鮨鳶

營業中

休息中

Omakase 第二位半價推介指數 🍣🍣🍣🤍🤍朋友見到Omakase第二位半價問有冇興趣試下不如一齊去，而且向尖沙咀好方便，食完lunch 仲可以去shopping 嘛！我哋叫咗「光」HKD420包括前菜、茶碗蒸、12件壽司、卷物、湯同甜品！🥢北海道蕪菁+麵豉：好爽脆好新鮮，好似食緊生果。🥚茶碗蒸：面層透明層好靚，蛋好滑溜，入面有蝦同冬菇。🍣春子鯛：即係鯛魚嘅幼魚，春天嘅限定食材，淡淡的鮮味，肉質軟身。🍣深海池魚：肉厚，魚油甘香。🍣帆立貝：鮮甜，如果係厚切就更好啦。🍣青鯛：配上柚子醬提升鮮味。🍣灸燒金目鯛：灸燒後逼出更多油脂。🍣灸燒銀鱈魚：肉質滑溜，魚油甘香。🍣石垣鯛：魚味濃郁，油脂豐富。🍣鯖魚：肉質緊實Q彈。🍣竹籤魚：肉質軟身。🍣中拖羅：漸變嘅粉紅色，脂肪分佈平均，令人滿足。🍣太刀魚：即係牙帶，肉質結實。🍣海膽+蟹肉：北海道馬糞海膽配上蟹肉更加鮮甜。🍣吞拿魚腩卷：香脆嘅紫菜包住葱吞拿魚，令人回味。🍲味噌湯：味道較淡🍮甜品：抹茶奶凍，抺茶同奶味恰到好處，香甜軟滑。食物 🍣🍣🍣🤍🤍環境 🍣🍣🍣🍣🤍服務 🍣🍣🍣🍙🤍

見到佢做緊推廣第二客半價聽講做到三月，所以好快就決定要去試吓不過今日食嘅時候發現原來佢已經將個優惠延續到去年尾，咁其實係咪佢嘅價錢set高咗然之後同你講半價令你覺得好抵呢🤔因為個推廣期都未免太長啦吧去到嘅時候有啲嚇親，個環境係比較‘港式日本店’ 可能因為佢出面有食串燒，個環境一般好local, 尤其係廁所，唔好期望好似嗰啲貴價日本餐廳廁所咁靚咁日式入到去食omakase嘅房間,感覺比出面食串燒嘅環境好咗，不過就唔係高級日本餐廳嗰隻啦。如果你純粹想試吓食omakase 係可以嘅,如果不嬲食開好有要求就唔推介不過平心而論呢個價錢有咁多種食材，都對得住個價錢嘅。不過之前見人哋食呢個餐有和牛，而家轉左做炆魚鮫，就有啲失望個海膽蟹肉都細份咗🤭冇想像咁澎湃。不過某啲食物嘅造型都有心機嘅，可以打卡嘅😂但係如果可以俾啲心機保持一個用料足嘅質素會比較留得住客人同埋我唔鍾意佢去到要你share佢個post先至俾你第二客半價，因為訂位嘅時候都講明有㗎啦。唔係太鍾意俾人迫你share，感覺唔太好

二月為太太準備生日飯🎂，咁啱見到做第二位半價優惠，就book咗位同太太去試一試。Book咗下午一點半，到達後等了約十分鐘便可以入座，食店分別有串燒及omakase提供，而Omakase係喺一間可容納十人嘅房間用膳，客人可以和師傅更多溝通。Menu有兩個選擇，光或和，光提供12款壽司，而和則提供5款刺身及8款壽司。食物方面刺身新鮮，有D食材可能比較少食如伊左木魚，壽司方面用了北海道嘅米，可以嗅到及食到飯香。

之前屋企人提起想新年放假食Omakase，咁就搵一間試，又好突然上網搵到「鮨鳶」第二位半價，咁就立即預早Book咗先。餐廳喺the one隔離條小斜巷，唔難搵。今次食$420嘅餐，有前菜、茶碗蒸、12件壽司、卷物及甜品，呢度用赤醋飯，香氣及酸味明顯，增加層次。不過半價好似做到今個月，建議大家要打電話問問先。春子鯛鯛魚的幼魚，味道較淡但質感爽脆。深海池魚魚味較濃，肉厚鮮嫩肥美。帆立貝帆立貝上放了竹炭鹽，增加鮮味，如果可以更厚身就好啦！青鯛鮮味較平穩，加了少許柚子添了一份清新.灸燒金目鯛肉質細膩，燒一燒令油脂的香味更出。銀鱈魚銀鱈魚油分比金目鯛更多，油而不膩。石垣鯛來自天草縣的石垣鯛，帶豐富油脂，質感爽口。鯖魚魚肉緊實飽滿。竹籤魚魚味都濃，配上少許薑同吃。中拖羅漸變粉紅色已經好吸引，魚味同油份好平均，好回味。太刀魚即係香港嘅牙帶魚，魚肉細緻，好平衡。海謄 + 蟹肉北海道馬冀海膽加松葉蟹蟹肉，雙重鮮甜留在口腔久久不散。吞拿魚腩卷脆脆的紫菜包住吞拿魚腩碎，魚脂香更重。前菜：北海道蕪菁配麵鼓蕪菁即係「動森」嘅大頭菜，口感爽脆帶甜，加上麵鼓，再多一層層次。茶碗蒸個蛋好滑溜，仲有蝦肉同冬菇增加口感。

第一次見到呢間餐廳，覺得好扺，仲有第二位半價，所以就訂左其他野唔講，因為服務一定唔及正宗日本餐廳。有一點我唔鐘意就係服務員係bar 前拎走我隻杯，然後幫我加茶。因為佢嘅手袖係可能會接觸到我夾起壽司嗰塊板只講食物，魚種類好多。以呢個價錢來講，值得去。但係質素一般。佢係我食過日本餐廳最一般由淡味嘅食到濃味，最有印象就係帆立貝，中拖羅，海膽，茶碗蒸，奶凍。其他就⋯⋯無特別總括黎講，價錢$480，我係接受既。不過唔會再去，因為總括黎講太普通，沒有驚艷的感覺

環境優美  價格相宜二人同行 一人半價 非常抵食不過非常難預約 需要半個至一個月前預約埋單不用700蚊師傅一邊捏壽司 一邊介紹 非常棒的體驗而且非常隱密 每次一間房裡只能容納8人可惜沒有天婦羅或炒飯 如果有的話 飽腹感會更強師傅有事先用刀背敲打魚肉 將筋都打斷 所以魚肉入口非常綿密 入口即化壽司有蝦有貝類 也有海膽 非常驚喜每道壽司都經過精心挑選和鋪排 由淡到濃 由清爽的左口魚到油份極重的拖羅在限聚令底下獲得一份安寧 暫時在香港通過飲食感受日本的風味

好驚自己唔記得 所以決定即日食即刻出～😹話說呢其實我同媽咪都好鍾意食omakase🤤一諗唔到食咩就去食🤣但其實我呢個少食多餐嘅人每餐嘅食量都好細 好快就會飽🥲所以通常都係食最少份量個set或者係尾二少🤪食過差唔多十間唔同嘅Omakase舖頭 今次呢間可以話係最普通嘅一間😟不論係刺身款式定舖頭裝修、地理位置(樓梯底basement)等都對唔住個價🙁原本鎖定左係尖沙咀食，target左想試好耐嘅志同埋一幸 但琴晚臨急臨忙先打電話過去 一間今日休息一間full booking😫結果就係OpenRice揀咗呢間做緊第二位半價嘅鮨鳶～佢喺正永年隔離 但唔係地舖 係行樓梯落去嘅basement，冇view其實已經減左啲分，店員帶我地入omakase間bar枱房後發現其實係一個樓梯底嘅位 一共有五枱，十個人 估計已經係full booking 但因為樓底唔高回音大 所以變相枱枱喺度講嘢環境聲都比較嘈🙁值得一讚嘅係 佢地嘅口罩套係用硬卡紙做 從來都冇試過見到咁靚嘅口罩套 好精緻好似利是封🧧佢哋嘅lunch menu分咗兩個價錢「光」$420、「和」$880～主要係睇你哋想食壽司多啲定係刺身多啲 我自己

某日喺FB見到鮨鳶第二位半價優惠 即刻喺openrice訂枱試試是日準時12點前到達 餐廳在地下一層 一邊做鳥燒居酒屋另一間細房則主打omakase 有十個壽司吧枱位 座位下有籃子放隨身物品空間感比較狹窄 不過我唔介意 食物質素高就值得😋午餐分兩個omakase set：＜光＞為12貫壽司；＜和＞則為5點刺身＋8貫壽司初來報道淺嚐＜光＞好了整個套餐包括：漬物/茶碗蒸/12貫壽司/拖羅手卷/豚肉味噌湯/抹茶奶凍一開始唔記得同師傅講走wasabi食第一件時發覺兼被師傅聽到 師傅非常細心詢問剩餘的係咪全走wasabi 細心位加分👍依淡＞濃的次序逐件上鱸魚；帆立貝；池魚；火炙黑鱸；赤身；鯖魚；真鯛；依佐木；火炙鮫鰈；紫海膽；瀬尿蝦；拖羅當中比較有印象的：依佐木：味道清爽甜美，入口滑身真鯛：肉質細嫩，口感爽滑火炙鮫鰈：魚油豐富，火炙更加將魚脂逼出黎赤身和拖羅均有水準，魚味濃郩手卷餡從其他食評的蝦茸升級為今日的拖羅正😍啱晒我最鍾意食拖羅服務方面，斟水收碟及時，師傅有注意客人進食速度上壽司，可取惟一可惜係處於疫情期，冇得聽師傅講解食材細節，和客人互動，缺少了omakase的神髓約350左右的價位來看

預訂左1500-1800既時段，係早好多日子經OpenRice 訂餐，食無餐牌日式廚師發板餐，準時係必須。本人同友人準時於1500到達，郤要1540才可入內進餐。雖店舖解釋是上一輪客人遲左到達，但咁樣，對準時既客人唔公平，冇可能因為上一輪遲就要下一輪受晒。咁其實係上一輪食用時間跟返原先設定。就算食物水平中上，都無補於事。原先諗住開開心心食返餐，郤遭如此不公平對待，食都唔係開心咁去食。絕對唔推薦呢間餐廳。

香港最近開左好多間omakase，通常集中係銅鑼灣。今日就想試試九龍區尖沙咀嘅新日本餐廳-鮨鳶 （個字用倉頡好難打）。選呢間係因為做緊openrice第二位半價嘅優惠。今日食嘅係午餐嘅廚師發辦，餐廰午餐嘅廚師發辦會做2輪，分別係十二點同一點半，每輪食90分鐘。餐廳位於地下一樓，一入到餐廳裝修有別於一般日本餐廳，比較暗黑。同店員講預約左一點半嘅廚師發辦，店員帶我同友人到另一間房，專食廚師發辦。房間嘅排位就係全bar枱，一半係師傅工作枱，一半係客人bar枱。店員遞上餐牌，廚師發辦有2個set，「光」$420一位同「和」$880set，我地經濟D㨂左「光」set。第一道係前菜，（忘記名了）有點似中華海帶，另外有D菇類，酸酸甜甜好開胃。然後開始壽司部分。一共有十二貫，味道由最淡開始。一開始壽司有包括左口魚，鯛魚，鱸魚。中段有令我有印象係帶子上點有竹炭鹽同赤身吞拿嘅壽司。食到一半上左海鮮茶碗蒸，茶碗蒸中有滿滿嘅海鮮同櫻花蝦，味道唔濃都唔錯。後段味道愈來愈濃愈有味，當中令我最滿意嘅係深海池魚，中拖羅同赤海膽壽司。感覺好新鮮，池魚口感都好好，海膽份量都唔少又鮮甜。而且由最淡味到濃味咁食，所以到最後唔

尖沙咀依間新開既日本餐廳，做緊第二位半價 所以試試佢 簡左個$420 【光】set，折後人均都係$357，食得夠飽 cp價好高！✅ 前菜用魚子做嘅漬物 酸酸地幾開胃～🦁12 貫壽司✅ 赤海膽超鮮甜！份量仲唔少✅ 大大隻牡丹蝦上面仲有火鎗燒過既蝦膏 香味湧晒出黎。✅ 肥美帆立貝 仲加左黑椒同海鹽調味✅ 用火鎗燒過既大拖羅 赤鯥 同 金目鯛都好出色 逼晒d肥份出黎 好香！➡️ 正常： 鱸魚 深海池魚 赤身 油甘魚 寒鰤魚 鯖魚✅ 卷物已經預先調左味既蝦茸 再用香脆紫菜包既手卷！✅甜品抹茶奶凍 好濃抹茶味～✅ 茶碗蒸、味增湯正常🦁 鮨鳶 (尖沙咀)尖沙咀加拿芬道44-46號地下6號舖🦁 人均消費：$357｜推介：❣️❣️❣️ ❣️🦁 總結：依個價錢食到咁好質素既食材真係超值～不過服務質素可以再改善 例如服務員冇問每個客人有咩唔食 亦係客人拎住手卷時叫佢簽單 加上因為限聚令比較趕！所以推薦比d冇食開omakaese 想一試既人～第二位半價既優惠去到1月尾 值得一試

新開菜的日本餐廳的Omakase優惠，所以即刻黎試，經濟d就揀咗十二款壽司的套餐，都好新鮮，拖羅同海膽超好食🤤🤤茶蒸碗同湯都好足料😋 師傅都有介紹返每一款的壽司，不過當中都有一款壽司有筋的。另外，應該八位客人左右，得兩個師傅，我自己覺得好似唔係好夠人手，開頭上菜有d慢，後咪搞到有dd趕，趕住飲湯食甜品走咁。依家第二位半價兼免加一，兩個人食平均三百幾。講真，都唔會要求好多，依個價依個質素算唔錯👍🏻👍🏻不過要正價食既話就考慮下先😅

第一次黎食，見到新開有優惠所以試下。早一個禮拜前已經打去book位，double comfrim左兩次，前一日亦都再打去確認多一次訂位是否完成，當日去到之後店員Check左十分鐘都check唔到我個booking😓😓不過之後都俾我地入既，入到去就俾左個最左邊既角落頭，但明明師傅前面仲有兩張台。之後我地坐左成十五分鐘都未有店員俾menu我地.....以為一直準備緊所以我地就一直等啦...等到第二台入左黎之後，佢地竟然一黎就有menu，咁我地先同店員講我地冇menu窩，咁佢先拿俾我地叫左兩個set之後，又開始等，等左20分鐘等到我好燥好肚餓就問前面個師傅幾時開始整俾我地？而呢個師傅呢，淨係顧住佢前面個檯客，期間佢都有成日望住我地，但完冇問我地嘢亦都唔準備食物俾我地。等我地開口問完先叫第二個師傅開始整俾我地食，到食完餐飯，完全都冇用我地交談，食完亦都冇問我地覺得好唔好食俾下意見咁，但其他兩台客佢就有問窩！食物方面，食左幾舊魚壽司都係冇味既！下次唔會再黎呢間野！

服務：我早咗少少度服務生都好好安排左個位比我坐一陣等我嘅朋友。當日餐廳得六個人但係可能師傅比較着重另一台客我哋全程俾人冷落上菜亦都好慢 1:50開始食 食到3:30先食完 師傅都無咩介紹食材食物：頭幾件魚全部有筋12件壽司冇蝦冇貝最後兩件拖羅同埋海膽非常好味茶碗蒸都有螺喺下邊環境：因為新裝修大致上都OK廁所仲好靚添有漱口水同牙刷供應（不過見到居酒屋嗰邊同事落場一個人坐bar枱無戴口罩）不過如果你問我我就唔會再嚟尖沙咀如果食Omakase有更加好嘅選擇(CP值）

經朋友介紹，第一次試吓呢間新開嘅廚師發板，一入到去都幾特別！出邊係食燒烤嘅！有啲大魚缸裝住好多蟹要廚師發板就只有10個位！知道而家係白子嘅季節😛所以一定要食🤗我試咗兩款白子都唔錯😘一隻就係酸汁白子😋但係我係唔夠喉，師傅都好好人再幫我加多一份燒白子😜兩種唔同嘅口味都可以帶出白子既鮮甜。之後我都幾欣賞佢嘅秋刀魚刺身卷😎我覺得做得幾出色😁無論外觀同埋個口感👍🏻最後, 我覺得佢蟹肉海膽，都幾有驚喜，淡淡嘅蟹肉配上鮮甜嘅海膽，果然係幾好嘅配搭😃，同埋要讚下廚師發板個師傅perry ,健談又風趣，成餐飯冇悶場。下次一定要試吓個燒烤先。