒同鮑魚肝醬。鮑魚肉質彈牙得嚟唔會韌，鮮味十足，仲帶微微焦香。💯新鮮西澳龍蝦龍蝦絕對係全晚亮點之一！西澳龍蝦肉質結實鮮甜，師傅用鐵板快速煎香，鎖住肉汁，再輕輕調味，完全唔需要花巧嘅醬汁，淨係食龍蝦本身嘅鮮味已經夠晒滿足。蝦頭嘅膏仲多到爆，香濃到不得了，食到舔舔脷！ 💯美國牛肉薄燒牛肉薄燒係鐵板燒經典之作，呢度選用美國牛肉，油脂分布均勻，師傅將牛肉薄切後快速煎至五成熟，再捲住香蔥同蒜蓉。一啖咬落

嗌咗兩個套餐，跟住嗌咗啲散叫，散叫嗰啲真係好唔掂，但係收得唔平，最貴個套餐，只係個龍蝦同鮑魚比較正常，其餘嗰啲普普通通，勝在三個女服務員禮貌，為舖頭爭取唔少分，安格斯牛柳粒唔掂凍冰冰，平價嘅套餐，嗰條嘅銀鱈魚又凍又唔新鮮，散叫仲好過嗌套餐，黑毛豬好韌，炒飯就好少少，隻燒蝦勉勉強強，龍蝦就比較好，食咗2700百幾蚊，唔係太過值，嗌咗個安格斯炒飯，啲牛肉太過乾真真，咁簡單嘅餸菜都煮得唔好，再去嘅指數係零

鐵板燒用餐體驗今日光臨貴店，對鐵板燒的高性價比印象深刻，特此分享體驗感受！首先，菜品價格親民得宜，以同類型餐廳而言，性價比極高。無論是龍蝦定鮑魚，前菜刺身食材新鮮度與份量皆誠意十足，完全超出預期。其次，服務細緻周到，環境舒適，環境寬敞整潔，鐵板檯與座位區規劃合理，既能近距離觀賞料理過程，又不會受油煙困擾。適合三五知己相聚嘅地方總體而言，這是一間價格實惠、味道絕佳的鐵板燒店，絕對值得推薦給親友！期待下次再來品嚐更多菜式

鳥海山鐵板餐的整體表現令人驚喜，從頭盤到主菜都展現了食材的新鮮與烹調技術的精湛。首先，「是日刺身」選用帶子、鱸魚、深海池魚和油甘魚，每一片都細膩滑嫩，特別是帶子甜美多汁，入口即化，讓人感受到大海的鮮味。沙律清爽開胃，搭配的醬汁恰到好處，不會搶走蔬菜的本味。活龍蝦和活鮑魚是這頓餐點的亮點。龍蝦肉質彈牙，配合鐵板的高溫鎖住鮮味，鮑魚則嫩滑中帶有韌性，讓人細細咀嚼，回味無窮。鵝肝多士烤得酥脆，鵝肝濃郁香滑，與多士的香氣相得益彰，絕對是奢華中的一抹驚艷。牛肉薄燒的火候掌握得宜，肉質鮮嫩多汁，裏面包着蒜能展現不同層次的風味。野菜則以簡單方式呈現，保留了食材的天然甘甜。炒飯是整餐的完美收尾，粒粒分明且滑溜，搭配味噌湯，更為整頓餐點畫上溫暖句點。整體而言，鳥海山鐵板餐不僅重視食材品質，更顯現了對細節的講究，每一口都能品出用心，是一場不容錯過的味覺盛宴！

我哋選擇咗鳥海山鐵板燒二人套餐$1198，非常高質豐富😍套餐以是日精選刺身同沙律作為開胃菜。新鮮嘅刺身，清爽嘅沙律，為味蕾做好準備。接下來嘅活龍蝦同活鮑魚就係今晚嘅主角。龍蝦🦞大隻，肉質鮮甜彈牙，鮑魚鮮嫩多汁，兩樣都好好味😋鵝肝多士亦係另一亮點。香煎鵝肝，配上香脆嘅多士，口感豐富，味道層次分明。牛肉薄燒嘅牛肉油花分佈均勻，入口即化，肉汁豐富。配上新鮮野菜。最後，有炒飯、味增湯。炒飯粒粒分明，炒得好香。味增湯味道濃郁。

Mt. Chokai, a teppanyaki specialist who has previously moved from Cheung Sha Wan to Sham Shui Po, is offering a scrumptious dinner set for 2 for $1198. Visited on a weekday and the restaurant was almost fully booked.◆サラダ Salad◆お造り　ホタテ、スズキ、カンパチ、ハマチ Sashimi - Scallop, Sea Bass, Kanpachi, HamachiThe course started with some cold dishes including salad with sesame sauce and a sashimi platter of the day. Hamachi had been aged which tasted intense and buttery.◆アワビ Abalone ◆ロブスター LobsterBoth seafood it

最近我去咗位於深水埗的「鳥海山鐵板燒」，呢間日式居酒屋真係好正！環境雅致，燈光柔和，適合與朋友聚會。我哋選咗鐵板套餐（二人份），首先上嘅係精選刺身，包括鱸魚、油甘魚、帶子同深海錢魚刺身。每一款刺身都非常新鮮，特別係帶子，口感滑嫩，咬落去非常鮮甜，味道層次分明，真係令人陶醉。接住上嚟嘅係沙律，清新可口，為後面的菜式打下好基礎。然後就係活龍蝦，鮮香味十足，肉質彈牙，非常好食。活鮑魚亦係新鮮又滑嫩，加上鐵板燒嘅火候掌握得非常好，真係食得好過癮。另一個亮點就係鵝肝多士，鵝肝香濃，配上酥脆的多士，讓人一試成主顧。牛肉薄燒則是鮮嫩多汁，肉質上乘，搭配一些野菜，口感更加豐富。最後，我哋享用了炒飯同味噌湯。炒飯粒粒分明，味道香濃，而味噌湯則清淡可口，為整頓餐劃上完美句號。總體而言，「鳥海山鐵板燒」的菜式質素高、味道出色，服務態度友善，環境舒適，真係值得一試！我肯定會再返嚟，期待再試其他菜式！

是晚約咗放假嘅家人共晉晚餐🙌🏻佢話好想食日式鐡板料理～所以walk in去咗呢間門面以日式木門風格嘅餐廳用餐～(由於無訂位😅面對師傅燒煮嘅座位已全數被訂滿～想坐吧枱嘅朋友記得訂啦🤝🏻)店面唔算大～但氣氛幾好！！.🧡二人前 鐵板套餐 $1198🧡✨沙律於沙律菜加入胡麻醬～清新開胃🥗.✨是日精選刺身店員建議順序由淡到濃味食用💁🏻‍♀️鱸魚、真鯛、葉血引、油甘魚～當中最鍾意真鯛嘅彈性口感及油甘魚嘅肥美魚脂滋味❤️❤️.✨活龍蝦龍蝦肉勁鮮嫩爽彈🦞沾埋以龍蝦頭膏製成嘅汁料令美味程度更上一層樓🫰🏻🫰🏻.✨活鮑魚鮮味突出😍😍師傅只簡單以鐵板燒烤～就帶出原有食材新鮮味道！！.✨鵝肝多士油潤甘香嘅鵝肝令人回味無窮😋配上香脆可口嘅多士😋食完仲想再食！！.✨牛肉薄燒師傅於鐵板上輕輕烤熟薄牛肉片～火喉剛好🔥🔥內層捲有香葱等材料令滋味層次更豐富！！.✨野菜蒜香味十足嘅炒椰菜！清爽不膩！.✨炒飯✨味噌湯✨雪米糍(附送甜品).✨加一服務費