鰹烏冬 (寶華閣)

營業中

休息中

好耐未試過咁高度推介一間鋪頭！食物真係勁高質同價錢又係唔貴，本身已經係長沙彎人氣熱店《鰹.烏冬》諗左好耐介唔介紹好，因為唔想咁多人排隊🤣，hahahaha,但好野真係要必推介呀！！！絕對唔係廣告成份😂！-鋪頭唔算好大，假期排咗半個鐘左右但好嘢係需要等待嘅😚，好可惜想食嘅海苔冷烏冬賣晒😫，所以就叫左《竹簾冷烏冬》試到麵條原味，粗身麵條勁彈牙煙韌沾上鰹魚醬汁食好開胃😍，凍冰冰啱晒夏天食，另外叫左一款《鰹魚半湯烏冬》熱烏冬，口感比冷烏冬稍為軟腍一點，但湯底係超濃郁，以鰹魚乾、昆布、 同小魚乾熬成，感覺每一啖都飲緊佢嘅精華🤭加上半滿湯汁比熱湯更濃郁，重口味人士真係必試呢款！-見就咁兩個烏冬有啲寡所以就叫多兩款小食，《骨付雞》勁大隻燒雞髀，雞皮上面灑滿黑椒碎及蒜蓉，燒得雞皮好脆肉質好嫩滑，切嘅時候仲有啲雞油溜出嚟🤤，《味噌焗鯖魚》怕食魚嘅人都愛上，因為一啲都唔腥，食落魚油味勁香同勁滑，好想再叫多條！😻總括嚟講呢間野真係好高質素，已經心思思諗住去再食第二次，希望下次唔好多人排隊同叫曬我想食嘅海苔烏冬🤣！

今日黎到一間充滿日式風味既手打烏冬店食lunch！店舖面積唔係好大，所以都預左要等一陣啦，等左大概十五分鐘到，終於入得！食好野都要等下既，為既就係品嚐野食個種悸動！呢到可以先挑選冷烏冬或者熱湯烏冬，再揀餸！骨付雞+海苔冷烏冬其實我本身係一個熱湯稻庭烏冬既愛好者，所以今次絕對係抱住試新嘢既感覺黎食，因為今次揀左海苔冷烏冬，加上用上手打讚岐烏冬，充滿期待同新鮮感！果然係.....不負眾望既！首先我真係要讚下個手打烏冬！絕對係會係日本品嚐到味道黎，每一條烏冬係爽口彈牙，十分滑溜，而且散發著淡淡海苔味，沾上特配醬汁，有一種好清新既感覺！烏冬麵真係一流！至於雞方面，同樣係有心機，面層加入類似七味粉調味，煎到金黃色，入面好juicy，份量多多！價錢黎講算貴，不過質素黎講值得既！

初初我只係上網搵下有近排有咩麵食可以食下。咁就比我搵到依間烏冬店，而我係由觀塘開始食起，直至知道佢地有係長沙灣有開分店，終於搵咗日放工去再食。一入到舖面，就會見到師傅整緊烏冬比其他人客人，成間舖頭都充滿烏冬嘅味道。而我同朋友就各食咗一款以我所知，店長佢地係特登去到日本，拜日本嘅師傅為師，目的就係希望學識之後將日本嘅美味傳入香港，比香港人一試正宗日本烏冬嘅感覺。不論機械、原材料、碗碟擺設佢地都係日本購入，就係為咗還原返日本嘅味道比客人。其實放咗咁多心機落去一碗麵，一定唔會難食去邊，如果住附近或都附近返工嘅你，都可以去支持下啊！P.s. 原來放工時都好多人等，我食完一岀黎有條10幾人嘅隊，要食嘅都要早啲去到😂

今日Lunch同事提議去試下依間日式烏冬，一入到去真係好似置身係日本一樣，食客坐住高櫈圍住吧檯，真係別有一番風味！知道老闆係去左日本拜師學藝，所以對佢地既烏冬好期待！咁我嗌左海苔味既冷烏冬，一上菜就見到草綠色既幼烏冬，食落又唔太覺有海苔味，咬落彈牙同煙韌，加埋混左芥末既鰹魚醬汁，食落都好開胃，但又未去到好好食，反而同事嗌既天婦羅雞件同關冬煮就好有驚喜，天婦羅雞件既天婦羅粉炸得好薄好薄，咬落好脆，重點係入面既雞肉鮮嫩多汁，調味亦都做得好好，超級推介！關東煮亦煮得好入味，見到廚師好細心切走白蘿蔔既邊邊，令到白蘿蔔煮既時候更加入味，食落夠腍身同好有本身既甜味。

日式味道的烏冬去左試長沙灣隱世既鰹烏冬，今次我地叫左醬油烏冬、炸雞天婦羅、炸多春魚，同埋綠茶烏冬。排左大概20分鐘左右就可以入去，入到去位置比較窄。烏冬好有彈性，好有咬口，醬汁亦十分濃，係香港食過最好食既烏冬，仲有好多唔同口味既烏冬揀，揀套餐抵食D。炸雞天婦羅在香港算是一流，皮薄多汁。但日本九洲大分縣既炸雞差了不少，我諗係雞既質素問題多過製法。可惜價錢貴左D，唔係真係可以成日食。味道:9.5環境:5.5態度:6性價比:8總分: 29評級: B(良好)

睇左報紙訪問之後, 放工即管由觀塘走去長沙灣試下這間食店，首先店舖較細，座位是bar檯，冇椅背，坐得唔舒服和冇位置掛袋或放袋; 一落單，叫了一碗熱的牛肉湯烏冬和煎錆魚 ; 食物都很快來到面前，牛肉和烏冬是分開兩個碗，烏冬來時的湯只是微熱，不是熱騰騰的，食一口烏冬，口感冇什麼特別，不覺有彈牙滑溜，反而覺得有點硬，湯冇麥味; 牛肉都幾肥，名正言順是肥牛, 有點老 ; 而煎錆魚尚可，但好細條，主要是飲清水，飲品只有一種，小食也是得2-3種, 總括來說5分滿分的話, 我只能給2.5分‧試一次可以，不值得由一區走去這裡食東西。

因為某些的雜誌之前推介這間烏冬我覺得很吸引，所以便一心前往試食，這裡的座位數量並不多， 排隊等了大約20分鐘才有位，我們2人叫了鍋燒牛肉湯烏冬及月見天婦羅湯烏冬，座位只是十多個，是開放式厨房可以清楚見到煮烏冬過程，店鋪員工煮碗面好像雞手鴨腳一樣 ，完全唔熟手，而且等好耐才有食物可以食，烏冬口感尚算煙韌，但湯底又淡又冇乜味，牛肉跟烏冬是分開上的，牛肉又鞋又韌又冇汁，天婦羅個粉炸到又厚又硬，完全不值得這個價錢，不會再試！！👎👎

假日黎到長沙灣，爸爸推介黎一間手打烏冬店，去到門口覺得真係幾似日本嘅小店，門口有汽水機，可自行購買～店內環境小迫，但有親切感～我地係當食tea，可惜當日去到好多都無哂，最想試嘅海苔烏冬，無之後嘅大麥烏冬，又無～到最後我叫左鰹魚清湯烏冬，清湯關係，唔算特別，但烏冬真係好Q彈加埋佢任加嘅天婦蘿脆脆好好味～爸爸叫左三文魚子冷烏冬，味道不太突出，較淡～同埋唔知係咪因為凍過嘅關係....本身已有咬口嘅烏冬變得更硬我地重叫左個小食雞肶～要等20分鐘嘅製作，送上黎發覺佢蒜味好濃，配我地本身嘅烏冬一齊食幾夾，肉質都嫩滑，算大塊，不過都唔平總括覺得熱嘅湯烏冬嘅麵質較佳～

日本餐廳好多時都係面對住廚師外面排滿隊 店內簡單設計估唔到香港都可以有食店 帶有咁嘅風味今次去左食韌度十足的烏冬烏冬要煮得好並唔易 煮得耐怕佢唔夠淋 煮得唔夠時間怕佢硬先係排隊時點定餐 再入座師傅就係開放式廚房下 煮烏冬 炸天婦羅食客可以全個過程望到 然後食物就進場慢慢品嚐三文魚籽烏冬+天婦羅三文魚籽同蟹籽味道唔會有腥味而且冬烏冬夠晒彈牙 吃到烏冬的煙韌質感 味道簡單又滑加上檸檬汁 蒜香 為烏冬帶來一陣清新味 夏天食真心一流到天婦羅 即炸又脆 一碟多款有炸蝦炸茄子炸多春魚仲有炸冬菇一次過食到咁多種 好抵食要等一陣先好食 要隔油紙隔下油淡淡的味的 可以一戰再戰喱到烏冬咁好食 難怪長期也不乏捧場客

小女子對烏冬沒有特別要求, 只記得十多年前去日本大阪一間有名的烏冬專門店品嚐一碗烏冬時，上枱的碗内只有一堆碎葱粒和一片超薄豚肉片伴清湯烏冬。無知的我心想，一條菜也沒有，巳收1千多日元。後來，見識多了，才知道這才是食的文化，務求食客專心品嘗烏冬的味道及質感，而不是為了生意，只追求多源化的食物供應，而使食客忘記了這間是烏冬專門店。一入夜就有人龍排隊選擇也很多，價錢合理鰹魚清湯烏冬$45~手工即製烏冬,口感，質感。巳有日本的質素。再配鰹魚清湯。正希望小店生意興隆，仍不忘初心

經過長沙灣被烏冬二字吸引很愛吃的我當然要試試一入門口吧枱試坐位（矮小朋友可能會坐得比較辛苦😭雖然已有一級放腳位）即時有店員為你介紹～服務不錯，經店員介紹後我和男友各選一冷一熱烏冬我的是咖哩鰹魚湯烏冬～另一個是三文魚籽冷烏冬 先說咖哩烏冬～咖哩味濃而不算太「杰」，愈食亦愈重味～烏冬彈牙有咬口～真的不錯！另一個三文魚籽個人和男友覺得一般 ，三文魚籽感覺不算很新鮮～混合醬汁口感有點不夾～不過冷烏冬的烏冬味在未混合前非常突出～比湯烏冬更彈牙😋😋我們點的是跟一個小吃的～我跟的是骨付雞～雞皮面上的黑椒及蒜味太濃，不過肉質嫩滑另一個鯖魚很好吃～鯖魚味很濃不錯我最後還點了一個半流心蛋～不過不失整體上說烏冬是真的很吃～可能配上清湯效果更佳👏🏻👏🏻👏🏻

同事帶我Lunch hour食好西...食出色烏冬。拉麵就食得多，烏冬就真係少食！鰹烏冬個格局同d拉麵店都似，L型圍住個廚房坐。位置唔多，好好彩岩岩有一班人一齊食完走，所以唔洗等位。如果多人，就可能有排等。睇下餐牌就知唔簡單，首先食烏冬都有得揀凍食定熱食，兩種食法都再有唔同選擇，要選麵質、配咩主菜，重好體貼咁有餐牌介紹。我叫左一客凍食鰹魚半湯烏冬，另外聽同事介紹，配隻雞脾（＄77）。聽同事講，d烏冬係間店新鮮用機整出黎。凍食烏冬，烏冬質地好彈，好有咬口。味道清清地、唔太濃，配合大大隻燒雞脾就岩哂。同事叫果客係三文魚籽烏冬（凍）配天婦羅雞件（＄111），都好好食！不過就貴dd la....總括黎講，我覺得係值得推介的。價錢上又可以自己調節，鐘意平平地食又得，鐘意豪食又得，任君選擇。

在朋友介紹下來到一嘗烏冬，晚上8時的繁忙時段，果然要排隊，約等4至5個人才有位。店子細細，約十個位成L形，一定唔係坐得舒服o個種。感覺食完就要走，因為出面仲有唔少人等緊位。雞脾烏冬：先上烏冬，好彈牙，亦可以話好煙韌！烏冬迷會鍾意。流心蛋是另加的，其餘配菜没有特別。等待雞脾的時間約20 分鐘，已將烏冬食完。雞脾比預期的瞬息，聞落幾香，但肉質唔夠嫩滑，除了蒜味，食唔到雞本身的香味，亦偏淡，可以說是失望。

座位真係太小。不過烏冬麵確係有驚喜。好彈牙煙韌。鰹魚湯底清清哋。溏心蛋就唔太特別。洋蔥牛肉好好食，配烏冬一流！門口可以泊車都幾方便。烏冬價錢適宜。小食相對頗貴。總括嚟講，份量望落唔多，不過食落好夠飽，我會再次幫襯。

出面裝修已經好有日本小店feel座位唔多得12個 lunchtime去要等一陣餐牌有十多款烏冬底揀有熱有凍嘅冷烏冬兩個人叫咗兩個烏冬 加一個小食做套餐share月見烏冬都幾多客人選擇 有隻生蛋同熱湯烏冬一齊食湯底係鰹魚片煲嘅 唔算太特別小食係關東煮 味道都唔錯有好淋嘅蘿蔔 溏心蛋 魔芋 同菜福袋淨一個醬油烏冬 原本想試三文魚籽烏冬 不過嗰日無🤥不過其實個汁底一樣係醬油凍烏冬質地煙韌好多！咬極都未咬完咁好滿足 好好食個醬油味都唔錯🥰