鰹烏冬 (寶華閣)

營業中

休息中

長沙灣向來都是臥虎藏龍之地，有很多不知名但用心製作之小店，近來最驚艷莫過於此烏冬店。.店內坐位不多，約十多個左右，就如日本的拉麵小店。有心朝拜之人早去為妙，免受排隊之苦。.心心念念的竹簾海苔烏冬沒貨，只好另選醬油烏冬（冷）配骨付雞。等了十分鐘烏冬來了，鋪滿了海苔、葱花、蘿蔔泥和薑蓉。烏冬呈方柱狀，掛汁力更強。一試傾心，十分有嚼勁卻不黏牙，有飽腹感。鏗魚醬油鮮甜，配菜清爽，簡單而精緻。.店員細心提醒骨付雞煎焗時間約廿分鐘，上菜時香氣四溢，呈金黃色，微焦。入口「喀擦」一餐，異常香脆，油脂和肉汁在口中爆發，再燙口也忍不住一口接一口。調味簡單，但咸香搭夠。配上爽口烏冬，很是出色！.看似一碗不多，卻是飽肚非常！期待再次光臨品賞其他特色烏冬！

最初見媒體報導，話呢間師傅特登响日本學整烏冬，又話新鮮乜乜乜。加上同事試過後，對之評價不俗。於是路過試它一試。有讚有伏！先講讚讚位一：烏冬口感突出店內自設機器，即整烏冬的確新鮮。口感煙韌又彈牙，又不失烏冬的滑。口感甚佳。是日揀了鰹魚咖哩烏冬配天婦羅雞件4件($88)。實情是入舖聞到有人食緊，非常香，於是點了。即使烏冬滑，但仍能掛到咖哩汁，咖哩汁夠濃稠之餘，烏冬並不油，值得一讚！讚位二：烏冬選擇多作為烏冬專門店，選擇甚多。尤其冷/熱、湯底、配料、小食皆有不同配搭。選擇困難症的大帝們應該要花不少時間來點菜。伏位一：甩皮天婦羅雞食完呢間，令我深感「雞並不適合做天婦羅」。首先，並不是說它不好食，而且雞仲幾多汁。但天婦羅炸皮根本癡唔住啲雞件，跣晒出黎。加上其實天婦羅味道與雞醃味不是太match，其實做返日式唐揚け或者南蠻炸雞會好好多。伏位二：小貴作為工商業區，長沙灣一般午膳消費約四、五十元。此店一個set的價錢是$69至$157，無疑是小貴了。相信在租金不高的情況下，有幾多落入食材成本中，不得而知。總結鰹烏冬雖有小小伏位，但瑕不掩瑜。尤其烏冬質感令人印象深刻，店主亦有禮貌。加上此區真日式麵食店不

海苔烏冬（冷） 💲49鰹魚湯咖哩烏冬🍲（熱）配天婦羅雞件🐣 💲88流心蛋🥚 💲12（跟烏冬）✅ 冷烏冬就爽滑煙韌😋仲有陣陣海苔味🤔食落有清涼既感覺👍🏻夏季一絕🏖🍧✅ 咖哩烏冬比較軟身🥴相對無咁煙韌 但勝在咖哩汁夠濃😤可以掛到係麵上面🧲✅ 天婦羅炸雞既炸皮略薄 但係炸得幾好 口感好新鮮🤩❔餐廳環境比較狹窄⛺不過就有日本街邊檔既風味🏮👅Taste：3.75/5💰CP值：3.25/5🙋🏻‍♀Service：3/5👁‍🗨Stylishness：2.75/5

和朋友經過見到條隊 約7至10人左右 賣點係手打烏冬 有點想念在東京食過的手打烏冬 便排隊試一試排隊時店員給你菜單和落單 大約等左20分鐘左右 便有位了坐低幾分鐘 我的烏冬便送上來店內環境舒服乾淨 椅側有個勾可以掛手袋 唔使抱住個袋食咁辛苦講返個烏冬先 我點左個雜菜鍋烏冬湯底味道恰到好處 不會太濃 又不是淡如水 原鍋熱辣辣 仲好沸騰上桌口感不錯 同我係東京食個間店差唔多 下次會再試試其他

在荔枝角工作後想在當區覓食，看到烏冬店裝修有特色，又想起此店時常有人排隊，更得到了某些雜誌推介，於是決心入內一試。餐廳空間狹小，除開放式廚房和一些吧枱凳外，再無其他空間，我們進內，甚至要特地打開其他門窗，方能就座。這種設計的好處是廚房人員對食品製作過程一目了然，不好處是員工受眾人目光和一名似是管理人員的女性監察下工作，當日員工樣子看來不太好受，而且廚房人員也不太善於應付顧客，或因而令客人感覺他們的士氣不好，目光也不太友善。平日他們有提供套餐，我們排隊時已經在紙上填好想吃的食物，一入內店員就開始製作我們的食物。海苔烏冬 配 味噌焗鯖魚 ($79)賣相不太好，第一眼感覺烏冬煮不開，看似黏黏的質感，似乎會出事。吃下後稍稍改觀，烏冬煙韌有硬口，但作為冷盤，烏冬不夠冷，而且我吃不出這種綠色的烏冬和普通白色的烏冬之間的分別，份量偏細，至少我個人只吃這烏冬一定不夠！另外還有整條焗鯖魚，看著員工剪開包裝，解凍，加上調味料，然後放入焗爐，再送到位前，的確多了一份安心；不過鯖魚肉質乾硬，味道普通，外層倒是有味，但中間吸不到味噌的味道，不能說難食，但只能說合格而已。更重要的是，考慮到其進取的價格和偏細的烏冬

對上次食 #鰹烏冬 都有2年一直都想再返兜，當然一直都未有成事啦⋯有晚喺長沙灣好惆悵諗緊食乜之際鰹烏冬 就出現眼前🤩諗都唔諗就要咗 #鰹魚鍋燒烏冬 (熱)配料望落無甚特別，但勝在用料靚單呷一啖湯就飲到食材嘅原味湯底用咗鰹魚 + 白味噌，唔會過鹹烏冬依然好滑身又彈牙#醬油烏冬 (冷)冷烏冬又係唔會令人失望，佢係屬於煙韌口感烏冬底層有濃縮嘅鰹魚醬油，加幾滴檸檬汁會清新d，同時會覺得無咁鹹。加埋蔥粒，令整碗烏冬好食度再升級幾倍🤤#溏心蛋 好食#天婦羅 🍤 粉漿做得好薄，而且又夠熱，正！長沙灣店門口有級，輪椅入唔到，多謝老闆肯開枱係出面...但聽聞遲吓有新動向可能會有改善其實買外賣亦得，食店會提供靚靚食物盒，食客只需交低按金，然後清洗完交還食店就可以喇。環保呢～#四個轆Look #轆在九龍吃吃喝喝 #長沙灣 #元洲街 #日本菜 #烏冬 #鰹烏冬 #相機食先 #輪椅♿️ #無障礙 #吃喝玩樂 #hkfoodblogger #hkfoodie #wheelchairaccessible #udon #cheungshawan #japanesefoodinhk #吃貨 #食好西 #foodporn

長沙灣最近多了不少新店進駐, 這間觀塘有分店的鰹烏冬也是最近人龍隊食店之一, 眼見網上有讚有嘆剛巧經過就來一齊試試真偽。先說舖面, 座位不多, 以L 形Bar 檯十個客位形式經營, 冷氣風口位及門口進出位置的確是這店的扣分處, 但畢竟長沙灣人流不算旺的小店來就也是合理。員工方面反而要一讚的是門面靚女姐姐, 等候時除了告知當日綠茶麵已沽清外還有詳盡解釋半湯冷熱烏冬的分別👍 店內開揚完全見到製作烏冬的透明度。三文魚籽醬油烏冬非常吸睛, 烏冬的彈性令人滿意, 同伴的鰹魚半湯也不差, 只是半湯較正常的鰹魚味稍淡, 濃味控建議選正常熱湯, 天婦羅口感與糖心蛋的味道也算不錯, 有時間等候又想試試烏冬絕對推介。溫馨提示, 店內只有溫水(秋冬也不怕得冰水飲), 如要飲汽水類飲品請自行於門外汽水機購買進店飲用。

🍜手打海苔竹簾烏冬($49)大麥烏冬（$49）店員話呢款烏冬同大麥烏冬都係屬於 自家手打系列, 所以一日賣十幾份左右,我同🐻大人梗係唔執輸，即刻叫返兩碗果然係手打，面質屬於煙韌偏有咬口 ，隱隱食到少少海苔味，加埋個冷醬油，感覺清新健康，不過我同🐻大人都鐘意食“軟飯”😂所以烏冬對我地黎講就需要多少少牙力食至於大麥烏冬, 我諗應該係原味咁解,因為冇乜特別味道食到,係純粹食佢個口感,所以如果真係要試自家手打烏冬嘅話,我會推薦海苔烏冬多啲骨付雞（$42）其實應該係七味粉焗雞髀🤣預要預先同店員講定，因為佢係即叫即焗，雞脾上檯熱辣辣，非常Juicy👍而且味道剛好，入味得黎唔會死咸，如果個皮焗得焦脆d就更YiChiBan喇！!.如果以街坊日式小店黎講，裝修同氣氛都幾似去左日本😍而且價錢合理，值得支持

之前喺觀塘食過一次，而家開左喺長沙灣，行年宵前都要幫襯下先~去到剛剛有兩個位，店舖唔大，全部bar枱位。一坐低就叫左個三文魚籽冷烏冬+關東煮 同一個月見湯烏冬+骨付鳥，好快就有得食lu. 店舖主打自製烏冬，食落都真係幾彈牙！份量都多，愛烏冬之人會大愛！另外個骨付鳥，即焗雞脾，都幾大隻，又入味，好juicy好好味feel到係用心製作，同埋hk真係冇咩好食嘅自家製烏冬，所以對我泥講已經係好滿足了！今次去到冇海苔烏冬，希望下次有啦

烏冬唔係我嘅最愛，但自佢開業以來每次行過都想入去試吓，可惜緣份未到。今日喺附近染完頭髮已經三點鐘，好肚餓！獨自一人勇闖！成間鋪無人得我一個，L形吧枱共十個位，有水供應但無茶，想飲其他請到門口自動販賣機！唉！！我點咗鰹魚清湯烏冬(熱)骨付雞呢度主打自家製烏冬梗係要試吓啦！不負所望，烏冬的確唔錯，爽滑彈牙配海帶及蔥花，鰹魚湯都ok但味道偏淡。加埋一啲薑蓉，令整體味道再提升一些。至於隻雞脾🧐應該唔係新鮮雞。佢話即叫即焗需時十零廿分鐘，熱辣辣皮脆肉嫩嘅，有陣蒜香味就冇咩雞味，感覺似快餐店咁囉！加啲七味粉再滴啲檸檬汁就好啲啦！講開雞呢個字，係日本見啲鋪頭係會寫‘鳥’㗎喎！幫襯完之後嘅感覺係，除咗樽七味粉和牆上掛著既御守之外，一啲都唔日式。唔洗等位排隊還可以喔！

行經長沙灣一帶，見到呢間昏黃燈光，裝修好有日本特色既烏冬店，吸引左我地目光BAR枱形式小店好有日本拉麵店既風格，而且座位唔多，大概10個左右。今次晚上7點前到，所以唔洗等位，但都坐滿客人。開放式廚房，睇住製作過程，乾淨企理睇餐牌揀野食喇本來想試試海苔烏冬，估唔到已經售罄！唯有有機會再試啦。首先，係冷竹簾烏冬。呢度既烏冬口感比較硬，好有咬口，的確同出面食既幾唔同。配菜係天婦羅雞件，即叫即炸，熱辣辣當然好好味，而且份量適宜。另一SET係冷大麥烏冬配關東煮。大麥烏冬會再硬身少少，麥味唔算太突出。關東煮有蘿白、椰菜卷、竹輪、蛋，都幾入味，唔錯！

開張幾個月 菜色選擇唔多 主打烏冬格局簡單 日本小店裝潢 bar枱位用餐全店得10個位 所以經常經過見到店外排長龍 我地1點黎 係擋風棚等左半個鐘店員話紫菜烏冬賣哂 排隊已落單揀左骨付鳥 鰹魚湯鍋仔燒鳥冬 同廣東蠔鳥冬雞脾又柴又冇味 食落似係焗爐翻熱 偏干煱物烏冬除了熱 食落一無是處 湯底似煲年糕/ 焯菜剩下既水 淡而無味店員出菜俾錯炸雞 食落似麥樂雞 店員即時換反炸廣島蠔 烏冬彈牙 有筯道 鰹魚湯底偏酸 配幾條小魚干 酸瓜 還可以吧 on average 蠔炸皮薄 不錯總括來說 要排隊食既話 唔會有第2次 唔使排隊都要諗下先 烏冬口感可以 有咬口

舖頭大約7-8個位，所以要等。烏冬係自家制，喜歡煙韌有咬口既朋友會好鍾意，個鰹魚湯係正既！👍 我點既月見烏冬係熱湯再加生雞蛋，因為湯夠熱，所以雞蛋攪伴之下都會熟少少，忍唔住飲埋個湯。好飽，一路到訓覺都聞返果陣味😅天婦羅中規中矩啦，炸漿係脆既，不過個茄子索曬油😥唔建議速食手，因為要等同埋花時間咬，既然排隊都等左咁耐，點解唔俾多少少時間慢慢咁欣賞精心制作既食物呢？好岩香港人食呀，但我就唔會返泥啦，阿婆d牙又唔好，個胃又唔係咁好，出盡力去𡁻碎條烏冬（仲要幾大碗）對阿婆泥講太攰，但可以將平日返工既壓力同不滿𡁻曬出泥！😆成件事好正面呀！

香港少有自製烏冬！🥘～《鰹烏冬》長期見到間野要排隊，所以特別6點去食！但都排左陣😂好感動，香港竟然有新鮮整嘅烏冬，食得番之前四國嘅感覺🤡🎈月見烏冬+骨付鳥 $83: 係鰹魚湯底加多粒生雞嘅烏冬！對於我黎講 蛋汁同烏冬係絕配，決一不可！烏冬好煙韌，配埋蛋汁食好滑～👍🏻🎈骨付鳥 不過不失啦，外皮都煎得脆，唔乾～🎈鰹魚湯鍋仔燒烏冬+炸雞件 $113: 連鍋上 所以食完都熱辣辣😂 成鍋野最好味嘅配料竟然係肥牛！🎈炸雞件：一吸落去，係脆嘅。但有種好熟悉嘅感覺⋯係麥樂雞！勁似，口感同味道都好似🤣🤣🤣 .👅：6.5/10💰：$80-130🎏：長沙灣元洲街450/464號寶華閣地下4號舖.#烏冬 #udon

窩夫很愛吃烏冬，一直很想試觀塘的鰹烏冬，等到它在長沙灣開了分店才有機會光顧。鰹烏冬長沙灣店的地方不大，只有十幾個吧枱位，繁忙時間店外出現人龍是窩夫與蝦子餅意料之內的，一邊排隊一邊研究餐牌。窩夫與蝦子餅分別點了一個冷烏冬和一個熱烏冬。鰹魚湯鍋仔燒烏冬(熱)($78)先上桌，配料有日本雞蛋、牛肉、獅子狗卷、冬菇和大蔥等，十分豐富。窩夫個人覺得鰹魚湯底味道過鹹，但烏冬絕對是一試難忘，餐牌上寫的強烈韌性和彈性都做得到。廣島牡蠣烏冬(冷)($115)的炸牡蠣蠔味超濃，稍嫌油份較多。冷烏冬比熱烏冬更得窩夫的歡心，鰹魚醬汁沒鰹魚湯那麼鹹，味道很好，烏冬彈牙煙韌，太好吃了，很有日本地道的風味。骨付雞($42)是入座後才加點的，因為鄰桌的那碟賣相太吸引。雞髀很大隻，燒得剛剛好，肉質嫩滑，肉汁都被鎖住了，驚喜之作。