鮮入圍煮花膠雞海鮮火鍋

營業中

休息中

平日夜晚黎到尖沙咀，決定食火鍋，上網搵到呢間花膠雞湯底專門店好出名，即刻黎食😋我地9點先去到，竟然超級爆場，再一次證明呢間野有幾好食🤩 大家想食記住book定位先👍🏻揀左要花膠雞湯，店員就會即刻送上一大兜湯底，滾熟左就通知佢地，會幫手剪雞件👍🏻🥰個湯晶瑩剔透，真係好足料！花膠又有幾舊，每舊都超長超大舊😍 我地飲湯差唔多都飲左一大半。。。🤣 實在好鮮甜，一d味精都冇，真係太原汁原味太吸引🥹 平時真係好難飲到，所以飲湯都飲到飽左！🙈我地叫左6款食材，終於開始淥野食啦🤣1️⃣手切頂級安格斯牛肉🐮 $2982️⃣牛骨髓🐮 $653️⃣胡椒豬肚貢丸（六粒）🐷 $554️⃣唐生菜🥬 $435️⃣爽脆牛黃喉 $656️⃣鮮嫰荀尖片 $43呢度嘅牛肉好靚，色水、油脂分佈都arm arm好，真係好食，有少少咬口，食左幾片都已經好滿足😍其他食材都好食，但最令我地驚喜嘅竟然係生菜😎，真係特別有菜味🤣，我好少會係咁食菜🥹，成兜菜我地係清晒😳😋呢度嘅丸都好正，超彈牙多汁，好真材實料👍🏻叫左杯百香果梳打 ，都幾好飲👍🏻 真係有果肉喺入面！呢度嘅醬料選擇都好多😋我地食到11點都仲有其他食客，仲要喺一幢每層都係食肆嘅大廈競爭，證明呢間餐廳真

💖 鮮入圍煮花膠雞海鮮火鍋 (尖沙咀)✨尖沙咀厚福街8號H8 8樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️鮮入圍煮呢間舖頭我諗大家都唔陌生，原來佢拎左好多奬，好多會黎香港嘅時候特登幫襯😋-半隻花膠雞湯🍲 $308叫火鍋嘅話就會有人頭醬料費$15，醬料仲有沙茶醬可以揀😋。湯頭好甜，花膠超大嚿，而且好腍食落去有豐富膠質😍，希望BB都吸收到啦🤣。職員會幫我哋剪開雞件，估唔到啲雞件就算煮耐咗都仲係好嫩口😋。-手切頂級安格斯牛肉🐃 $298朋友話呢一個安格斯牛肉片超好食😚，叫一份兩人share就最啱啦。食落好重牛肉香氣。-胡椒豬肚頁丸🍡 $55胡椒豬肚貢丸唔係周圍都有得賣，所以見到呢度有就叫咗嚟試吓🤩。一食落口胡椒味好重，朋友都話冇諗過個胡椒味會咁勁，仲有少少辛辣嘅口感🌶️。入邊仲有豬肚碎粒，好有咬口㗎。-唐生菜🥬 $43打邊爐又點少得叫菜呢！今次我就叫咗唐生菜，唔知點解成日都覺得生菜襯雞湯，係會夾啲有冇人同我一樣🤣-爽脆牛黃喉🐮 $65超抵食🫶🏻，份量好多，而且講緊係60幾蚊咋！識落好爽口。點埋沙茶醬食就仲正~-鮮嫩荀尖片🥕 $43荀尖片我都係第一次食咋，外型賣相好特別，我仲以為係牛嘅內臟嚟添🤣，食落

今日嚟咗尖沙咀厚福街呢一邊食嘢，去咗呢一間位於h code樓上嘅餐廳食飯，今日就揀咗呢一間主要食打邊爐嘅餐廳，餐廳嘅位置非常闊落，驟眼睇都非常多人，如果要來嘅朋友都記得預約，我哋今日係晚飯嘅時間嚟到，非常熱鬧，一入去就見到餐廳有一個好大嘅海鮮魚缸，提供非常新鮮嘅海鮮食物，見到都非常吸引，確認咗之後我哋就入座！🌟嚟到呢度點樣唔叫佢餐廳最出名嘅花膠雞湯，餐廳嘅雞湯非常香濃，一睇就知真材實料，嚟到嘅時候有半隻雞再加四至五件大嘅花膠，非常抵食，而且呢一個湯絕對冇任何嘅味精，我同朋友飲完之後都覺得非常好飲。餐廳係推薦我哋先飲湯，跟住再會幫我哋加入豬骨湯打邊爐，一個價錢可以食到兩種唔同嘅湯底真係非常抵。我哋三個人都差啲飲唔晒啲湯，如果多啲人嚟食嘅話真係仲抵食，味道都非常好，正！🌟手切頂級安格斯牛肉，牛肉嘅份量都唔算太少，二呢一個價錢嚟講CP值都非常高，牛肉嘅油脂分布非常平均，而且非常有咬口，絕對係非常好食，而且係新鮮嘅牛肉，我同朋友都覺得非常有牛肉味，絕對唔係雪藏嘅貨色，呢一個牛肉真係一定要叫，非常好食！🌟胡椒豬肚貢丸，第一次食呢一種貢丸入邊中間嘅包心係豬肚，味道非常特別，而且充滿胡椒嘅香味，呢一

花膠雞煲一向係女人嘅最愛， 滋潤養顏，上openrice一睇，呢度嘅花膠雞咁多好評，即刻黎！！！！！！叫左個花膠雞煲，唔係講笑，D花膠勁大塊！而且唔止一塊！啲花膠滑嫩鮮甜，湯頭濃郁滋味。加埋打邊爐，可以突出花膠嘅鮮味，絕對係我最愛嘅選擇！D雞好滑，我地兩個人可以食晒成隻。唔好忘記試下啲豬肉片同牛肚丸，豬肉片鮮嫩多汁，牛肚丸彈牙有嚼勁，而且出面好少見，牛肚丸入面真係有一舊牛肚，而且好香胡椒味，值得試！ 最特別嘅係牛骨髓，好滑，好似食豆腐一樣，令人讚不絕口！竹筍清甜爽脆，配搭燉湯或打邊爐，真係一絕！響鈴都係打邊爐必食嘅食物，響鈴完全索晒d湯汗，都真係一定要叫！！整體黎講好適合聚會黎食，可以試更加多唔同嘅食物。

鮮入圍煮都開左好多年， 今次終於試到啦😉雖然夏天好熱，但都一啲都影響唔到我打邊爐既心～花膠雞煲🥰大大件花膠，仲好貼心咁剪開左，當然唔止就呢兩塊，其實仲有好幾件。花膠發得夠淋身，食落口膠質好足。湯頭都好味，濃厚程度岩岩好，我地都飲左兩碗😏原隻雞，有雞味，煮到差唔多會有人黎幫人處理隻雞👍牛肉﹕肥瘦適中，有油資又不會太肥；半厚切，唔會韌，有口感👍🏻牛骨髓﹕已經好耐冇食過，見到一定要試。睇色澤就知新鮮，口感軟棉，正。豬肉丸﹕好味，夠彈牙，真材實料，唔係加左好多粉既嗰隻丸～其他配料﹕菜夠新鮮～筍薄切，新鮮爽口～

首先要介紹嘅係手切頂級安格斯牛肉。呢款牛肉每片都切得非常均勻，厚薄適中，讓人感受到大廚嘅用心。牛肉經過適當時間嘅熟成，入口即溶，肉質非常嫩滑且充滿牛肉嘅天然香氣，啱曬涮火鍋。🍖牛骨髓係另一道令人驚艷嘅菜式。牛骨髓呈現出透明如琥珀嘅色澤，味道極其濃郁，輕輕一吸，骨髓就會滑入口中，帶有豐富嘅膠原蛋白，既健康又美味。🍲半只花膠雞湯更係呢度嘅招牌，雞湯色澤亮麗，但味道非常濃郁，帶有豐富嘅花膠香氣。湯底經過長時間熬煮，令雞肉嘅鮮甜和花膠嘅營養完全融合，花膠同雞肉一樣嫩滑，非常好食。🍜我地仲點左蔬菜 油麥菜新鮮翠綠，爽脆口感健康又美味，吸咗湯之後非常入味。🥬炸響鈴（炸豆皮卷）係一道非常有趣嘅小食。豆皮卷炸到金黃香脆，非常適合打邊爐。🧆胡椒豬肚貢丸帶有淡淡胡椒香氣，口感彈牙，每一口都充滿肉汁。🍲

半隻花膠雞湯(小) $308煲到奶白色嘅雞湯好好飲, 湯質比較濃稠, 真正有雞味一個字正真材實料無花假, 堅係大大片花膠(4-5片)煲得又厚又淋, 食完嘴唇黏黏的證明膠質極重半隻黃油雞體積不算大, 但勝在肉質嫩滑, 皮夠薄唔會大多肥膏, 食落比較健康澳洲和牛牛展肉 $168和牛牛展肉味道比一般貨色牛味更出, 可能無咩筋位, 口感比較淋滑炙燒流心芝士魚蛋 $55魚蛋夾心勁爆流心芝士汁, 咬落去有陣咸香感, 芝士同魚蛋味好夾, 加埋外皮燒過帶份焦焦的香味牛骨汁濃湯牛丸 $55牛丸夠哂彈牙, 咬落堅有爆汁感覺, 而且帶有濃濃的肉香味中山脆肉鯇骨腩 $88脆肉鯇魚厚切大大件, 淥熟後肉質爽脆, 魚皮部位煙煙韌韌, 大滿足原條貴州野生竹笙王 $123每條竹笙都有成8吋長, 夠厚肉, 烚耐D竹笙就可以吸收哂湯頭味道, 口感滑嘟嘟得嚟又爽脆新鮮准山 $48飲品我選了冬瓜茶, 可消熱解暑, 最適合配夏天打邊爐飲

人氣花膠雞湯海鮮火鍋店，除左主打既花膠雞湯，仲有9款精選湯底可供選擇，甚至可以揀鴛鴦鍋；火鍋配料就有肉類、海鮮及小食、丸類及麵食、蔬菜類、雜類等。花膠雞湯(半隻)：湯底用左半隻雞和大量既花膠熬製而成，香氣四溢；雞湯滾起後，店員會幫忙將雞肉和花膠剪開，跟住就可以喝湯，味道鮮甜而黏口，雞味濃郁而且雞肉很有彈性，花膠好厚身，炆得好腍，滋補養顏，實在令人回味無窮。手切頂級安格斯牛肉：安格斯牛油脂分佈平均，肉質柔軟，牛味特別濃郁。胡椒豬肚貢丸：貢丸口感彈牙，肉汁豐富，帶少許胡椒辛辣味道，份外惹味。牛骨髓：入口幼滑，充滿骨膠原。炸響鈴：用左厚身既腐皮捲成，放落熱湯幾秒，已經吸收晒湯汁既精華。百福豆腐：豆腐熱辣辣，滑溜口感，好正。鮮嫩荀尖片：白滑既荀肉，味道清新又醒胃，火鍋必配。特式飲品：咸檸7和道地解茶，係我哋食火鍋必點飲品，解渴消滯。總結，食材高質，足料又新鮮，性價比超高。

作为一家老牌的明星火锅店，「鲜入围煮」可以说代表了一代港人的记忆。怀旧的氛围，精美的装修，一进店就被拉回到那个如梦似幻的年代。 当然作为一家火锅店，除了拉满的氛围感，他们家的美食也相当给力！ 🍗招牌花胶鸡火锅 作为他们家的镇店之宝，味道真的没的说，不光花胶鲜美可口，鸡肉也非常软嫩，吃起来真的大满足，汤汁也特别棒，吃完以后喝两口汤真的美美哒～ 🐮安格斯极品牛肉 牛肉的花纹超级靓，入口即化，绝对秒杀大部分店的出品，有机会建议一定要试一下，厚切的安格斯真的没话说！ 🥩牛骨髓 满满的胶原蛋白，真的超级入味，配上浓浓的花胶汁，真的绝了！ 🥤果味苏打 和打边炉简直是绝配，非常清爽！！！ 在尖沙咀的朋友一定要试一试哦！

我平時係啲好鍾意飲湯嘅人，呢個花膠雞湯都好足料，呢個只係半隻嘅份量，其實我哋兩個人完全夠飲，有大概10舊8舊花膠，而且花膠煲得好腍，好易咬，感覺非常滋補！雞件反而我只係一般般鍾意食，不過雞啲精華都喺晒湯度，淡淡湯都好好飲！最後用呢個湯底嚟打邊爐就真係fit fit❤️因為我哋得兩個人食，叫咗唔係好多餸。上枱見到手切安格斯牛啲色水已經好靚，食落個味道好鮮，牛肉都好腍👍另外叫咗打邊爐必備嘅牛柏葉，響鈴，貢丸同埋生菜等等。牛柏葉以喺火鍋店嘅份量嚟講算係多，煲一煲就好腍，唔韌。另外仲叫咗筍片，不過係細佬鍾意食，我就冇特別試到啦，細佬話都唔錯喎。整體感覺唔錯，如果下次有機會同朋友再約起尖沙咀會考慮encore🙌

尖沙咀呢一幢嘢真係好多嘢食今日過嚟打邊爐。濃厚原隻雞煲花膠湯， 嗰個湯一嚟到飲一啖，好鮮甜，好有雞味，完全食得出係真材實料。 入邊總共有五舊花膠，好大塊，兩三啖都食唔晒。 之後煲耐咗仲會有少少膠質嘅感覺。 店員亦都會幫手剪開隻雞。 隻雞髀都勁好食，肉質好滑，煲完都係好多汁。澳洲和牛牛展肉，好大碟。肉味好濃，牛肉唔係好肥嗰啲，唔會食到成口油。但都唔係好嚡好柴嗰啲，有咬口。 中山脆肉鯇魚片，打邊爐最鍾意食鯇魚片，切到好薄，咬落去又好脆身，好有魚味！ 牛骨濃湯牛丸，餐廳高度推介，真係一咬入口啲汁會bi餐出嚟，超級正！ 而且入邊有啲牛筋食落去有啲Q 彈，好重牛味。 原條貴州野生竹笙王，每條都好長， 而且好大條，吸收晒花膠雞嘅味！炸魚皮同金菇，就係正常嘅，都係打邊爐我一定會嗌嘅。

除左雞湯（已經冇最初旺角時好）其他食物都一般價錢偏貴，地方冇旺角甘大，同格離格枱好近，好逼好嘈 ，如果平均350-500消費，真係有好多舒適既選擇。員工服務差，未齊人，1 岩岩座底 ，催人落配料 催幾次2仲飲緊雞湯 ，成日催人落單仲要企起度等，睇住人地落單3食到最後 有員工幫得地加湯另一員工細細聲話 （佢地冇餸 ，吾洗加）又要講 又要比客聽到4最後check 單 再發現全部飲品落多左😅預左呢間餐廳都貴，但服務吾得之前食開旺角，差很遠

本身諗住開開心心食個母親節飯,叫了1個花膠雞湯底（半隻雞）$308，雞湯是不錯的，但沒有膠質，花膠也是爽的完全無膠質。另外再叫了一份本地手切牛肉$338但是完全沒有牛味的，非常失望。再叫了一份黑松露鮮肉雲吞$60 四粒和響鈴，但雲吞的豬肉是臭的，應該是存放太久，肉已經壞了，小朋友咬了一口也問點解咁嘅味。。。向職員反映但他們沒有理會，態度亦不太友善，感覺非常差，最後埋單$980，以後都唔會再幫襯！！！

之前睇OpenRice見到咁多好評，即管去試吓，湯底叫咗花膠雞煲，個湯還可以，都有三、四嚿花膠，不過都係加味精，但$308一個湯底，一啲都唔值，如果要加返原湯，又要加多百幾蚊。叫咗一碟美國肥牛$300細細碟，肉質麻麻地。墨魚滑$138一份，細細Pat咁，感覺唔係太新鮮。其他食材亦都非常普通，但兩個人食咗$1100，論環境、服務、食物一啲都唔值呢個價錢，我就一定唔會再去。用呢個價錢可以食到更好嘅火鍋。呢度又窄又迫，還好嗰日去唔多人，如果唔係應該又嘈、坐得更加唔舒服。

這間位於尖沙咀商業大廈內的港式火鍋店，幾乎晚晚爆場人氣滿滿，可能因為裝潢佈置格局有香港大排檔般的特色，都幾吸引。濃厚原隻雞煲花膠湯(小-半隻) $308雖說只有半隻雞，但都算大隻，店員會前來即場剪成碎件，份量好多，雞肉確實嫩滑，花膠都有4至5片，每片都好大，整個湯底熬煮起來好好飲，的確值得推薦。澳洲和牛牛展肉 $168火鍋配料選擇都算齊全，海鮮、肉類、丸類都有。今次點了牛展肉，雖然此部位不會像雪花肥牛般入口即化，但幾有口感，肉質都算嫩滑。中山脆肉鯇魚片 $78一碟有成十多片，而且肉質結實，即使熟透亦不易散開，絕對新鮮，入口彈牙。牛骨汁濃湯牛丸(爆汁) $55其實未至於好爆汁，不過丸內除有牛肉還有牛筋位，所以咬落更為彈牙有口感。芝士牛丸 $55咬落芝士汁確係流心，所以食此丸時記得小心，不要淥熟即食，記得放涼一點才入口。鮮腐竹 $45、油麥菜 $43其實飲完花膠湯後，店員會再加入豬骨湯讓客人繼續食火鍋，所以蔬菜類等食材索滿晒汁後都幾好食。飲品 $18起