影片
以上資料只供參考, 請與餐廳確認詳情
有關獎賞計劃
近期在IG 一直見到有人介紹呢間海鮮蒸火煱，又話不限時任食，所以就去幫趁下睇下佢咩料子！我地book左7:00，加埋傾下偈都成10:00先離開（聽阿姐講係一定要book位呀，如果你walk in入黎食，就要限時俾番個位其他有book 位既客，有book位既就確實係不限時）而家香港真係小有！蒸海鮮火煱係一個套餐黎既，一定每人有龍蝦半隻，之後揀4款海鮮，再揀要既肉，之後就會係食火煱任食，配料會係出面拎，有野飲雪糕任食，下面就係我地食既次序，侍應們都好好，全程幫我地蒸，同埋分菜俾我地。1）飲一個燉湯先2）飲燉湯時已蒸定一個蒸籠，裡面有沙白，蝴蝶蚌，都唔馬虎3）食龍蝦4）順序食我地揀既4款海鮮5）一粒蒸豬肉丸和一粒蒸蝦丸6）蒸一碟蟲草花滑雞7）紅棗糕8）精華就係係最底，所有海鮮既湯都係下面既南瓜排骨粥度其實食完上面個set都飽得7788，之後就會開始打邊爐喇，事先你已揀左要咩肉，會上埋俾你，你就可以食呢幾碟肉，和無限配菜！
繼續閱讀
起初這間食肆完全不起👁的，因有親戚到港，姑且試試呢間火鍋館，一開始每位即送上燉湯，接著蒸一鍋沙白，之後蒸煮🦞每人半隻，跟著八款海鮮任選四款，計有: （鮑魚，大蠔，龍躉件，象拔蚌，元貝，大海🦐，北寄貝和大蟶子），接著蒸鮮🐔，接著梅菜🐷肉丸，紅棗糕，海鮮套餐我以為完咗，但隨後又有多款湯底讓你可繼續打邊爐，而食到像八個月身孕般，也都是每人約四佰三十左右，如你一早預訂沒有時間限制，所以你可以一食三小時也冇問題!至於服務態度非常殷切!👍👍🤤😋😋🤤
繼續閱讀
公司食飯～老細簡既～之前聽講都話呢間野好好食架啦～可惜一直未有機會唔緊要啦～^_^今次可以試試佢啦～～呢到海鮮真係蒸得好好食～唔似出面蒸到過哂火～～真係多謝老細帶我地食好野
繼續閱讀
是晚 海鮮是新鮮，蒸出來的味道 可以接受。但份量是 定食沒有得添加。可以 加錢 再叫其他 但是妳火鍋是做放題。我不太明白點會有人 會追加。(後來明白了)火鍋放題 湯底選擇咗 芫茜皮蛋 好多芫茜 湯底完全無味 好似冇落鹽，自助火鍋料 對放題來講 可以話 是太太太普通了。豬 牛 羊 的質素 都是 比較普通 。 牛丸 魚蛋 魚皮餃 都是 便宜冰箱貨 反而蔬菜睇落好新鮮 。試了 烏冬完全 出事。最後 都沒有什麼 選擇 食了幾盤菜便完了。蒸海鮮 還可以 ，火鍋 可以 晤食。建議 店家 出一個 套餐 主力做蒸海鮮 。 現場好多蚊蟲 飛來飛去 有嘢咬。 可能因為是做蒸氣火鍋 而且又係地氈 又有活魚魚缸。““記得帶蚊怕水””
繼續閱讀
唔知大家之前有無食過同類蒸氣鍋，總是覺得同「🥘❤️」好相似，不過佢較優勝嘅地方係多了一個打邊爐嘅食法，所以價錢亦相對地提高了一點，可以理解嘅，以佢嘅食材亦覺得比呢個價錢係值得嘅。當日我哋一行6人，因為預早已訂位(記得一定要訂位呀！)，所以是無限時任食，坐低後首先一位女職員來介紹佢哋今晚有新鮮竹蔗茅根精，亦有其他罐裝飲品，之後就問我哋需唔需要先來一個刺身，老實不客氣問她是否包埋㗎？她說不是，是需要另外叫，由於我哋是第一次來食，我哋未知佢哋嘅食物份量，所以我哋話不需要了！她亦好好招呼話唔叫都唔緊要，因為佢哋嘅食材好新鮮，所以問我哋要唔要。跟著叫我們選蒸鍋的食材及打邊爐嘅湯底，其實佢哋本身就已經包了：每人一燉湯，記住唔好食啲湯渣，食咗一陣食唔落之後嘅嘢食，因為個湯勁多湯渣。花甲鮮甜多汁，份量都足夠。龍蝦新鮮可口。之後就是8揀4嘅食材，佢嘅食材係會變嘅，所以未必每次一樣本來是想選鮑魚(因每枱只可以選4款相同嘅食材)，但由於我哋其中一位一食鮑魚會胃痛，所以我哋只好選其他，最後我哋選了！扇貝、聖子、蠔、象牙蚌。我哋覺得扇貝、聖子同蠔(大隻多汁)都選得好正確，象牙蚌相對就遜色了一點。食到呢個時候就會轉打邊爐，豬、牛、羊這些都是任叫嘅，雖然是任食牛，但質素都唔差，有牛香呢盤影出來好似賣相麻麻，但我哋之後再叫了一次牛，嗰個賣相靚仔好多，似即叫即刨，豬就好似無乜味，羊就睇你鍾唔鍾意食有羊騷味嘅羊，在外圍亦有一些火鍋食材自選，我哋選了水魷、金菇、牛拍葉、鵝腸、響鈴、粟米，鮮冬菇...在一邊打邊爐嘅時間佢亦繼續蒸其他食物，包括蝦丸(彈牙)、豬肉球(好重肉味)及金針蟲草花蒸雞蒸到尾聲時會蒸埋甜品紅棗糕(啱我口味，唔太甜)就會在蒸鍋嗰邊煮粥底，由於是用剛才所有食材所蒸出來的蒸氣回流嘅水來煮，成鍋粥都十分鮮甜。見佢嘅雪糕寫住香港名牌，唔知係咪香港製造，味道都不錯，而且亦有多款口味有奶茶、芒果、朱古力、豆腐、雲呢拿...食埋雪糕就完滿了今晚嘅晚餐，大家都飽到攬住個肚落樓。樓面小姐在我哋臨走時叫我哋多啲來食，我其實食到中段時間已經約緊另一班朋友來食，其實我都掙扎咗一段時間，究竟寫唔寫今次食評好，因為驚食完今次之後佢生意火了自己會好難訂位，因眼見佢哋嘅地方唔係太大，招呼都唔錯，每個蒸嘅食物都由佢哋職員幫手控制時間，所以食到最合適嘅烹調時間，但我一向係食到好嘢一定要同大家分享，所以我都希望佢哋可以一路keep到呢個水準，提提大家如果星期五、六、日，公眾假期及前夕會加收$30一位。題外話佢哋嘅地理位置應該唔係咁易搵，所以如果無去開嗰頭嘅朋友可能都需要啲時間搵一搵。
繼續閱讀
您可能會有興趣的...