鮨岐

營業中

休息中

今日來到紅磡，見到有間新開既日式餐廳還是試業中，外觀看上來非常優雅，真的是行過路過，不可錯過，當然要入內試試啦。店內以淺木色為主，裝修得簡潔需舒適，每個座位間距離適中，不會出現好迫的情況。座位方法亦有多種選擇，例如四人枱、卡位、還有可包廳的房間。食物方面，除了壽司外，還有炸物天婦羅、串燒、爐端燒、魚生丼等等。味醂魚干魚干味道鮮甜香口，內裡還保留了其肉汁，煙韌彈牙，口感一流。銀雪魚西京燒銀雪魚表面燒至金黃色， 香氣撲鼻，垂涎欲滴。無骨啖啖肉的魚肉肉質的嫩滑，相當creamy。北海道三色魚生飯北海道三色魚生飯上加上滑蛋，輕輕一切，便把蛋破開，蛋醬都隨着流出，混合蟹子與刺身(三文魚、帶子、白身魚)，更顯各刺身的鮮嫩，清甜，正。

紅磡一向多上海野食，今次黎到見到呢間新開既日本野門面好企理就想試吓，仲唔到入到去有驚喜，除咗有日式箱房，仲有睇到師傅整壽司既bar枱，非常有日本風🇯🇵食物方面都幾多選擇👍🏻除咗散叫仲有晚市定食非常抵食，係一般日本餐廳午餐價😆定食有包湯、沙律、主食同甜品🍮咁我就叫左個多人叫既鰻魚飯，好有驚喜😍飯用木盒裝住仲有荷葉，好有誠意！鰻魚大大件又肥美，燒得非常好，勁香朋友就叫左牛肉烏東，牛肉幾有牛味👍🏻黎到食日本野當然要叫d魚生啦😆見佢有薄片刺身正呀!鱆紅非常鮮美，厚薄岩岩好，值得叫再黎就係最愛既scallops 😍😍呢兩粒真係不得了，大大粒勁新鮮，完全冇怪味，又甜又入口即溶，拍得住係日本食既，大推最後每人唔洗200，但呢餐質素非常高，好抵！難怪佢咁多人食要排隊🤣👍🏻

今日去開紅磡行街, 就順便就去咗紅磡必嘉街搵食。呢間日本餐廳地方都幾大，入面除咗有一般嘅座位仲有壽司吧枱同包廂房間，都幾適合成班朋友一齊食。牛油果軟殼蟹卷份量好大，牛油果同軟殼蟹味道非常夾，脆得來亦有牛油果嘅滑。值得推介。佢哋呢度啲串燒亦都非常抵食，價錢唔貴之餘份量亦比一般嘅大串。燒雞皮 - 雞皮燒到脆卜卜，加上醬汁非常招惹味。免治雞肉棒 - 口感軟滑，食落唔會一劈嘢豚肉串 - 豬肉唔會太肥，外皮燒到金黃色，外脆內軟！溫泉蛋天婦羅另一推介美食，半熟嘅溫泉蛋已天婦羅方式炮製比較少見，香脆嘅愛情一咬落去有濃濃嘅蛋汁非常出色。黃金汁燒蠔，燒蠔上甜甜嘅黃金汁，令人一試難忘。安格斯牛扒定食賣相非常好，牛扒牛肉味幾重，目測大概七成熟，所以肉質都好淋，而且百零蚊有成塊牛扒再加白飯沙律同湯，好食得來都非常抵食。最後仲有啫喱做甜品

我個人來講都幾鍾意去食下唔同嘅日式餐廳，見到OpenRice話呢一間餐廳係新開就梗係約埋個朋友去試吓啦未到夜晚7:00已經有好多台客喺度食緊飯，鋪頭唔算好細但係都有一啲日式嘅相房可以提供比人哋去選擇入座，感覺真係好似去咗日本咁我同朋友叫左一個晚市定食第一個係野菜牛肉鍋:定食入面係包括左沙律麵豉湯同埋白飯嘅湯底清清地唔會好鹹而且下面都鋪滿大量嘅娃娃菜吸收晒湯底嘅精華非常好食而且牛肉片嘅份量非常之多，牛味香，仲有個留心蛋係中間，係一道不錯嘅菜式第二道就係帶子沙律:三個菜非常之新鮮而且份量十足仲配上大量嘅三文魚子番茄同埋粟米，加添埋煎左少少嘅帶子，成個沙律感覺非常豐富再嚟我哋叫咗個燒茄子，呢度燒茄子嘅方法同出邊有啲唔同唔會喺面嗰度查咗好多醬料。我頗為欣賞呢一個做法，因為食落去唔會好鹹最後我哋仲叫咗一個燒雪魚骨:呢一道菜反而有啲驚喜因為燒得好香口而且啲骨煎得好香脆都可以食埋落肚係一到幾特別嘅菜式最後仲送上甜品，為我哋呢一餐畫上一個完美嘅句號下次有機會一定會你再試下因為佢仲有好多好多唔同嘅食品我哋都冇叫到。

紅磡好少做得好嘅日本料理，咁啱經過見佢新開，所以就同老公入去試下！一進門又光猛又乾淨，而且兩個後生男侍應都好有禮貌。㨂好食咩之後就同個紮辮嘅中年女侍應落單，奇怪乜都黎齊就係爭個沙律未黎，問番個阿姐，個阿姐望完自己手寫嘅簿仔，個樣明顯係自己無落，但就同我哋講「我叫師傅整快d」然後就急急入電腦，由頭到尾一個唔好意思都冇。喂當我盲架？望住你入單架！衝住呢個阿姐嘅表現，本來真係想俾負評，但係佢d食物係above average，沙律足料又新鮮，鍋物同石鍋飯都係水準之上，老公仲好滿意d壽司。所以都唔想俾嬲嬲，畢竟係新餐廳d嘢又好食，其他侍應又好好。希望果位阿姐可以改善下！

除了西餐，日式料理亦是我的最愛。剛開張的日式餐廳 - 鮨岐則登陸黃埔，當然一嚐以滿足口腹。晚上還未到19:00，餐廳已座無虛席，幸好還有日式廂房提供入座。雖然店舖細小，但仍能做到3間日式廂房，廂房面積不太狹窄，尚算寬敞。蟹籽沙律．HK$48大量蟹籽提升了整碟青瓜絲同沙律，口感一流。不斷搞拌，不斷撈起，視覺上亦大飽眼福。牛柳粒石頭鍋飯．HK$88想不到竟被石頭鍋飯這四隻字欺騙了，日式餐廳所用的石頭鍋與大眾所想的石頭鍋有點出入，不過仍有飯焦，算是不過不失。牛柳粒唔chi 牙夠大粒，可略加黑椒味提升口感；水波蛋拌勻軟飯和飯焦，口感不錯。豬軟骨石頭鍋飯．HK$79同樣附有水波蛋和飯焦的石頭鍋飯，餡料轉了豬軟骨。沒有濃味的豬軟骨，但勝在啖啖肉同夠淋身，建議醬汁多返少少，容易餸飯。牛肉烏冬．HK$69烏冬湯底夠色但味有少少淡，好在一片片薄牛肉未至於會太un。一大碗牛肉烏冬都幾夠份量，而且烏冬又長又滑，令人好想親身飛去日本食返碗啊!日式炒野菜．HK$48雖然離不開椰菜、小棠菜、芽菜、蘿蔔、菇類同木魚，但認為加埋烤過嘅芝麻，可以令成碟炒野菜更加好食。建議可以收返少少水，落多少少鹽。日式海鮮蒸蛋．HK$

今日同老公試呢間紅磡新日式餐廳，可能平日去，所以比較少人，毋須等位。落單十分鐘，就已經上菜。食物款式算多，而且新鮮，價錢合理，最重要係環境舒適，不太噪吵，適合同朋友傾計食飯。野菜牛肉鍋 看似普通 但湯底岩岩好 不會太鹹壽司魚生新鮮個人最欣賞呢個燒雞皮，另外燒牛舌都好食，可惜太肚餓，未影相已經食左～有三間獨立房間，其中兩間可打通，最多可坐二十多人，適合生日飯慶工朋友聚會。可能平日去，而且又係新餐廳，餐廳較少人

仔仔話我地好耐冇食過日本野，咁做阿媽緊係識做啦！朋友話紅磡有間新開冇耐的小店，刺身新鮮價錢合理咁我地就過來食返轉睇下係咪咁好。仔仔一座低就自己睇餐牌話要食'北海道甜蝦帶子魚生飯'$128 ，果然識食， 碗飯送來時我地都嘩嘩聲，好豐富的刺身， 有甜蝦，帶子，三文魚，三文魚子，熟三文魚碎， 仔仔放學太肚餓成碗ko哂， 只比左一片三文魚和一件帶子我食。我就叫左'魚子葱吞拿魚腩茸' $128，實在太過份多吞拿魚腩茸到我食唔哂， 超好味每一口都有魚腩茸。另外仔仔仲叫左蟹子沙律和吉列豚肉。蟹子沙律好甜超多蟹子，而吉列豚肉就好重豬味，係旁邊有dd 肥。

今日去黃埔睇戲，睇完戲就直接周圍逛，周圍睇野食😈😈最後比這個名字，“鮨岐”吸引左入去食🤣🤣一入去就看到座無虛席，只是剛7點，就已經這麼滿座，心想，食物定必唔錯😈點了天婦羅烏冬晚餐: 天婦羅炸得很香，平日不愛吃南瓜的人表示，這個南瓜很甜又好吃，我愛上了🤣🤣吞拿魚蓉卷，我只能用彭湃來形容，一啖一口很滿足👍西京銀雪魚，燒得很香很滑，微甜的醬汁，令魚味更鮮甜👌至於串燒的，價錢抵食又多種類，估唔到又比我預到正野😈😈P.S.最後還會送上啫喱，美好的結尾🤩

午市免加一，價錢唔貴，食物質素都有返咁上下👍🏻日式吉列豬扒咖喱飯🍛豬扒厚肉唔鞋，仲有數舊薯仔同蘿蔔🥰食得好飽。我見餐牌張相壽司十貫有三文魚子，同侍應講左我唔食，轉要蟹子～最驚喜係吞拿魚，赤身都好好味！魚味好濃又香，佢既刺身都切得幾厚！抵食，海膽亦都唔腥唔會苦，其中一舊三文魚仲比左三文魚腩，幾肥美的。今日係大約12點半黎到鮨岐，差不多滿座😯好多人食，不過佢出餐又唔慢wor, 前菜好快就上黎（麵豉湯，沙律，日式蒸蛋），最後仲有個甜品Tim! 係啫喱黎既。行過見到仲有獨立房。

以前喺附近讀書，趁得閒就過嚟紅磡呢頭食下野，懷緬下日子。點知發現其實轉左好多新嘅鋪頭，咁即管就試吓新野～佢裝修都唔錯，幾有日式風情。海膽魚生丼🦐：呢個丼飯上面有嘅海鮮種類都好多，包括三文魚、鯛魚、三文魚子、帶子、油金魚、海膽同玉子等，呢個價錢算係相當豐富嘅組合❤️食落去都新鮮，特別係個三文魚子同海膽好食☺️鯛魚薄切🐟:佢嘅刀工唔錯，切到每一塊都均等，而且睇落係晶瑩剔透～話明薄切，所以食落去嘅口感唔係話會令到你覺得好有魚油香，反而個感覺係清新舒爽d💫野菜牛肉鍋定食🥦：個鍋嚟到嘅時候都仲係出晒煙嘅，佢一樣係牛肉片鋪喺面，有個流心蛋係中間，而下面就係有粉絲同埋娃娃菜做底～跟餐就會有沙律同飯同麵豉湯，絕對夠飽！雞腎/🐥燒牛舌🐮：呢兩種小麥嘅味道，佢嘅調味其實做得幾好，係惹味想令人食落去嘅，如果可以再熱d就perfect!!柚子燒白肉魚壽司🍋：我都係第一次食白肉魚，佢燒過之後，嗰種魚香味好出，加埋用柚子汁嗰種酸酸地嘅感覺，更加可以帶得出個魚嘅油香味。整體來講成餐嘅價錢其實唔係好貴，食嘅質素完全對得住個價錢！-俾啲餐牌大家睇吓：

黃埔附近新開的日本菜同屋企人來試下結果有啲失望本menu印到有一窟冇一窟叫左個刺身盛合，什錦天婦羅，野菜牛肉鍋野菜牛肉鍋個味唔錯，啲牛瘦啲不過我哋減肥啱啱好，鍋底大部份洋蔥，得幾條菜什錦天婦羅中規中距，麵衣多左啲，可能為左賣相好睇刺身盛合開頭話赤身要等耐啲，幫我地轉兩塊薄toro。上左嗰時賣相不錯，塊塊刺身都有成cm厚。不過食到件toro嗰時，哇！成條刺係度，差啲肯親。即刻叫個侍應來，結果埋來話我同師傅問下跟住就冇左回事，真係好嬲！間舖裝修唔錯，仲有tatami個室，不過啲侍應唔係好well trained，好明顯未準備好迎接晚巿既大流量。希望老闆好好地經營落去。