鮮選壽司 (已結業)

仲記得，”鮮選壽司”一出嗰陣係幾震撼。作為Donki附屬壽司店，好多KOL一開始將佢捧到上天，例如Wasabi係如何新鮮。冇幾耐，一下子就跌落凡間，大量網民認為鮮選名不符實，甚至比爭鮮還要差。當黃埔店都完全唔使排隊，生意好差，我就知呢個係時機了。同壽司郎一樣用pad落單同用火車上菜，呢度嘅質素唔算差，最少好過元氣。好多壽司組合都唔貴，35元4舊一set，好抵叫。壽司飯係啡色，即係用紅醋做，比較濃味。魚生水準平均，唔會大驚喜，但一啲都唔失禮。有時食嘢，就係唔想排隊。排隊店，一樣有機會中伏。不如抱住中立態度幫襯，話唔定可以發掘到好多寶藏。

想食壽司但唔想排隊，每次都會嚟黃埔鮮選壽司！嚟到可以直入0等待。我個人覺得黃埔的鮮選係好食過荃灣個間，所以係唔想排隊的情況下，黃埔鮮選係個好選擇！今朝食左早餐飽飽地，問一問得知今日假期都仲有午市早餐，所以就少少地叫左個壽司午市套餐。我叫左6件壽司套餐，包左一個細腐皮烏冬及小沙律。6件壽司都唔會畀啲hea 野你，有赤貝，三文魚，大蝦，吞拿魚蓉及玉子。壽司食材新鮮，壽司飯同壽司郎有少少唔同，係醋飯。最驚喜係佢啲魚生係大塊過啲飯好多，非常有誠意。烏冬彈牙，腐皮夠甜。沙律就普通野。呢個餐68蚊+1 都算抵食。男朋友叫左9件壽司套餐，多左油甘魚，吞拿魚，魷魚及螢光魷魚。同樣係配一碗腐皮烏冬，咁樣先$98+1, 同樣抵食！

今日係紅磡行開街，口痕想食壽司就入嚟DONKI集團嘅鮮選壽司食幾粒壽司😋😋我第一次食感覺店舖好乾淨，但員工應該就比較少，所以冇乜人都要等一等啲員工過嚟服務可以現場即刻買一盒新鮮刺身魚生一齊放喺枱食，叫咗幾點壽司屬於正常唔太差，但你話係咪好出色又不是🤣但以佢嘅價錢選擇來講種類其實唔多，但佢嘅質素似日本平價嘅迴轉壽司不過黃埔分店座位都真係幾舒服，同埋你可以喺Donki超市購物到行到攰就過嚟坐吓休息食吓壽司🤣

岩岩新開張都試過一次，對比同區嘅壽司郎而言，佢選擇較少，部分魚生亦唔太新鮮，好明白點解成日唔洗等位，所以一直冇encore。今次行過見到佢推午市套餐，就俾多次機會佢啦，$58再加一，有個魚生飯、細烏冬同沙律，以依個價錢，仲要依個地段黎講，真係相當划算。角切魚生飯：魚生同飯比例令人有少少驚喜，可以大啖大啖咁「爬」三文魚，感覺爽皮。腐皮烏冬亦都唔錯，半塊腐皮唔會過甜，湯底亦鹹淡適中。仲有個細沙律，蕃茄仔同生菜口感亦新鮮。

⭐️食物選擇比壽司郎少好多，但依間就唔洗等位。⛩️環境日系日本風為主，卡位闊落坐得舒適，迴轉位係無壽司。用平板點餐，但平板速度比較慢，同每四樣就要叫先比較麻煩。推薦食[👍🏻藍鰭吞拿魚拼盤$48]有齊晒赤身、中拖、大拖件件都正好滿足！[👍🏻日本帆立貝2件 $22]係北海道產，好大粒好鮮甜。[👌🏻三文魚2件 $15]起碼好食過壽司郎既三文魚。不推薦食[👎🏻赤貝2件 $22]赤貝呈現淡黑色，第一次上枱仲要一件大一件無咗一半，叫過從上先正常大細。[👎🏻山葵八瓜魚2件 $12]無wasabi味，好失望。💁🏻‍♀️服務每枱都無熱水機，每次加水都要禁鐘叫服務員，好似飲茶咁。

真係好失望…唔洗排隊都估到唔會好壽司郎咁好食 但冇諗過連刺身都唔新鮮…最離譜係生蠔同海膽生蠔放耐左會出黑色水😵海膽有唔新鮮嘅”壓”味🤢其他吞拿魚都連魚味都冇😵‍💫

父親節的晚上 下午6.30 經過這店 竟然不用等位 便在此吃晚餐回憶當年荃灣店開幕時 十分熱鬧 至少要等兩小時才可進入用平板或手機點餐 竟然有多款食物未能供應 共點了11款 首先夀司飯比正常的細至少1/3 大拖羅 池魚都帶腥味 最差是海膽夀司 竟然有苦味 其餘的勉強可以 只有和牛夀司是好味的埋單2人451 一點也不飽 總結是外帶爭X夀司都比它好 離開時見到仍然是不用等位 而隔鄰的和X （我覺得很一般）也有人在等位 由此可知我今次真是超級中伏哩

簡單講，失望🥲上年單丁過平安夜🎄諗住食好啲諗住間野開左咁耐不如嘗個鮮反正度度都係人😅🍣🍣嗱我叫嘅就係你見到咁多啦🍣🍣又唔可以話佢好差嘅🍣🍣姐係佢啲魚算都新鮮嘅冇臭味🍣🍣但係肉質一食落去真係質素偏平呃唔到人肉冇咩好鮮甜嘅味兼有啲鬆散咁同一個價錢去壽司郎應該會食少啲但係開心啲雖然呢度真係一分錢一分貨埋單百零蚊姐😂😅但係想食好野真係冇得撞咁多彩😂🙏🏼肥仔指數：🐒🐒🐵/5🐒滿分 #foodiehk #food #美食 #美食家 #肥仔覓食 #食物 #hongkong #hk #hkig #Instagram #食家 #食評 #香港 #香港人 #hker #hkfoodie #delicious #foodblogger #sensensushi #donki #dondondonki #sushi #sashimi #壽司 #花之戀 #三文魚 #吞拿魚 #salmon #tuna

鮮選壽司雖然無壽司郎咁多選擇，魚生整體亦無壽司郎咁肥美，但勝在唔使排好耐隊，就可以食到價錢大眾化的壽司，魚生亦都新鮮。我地兩個人叫咗25碟壽司，推介有五款。推介以下五款：(推介)吞魚拼盤$37，呢款有齊大拖羅、中拖羅及赤身，極度滿足！(推介)原條海鰻$27，足足係普通鰻魚壽司尺寸的4倍，非常抵食！(推介)火炙鰭邊 $22，鰭邊油脂豐富，配紫蘇葉好美味。(推介)火炙藍鰭吞拿魚大拖羅 $27，炙燒後魚油味好豐富。(推介)火炙藍鰭吞拿魚赤身 $22，有兩件好抵食。

我最近去了鮮選壽司，這是一家以donki壽司為主的日式餐廳。☺️我都order了不少壽司，其中最令我印象深刻的是他們的拖羅，每一片拖羅都非常新鮮，口感十分鮮美。除此之外，他們的米飯也非常好吃，口感柔軟，但又不會太軟爛。😋😋另外一道我試了的菜品是蝦三味壽司，這是一道非常經典的日式菜品，虎蝦的肉質非常軟嫩，而且加上壽司米的香氣，讓整道菜品更加美味。如果你喜歡蝦鰻魚，這道蝦三味鰻魚壽司絕對不會讓你失望。🥰🥰另外一道我也推薦的菜品是炙燒鮭魚壽司，這道菜品是用火炬燒烤過的鮭魚，口感非常有層次感，而且加上一點燒烤的香氣，讓整道菜品更加特別。🔥🔥甜品草莓大福很特別很出色💞💞💞鮮選壽司的壽司新鮮度和口感都不錯，店內的裝潢非常簡潔明亮，讓人感覺非常舒適，但性格偏高和選擇不夠多，吃過就算了😌😌😌

雖然收工時間朋友一早去咗拎飛， 但因為好多人，所以等咗一陣先入得去。價錢主要分5種： $12 ，$17，$22，27，$37壽司質素以迴轉壽司嚟講其實覺得好好，赤身中拖大拖食落係無筋而且都幾肥美。其他壽司就一般，正正常常無咩腥味，整體嚟講都係新鮮既。呢到一品料理既款式相比另一間迴轉壽司就少好多， 有燒三文魚頭$37，燒三文魚腩$27，茶碗蒸$17而蟹肉茶碗蒸就要$37。甜品相對地都係比較少，有北海道軟雪糕$17同水果大福$37。總結嚟講唔建議排隊去食，如果經過又見無人排都可以入去食既😅

係黃埔行下，晚餐唔知食咩好，行行下DONKI隔離係DONKI迴轉壽司店，唔洗排隊冇乜人(?!)，價格又OK，一於試下。餐廳面積頗大，木系為主，感覺柔和，有吧枱及卡位，我們3人坐卡位，卡位闊落坐得舒適。迴轉壽司，大同小異的格局，都講下，tablet落單，order後輸送帶送上壽司。火炙鰭邊壽司，$22，油脂較豐富香口，口感脆爽。山葵八爪魚鮮選壽司，$12，正常水準。油甘魚壽司，$22，微微的甘甜味。藍鰭吞拿魚赤身壽司，$22，肉質實有咬口，正常水準。三文魚拖羅壽司，$22，都幾肥美。吞拿魚他他壽司，$17，吞拿魚口感柔軟又香口。帆立貝壽司，$22，呢個價都幾抵食，帆立貝大件少許鮮甜。見網上呢間都幾多負評，但食物又真係唔算係差，中庸，火炙鰭邊都幾好味，服務態度正常，唔知係味因為冇乜人改善左定點。

呢間係Don Don Donki開嘅壽司店，lunch time去都唔使等喎，壽司款式就冇壽司郎咁多款，呢度賣點係質素，所以價錢都唔平，我覺得啲飯最好食😆有調味同好似手握咁，有口感不過叫咗件厚切三文魚，塊刺身同普通差唔多，都唔係厚切嘅🤨

📌 鮮選壽司 - 紅磡黃埔天地時尚坊(第2期)地庫B1-B8 及 B27-B32號舖🗓(4/12) 星期日 ⏰ 下午2點左右💈特式：今日經過黃埔間鮮選壽司，見到門口一個人排隊都無，入面又得2~3枱客，都估到有可能中伏架喇，但因為我到而家都未試過，所以都決定同大家去試下。🥩🍔🌭🌮🥗🥯🥘🍲🍝🍣🥟🍤🍱食物：今日兩個人夾埋叫左15碟壽司，咁我就重點同大家介紹幾款比較有特式嘅壽司，等我同大家講下Donki味道先。本月精選壽司拼盤 - 入面有3件壽司包括(赤蝦/牡丹蝦/伊勢龍蝦)，兩款蝦無乜特別，食落都分唔到有咩分別，伊勢龍蝦就ok嘅，幾新鮮，另外價錢都好貴下，要成$84蚊一碟。藍旗吞拿魚拼盤 - 入面有赤身/中吞拿/大吞拿各一件，用料都算新鮮，但就切得好薄身，食落都無乜口感，不過$37蚊一碟就唔算貴。松葉蟹肉味噌軍艦 - 呢個蟹肉味噌軍艦賣緊$27蚊兩件，價錢唔算抵，不過都幾有蟹味，都唔錯。愛爾蘭藍鰭吞拿魚他他軍艦 - 呢個即係類似蔥吞拿魚軍艦，但要成S27蚊先得一件，真係超級唔抵，味道亦唔好食。日本產帆立貝 - 呢個$22一碟有兩件，帆立貝都幾新鮮，都算係抵食/好食。原條海鰻 - 呢個係成餐最

之前彈完山頂同荃灣鮮選，今日點幾鐘去到黃埔，囝仔想食壽司，壽司郎又冇位，見鮮選唔洗等，冒險去食多一次啦😮‍💨坦白講，連鎖經營嘅，質量唔會分別好大，不過今日真係要讚下黃埔分店，餐牌上所有嘅嘢都有得點，同上次山頂荃灣經歷好唔同，啲壽司都唔駛等好耐，最想讚吓個茶碗蒸蛋，唔好話咁多間分鋪最好食，直程係我近期食過最好食嘅茶碗蒸蛋！送到埋嚟嗰陣時，見啲蛋搖下搖下仲以為佢蒸唔熟，點知好滑😲廿零蚊貨仔真係唔識點形容佢嗰種好食！總之就係好食啦！其他食物鮮選水準啦！牡丹蝦好鬼細隻，不過$27貨仔都選收貨啦！今餐如果真係要彈，就係啲吞拿魚未完全解凍仲有少少冰冰地。基本上呢一餐算收貨。希望佢哋繼續keep番好啲水準啦！