鮮入圍煮花膠雞海鮮火鍋

營業中

休息中

天氣又變返凍冰冰又係打邊爐嘅時間，本身諗住試吓麻辣火鍋，但係近排身體有啲虧，諗住可以食啲嘢補一補網上見到呢間火鍋店主打花膠雞，當然要嚟試一試我哋去到嘅時候係六點本身諗住應該冇乜人，點知都坐滿左大半枱。一坐低就可以即刻揀醬料湯底我地叫左「半隻花膠雞湯」，冇諗過啲花膠咁大片、好厚肉，啲雞都非常新鮮，食完個湯底都已經補返晒血，店員會幫你剪開啲花膠令到容易入口再嚟必點係「手切頂級安格斯牛肉」，超級大盤，兩個人差啲食唔晒。厚度亦都啱啱好，淥完都非常嫩滑，牛味足呢個「胡椒豬肚貢丸」幾特別都點嚟試吓，入邊真係會有豬肚，係好食既響鈴同埋芝士腸對我來講係打邊爐必點嘅，雖然對我嚟講大份左啲但證明係抵食響鈴真係超級推介另外當然唔少得要啲蔬菜來墊墊肚，我地叫咗生菜同埋鮮嫩筍尖片，加埋啱啱好，係非常飽足嘅一餐，正常應該三四個人都夠食，下次可以叫埋多啲朋友一齊嚟仲正

首先一入到去就講吓佢個環境，同一啲小眾火鍋店一樣都係比較逼夾，可能係因為佢比每個人嗰張枱都比較大。咁入到去就首先落咗個湯底啦，入到嚟就一定要試佢個濃厚原隻雞煲花膠湯。咁上個湯底嘅時候佢就見到入面已經剪好晒一嚿嚿，再加埋嗰啲花膠，每一舊花膠都唔會好細舊，但係佢唔係炆到好淋個種。咁個店員就提醒我哋當個湯滾起嘅時候就飲咗個湯先，咁我哋食啲雞都覺得唔會好鞋嘅，個湯都幾鮮甜。咁我哋另外就嗌咗啲安格斯牛，豬肉，唔同嘅蜆， 同埋桶蠔啲安格斯牛都好新鮮，大概淥左10零秒就食得，食落去都冇乜雪藏味，豬肉嘅話相對來講就比較鞋，同埋有啲雪藏味。咁佢啲蜆識落去全部都冇沙嘅，每一隻都唔會好細隻，用d殼嘅重量敷衍你但係如果令人最唔滿意嘅地方，就係佢有機會會漏單，但係買單嘅時候會有啲明明你冇叫到但係落咗你張單雖然個店員係你發現咗之後會幫你cancel咗，但係大家都要小心啲食完之後一定要睇單🫣

天氣開始轉凍，又係十分適合打邊爐。朋友就建議去呢間餐廳飲湯食雞🤤餐廳好多人，我哋等咗一陣先入到枱。店員話佢哋嘅花膠雞湯好出名，我哋就點咗鍋細煲試吓味🤭再慢慢揀食咩 除咗出名花膠雞湯外仲有幾款唔同嘅湯底，正常火鍋配料乜都有，仲有生猛海鮮。窮喵無錢就叫咗最普通嘅配料 再每人加多$15醬料費濃厚原隻雞煲花膠湯 （半隻）$308見到個湯勁黃，就知煲得好入味😚半隻雞再加4-5片花膠已經流晒口水。上煲無耐有專人幫我哋剪開晒啲雞同花膠，立即動手飲啖湯先。如我想像，個湯係勁濃郁雞味，雞件同花膠淋又入晒味，食到舔舔脷。如果飲晒湯再打邊爐，店家係會加豬骨湯比你打邊爐，如果想花膠雞湯係要加$168的。豬骨湯相對雞湯係清好多，不過烚嘢食就無所謂😗手切頂級安格斯牛肉$298一碟份量好似好少，但食落係食唔晒😩牛肉色澤都靚。每塊肉都有少少脂肪，食落就會香滑啲，肉味算重，唔錯👍🏻胡椒豬肚貢丸 （6粒）$55出面十分少見的，咪睇佢平平無奇，咪都係粒普通豬肉丸，你咁諗就錯晒😤佢係粒超濃郁嘅胡椒丸！！胡椒味夠晒，醬油都慳返唔洗沾，一咬都有肉汁。最特別係佢入面有粒小豬肚，完全無改名🤣 全晚最驚喜嘅一款配料牛骨髓$65外表唔討

這店除了花膠雞湯好吃外，其他食材都是一般。和牛只係和牛的價錢但沒有和牛的級數和品質。試過日本A5和牛和澳洲和牛，皆和真正的日本和澳洲級數相差甚遠😔。店員拿日本A5和牛上枱時，如果不是先報上這碟是A5和牛，真的以為是普通雪藏切片肥牛！吃落也沒有和牛的口感。澳洲的和牛也是這樣。這𥚃只係希望食客order時價普通海鮮。只係普通海鮮，但係時價！另外地方十分狹窄，和鄰座根本沒有距離，十足籠屋感覺。以後也不會再光顧

馳名原隻雞花膠湯底，足料又惹味。花膠浸得軟腍，雞肉嫩滑。🔸手切特級200日殼飼牛嫩肉 ($338):牛肉肉質嫩滑且口感豐富，每一口牛肉都帶有豐富的肉汁和濃郁的牛肉風味。手工切割的牛肉片薄而均勻，入口即化，讓人感受到牛肉的柔軟口感。🔸胡椒豬肚貢丸六粒 ($55):以豬肉及豬肚製成，豬肚爽口彈牙，加入黑胡椒調味，淡淡的辣味帶出了豬肚的風味，每粒貢丸內也能吃到豬肚粒。🔸鮮嫩筍尖片 ($43):筍尖口感細脆，帶有濃郁的筍香味。咬落口感清脆。🔸爽脆黑牛柏葉 ($98):黑牛柏葉是指黑牛的嫩筋，經過特殊處理後變得爽脆。每一片黑牛柏葉都薄而脆，口感同時擁有柔軟和脆爽的特點，讓人在咀嚼時感受到豐富的層次。黑牛柏葉的味道鮮美，帶有牛肉的香氣和獨特的嚼勁。🔸唐生菜 ($43):打邊爐食咗咁多肉，又點少得要有蔬菜🔸炸響鈴 ($48):打邊爐必點嘅響鈴，外皮金黃酥脆，口感香脆

環境：樓上鋪，非常擠擁，店面不大卻塞下近100位顧客。我知道香港寸土寸金，但這個密度真的很驚人。如果是茶餐廳的話，快快吃完走人，係可以接受的，但係打邊爐嘅晚餐，這樣的密度真的令人好唔舒服。服務：不過不失的服務濃湯原只花膠雞煲湯底濃郁，花膠很腥，三百多塊是半只雞蟶子王88一隻，入口有細沙而且腥味重，好失望 桂花蚌咬不開，很硬（不是爽脆）很腥 中山脆肉皖魚骨腩不脆的脆肉皖本人最愛食海鮮，唔係吃不了海鮮怕腥味的人。但是這裡的海鮮幾乎每一樣都係腥味好重。見到隔離檯的大陸客人，他們點左唔知咩大蝦🦐，客人同侍應講：睇住佢地在魚池里撈出來的很大只、生跳跳的，上桌的時候卻是死直。侍應唔知是心虛還是咩，二話不說幫他們換了，換來的超大只，明顯比之前的大一倍（價錢是按隻算的、不是按重量）、且色澤非常新鮮，同之前那碟完全兩回事。瞬間感覺這家店很黑啊……唔怪得之我地吃的海鮮都很腥臭最後埋單1000（10%服務費），我地再額外給了100元小費，唔係因為好食或者服務好（僅僅只是因為聖誕節，希望大家開心）但是這家店真的沒有下一次了。

呢排凍凍地，最好就係打邊爐。位於尖沙咀核心位置，厚福街H8大廈8樓全層。花膠雞湯滋陰養顏嘅花膠雞湯非常濃郁，花膠好大塊，數量亦都非常足夠，飲落有少少痴住個嘴唇。兩個人半隻雞非常足夠，當你飲完湯，服務員會過嚟幫我剪啲雞，細細舊，易入口，啲雞非常嫩滑好味。淨係飲湯，每人都飲咗三碗以上，真係超值！👍🏻👍🏻👍🏻頂級美國牛小排牛肉唔會切得太薄，食落好有口感，鮮嫩多汁。每一片牛肉都帶有細細嘅雪花紋路，油脂分布平均，牛肉味濃郁。胡椒豬肚貢丸爽口彈牙，入面真係有豬肚，再加入黑胡椒調味，非常惹味，推薦一定要食！👍🏻牛骨髓大約每條煮4分鐘，骨髓軟滑豐潤，食落質感特別。甘筍片唐生菜炸響鈴巨峰提子梳打，青檸梳打

"鮮入圍煮"係我嘅餐廳list已經保存著好耐，由旺角到尖沙咀，終於同佢喺厚福街嘅H8相遇，這是緣份吖，本以為有緣無份，但最後都算係有緣有份🥰🥰“半只花膠雞湯"係先飲湯後打邊爐，但見隔離檯圍圍都係花膠雞，可想而知有幾勁，幾受歡迎，我當然也不例外，都係為佢而來，話說花膠含高蛋白，而且脂肪量低，是天然的膠原蛋白美容聖品，有邊個女仔唔鍾意呢。半隻雞同勁多溫潤甘醇滑捋捋的花膠，大大片又厚肉，湯呈現金黃色，好香濃鮮甜，每人飲足3碗先叫店員加豬骨來打邊爐。打邊爐的材料有冬瓜片、芝士牛丸、爽彈猪腩片、鲜味炸魚角和鮮美台山蠔肉，冬瓜片好新鮮，提提你食芝士牛丸要特別小心，因為流心芝士溫度極高，攤凍啲嚟食就好啲，唔係好易“辣”親自己個嘴，嘻嘻，台山蠔肉好爽，但始終唔係刺身，因此店員特別提醒，要淥耐的，大約五分鐘咁上下，切記💙💙

一入餐廳門口，就見到大大個魚缸，裡面有好多生蜢海鮮，相當吸引眼球。入座後，店員就會拎醬料比你添加，跟住就揀湯底和火鍋生料，有肉類、雜類、丸類及麵食、蔬菜類、海鮮類及小食。濃厚原隻雞煲花膠湯(半隻)：充滿骨膠原既花膠和嫩滑既雞肉，熬製出黃色既湯底，濃郁鮮甜，果然係招牌。太平洋肥美生蠔肉：自身帶少許甜味，肉質柔滑肥美。爽彈豬腩片：豬腩片肥瘦恰到好處，肉質鮮嫩多汁。芝士牛丸：手打牛丸，真係會爆芝士，而且肉汁豐富，又夠彈牙。鮮味炸魚角(魚片頭)：炸魚角呈三角形，魚肉鮮香，厚身又Q彈。自家製蜂巢冰豆腐：餐廳自家製，好似海綿咁，索哂d湯汁，好正。冬瓜片：另一款索湯神器，仲可以消暑。特式飲品：酸梅湯和熱柚子蜜同樣係火鍋必點飲品，消暑解渴。總結，食材新鮮，好足料，令我哋回味無窮。

朋友試過話正，約左係尖沙咀行街，咁就話不如同我一齊試下，因為都唔錯。入到去就落單，好多選擇，叫左佢既招牌濃厚原隻雞煲花膠湯(半隻)、手切牛嫩肉、牛骨髓、炸響鈴、胡椒豬肚貢丸、鮮嫩荀尖片。花膠雞煲既花膠大大塊，好多骨膠原，好彈牙，俾足料有突，飲完花膠雞湯，侍應就開始幫我地加湯開始打邊爐，手切牛嫩肉真心好有牛肉味，食得出牛脂，中意食牛既應該要叫黎食。胡椒豬肚貢丸好特別，大大粒，彈牙唔會淋zizi，好有胡椒味，好味！牛骨髓、炸響鈴、同鮮嫩荀尖片都係超新鮮，兩個人食唔係好食得哂，最後叫左兩杯特飲，分別係青檸梳打同百香果梳打，哇，未試過係火鍋店飲既特飲咁高質素！餐廳既職員全部都好nice，少有咁令人舒服既體貼！

濃厚原隻雞煲花膠湯花膠雞湯超級無敵濃，完全食得出係真材實料煮出嚟嘅高質湯底。入邊總共有五大嚿花膠，湯底被花膠煲得帶點兒膠質，未到帶咗好鮮甜嘅雞湯味，店員亦都會好細心將入邊嘅雞用鉸剪分做一嚿嚿，雞肉依然保持嫩滑。澳洲和牛牛展肉平時好少會用牛腱肉嚟打邊爐，今次係一個新嘗試，估唔到牛腱肉用嚟打邊爐又鮮又爽口，而且食落去好似一口size咁啱啱好，點埋醬食一流。牛骨濃湯牛丸叫餐廳嘅推介食品實冇錯，爆汁程度完全冇誇張到，真係一咬入口，啲牛肉汁會飛曬咁噴出嚟，超級正！而且好鍾意入邊有啲牛筋位，食落去帶點兒爽脆，唔會係一粒硬實實嘅肉丸咁dry。赤燒流心芝士魚蛋聽落去好似係好邪惡嘅嘢食，但係呢流心芝士魚蛋絕對值得一嗌，魚蛋外層微微燒過，一咬落去芝士爆曬出嚟，仲要係流心嗰款，勁高質。中山脆肉鯇魚腩脆卜肉魚腩超級新鮮，啲肉真係卜卜脆，仲好足料，一碟有成十舊咁多，食完大滿足。原條貴州野生竹笙王每條都超粗而且係比平時食開嘅大條，店員建議我哋喺飲花膠雞湯嘅時候滾，咁就可以吸收晒雞湯嘅精華。食落爽口而且可以飲埋啲湯，一啲湯都唔使嘥🤣

哩間以前係家樂坊個邊好出名，記得佢裝修到成個海鮮市場咁，原來而家搬左過H8，一樣既係依然出名花膠雞😋見餐廳內依然有擺海鮮缸，想食生猛海鮮照樣可以係度揀! 我都忍唔住叫左蘇格蘭蟶子王，大大隻肉爽彈，最重要係好鮮甜‼️一人一隻都夠哂滿足。講番個花膠雞湯先，細鍋有半隻雞，上枱個樣係吸引因為好多花膠😍啖湯鮮甜一人起碼飲番兩碗先!叫左個桶蠔，份量足隻隻都肥嘟嘟，蠔味重兼鮮味多汁。另外d火鍋料全部都好唔錯，芝士牛丸咬落去真係爆漿，炸魚片頭夠厚身咬落去爽爽地帶彈牙。准山都好爽脆👍🏻豬腩片係一層肥一層瘦咁入口唔會覺得好肥膩，肉味都幾香唔會酥。啖湯咁鮮甜絕對要叫碟蜂巢冰豆腐，好似係自家製，勁大份直情同海綿🧽一樣，索哂d湯一流😋哩度d野飲都唔錯，仲有養生系列既紅棗桂圓茶同埋雪耳杞子茶，好清爽👍🏻

先入為主一向都出名花膠雞煲，今日聞名不如見面，終於試到！我哋兩個人，叫左半只花膠雞湯，就岩岩好！打邊爐前，可以先飲湯，食花膠同埋鷄！花膠雞湯是一道滋補的湯底選擇。花膠的滑嫩口感和雞湯的鮮美味道結合在一起，營養豐富且開胃。之後就可以打邊爐！冬瓜片 冬瓜片是火鍋中的經典配菜之一。冬瓜片能夠平衡其他菜式的油膩。自家制蜂巢冰豆腐 自家制蜂巢冰豆腐的綿密口感搭讓豆腐更好地吸收湯汁，帶來更豐富的味道。芝士牛丸 芝士牛丸有彈性和嚼勁，搭配濃郁的芝士融化在口中，絕對能夠滿足您對美味的渴望。特式飲品 酸梅湯同咸檸七是火鍋中的必備飲品，消暑解渴。澳洲和牛牛展肉 澳洲和牛牛展肉肉質細嫩，帶有豐富的油脂，口感鮮美。在火鍋中稍微烹煮一下，即可品嚐到濃郁的牛肉風味，絕對是肉食愛好者的首選。

火鍋都可以美顏養生！這間火鍋店主打花膠雞湯底（HKD308)湯底濃郁，花膠質感非常好，養顏之選👍🏻吃火鍋之前必定要先喝一碗湯🫶🏻🫶🏻🫶🏻湯底還有半隻雞，肉質軟稔，就算不點醬料也很美味❤️手切安格斯牛肉（HK338)比較厚身有口感，而且牛肉味香濃，脂肪分布尚算平均✨胡椒豬肚貢丸的胡椒味非常香，10分彈牙初嘗牛骨髓鮮嫩口感佳，可以一試‼️油麥菜吸收了湯汁非常美味👍🏻.📍 鮮入圍煮花膠雞海鮮火鍋 (尖沙咀)尖沙咀厚福街8號H8 8樓

鮮入圍煮呢間火鍋專門店喺香港已經屹立咗好多年，記得以前食過佢嘅海鮮好新鮮，今日專登嚟試吓佢嘅花膠雞湯海鮮火鍋😋呢度嘅火鍋配料選擇好多，你諗緊之際店員已經準備咗花膠雞湯俾我飲住諗🥰花膠雞湯用了非常之足，雞肉同花膠到超級多，雞湯嘅雞油好香，成個感覺好滋補，會忍唔住一啖有一啖咁飲啲湯😎喺配料方面我哋叫咗：🌟手切糓飼牛嫩肉🌟牛骨髓🌟北海道野生元貝🌟炸響鈴(炸豆皮卷）🌟胡椒豬肚貢丸🌟鮮活花竹蝦🌟鮮嫩荀片🌟雞脾菇(杏鮑菇）當中我最推介嘅就係佢嘅胡椒豬肚貢丸，你一味真係未食過，本身貢丸已經充滿肉汁，再加上裏面嘅胡椒豬肚，令到個口感層次好豐富，胡椒味同貢丸原來都幾夾，食咗三粒都唔夠喉😋另外呢度嘅海鮮都同預其中一樣新鮮，當中佢嘅花竹蝦口感超級彈牙，大大隻咁超級正☺️店員教落只需要淥佢5分鐘就可以即刻食啦！另外手切糓飼牛嫩肉都係特別推介，牛肉質地好正，輕輕淥到佢轉色就可以食，食到牛肉香味😁整體來講呢一間火鍋店非常之推介，無論係佢嘅海鮮肉類配料定係湯底都好出色，唔怪得咁多年都獲獎無數😌