鮨樂 (如心廣場二期)

營業中

休息中

星期三中午去咗荃灣行街，見到呢間嘅lunch set幾抵食就入去，座位安排幾舒服😌.每份午市定食都會有沙律及麵豉湯，麵豉湯味道濃郁，跟外面其他日本餐廳用麵豉湯粉的感覺截然不同.❣️壽司十貫🍣 $188當中包括了吞拿魚、中吞拿魚腩、油甘魚、帆立貝、墨魚、赤蝦、時令鮮魚三貫及玉子，單點價錢過$300，午市套餐性價比較高。全部壽司都十分新鮮，厚切鮮甜，口感十足。部分壽司更配搭了柚子鹽和薑絲等，令味道更豐富❣️雜錦天婦羅丼 $95天婦羅分量十足，有兩大隻鮮蝦天婦羅，肉質爽口彈牙，味道鮮甜，另外還有雞蛋、南瓜、番薯和青椒等材料，全部都係即叫即炸，脆口的同時也不會有油膩的感覺。📍鮨樂 (如心廣場二期) (荃灣)荃灣大河道98號如心廣場二期1樓102號舖

🔹️鮨樂🔹️工作後係荃灣西鐵站落車，諗住近近地係附近食啲野，平時行過如心廣場都係直行直過，今日同事話想食日本野，就搵左間壽司店叫鮨樂，入去一試佢地既午餐系列餐廳空間感很足夠，位置寬敞舒適，有Bar枱位置可選擇，可以近觀壽司師父即席揮毫，把每一道壽司由零到有放到你面前，而我今一次就坐正常座位。當時有午市定食套餐，均配送味噌湯及沙律，有需要更可以以$48追加稻庭烏冬，仲有冷熱可選擇😆🍣 10貫壽司盛合定食 ($188)有吞拿魚、中吞拿魚腩、油甘魚、帆立貝、墨魚、赤蝦、玉子、三款時令鮮魚(季節限定系列，未必每一次都食翻同一款鮮魚，不時不食，都唔錯😊) 壽司飯溫度微暖，不過略嫌壽司飯有點帶酸，而刺身都幾新鮮🍣銀雪魚西京燒定食 ($168)銀雪魚真係令人垂涎三尺，魚皮煎得好香脆，魚肉魚嫩滑溜，還自帶點肉汁👍👍👍推薦一試

好多朋友都計劃聖誕飛✈️日本了，我仲心大心細中…唯有先去高質壽司店熱吓身先，和朋友在荃灣shopping完就到依間分店開餐。店內裝修格局絕對令你置身日本feel🎏，有壽司吧枱及卡位，店員很有禮貌招待且主動介紹餐牌，期間不斷幫忙添茶保持熱度，綠茶夠甘味好好飲😋🔹️豐州嚴選丼內有中吞拿魚腩、赤身、金目鯛、油甘魚、帆立貝、赤蝦、海膽，還有時令鮮魚刺身兩款。厚切刺身肥美又新鮮，海膽夠鮮味; 壽司飯粒粒分明，是已調味的赤醋壽司飯，食得超滿足!🔹️本鮪(吞拿魚)三色丼內有中吞拿魚腩、赤身、蔥粒碎拖羅。賣相已100分，每塊都厚切既肥美又冇筋，拖羅碎配上香蔥、芝麻同蘿蔔，放在壽司飯上一口一口吃即提昇層次感，好味到停唔到口!🔹️兩款午市套餐包沙律和味噌湯，味噌湯足料勁多海苔，一口飲畢。

呢間餐廳分店好似越開越多相信好多人同我一樣未食過都有見過佢個名😂原本以為係偏貴價 今日認真望望餐牌又唔算就決定晏晝去試下佢地嘅lunch set🤓.🍴八貫壽司定食 $148 💛8.5/10除咗較常見嘅赤身、赤海老、玉子、墨魚仲有活北寄貝、油甘魚同其他時令鮮魚咩款式都有啲 選擇困難都唔洗怕😎佢地主打食材日日新鮮運到呢個價錢有高質壽司食真係回哂本🍣今次坐咗係卡位 見到入面仲設有吧台位如果可以邊食邊欣賞料理長嘅手藝應該更有feel😆.🍴安格斯西冷照燒定食 $168 💛8/10想試下佢地除左壽司刺身其他食物質素如何 就叫咗呢個set😏西冷保留到裡面仍然有少少淺粉紅唔會過熟咬唔開 本身亦切開哂方便入口甜甜嘅照燒汁 配埋肉味濃郁嘅西冷🐮好快就送哂成碗飯唔食魚生嘅朋友都唔洗怕冇其他好嘢食💁🏻‍♂️.lunch set有跟沙律同味噌湯 唔怕唔夠飽個湯仲要超多紫菜同蔥 幾好飲😳另外店員服務態度好好落order時會問我地食唔食到wasabi又會不停留意洗唔洗refill熱茶值得一讚👍🏻

今日去左鮨樂食午餐定食性價比高，分別點左兩個定食，會附送沙律🥗味噌湯！沙律新鮮粟米甜，味噌湯有驚喜，仲有好多紫菜，好好味值得一讚嘅係服務態度好好，會成日斟茶，上菜又快！抵讚！好滿足嘅一餐午餐！6貫壽司🍣＋追加稻庭烏冬吞拿魚、油甘魚、墨魚、赤蝦、玉子、時令鮮魚壽司🍣厚切刺身好新鮮又肥美稻庭烏冬又滑又彈牙！銀鱈魚西京燒定食銀鱈魚平時就食得多，但通常都係好細條！但鮨樂嘅銀鱈魚西京燒份量足夠，大大條又入味但又唔鹹，食得好滿足

連鎖式都有好野既🤭呢度裝修勁似日本 有壽司吧枱及卡位牆身仲有好多魚的名牌 好似去左魚市場咁🐙今日同朋友食左個性價比高午餐定食每份套餐都有沙律+味噌湯 (超多紫菜的).🐟本鮪三色丼 $158分別有赤身,中拖羅,拖羅蓉魚係入口即溶的感覺 估唔到套餐都唔會hea真係俾足料🫶🏻日本米飯全部有調味 唔係普通白色 幾特別.🍣6貫壽司定食 $118分別有赤身,油甘魚,墨魚,赤蝦,玉子印有鮨樂的玉子係指標 一定要打卡啦 食落甜甜地的其他魚同蝦都超新鮮的. 荃灣/尖沙咀/灣仔/中環/觀塘 都有分店 lunch time又多d選擇啦😍.📍鮨樂📌荃灣大河道98號如心廣場二期1樓102號舖@SushiRakuHK#鮨樂 #壽司刺身關注組 #sushirakuhk #日本直送 #荃灣

早幾日放假，特登去荃灣行吓街，咁多好野食，中午一於去如心既Sushi Raku 鮨樂食飯飯🐷患有選擇困難症既我決定先叫個十貫壽司，可以一次試曬十款🤘🏻😎跟住再叫多個吞拿魚三色丼，啱晒鍾意食吞拿魚嘅我😝十貫壽司方面，無論係魚類抑或帆立貝、玉子燒等都好新鮮！而且每粒嘅刺身都好厚，飯又唔多，啱晒我呢啲唔太鍾意食飯但係又想食下壽司嘅人😝啖啖都係刺身，口感好正啊！而吞拿魚三色丼更加係滿足鍾意食吞拿魚嘅朋友，佢啲吞拿魚舊舊都好厚，配埋一大碗醋飯，一口接一口咁停唔到😋不得不提，呢兩個都係午市嘅定食套餐，唔單止比原價抵食，仲有跟埋沙律同麵豉湯！呢個價錢食到呢個質素嘅壽司，好滿足😋😋

$298/12件壽司的lunch set，全部都好好，特別推薦： - 海膽一食就知日本貨 - 赤身好軟身好濃味 - 隻蝦都好爽口好重蝦味$218/10件，性價比無$298咁高，同埋有少少失望嘅係隻鮮北寄貝唔太爽口同無乜味，不過整體都唔錯😋另外仲加左個promotion option，$65有赤身+中拖+大拖，都係赤身最驚喜，中拖有少少油得黎亦都有魚味，反而大拖最普通。環境都幾舒服同乾淨，服務不過不失，服務員都會主動收拾同加茶👍🏻

加拿大海膽同北海道海膽都係臭嘅，阿摩尼亞味極重，明礬太多，兩舊屎同一舊屎嘅分別，飯又乾又硬又冇味，黑醋飯都可以做到咁唔知有咩好講，舊舊番都成個藝術品咁，舊舊形狀都唔同，有d 可以係一隻手指尾咁細粒，有d 係沙漏形，有d 係打火機咁嘅薄度，有d 係駱駝峰形狀，唯一共通點係舊舊都咁難食。再講魚生，有d 都正正常常，大部分都唔新鮮，吞拿魚可以酸嘅，帆立貝又係酸嘅，燒帆立貝都係酸，軟殼蟹手卷有6分之一隻軟殼蟹比你，冇咩事請我都唔會黎，可以差過爭鮮嘅壽司店真係第一次見，勁！

鮨樂分店越來越多，荃灣如心廣場匿間第一次食，今日返工受氣，決定食好Ｄ安慰一下受傷的心靈。荃灣分店裝修好靚，有一邊牆掛滿好多水產店鋪的招牌，好有特色。今日人多懶得排隊決定打包返屋企慢慢食。特選海之幸丼（HKD 248）海膽：勁甜，超級好味，味道鮮美。三文魚籽：好新鮮大大粒，一咬粒粒爆漿一Ｄ腥味都無。帆立貝：好大隻，又滑又厚，口感味道極佳。赤蝦：爽滑，好鮮甜，好好味。蟹肉：都好甜，但系感覺一般，有ＤＤ腥。店內食系用木盒，外賣盒系仿木盒，相當精美。

之前朋友介紹呢間 話啲壽司刺身好新鮮所以呢日終於可以試吓🍱𝑆𝑒𝑎𝑓𝑜𝑜𝑑 𝐷𝑜𝑛𝑏𝑢𝑟𝑖 特選海の幸丼 $248🍱𝑇𝑒𝑟𝑖𝑦𝑎𝑘𝑖 𝐸𝑒𝑙 𝐷𝑜𝑛 蒲燒鰻魚丼 $188🍣𝑀𝑒𝑑𝑖𝑢𝑚-𝐹𝑎𝑡𝑡𝑦 𝑇𝑢𝑛𝑎 𝑆𝑢𝑠ℎ𝑖 本鮪(中拖羅）壽司 $45🍣𝑌𝑒𝑙𝑙𝑜𝑤 𝑇𝑎𝑖𝑙 𝑆𝑢𝑠ℎ𝑖 油甘魚壽司 $21🍣𝐹𝑎𝑡𝑡𝑦 𝑌𝑒𝑙𝑙𝑜𝑤 𝑇𝑎𝑖𝑙 𝑆𝑢𝑠ℎ𝑖 油甘魚腩壽司 $28🍱🍣𝑆𝑎𝑙𝑚𝑜𝑛 𝑆𝑢𝑠ℎ𝑖 𝑆𝑒𝑡 三文魚壽司盛合 $95➡️名副其實壽司非常新鮮 刀工唔錯 令壽司睇落即刻高級左➡️有啲令我估唔到係鰻魚丼都燒得好香好入味➡️不過呢度嘅壽司飯比其他餐廳頗酸 但對我嚟講係接受到嘅 如果唔太好醋味嘅朋友未必會鍾意呢間 ➡️海鮮丼嘅海膽都算大舊 蟹肉份量都算多 一啖食到幾份海鮮嘅味道 感覺好幸福好滿足😊

如心廣場呢間日本壽司店，開咗一段時間都未有機會是，天時暑熱唔知食咩好，最想食壽司。一食件壽司😳啲醋飯好酸，第一次食到咁酸既飯🙈啲刺身係好新鮮既，不過可能師傅今日重手左🥴🙈唔係食咗好多嘢，個鰻魚壽司等咗勁耐🥲價錢貴咗少少，整體有啲失望🙍🏻🔸吉列蝦反卷🔸蟹肉海鮮蒸蛋🔸炙燒厚鰻魚🔸自家製玉子、三文魚腩、炙燒三文魚、珍寶赤蝦📍#鮨樂 (#荃灣美食)荃灣大河道98號如心廣場二期1樓102號舖

朋友神神秘祕🤔話搵咗間食壽司🍣好似幾高質帶我去試，食完之後又真係真心覺得正喎🤩 呢個「鮨樂」有六間，今次試嘅係荃灣分店，消費$200就有兩個鐘免泊車🅿️ 夠晒方便👍🏻🌊北海道海膽好鮮甜，入口好creamy🐟大拖羅勁厚切，一啖唔會食得晒嗰種厚，但界花界得好靚，每啖咬開都係入口即溶好肥🤤🐠油甘魚腩油甘嘅魚鮨味好重，好嫩滑🔱深海池魚王勁肥美，一咬落去嘅肉質係夾夾地但係完全唔會有筋，好新鮮好鮮味😳其他壽司就亦同樣鮮甜，每舊都係係超厚切嘅魚生😍，舍利係有用傳統江戶前嘅赤醋米飯，所以飯身係啡色，全手握，不過只係握得鬆散咗少少🤏🏻但醋酸味道調得剛好帶到魚嘅甘甜👍🏻🦪時令岩蠔岩蠔係朝早✈️日本直送，味道比一般日本蠔肉厚肥美，海水味濃🫠🦀甲羅燒蟹膏入面有埋蟹肉碎撈埋一齊，用咗白飯魚煎出嚟做成嘅餅底，夾埋濃味嘅蟹膏味好夾同有魚鮮味，不過就略咸咗少少，撈飯食更出色但份量偏少🦐櫻花炸蝦卷同🫑野菜天婦羅正常發揮，同埋呢到嘅熟食類別相對會比較少選擇，但對於鍾意食魚生刺身嘅朋友可以一試😉

呢間貴少少，但係真係件件都好新鮮！搵返少少去黑門市場嘅感覺👆🏻梅壽司盛合😻海膽非常靚仔，少少都冇溶，而且非常鮮甜！幾款白魚都好清甜，帶子仲好厚肉地，size 係L級數，壽司飯已經有充足嘅豉油，岩岩好，避免喧賓奪主👆🏻海之幸丼😼又係我最鍾意食嘅鯛魚，每塊三文魚子新鮮赤蝦同三文魚，無論畫面同口感都好豐富，最緊要係啲魚非常新鮮，魚生飯都係配左適量嘅豉油👆🏻瀨戶內海活北寄貝& 追加鯛魚😻真係好掛住喺瀨戶內海嘅活北寄貝，咬落去索索聲，好彈牙，浸海水味仲好鮮甜...⚠️非進食時記得帶口罩⚠️除左口罩再消毒雙手💸.消費. $872🈵.回頭率. 8.7/ 10

講好嘅先店員服務態度好好成日都會過嚟問需唔需要加茶講解同覆order 都好細心環境方面都算乾淨但每枱之間距離都唔係話好大空間有少少擠逼但入到舖頭已經好大陣魚腥臭味已經心感不妙叫咗幾件壽司 同鰻魚飯帶子同虎蝦壽司都尚可接受食落都叫新鮮但魚類就有少少腥至於海膽簡直係災難 又腥又臭 八十幾蚊一件竟然同連鎖迴轉壽司嘅都不如炸蝦卷啲飯又勁鹹鰻魚飯又係醬太多 仲要d刺去唔乾淨 成排仲係度埋單成千蚊 俾多少少去食omakase lunch仲好☹️☹️☹️☹️