鮮入圍煮花膠雞海鮮火鍋

營業中

休息中

尋日係附近食野個陣見到心思思想打邊爐，今日就已經拉左個朋友黎食安排坐係窗邊其實佢每張枱都幾寬落，坐得都舒服，枱同枱之後嘅距離唔會太逼食物主要分左海鮮、肉、蔬菜三大類，一目了然另外佢比左個醬料盤我地，可以揀番自己想要嘅口味兩個女仔一齊食，都唔都揀左好受女人喜愛嘅花膠雞煲底。揀左小份，所以本身已經有半隻雞，同埋真係好多舊花膠。花膠大小適中，"筆"極都仲有🤣。個煲一上到黎個陣我地就起身飲番兩轉湯先！朋友仲誇張，足足飲夠三碗（我都唔知佢到底係再點樣食咁多野😂😂😂😂😂）竟然有田雞，好驚喜❗️上黎個陣，佢d 肌肉仲不停咁郁跟🙈🙈🙈🙈（有種回到中學bio 堂嘅錯覺🤪）生猛到呢。。。煲左一陣再食，肌肉果然結實仲有個帶子雲吞（4粒的）都值得一試。唔單止大大粒，入面仲有d 帶子。而且佢d 豬肉都係好結實💪🏻💪🏻嘅豬肉‼️同普通d 餃子有好大分別😆另外仲叫左d 蔬菜

鮮入為煮呢間野，幾年前已經見過旺角登打士街有一間，嗰時已經好想食，但因為太多人等位所以放棄，點知佢喺尖沙咀開咗鋪，點都要去試一試。佢間鋪坐落於繁華嘅厚福街，上去有清晰指示，一去到件都唔係好多位，但勝在啲位都闊落，坐得幾舒服。第一次食就梗係要試吓佢嘅花膠雞湯，見到原隻半隻雞浸住喺湯入面，侍應仲好好服務咁，自動幫手剪隻雞，值得一讚！隻雞好滑，啲肉好爽，好有鮮味，唔似嗰啲雪藏雞咁。至於個湯好甜，好香花膠味，個湯仲有一塊塊花膠，好抵食！齋飲湯邊度夠，梗係要試吓佢嘅牛肉啦，原本想試封門柳，但點知賣晒，唯有今次試左安格斯先，食落肉質爽口，都唔差，再叫埋個烏冬，襯返花膠湯，真係好夾好好味。埋單講緊每人都係二百零蚊，認真都抵食！

嘩😍好濃郁既花膠雞湯ar😍依間最出名花膠雞湯，試過就知几好味😋訓醒就去食個花膠雞湯補補先😋為食餐單: 濃厚原隻雞煲花膠湯🍲 $288/半隻(小)雞好滑好入味，花膠大大塊，食完好養顏🥰食完雞同花膠就飲雞湯la，雞湯好香好濃郁有曬花膠同雞既精華，其實食完個雞湯已經好飽😂之後會再加豬骨湯for客人打邊爐用🥰爽口花膠雲吞🥟 $48/4粒好大粒雲吞，咬落好多料，又係花膠滿滿既餡料啊😋原粒帶子水餃🥟 $48/4粒水餃入面有帶子肉，好有口感，而且好鮮味😋韮菜餃🥟 $42/6粒韮菜好香，加埋豬肉等配料，韮菜餃好正啊😋人頭/醬料費🥣 $15/位入坐時已有大大盤醬料俾客人自己任意調配，total有6款醬料，有蒜蓉、蒜粒、蒜片、辣椒、豆瓣醬、香蔥，一定夠你調配到啱你心意😋

最近晚上天氣開始轉涼，我上完堂後男朋友過黎接我後話想食打下邊爐🤩感覺好快迎接冬天旺打邊爐既日子😆鮮入圍煮係一直有bookmark 既火鍋店，朋友介紹過旺角果間！見到厚福街咁近，我同男朋友就試下無book 位既情況去食😂😂好彩係平日，一上樓都尚有空位。我地坐低後好快有醬料提供醬料齊全，有我最愛既蒜、辣椒同炸蒜。我同男友睇完Menu, 揀左呢度最出名既花膠雞。落單好似幾分鐘，已經上湯，勁快手店員叫我地可以飲晒d 湯，咁大煲就真係唔容易😂呢個雞都好大隻 夠晒3人以上食都得雞好滑，湯都好有鮮味，唔會係好鹽同油膩👍🏻花膠都係ok😄牛骨汁濃湯牛丸入面真係有濃湯，寫熟要小心食🤣我差小小就燙到脷脆肉鯇魚魚腩啖啖肉👍🏻雞髀菇都好大塊🤩黑柏葉毛肚份量都好多，有驚喜叫左樽ASAHI 啤 飲一飲☺️打邊爐必叫❤️食到好飽肚，開頭叫左花膠雞湯已經好飽肚😚所以其他餸唔洗叫咁多都好夠食！

係尖沙咀行完街，去左厚福街度覓食，朋友想打下邊爐，於是一邊望一邊搵下，見到商場樓上有間新開既火鍋店，係網上搜尋下見有88折優惠，一於即時預訂兼上去望下先。上到去見到些新鮮既海鮮係魚缸裡游動，環境都幾獨特，朋友搵到個埋邊位就叫我坐低，待應即刻捧了盒由6款醬料組成的醬料架來比我們挑選合心水的醬料，當中有生蒜蓉、炸蒜、豆瓣醬、花生、蔥粒和辣椒，選取後待應就會收走。望下餐單，見到湯底有花膠雞湯，朋友話正，於是就叫哩款湯底再加幾款配料。待應捧著個大煲來到我地張枱幫我地開爐，之後說湯滾可以先飲啖湯，品嚐下，飲完佢哋會加返湯比我地，另一待應就拎住絞剪同夾走過黎，之後純熟地將雞夾起，開始剪剪剪地將雞分件放回湯中，食物一一放到枱上，我同朋友開始開動。花膠雞湯飲落帶點漿口，裡面有雞同花膠，花膠高鈣可以補充骨膠原兼預防骨質疏鬆，花膠薄身，湯味香醇濃郁，飲落啖啖回味，令我倆飲唔停，唔洗叫其它飲品。飲完湯店員就會加入清雞湯，我地就開始食其它食物，因為得兩個人食唔到太多，所以只叫左韮菜餃、流心芝心丸、鮮雞蛋及公仔麵等食物。韮菜餃：外形肥嘟嘟，一碟有6隻，兩個人食岩哂。流心芝心丸：望落似糖不甩，哩款丸比較少見同食到

有間火鍋店我由旺角開始支持幫襯到佢現在搬了到尖沙嘴，剛今日我又和朋輩經過尖沙咀當然都富蝦支持下，過了兩點上去比較少人便舒服更多唔駛排長龍了。我覺得這店的其中之一的招牌菜是我認為「豐盛花膠雞鍋」，真的足足有三四塊大大片花膠和新鮮雞隻的😋而且有多款海鮮🦞是餐廳有大魚缸自養的，所以品嚐火鍋同時仲有各式新鮮海鮮呀！環境十分之寛濶舒服，慢慢食慢慢傾都不錯👍鮮入圍煮花膠海鮮火鍋尖沙咀厚福街8號H8 8樓全層

一場黎到當然要試佢嘅招牌花膠雞濃湯！當時一飲，心諗咁好飲嘅！飲得出係真材實料，好香濃雞湯味，飲完口腔仲有餘韻😳😳花膠亦好彈牙、厚身，成個湯底非常出色👍🏻👍🏻👍🏻（後續就係當日飲完個湯全日都冇好口渴感覺，證明個湯係真材實料冇味精）手切安格斯肥牛（$298），新鮮、份量大！牛片厚身牛味濃，兩個人食一人都食到6-8塊🐂除此之外仲叫值得一提菠菜麵同餃子😍😍冇諗過菠菜麵咁好食，麵質爽口彈牙，有清新蔬菜味；餃子大大粒好足料，食新鮮豬肉同蝦！

晚飯日子係公眾假期前夕，搭lift都等左15mins因為大排長龍！原先訂枱8pm，7:30到達，由六位改為四位！當時半場都係吉枱！經過一輪嘅查詢資訊終於可以7:30入座！環境殘舊！燈光昏暗！再加埋壞冷氣！confirm Booking時完全冇提及！完全覺得被欺騙！因為當時人流唔係太多仲頂到！因為臨時臨急未必搵到其他地方食飯所以唯有繼續留低唔轉場！但人流越多時就越熱！完全冇晒胃口不到1小時就埋單打包走人！同行友人大家整個背脊都濕透！當時都有很多客人稱好熱！但店員回覆吹水搶修中😑食物一般質素差！賣相欠奉！價錢中上！服務業差完全冇安撫措施😑整體而言整個過程不良體驗！永久bad list🤬🤬🤬

鮮入圍煮之前係旺角已經食過一次🙆‍♀️個花膠雞煲湯真係令我同朋友念念不忘😋原來已經搬遷左去尖沙咀H8 8樓,所以決定同朋友在食多次回憶下當時既味道😜好多得獎獎項👍優秀嘅火鍋店！醬料費用每人$15!濃厚原隻雞煲花膠湯(半隻)$288🌟我地2個女仔食覺得份量好多,因為真係好足料🥰花膠又大又多真係好抵食👍 而且湯底滾左後店員好貼心咁幫我地剪開雞肉方便大家食用,味道好鮮甜好好飲😋真心推介!因為我哋太飽了飲到一半就拎個湯底變打邊爐!如果大家飲晒個湯底可以加豬骨湯!蟹籽鮮蝦滑($98)🌟味道鮮香而且爽脆Q彈,份量好多足夠4人食用!日本蟹柳棒($45)味道不錯,蟹肉實淨不容易散開!

小胖對火鍋的愛係365日的，所以有朋友約去就當然立刻去！佢的位置都幾好搵，地鐵出行幾分鐘，係美食街入面。佢的湯底有成十幾款，由傳統的皮蛋芫荽到新式的花雕醉雞都有。愛美的小胖就選咗花膠雞湯，佢的雞湯超濃，十分足料，飲落係真係有微黏的感覺，超好飲而雞肉吸滿湯汁的味，又甜又軟，入口即化，好食😋佢的花膠都唔算少，有6，7件左右和都幾大件，小胖淨飲湯和食雞都飽咗7成😂因為知道有雞件做湯底，所以配料點得唔多怕食唔晒，事實證明真係食唔晒😂，小胖點了麻辣小籠包魚蛋，牛骨汁牛丸，花膠蟹粉餃，蟹子墨魚滑和鵪鶉蛋，普遍味道都不錯，牛丸亦頗彈牙，小胖大推蟹子墨魚滑，佢的墨魚滑新鮮彈牙，用料足。佢的坐位都算舒適，配料和湯底的選擇亦多，不過價錢有點小貴，但還可接受

就嚟秋天啦好想同老公一齊去打邊爐，喺尖沙咀附近野加先入為主花膠雞湯鍋，又近地鐵站，一入到餐廳就見到有個魚缸擺滿晒海鮮響度，非常生猛，好像海鮮喺你隔離游嚟游去，每日都唔同款，當然我哋係要試吓佢嘅招牌菜，花膠雞湯火鍋，我哋點左半隻雞改一個份量。好快佢就已經攞咗一個雞湯過嚟啦，隻雞非常肥美，他佢會幫我哋剪開隻雞先俾我哋進食，首先我哋試咗個湯嘅味道，真係非常富有膠質，花膠分量十足，味道鮮甜，非常有營養嘅一個雞湯，係呢個秋天裏面飲呢個湯十分之滋補，雖然佢煲左咁耐但係隻雞都仲係好鮮嫩無比，果然係名不虛傳。我們還點左一疊安格斯肥牛，肥牛油脂十足，非常大碟的足夠三至四個人嘅份量，針落花膠雞湯裏面非常滋味，而且佢仲有好多唔同類型嘅, 所以我哋揀咗一個麵非常特別, 今餐真係食得好滿足。

約朋友吃花膠雞煲去了尖沙咀厚福街8號H8~8樓鮮入圍煮花膠雞海鮮火鍋。店內環境清潔舒適，座位寬敞。以紅木餐桌椅子為主。店員禮貌招待推介食譜，逢星期一至四都有八八折優惠。濃厚原隻雞煲花膠湯(細)半隻$288濃郁雞湯味非常夠火喉，入口感受到老火湯的香濃味，但雞肉仍淋嫩可口，值得一讚花膠煲得很淋滑，軟而不膩，入口即溶，好食。韮菜餃$42韮菜味香濃，皮薄饀靚，味道適中，一碟六隻，恰好二人份量。唐生菜$35生菜很鮮嫩，浸上濃濃的雞湯味更覺鮮甜可口。紅薯粉$28既軟滑又煙韌的紅薯粉，口感非常豐富，加上雞湯倍增美味。

鮮入圍煮搬左去尖沙咀, 以前喺旺角, 我已經食過超過十次!! 搬左之後第一次食, 花膠雞煲仍然係咁好食!! 我同兩歲仔仔上到去, 雖然我仔有時會開心到大叫, 又不停講嘢, 職員仍然好有禮貌, 仲好有愛心同仔仔傾計, 值得一讚! 花膠雞煲當然係我至愛啦, 香濃嘅雞湯, 加上厚厚嘅花膠, 食落去黏口㗎~ 比仔仔試吓個湯, 不停話yummy yummy!! 飲完一啖又一啖, 我自己都飲左4碗湯先開始打邊爐! 我地仲嗌左手切安格斯牛肉, 花膠雲吞, 鯇魚片等, 全部材料都好新鮮, 份量又夠多, 食得好滿足!

一早聽聞「鮮入圍煮花膠雞海鮮火鍋」嘅花膠雞煲非常出名，今日一試，果然名不虛傳聽聞佢哋嘅花膠雞湯每日至少用3小時烹煮，所以味道超級鮮甜！另外佢地嘅牛肉同海鮮都係師傅每日去街市新鮮選購，質素絕對有保證！我哋兩個人叫咗半隻濃厚原隻雞煲花膠湯，雖然係半隻雞，但係花膠同雞都非常足料，雞肉非常鮮甜嫩滑！花膠真係非常有驚喜，件件都又大又厚，份量亦唔少！呢個湯非常鮮甜，我差啲想飲晒全部！餐廳職員仲好窩心幫我哋剪雞同花膠，仲提我地點樣食!食完半隻雞之後，其實都已經好飽！但係見到好多配料都好吸引，就叫左大家都推介嘅芝士流心牛丸，羊癡的我今次揀咗羊肉片而唔係肥牛，加埋個菜同公仔麵，兩個人就剛剛好啦！下次多d朋友黎一定會叫埋海鮮試多d野！

見openrice 個個都讚就去試下！首先要帶現金⋯⋯因為唔收卡（都幾唔方便）宜家尼個時代 電子貨幣流行⋯淨係收現金⋯去到個場其實一眼睇晒⋯好細。你話坐得舒唔舒服？ 因為冇咩人咪唔迫囉，不過冷氣就一定唔夠。同埋個膠檯布 整住隻腳到好熱下！ （感覺其實冇裝修，好似用上手既野就算）叫左花膠雞，帶子餃，牛丸，花甲，鵝腸，水尤，烏冬。花膠雞鍋個湯係好味既，雞係滑、但花膠有d腥！帶子餃可以唔洗叫，食唔到有帶子，淨係豬肉！成隻都豬肉味，可以唔叫！牛丸爆汁ok, 水尤脆口，花甲鮮甜，鵝腸都爽。不過食完尼餐我口渴左兩日！唔知係個雞湯有味精/ 後加豬骨湯有味精/ 定豉油有味精！唔係講到好出色 拎晒獎！至少口渴已經令人唔想再幫襯！