鮮芋仙 (V Point )

營業中

休息中

鮮芋仙在名單好耐，終於找左個平日下午黎試，全場滿座勁好生意🙀🙀Menu啲配搭多到，眼光繚亂呀真係！叫左招牌仙草冰沙加薏米同珍珠，外加芝麻麻糬。我地叫既野好快就整好啦~ 比碗野嚇親，加三蚊咁多珍珠既！😂😂😂芋圓煙韌，食到蕃薯同芋頭味，珍珠細粒得黎都幾軟Q，仙草係彈下彈下個種，全部都好唔錯！不過反而後悔自己貪心加左珍珠，碗野有少少過甜。芝麻麻糬都好高質！黑糖做既外皮好香，口感同樣煙韌，好味！咁多選擇，會想再試🤤🤤🤤🤤

今日同咗個朋友去咗銅鑼灣呢間甜品店到食，叫咗個招牌仙草冰沙，入面有好多芋圓，非常大碗，我哋兩個人食一碗都食唔晒😋！冰沙唔會太甜，仲可以自己加奶！而且佢係自助式，都好方便👍🏻 十分推薦👍🏻

今日有個同事準備要離職，佢就話不如一齊出去食返個糖水啦，其實銅鑼灣呢幾年都冇乜新開嘅糖水舖，食你食去都係嗰幾間，突然之間有個同事話咁登龍街嗰度有間由台灣開過嚟嘅甜品店，話佢嘅珍珠同埋芋圓係非常之禁煙銀，咁我哋一行六個人就去咗間糖水店食。由於嗰陣時係下晝嘅五點幾，諗住呢啲時間一定唔使排隊啦，結果都係要等出兩三張枱先可以入去，足見佢啲甜品係有幾咁吸引啲人。佢個餐牌呢有好多唔同類型嘅甜品嘅，由於我係比較鍾意食涼粉啦，所以我就叫左呢個涼粉甜品，令我最最最估唔到嘅事佢嘅配料竟然係有咁多，大家睇相都見到真係食完個涼粉都等於食咗一個正餐咁。呢個甜品嘅性價比真係超高，非常推薦大家嚟呢度食🥰

「招牌仙草芋圓🌿(¥25)」芋圓煙靭程度岩岩好！值得一讚係佢個個芋圓係有芋香味👍🏻🥰可惜地瓜圓比較淡味🍠 仙草滑lulu 配埋香濃仙草味沙冰同奶香十足嘅牛奶🥛 飽到個肚飽爆都要食！-The Signature Herb Jelly Served with Taro balls🌿(¥25) is divine! The taro round balls have a mild taro fragrance and it is chewy👍🏻🥰. It is a pity that the sweet potato round balls are normal🍠. The herb jelly is smooth while the herb sorbet is rich in herb fragrance. It is a must to add the milk🥛 before you eat! Even though I am so full, I still wanna have it!-價錢price：¥23 - ¥35地址address：鮮芋仙 Meet Fresh (Caus

鮮芋仙有我中意食既芋圓(〃∀〃)，而且好大碗，都好抵食!! 招牌仙草沙冰，有齊芋圓、仙草同沙冰，仙草滑溜，芋圓好qq，味道天然，食完沙冰好透心涼(｡◕∀◕｡)熱芋圓4號 ，有紅豆沙、珍珠、芋圓同芋頭，芋頭幾綿密架，不過超飽肚ヽ(✿ﾟ▽ﾟ)ノ芋圓麻糬牛奶冰，ε٩(๑> ₃ <)۶з材料好豐富，有好多配料，有牛奶雪糕又有湯圓同麻糬等，牛奶冰幾好食，都算幼細，味道甜甜地，仲有小小黑糖味，成個甜品都好有咬口，食到好攰呀~~最中意煙煙靭靭既麻糬，同細細粒既芋圓，最好就搵人share，因為真係好大份!!鮮芋仙  地址：銅鑼灣登龍街18號V Point 地下1號舖

今日食完打邊邊之後，經過樓下見到呢間，小編同事表示呢間野O系台灣好出名，我地又好喜歡芋圓，所以就入去試下啦，據聞O系台灣已經開左十X年，似乎都站得住腳，　應該水準不俗既，本來小編打算叫外賣因為目測冇位坐好彩最後都揾到兩個位，　研究餐牌一輪，發現佢地望落好似配搭好多，但其實都好限制，　又唔可以自選，例如小編喜歡仙草唔喜歡珍珠，但佢地所有仙草系列都有珍珠，可以走珍珠但唔會換其他比你LOR，　而仙草系列得一款有芋圓O系入面可惜另外個配料小編又唔LIKE，　好啦，甘睇下個芋圓系列啦，　發現佢又係鎖死曬D配搭，　小編想選擇有薏仁既但佢有小編唔ＬＩＫＥ既番薯，都算啦，就呢個啦，有選擇困難症真係慎重考慮黎唔黎呢度食呀，或者事先睇定個餐牌先啦！等大約５分鐘就有啦，都算快，　原來芋圓系列全部都係有刨冰既，個刨冰落左D黑糖水唔錯，幾好味，小編加左仙草，但發現仙草得一舊仔亦唔好味，下次唔會叫。　芋圓真心唔錯，　夏天食呢個都OK既，但冬天就咪啦，　下次或者試埋豆花啦如果有下次。

雖然係星期日，但由於熱潮過去加上好早黎到，所以唔駛排隊就可以食到!之前一直見到有好多朋友話呢間甜品店的芋圓好食，所以是次跟友人點了招牌仙草沙冰。這裡是先點餐付費，然後會俾取餐機你，有的時候再自行出去拎，另外食完也要自行把碗放回收處。招牌仙草沙冰($45)，原來都幾大碗，我地兩個人食岩岩好，面頭是芋圓和仙草，下面是仙草沙冰。芋圓都幾煙韌，但個人覺得唔夠芋頭的香味，仙草都算幾多，但唔算仙草味，至於仙草沙冰個人覺得比較淡，如果仙草再濃D會較好!下次再黎要試下其他款式睇下會唔會好食D先!

當知道鮮芋仙係銅鑼灣開分店真係好開心😋因爲之前係大陸食過一次就愛上了！ 但開業了幾個月都仲係好多人排隊 店舖面積唔算大夜晚時段起碼排30分鐘以上今次選了招牌仙草沙冰同Q麻糬雞蛋布丁拼盤仙草冰份量好大 2個人share都夠而且沙冰啖啖都有仙草味！真係好正芋圓又好qq又入味 記住芋頭迷一定要另外加芋頭但布丁就有d普通唔太驚喜。

好幾次夜晚去銅鑼灣食飯, 都見到鮮芋仙排晒長龍🚶🏻‍♂️🚶🏻‍♀️🚶🏻‍♂️🚶🏻‍♀️星期六下午大約六點🕕 鮮芋仙雖然都滿座, 但未見人龍, 即刻入去試下🏃🏻‍♀️-選擇都好多, 芋圓、仙草、豆花、紅豆湯、紫米、小點心都有🤗我係衝著芋圓而來的, 叫左碗冰芋圓同一粒麻糬~~-💁🏻‍♀️芋圓4️⃣號(芋頭、紅豆、珍珠)芋圓1️⃣至5️⃣號分別係唔同配料嘅組合冰芋圓係刨冰底, 而熱芋圓就係紅豆湯底芋圓4️⃣號有▪️芋頭▪️紅豆▪️珍珠👉🏻芋頭大大舊, 唔會太硬, 亦夠香, 唔錯👉🏻紅豆同珍珠就普普通通👉🏻至於我最期待嘅芋圓......👀唔差嘅, 但係認真普通, 唔特別Q彈味道唔特別突出😅 同埋只得二色唔係三色芋圓, 依個質素嘅芋圓其他地方唔難搵🙂-💁🏻‍♀️花生麻糬我覺得佢嘅花生麻糬比芋圓更值得試🥜有種❗️驚為天人❗️嘅感覺🤩麻糬超超超Q彈, 勁濃黑糖味🤤花生餡亦都又滑又香濃, 好似食緊幼滑花生醬咁😂-❤️為左粒麻糬, 我一定會再返黎😚-

鮮芋仙響香港都開左一段時間 但一直怕要排隊所以未試過 而家應該熱潮稍為減退了 今日大約晚上6、7點來到 等左15分鐘到就有台了 同朋友一行三人叫左一個仙草4號一個布甸牛奶冰 個牛奶冰一上台完全係嚇親 超大碗超多配料 個冰頂頭仲有一個雪糕球 無諗過52蚊會咁豐富！冰好有牛奶甜味 刨得好細好味 下面既麻糬同細細粒既芋圓 寒天 都好煙Un 杏仁豆腐同雞蛋布甸又香又滑 杏仁豆腐相比更好吃一點 最後我地3個人都食唔哂呢個冰 剩左少少 因為真係太飽了 另外叫果碗仙草冰一樣份量唔少仲有2大舊芋頭 煮到好淋好入味 出色！仙草 珍珠同紅豆下面係黑糖冰 真係好正 又唔會話太甜 花奶係另上自行加落去的 特別鐘意佢既珍珠係好細粒 方便食 夏日炎炎 食完呢兩個甜品當堂消哂暑呀！👍🏻

還記得當年在Brisbane 讀書，不時也會到鮮芋仙跟朋友吃個甜品，獎勵一下自己有努力學習😆想不到近年香港也開了，一直都很想過來試一下香港分店的水準。不過，去過幾次人也太多了。今天我們七點多到😎終於不用等，直接入座。本來心中是想吃燒仙草的，可惜沒有😟難道夏天就不製作了嗎？唯有退而求其次，點了招牌仙草芋圓。質素不錯的😃份量很滿足，仙草微爽滑溜，沙冰是仙草味，加了奶球很香甜，芋圓大部分質感也做得可以，只是有幾顆硬了一點，應該是粉的比例多了。整體來說，我覺得他們的芋圓不是我吃過之中最好吃的，可是其他的也算不錯吧。想吃仙草的甜品時就去去吧😄

有時總會心癮癮❤️，硬係覺得食完晚飯要食番碗甜品🍧先夠完滿。上次食完呢間台式甜品店，覺得好好，所以今次又好自然地再嚟食喇！😆😆.除咗招牌甜品 #招牌仙草冰沙 要再食外，佢哋都剛剛出咗新產品 #芋圓6號 ($45)，刨冰🍧上除咗有芋圓、珍珠，仲首次加入粉粿同粉條。粉粿口感煙煙韌韌，連埋刨冰一齊食簡直透心涼，好可惜今次因爲時間問題，粉條唔夠時間整，不過換上仙草一樣咁好食！😊😊😊

Fatbrown 不嬲好鍾意食芋圓，想試呢間鮮芋鮮湖好耐㗎啦，但係每一次都見到排長龍，所以都放棄左今日經過依然係好多人，但係因為太想食，所以都照排隊原來排隊嘅人都只係買野食，之後要自己去搵位坐，所以條隊都算係郁得好快<芋薯圓Q麻薯牛奶冰$52>各款甜品都大概$40至$50左右，Fatbrown 岩岩食完飯，所以淨係叫咗一個牛奶冰同朋友一齊share食材料豐富，有芋圓、麻薯、小丸子、果凍、仲有雲呢拿味嘅雪糕牛奶冰真係有牛奶味㗎小丸子有淡淡嘅芋頭味，Q Q的，非常之好食麻薯份量都好多，兩個人食一個甜品，其實食到一半已經好飽50幾蚊呢個咁嘅份量，真係非常之抵

同喜茶一樣，一間喺大陸好紅嘅甜品店嚟到香港就已經大排長龍！而家過咗幾個月我再嚟食都係要排一陣㗎！之前喺深圳食仙草3號，已經覺得嗰啲仙草加咗奶真係好好食，所以就算嚟咗香港貴啲都要食！牛奶冰真係無得輸，因為佢一條嘅麻薯係好香黑糖味，而且幾煙un，比珍珠會軟身少少每一啖都feel到濃嘅牛奶糖味，上面仲有個牛奶雪糕添，啡色嘅係類似焦糖嘅味道，總之每一啖都好濃味呀！旁邊仲好似有啲愛玉同湯圓咁嘅東西，入邊有啲餡料㗎！而且好大份又抵食喎。至於呢個芋圓4號又係所有人必推嘅，我都滿心期待，因為佢有成四種料咁多，每一個料我都好鍾意食！但係點知我食完呢個牛奶冰之後覺得佢完全好似水一樣冇味嘅🤣🤣🤣 但係佢啲芋圓同埋珍珠真係好彈牙，係出色嘅💗我覺得係因為比頭先食完嘅牛奶冰蓋過晒啲味，所以我唔可以評論佢係咪真係咁淡味👻下次都會揀返牛奶冰，因為已經超飽喇😛

芋圓4號 加仙草 $48配料有芋圓、蕃薯圓、芋頭同珍珠～芋圓 蕃薯圓味道天然、可以食到淡淡既芋頭同蕃薯香氣無人工及粉團味；烹煮時間適宜，芋圓、蕃薯圓口感煙韌彈牙有咬口之餘唔會過於硬實。果然無令我失望>,<芋頭大舊！芋頭用糖水浸過，帶甜味；雖然外表係芋頭塊，以為食落會係粉粉的，但口感更似芋頭蓉，稱得上綿密。芋頭控好滿足珍珠比較細粒，欠缺煙韌口感（可能因為熱食）𡁻唔到有黑糖味熱食以紅豆湯為湯底，紅豆湯入口夠綿，但依然保留到粒粒紅豆，豐富口感層次味道適中、唔過甜當然，唔可以同中式糖水店又或者係自家制紅豆沙作比較，係以芋圓為主打既甜品店入面，哩碗作為基底既紅豆湯 收貨啦～$3加配既仙草，由於熱食既關係，用細碗仔另上。仙草味道甘中帶微甜，質地滑溜，唔會過於硬實，一吸就流入喉嚨做得幾好，我中意整體而言，芋圓4號甜度適中、配料搭配相宜；作為主打既芋圓水準唔錯，頗為驚喜而且份量十足、配料豐富，好大碗，自己一個人食超飽肚，最啱開心share