鮨樂 (業豐大廈)

營業中

休息中

呢日誤打誤撞咁就嚟咗呢間壽司店食omakase, 以中環嘅omakase嚟講，呢度cp值真係好高，食得好滿足😍 餐廳有兩款omakase提供，兩款都有試～🔸 華ʜᴀɴᴀ ᴄᴏᴜʀsᴇ $680/pax +10%✨前菜：汁煮三文魚用咗酸酸甜甜嘅柚子醋去醃製八爪魚，八爪魚爽口彈牙，味道清新，非常開胃！✨蒸物：海膽三文魚子蟹肉蒸蛋舖喺表面嘅海膽、三文魚子、蟹肉同冬菇片蒸完之後依然保持到鮮味，蒸蛋滑嫩，鮮味十足！而且賣相都好精美，除咗用靚靚嘅茶碗裝住蒸蛋，仲喺表面灑上咗金萡😳✨刺身2點：平目魚+牡丹蝦 刺身非常新鮮，食落鮮甜～平目魚上面灑上少許櫻花鹽，少少咸味反而起到提鮮嘅作用，令平目魚食落更鮮甜！刺身旁邊除咗有wasabi之外，仲有用幾種蝦製成嘅蝦粉可以點牡丹蝦，令味道更豐富，昇華去另一個層次😍✨手卷：拖羅蓉手卷略脆嘅紫菜包住拖羅蓉同壽司飯，味道唔錯~✨手握壽司9件🍣 春子鯛：夏天時令嘅鯛魚bb，肉質鮮嫩，用醋鹽醃過非常開胃✨🍣 海膽墨魚：墨魚經過特別處理，先用滾水淥然後過冰水，所以唔會有層衣，食落爽口～海膽都非常新鮮，鮮味十足🍣 關池魚：係一種細細條嘅光物魚，肉質鮮甜爽口，油份少，配埋薑蔥

我喺中環返工，就梗係唔知點解時不時會想食壽司。鮨樂係我經常lunch光顧的壽司店，食材新鮮，在中環黎講價錢唔貴，座位唔會太逼，亦都唔洗排好耐隊，另外外賣仲有優惠。竹 壽司盛合 （10件）壽司飯溫度微暖，酸味適中，飯口感亦可以。魚生方面都尚算幾新鮮，當中最想讚佢嘅吞拿魚赤身、油甘魚同中拖羅，魚味濃，油香重，唔錯。重有要提嘅就係佢嘅蛋壽司，好好食。但唯一樣野有意見，就係有一兩次食到魚生有魚鱗，呢樣野鮨樂需要注意。

「中環 • 鮨樂」 呢間日本餐廳係位於中環德己立街 有兩層而座位都好寬敞好舒服 店內充滿著日本裝飾 尤如自身於日本🇯🇵 我地就座係師傅面前 魚生都係係我地面前切好新鮮的樣子🍣炙燒海膽丼 ❹. ❷/➄炙燒海膽丼會有海膽、金目鯛、油甘魚、吞拿魚、三文魚籽、牡丹蝦、玉子，另外因為午餐嘅關係會有埋沙律同埋味噌湯 因為本人唔太鍾意油甘魚所以轉左做帶子 師傅比我轉一款🥰 而個飯底係用有醋嘅珍珠米 全部材料都好新鮮👍🏻👍🏻 之後一定會再幫襯！

日本野食尤其刺身始終係我的最愛😍黎開呢頭，見未試過呢間同咁多好評就入去試吓😀未夠十二點去到都已經有幾個人，店員安排咗我坐樓上位，坐喺bar枱前可以望到師傅預備食物👏🏼有選擇困難症的我望到餐牌樣樣都想食，最後叫咗拖羅丼每種拖羅同吞拿魚蓉色澤光鮮，魚蓉冇渣，食落亦非常新鮮，飯軟硬度及醋味適中，食完真係好滿足😋埋單連加一二百幾，中環區黎講價錢合理！食食下愈黎愈多返工人士黎啦下次要再試下其他丼飯😝

對上一次上過去店舖已經係兩年前因為去之前幫襯過如心嗰間覺得好好食所以當時適逢我老公生日我哋去完海洋公園特登搭車去中環分店打算幫襯去到先知當時係立食冇理由生日流流企喺度食仲要我哋BB用緊BB車實在冇辦法推住BB車上樓梯所以就冇幫襯到一直覺得可惜好希望有機會可以試吓食中環呢間早排聽人講話而家終於有座位適逢今日就到我生日我哋一家去完海洋公園諗住終於有機會幫襯啦帶着期望去就真係失望到爆炸首先，去到竟然要我哋坐一入門口嘅吧枱嗰度每個人入嚟都會出出入入咁我哋有小朋友(先得兩歲幾)你裏面有大把位冇理由要我哋坐門口位姐咁我就禮貌地問下可唔可以坐入少少點知個女侍應黑晒面，唔出聲，淨係掹起塊板好似喺度發脾氣咁態度好差！但我都冇出聲！之後啲嘢食竟然同如心嗰間爭好遠壽司舊飯，得半啖咁細件人哋一口壽司都大件過佢然後個牛肉烏冬，碗麵仲細碗過人哋啲細蓉好似兒童餐咁，唔似大人份量，完全唔值呢個價錢然後刺身圖片好大碟送到黎又好似袖珍咁所有嘢都不似預期價錢偏貴，成$810所以冇下次以後都唔會再幫襯

📍#鮨樂人均消費: HKD292今次就到時間，終於去到Bookmark左勁耐嘅鮨樂 ！ ✅ 佢地招呼都幾好，不停傳話俾其他同事客人嘅安排 👍🏻 揀咁坐樓上對街位置，靜靜地自成一角！⭐️梅壽司盤合🍣 $298啲壽司勁大件！魚生來講都算幾新鮮同埋厚切！份量都好大！好多款都有啲topping加咗上去，配搭比較新穎，冇咁寡！不過略嫌壽司飯有點帶酸，整體感覺爭少少，但都算幾唔錯，最鍾意係拖羅同海膽，真係好新鮮！⭐️特上壽司盛合 🍣 $218呢個盛盒就有五件壽司， 加3款軍艦，五件壽司質素都幾唔錯，三款軍艦比我想像中出色！特別係三文魚籽同海膽，好好味！有9折，人均都係$300左右，我感覺性價比都唔錯！

特選北海道丼 LUNCH SET $208海膽、帶子、三文魚子、蟹肉、珍寶赤蝦配埋沙律同味噌湯呢個配搭全部都係我至愛🤤🤤🤤丼飯係柚子醋既珍珠米可能會偏酸 但我自己就覺得好開胃全部材料都好新鮮 海膽都幾多下三文魚子粒粒分明 好有光澤😌壽司叫左幾款 特別推介 塩燒喜知次 $48 之前未食過 好爽口😌燒左層皮好香 加埋啲油脂 所以特別好食炙燒厚鰻魚 $22肥美🙈 仲要有啲燶邊好食過原條海鰻北海道岩蠔$38 都新鮮 不過就唔係好大隻

疫情嚴峻，唔想堂食唯有外賣。之前堂食好食又滿足。外賣盛合和當飯都沒有湯和沙律, 當飯份量又細咗，接近$600外賣唔飽又唔滿足，外賣仲要加好多不必要嘅膠裝飾，紙裝飾，好唔環保，冇下次

是日特價清酒50蚊。好味，比較mild。同壽司夾口感更上一層樓。一開始黎嘅麵豉湯不得不讚。同出面味道好唔同，唔會太鹹，真係好味好多。再黎嘅係魚肝小食。感覺一般，食多會有點膩的感覺。冷稻麵湯底係凍嘅，有淡淡清涼薄荷嘅感覺。食落煥然一新。加埋wasabi同薑食幾有趣味。定食包含的壽司。吞拿魚鮫壽司係最好食同難忘嘅，因為油脂實在豐富。 仲有三文魚腩壽司，金目錭壽司，本鮪（大拖羅）壽司質素也不錯。值得一提所有壽司入面嘅飯量比其他壽司店舖少，突顯出魚嘅鮮味。飯入面已包括微量wasabi同黑醋，更能叫到鮨味。食完超滿足嘅原條海鰻壽司同特盛北海道海膽軍艦。最後order左蟹。令我哋好難忘。肉係比一般蟹多，因為大隻。但食得好麻煩。d肉周圍飛，重剪爛咗把鉸剪。。（頑強嘅蟹呀~~）有啲後悔叫咗，純粹因為我哋都好怕麻煩。😂 整體而言好食， 質素不錯。

今次又同二家姐食好野😆😆平時間唔中會行過但真係唔知呢度有間咁好食嘅日本嘢🎊 店內主要係吧枱嘅位置，非常適合約會或者是二人聚會，仲可以全程望住師傅們整嘢食，真係一種享受！😊😊 服務態度非常好，安排我地坐低後，非常熱情地介紹餐牌俾我地👍🏻👍🏻👍🏻 我地食左非常多😂😂食到隔離枱都忍唔住同我哋搭訕，走嘅時候卡幫妮已經飽到不行，但係二姐居然話佢仲可以食，真係好驚人嘅食量啦！😂😂😂😂白子（北海道產）$48岩蠔 $48 @1本鮪（大拖羅）壽司 $48@1炙燒魚背壽司 $28@1炙燒厚鰻魚壽司 $28@1蔥粒吞拿魚腩手卷 $48海膽三文魚籽卷 8件 $218鹽燒油甘魚鮫 $98炸雞軟骨 $58 鮟鱇魚肝 $58 石垣鯛壽司 $32 @1赤鯥壽司 $58 @1特盛北海道海膽軍艦 $78@1特盛蔥粒碎吞拿魚腩軍艦 $48@1池魚刺身 $128是日特價清酒 $50 @1， 飲左5杯😂燒雞泡魚乾（經理送）腌漬蘿蔔/牛蒡 （經理送）兩位 $1753 💪🏻😋😋😋😋真係好食得😂😂所有野都好好味👍🏻👍🏻用餐氣氛好好，開心又輕鬆😍😍一定會再幫襯🙌🏻🙌🏻

我隻腳已經不受控制咁又行入嚟食午餐😂今回食咩好呢？緊係要揀我最愛嘅海膽，呢個北海道定食，果然冇令我失望，佢嘅海膽真係好正，係個口已感受到甜甜的(唔新鮮係感到苦)又多蟹肉、三文魚子又大粒！成盒飯都食晒⋯⋯一滴豉油都唔使落，照樣食晒。我叫左鰤魚，又係好食😋

我又黎食另一款午餐，嘩！超正😋特選刺身定食，見到都覺得正，食晒成盒飯都唔使落豉油👍喜之次壽司，我第一次食，都唔錯喎！加埋湯同沙律，食到好滿足，最後欣賞嘅就係佢哋嘅服務態度，除咗禮貌外，我走嘅時候，佢哋重會講蔡太拜拜⋯⋯咁多客，佢竟然記得我係蔡太，真係好窩心。

呢間店一入去已經好日本feel ，佢哋員工亦好有禮貌，問問點稱呼？之後請我上二樓，員工會用蔡太稱呼我帶我入座，感覺好好👍我叫左櫻花🌸午餐定食(湯好好飲沙律都好好味😋)什錦魚生都係大大舊，放得好靚，令你食慾大增，起初以為會唔夠飽，點知都好飽，我重叫左一件白蝦壽司剝皮魚壽司，又係值得推介好正，我未試過要落豉油呀⋯⋯真係好新鮮，食日本野就係要呢種感覺，所以你哋一定要黎食。

是日30號，出糧日，每月就只有這一天，當然要約同我一樣咁鍾意食嘅細妹去非常放肆地食一餐😂😂😂今日就選擇左呢間中環嘅鮨樂因為我同細妹都好鍾意食日本嘢，今日可以不問價錢鍾意食乜就食乜，兩個女人飲飲食食嘅威力究竟有幾勁，食到連待應們都嚇一跳😂餐廳非常不錯，首先服務非常之好，Joey 經理細心為我們介紹餐牌，有什麼酒好飲有什麼好食，佢介紹嘅嘢我哋都有點，全部基本上都好啱我哋口味，質素亦非常之高，當然我哋亦都不太計較價錢，能夠盡情地飲飲食食，由7點食到人哋打烊，今晚非常開心，盡慶💛▪️Sake $50 per 100ml x N🤷‍♀️▪️白子 $ 48▪️岩𧐢 $96▪️大拖羅壽司$96▪️炙燒魚背壽司$56▪️厚鰻魚壽司 $56▪️石垣鲷壽司 $64▪️蔥粒吞拿魚腩手卷$48▪️海膽三文魚籽卷 $218▪️鹽燒油金魚鮫 $98▪️炸雞軟骨 $58▪️赤鯥壽司 $116▪️安康魚肝小食 $58▪️特盛北海道海膽軍艦 $156▪️特盛蔥粒碎吞拿魚軍艦 $48▪️関池魚刺身 $128▪️燒雞泡魚 （經理送）▪️鹽漬蘿蔔/牛蒡（經理送）✨整體食物質素，服務態度非常之好，絕對需要回頭的日本餐廳✨

中伏！可以話係我一生人食過最細粒嘅壽司。味道方面可以，不過$148呢個價錢實在太貴。堂食好似大件D。總之，建議大家唔需要去，除非想節食！仲有就係門口個妹妹話套餐包沙律同湯，點知收咗錢俾咗個盒我又話堂食先有送。唔係化？