鮮入圍煮花膠雞海鮮火鍋

營業中

休息中

作為中女嘅piggy梗係時不時都要補下🤪花膠就係其中一樣好啱女仔食嘅嘢，如果加埋雞去煲湯真係正到暈，但自己屋企煲實在太花精神，所以piggy就去呢間試下個花膠雞煲邊爐，果然花膠夠大塊亦厚肉，半隻雞都好大隻亦好嫩滑好有雞味，個湯濃厚鮮甜，感覺好滋潤，飲完即刻覺得靚咗🤣🤣 飲完兩碗湯其實piggy 都已經飽咗一半，另外piggy再叫咗個美國極上A級手切牛肉，滿滿嘅雪花相當吸引，手切牛肉味特別香濃piggy最鐘意，另外蘇格蘭聖子王係真正嘅聖子王超大隻，但唔好見佢咁大隻就淥好耐 ，淥到一嚟殼就食得，厚肉鮮甜，另外仲食左南非鮑魚仔，唔好以為佢叫鮑魚仔就好細隻，其實都成個湯殼咁大隻🤣🤣 雖然叫嘅嘢食唔多，但piggy同朋友兩個都食得好飽👍👍👍

約咗朋友喺尖沙咀食午飯，點知佢遲到搞下搞下搞到成三點幾先食得飯；佢就介紹一間叫做鮮入圍煮嘅花膠雞湯打邊爐比我，聽到花膠雞湯好似好正咁，當然要去試下啦。去到當然就要點個花膠雞湯啦，跟住再點咗個中山脆肉鯇片，自家製蜂巢冰豆腐，牛骨汁濃湯牛肉丸和唐生菜；咁多嘢食完今晚都唔使食啦！首先個花膠雞湯嚟都真係好香，滾咗之後服務員就幫我拆散隻雞，咁我哋當然就每人整返兩三碗花膠雞湯先啦！又真係都幾甜下，啲雞肉都唔算鞋，花膠亦都都有6片咁多；跟手就叫服務員加返啲湯落去個煲到，呢啲湯就當然冇之前嘅花膠雞湯咁甜呀；跟住其他嗰幾樣餸一齊嚟到，服務員首先就攞咗個醬料盤過嚟，畀我哋自製醬料。我地首先試下啲脆肉鯇魚片，淥完之後都超爽口，都幾新鮮，如果切薄啲同細塊啲就更加完美！個冰豆腐索曬啲湯，真係好滋味，好彩我哋留返一碗花膠雞湯未飲，所以就將啲冰豆腐擺落去索啲花膠雞湯，嘩仲正；再放啲爆汁牛丸落去淥，啲牛丸都真係幾有牛味，入面仲帶住小小嘅牛骨湯嘅味道，食落去又真係唔錯喎；唐生菜就好爽脆，整體嚟講都唔錯，真係飽到今晚都唔使再食呀！

H8不嬲都多美食，今日去咗朋友介紹嘅火鍋店。濃厚原隻雞煲花膠湯 (小 )$288朋友力推，叫我一定要試。落單後湯底好快就上枱。我嗌咗細，有半隻雞，同大約5-6舊花膠，都幾足料。先試一下湯底，味道濃郁，有雞嘅鮮甜同花膠嘅膠質。真係唔錯，值得一試。配料嗌咗嫩滑雞件 $75花膠鮮蝦丸$98 丸係手打嘅，咬落爽口彈牙原粒帶子鮮肉水餃 $56味道都唔錯，食到肉嘅鮮味，而且餃子皮唔會好厚，帶子口感係爽嘅。餐廳嘅冷氣足夠，員工亦都細心有禮。餐廳仲有好多火鍋配料選擇，有肉類、海鮮、蔬菜。下次可以叫齊朋友一齊烚吓烚吓。

濃厚原隻雞煲花膠湯🍲上枱時係完整嘅半邊雞，證明係貨真價實，侍應會等我地影好相，再幫手剪成雞件容易啲食，同埋提醒我地趁依家飲多幾碗雞湯，因為陣間打邊爐會加豬骨湯，飲落會淡味啲🥄比較過兩個湯確係有分別，雞湯濃厚好多，好適合直接飲，比得上喺酒樓飲嘅雞湯，用嚟打邊爐就可能蓋過其他食材嘅味道，所以加入淡味啲嘅豬骨湯會啱啲，如果想飲濃厚雞湯就真係要趁早喇🐓花膠有6片，唔算十分厚身但係都頗大塊，飲雞湯加食花膠感覺好滋補~ 湯底已經有半隻雞，打邊爐就揀返肉類以外嘅料，本身想叫蕃薯蜆，不過咁啱無貨，但係有$68半斤嘅黃蜆，所以都叫咗半斤試下，黃蜆有大有細，無沙，味道頗鮮甜，頓時變咗卜卜蜆鍋🥢唐生菜🥬炸響鈴🥢醬料🌶

厚福街H8一直都是食肆的集中地，今日和朋友就試了8樓的鮮入圍煮一坐低，店員已放上各式醬料醬料費每位$15各式火鍋配料應有盡有，兩個女人決定補補佢！點了濃厚原隻雞煲花膠湯（小半隻，2-4位用 $288）一鍋奶白濃湯，雖然未算煲得好膠，但飲落口感十分濃厚，花膠件不少，在影相後，店員也會主動幫手將雞件剪開，方便夾來食湯最初飲的時候，不太咸，有雞味，後來加了娃娃菜和豬骨湯後，愈煲會慢慢有點甜味滲出，由頭到尾不知飲了多少碗湯，飲湯都飲飽😂由於湯底本身已有半隻雞，所以沒有點太多配料牛骨汁濃湯牛丸 6粒 $48爆汁就無啦，但幾juicy，幾鮮又幾彈牙紅薯粉 $33吸收了雞湯底，好好食，淡淡的甜味娃娃菜 $38食完一半才記得影相，幾大份飲品價錢尚算合理，我們點了解茶（$16）一支全單加一服務費，埋單人均$250

I'm a fan of fish maw chicken soup - full of collagen, thick texture, rich chicken oil. Googled fish maw chicken soup in Hong Kong and this restaurant was recommended by several editors.The soup was rich, but they put too much MSG inside probably because many customers are not used to having hotpot with a non "flavorful" soup. I prefer having hotpot without dipping any sauce because I don't want the original flavors of the ingredients (if they are good quality) to be overwhelmed. The chicken was

好耐之前已經聽過鮮入圍煮呢間餐廳，出名海鮮同埋靚湯底～今日一試，果然名不虛傳！先嚟咗一個花膠雞湯，大大嚿花膠十分足料😋滿滿嘅骨膠原配上雞嘅鮮味，而且誠意之作，唔係用雞胸，而係啖啖肉滑嘟嘟嘅雞脾😍淨係飲湯都飲到停唔到口。飲完雞湯之後叫咗田雞、魷魚、蝦滑，都幾好味，田雞就細隻咗少少，但係魷魚同埋蝦滑都好大份！魷魚好彈牙，好有咬口。望住水缸入面生猛嘅海鮮就好想食，不過驚食唔晒咁多嘢～另外附上菜單俾價錢大家參考一下。環境方面，啲枱都幾寬敞，坐落唔會覺得迫夾。地點都好方便，就喺厚福街最多嘢食嗰幢樓，又近地鐵站又易搵，仲喺香港嘅中心點，住喺邊度嘅朋友去都方便～雖然舖頭冇乜景觀，但係服務都幾好，侍應嘅反應好快，推介各位朋友可以試吓😁

打邊爐配料固然重要，如果有個好吸引又養顏既湯底就更好啦，今晚同朋友去左尖沙咀厚福街既鮮入圍煮打邊爐，餐廳主打招牌濃湯花膠雞鍋，仲有多款生猛海鮮，配料種類繁多，有手切牛肉同其他肉類、海鮮、丸類、蔬菜等等，今日就試下佢地既招牌花膠雞湯啦~❣️招牌花膠濃雞湯上枱個陣已經聞到好香，大大煲既花膠雞湯好足料，湯底好多雞件同花膠，絕不欺場，未打邊爐之前梗係飲返碗湯先啦，花膠雞湯唔會好油，鹹度適中，花膠煲到好淋啖啖骨膠原，飲多幾碗都唔怕啦👍🏻👍🏻👍🏻❣️花甲 餐廳除左呢個花膠雞湯最多人叫之外，海鮮類都係主打，餐廳每日都會搜羅當日既新鮮海鮮，店員推介我地試下佢地既花甲，花甲處理得好好唔會有沙，大隻厚肉好鮮甜，同花膠雞湯好夾💯😍❣️芝士流心牛丸 平時打邊爐多數都係叫肥牛、墨魚丸蝦丸個啲，見到佢地有芝士流心牛丸梗係要試下啦，一咬裏面食到香濃既芝士流心，口感豐富又好食，牛味濃郁同芝士好夾🧀😋❣️稻庭烏冬 食到最尾唔好浪費左呢個咁正個湯底，叫左個稻庭烏冬，吸收哂湯底既精華，質感光滑而有彈性，超正📍尖沙咀厚福街8號H8 8樓

尖沙咀H8呢幢🏢大廈好多餐廳🍴，今日同朋友仔過嚟呢間以花膠🐓雞湯聞名👍嘅火鍋店食午餐。入邊地方都幾🥰闊落，裝修簡約，係幾傳統🍲火鍋店嘅格局。佢哋提供嘅🧂醬料都係經典款式，不過佢哋咁🥰靚嘅花膠🐓雞湯我覺得唔需要點太多醬料。呢一鍋🍲細嘅濃厚原隻🐓雞煲花膠湯🥣$288。其實呢個細嘅 size 都算幾大鍋🍲，足夠二至四位朋友仔一齊😍享用。入邊有半隻🐓雞同埋唔少嘅🐟花膠。🔥滾起咗之後🤤香氣四溢，特別係啲花膠🐟好腍又鮮味😋！職員👨‍🍳仲好細心會幫你將原隻雞✂️剪開做🐓雞件方便我哋食🥰。啲🐓雞件十分之嫩滑🤤，又唔會太過肥膩👍，重點係個🐟花膠雞湯🥣超級鮮甜回味♾無窮️！食完個花膠🐓雞湯🥣鍋之後，仲可以加🐖豬骨湯打邊爐🍲。呢個🥬菠菜味嘅蔬菜麵🍜幾特別，食起上嚟有🤏少少菠菜香味，另外佢仲有胡蘿蔔🥕同埋紫薯味嘅蔬菜麵添，下次可以再試下！

地方位置正常, 唔算太大, 但都夠放野, 地方清潔整齊. 半只花膠雞湯底(288$)呢間火鍋最大特色就係佢既花膠雞湯底, 所以可以話係必試, 係正式火鍋之前, 可以先試下個湯底, 十分濃又好飲,花膠數量仲要係好多, 落足料. 面頭會有d油, 雞皮比較多油建議可以整走小小雞皮同d油先試,  以免食太多油落肚. 要注意既係入面雞同花膠食埋都好飽已經夠2-3人份量食. 所以反而野食未必需要叫太多.手切安格斯 (248$)選牛方面我都諗左好耐叫咩牛食. 最後都係選返安格斯. 安格斯係火鍋絕對唔會差得去邊, 本身牛味就好重, 口感都爽口.油花味唔重, 如果中意食油花味要選和牛. 份量正常, 夠2人左右食用.火鍋其實我好中意配烏冬食, 可惜既係呢到烏冬唔係稻庭, 口感同味道就會差好遠.來貨價唔會差太遠 ,所以我建議可以轉就轉稻庭.其他配菜最特色係份量比較多, 一碟都係正常價40-60$ , 但份量一定夠2人食用.

睇過樓下嘅食評都知道呢度嘅花膠雞嘅湯底係超級好飲, 所以我都比佢哋吸引咗好想來食☺️一來到嘅時候店員細心地提我地可以飲咗啲湯先，果然入落口係好純正嘅雞湯味，好濃味，但係一啲都唔咸；淨係飲湯已經飲到好飽講番隻雞，我哋兩個樣所以嗌左半隻，雞一早已經好林，正所謂雞有雞味，佢的確幾有雞味而且佢真係真材實料，有好多花膠，啱晒女仔食🥳至於其他配料我哋嗌咗：中山脆肉鯇魚片：熟咗之後的確好脆，一碟都有好多塊，好開心手工韭菜餃：韭菜好香，每人食三粒都好飽唐生菜：新鮮嗌少少嘢食已經食到好飽😁 估唔到會咁滿足

三個人約食飯，又想有靚湯飲，又想食牛、海鮮、菜、丸……….朋友介紹我地去鮮入圍煮，系尖沙咀厚福街，交通又方便👍👍👍👍，環境舒適，清潔乾淨想養顏的我們一定叫個濃厚原隻雞煲花膠湯 $288 （ 半隻）金黃色的濃湯，非常足料，散發着清香的雞湯味，煲內還有半隻鮮雞，還有很多大大的花膠，建議大家飲多幾碗湯先再打邊爐🤤🤤🤤🤤🤤我們每日起碼飲了三碗，大大滿足😋😋😋😋😋手切頂級安格斯牛肉 $248這個部位的肉纖維相對較細，肉質比較緊實細嫩，用嚟打邊爐就一流，濃濃的牛味，色澤鮮明，相機食先。豬骨濃湯貢丸 $45不但味道鮮甜，豬腿肉混入香菇，比一般的香菇貢丸更多汁多肉味🤤🤤🤤紐西蘭刀貝 $88本身沒有沙，蜆肉特別肥美鮮甜，美味多汁。鮮味炸魚皮 $45打邊爐點少得美味的炸魚皮，又脆口、又鮮味，忍唔住口食多幾塊😝😝😝😝😝

香港人真係熱辣辣都中意打邊爐，但係打得多又怕熱氣，所以搵間養生D嘅邊爐試下先😍揀咗呢個想試好耐嘅花膠雞湯底（2人份量半隻雞），淨係睇見佢個色水，都已經覺得夠晒濃郁😍唔係清雞湯個種。店員好悉心咁幫我地剪開隻雞，原本真係比你睇到係半隻雞喺度。滾起咗就迫不及待飲咗幾碗湯！真係超濃雞味，唔係好稀好淡個種，覺得飲咗好多骨膠原落肚咁呀😍而且d雞都好多肉，好嫩滑。雞有雞味！花膠又大塊。雖然淨係個湯底都已經$288，但其實飲下湯食下雞同花膠都已經飽左一半🤤另外叫咗爆汁濃湯牛丸，爽口花膠鮮肉雲吞同紫薯蔬菜麵。爆汁牛丸真係名副其實真係一咬就爆汁，真係超正，而且牛味好濃！爽口彈牙。花膠鮮肉雲吞配番個花膠湯，又再多d骨膠原🥰好味好味！紫薯蔬菜麵第一次食，食落都幾彈牙幾爽口，吸左湯底好好味呀😍

嗌咗半隻花膠雞湯原汁原味雞肉同埋啲湯都清晒叫埋碟菜兩個人食足夠有餘提早預訂安排座位Walk in可能要等耐啲有機會會再嚟食價錢合宜值得一試地點方便服務員招呼周到讚啦

呢間邊爐店主打花膠雞煲同生猛海鮮，雖然價錢唔算好平，但最緊要真材實料、材料新鮮。而且侍應哥哥好好態度，落完單就會有六款醬料送到去你張枱到自行調配，加上飲品選擇多，鍾意打邊爐/ 食海鮮的朋友不妨去試吓 👍🏻半隻花膠雞湯 $288好令人驚喜的火鍋湯底！超級香濃夠火候，但又唔會係重味精，唔太鹹唔會令人好口渴💕💕 超多花膠，淋滑厚身，唔知唔覺就會飲咗幾碗，feel到食咗滿滿的骨膠原落肚！🤩🤩 而且侍應哥哥會即場先剪開隻雞，所以鎖住晒啲肉汁🫰🏻其實食曬啲花膠同半隻雞都幾飽㗎喇 🤣🤣王蜆 $68呢間邊爐店另一主打就係海鮮，啲蜆好大隻好新鮮，不過就咁烚就唔算好重味，蘸埋自製醬料就啱啱好。😘芝士流心牛丸 $48我自己又鍾意食牛丸又鍾意食芝士丸，呢款芝心牛丸真係雙重享受，一咬落去，啲芝士就爆曬出嚟，小心辣親！🔥蟹籽墨魚滑 $98份量都幾多，差唔多可以整到20舊，而且幾重墨魚味，值得一試。