鮨岐

營業中

休息中

晚上7點幾經過鮨岐，門口有人等緊位，不過冇職員出嚟理你，自己自動自覺跟住隊尾。牛油果軟殼蟹卷：青瓜切絲夾埋軟殼蟹，外層用牛油果包住，擺款好靚，軟殼蟹炸得卜卜脆，幾好食。海鮮炒烏冬：烏冬彈牙，味道還可以。但我覺得海鮮料少少啲。蟹子沙律：不過不失啦，如果份量多啲就更加好。

       鮨岐壽司開咗好耐，一直想問機會過去試下，今天終於同FD一起過去試試。午市套餐都有10-20款可以揀，我們揀咗2個壽司烏冬定食同一個滑蛋豬扒定食。午市定食包埋麵豉湯，蒸蛋，沙律菜，主食同甜品。沙律菜好豐富，有粟米，生菜，番茄等，好清爽好fresh。壽司品種都好豐富，有帶子，三文魚，油甘魚，吞拿魚蓉，熟蝦等。雖然是街坊鋪頭，但是質素一點都不低，估唔到的刺身質素更高，全部都好新鮮好鮮甜，沒有雪味，難怪食過的FD對這家店都是讚！滑蛋豬扒都煮得剛剛好，蛋好幼滑，豬扒都幾多，搭配日本米，非常match！最後店家送埋甜品，真是好開心的一餐！

I have been wanting to try this restaurant out with a friend of mine for quite a while now. We decided to give it a go yesterday. I have heard good things about this place and after giving it a try, I have to say I am definitely not disappointed. For this price, you are definitely getting a fair quality of Japanese food. There were a lot to choose from. One thing that can be improved upon is the service. We had a new waitress that day and the encounter was unpleasant to say the least.

又係Lunch time出去搵食既時間，今次行左去紅磡食日本野，主題係要食平少少😹個menu都幾多選擇，Lunch Set基本上係包沙律、茶碗蒸蛋同埋甜品既，我地叫左：壽司十二貫：望落都幾吸引，刺身狀態都ok, 雖然未到好鮮味，但呢個價錢就冇太執著櫻花角切魚生飯：魚生都算俾得大方，同埋都算切得厚，同事要走青瓜壽司定食配牛肉細烏冬：牛肉烏冬得兩片牛肉，牛肉少少老，但烏冬都算彈牙很不錯。壽司質素同十二貫差唔多，最好食係個玉子燒甜品是黑加侖子味jelly。Lunch time黎講上菜好有效率，而且午市免加一，值得一讚。普通食個日本野既話呢間算幾好。

這間在黃埔與紅磡交界的日式餐廳，顛覆了我對魚生丼aka. “Sashimi Rice” （餐牌是這樣寫的）認知。😵‍💫因魚生飯俾熟蝦和熟三文魚！！！咁仲叫魚生？？😨叫了兩碗魚生飯及其他小菜：一碗是「海膽魚生飯」（$168），裏面隻蝦，係熟架！另一碗是「北海道甜蝦帶子魚生飯」（$128），裏面三文魚，又係熟！同侍應講咗問題，對答如下：我：點解你魚生飯啲海鮮係熟嘅？佢：係咁架喎！🤷🏻‍♀️我：你餐牌唔應該叫魚生啦。佢一臉不屑🤷🏻‍♀️講真，價錢偏貴，食物材料不算新鮮，味道一般。最重要我學咗新嘢，上了寶貴一課！每次去日本餐廳吃魚生丼，記住不怕老土地問：魚生係刺身嚟架可？😆😆

三文魚刺身 $68好厚切，有魚味唔係好淡味果啲。牛油炒蜆 $68今次無上次咁好食，無咩牛油味，同埋好咸🤮不過份量算多，同埋隻隻蜆都痴住殼。北海道三色魚生飯 $118魚生好新鮮，仲有一隻溫半熟蛋撈飯食👍🏻梅子茶漬飯 $40細細碗，梅子味酸酸地好開胃。炭燒味噌豬頸肉 $68份量有啲少，旁邊啲醬如果多啲會好啲。海鮮炒烏冬 $75性價比幾高，份量多，仲有一隻大蝦同蜆、蟹柳。鰻魚壽司 $48三文魚壽司 $25最後仲有甜品送

係黃埔附近想食下日本野 食過德美 聽人講呢間都唔錯就黎試下叫左炙燒三文魚飯。不過不失。收得唔貴但三文魚好少 寧願比貴啲食多啲料炸南瓜餅一碟2舊 食左先影好耐無食就叫黎食下。炸得好香好脆 不太油可encore.芝士年糕係燒烤堂食過世界級好食既芝士年糕 想睇下呢間做得好唔好一碟2舊 食左先影入面嘅芝士係流心既 但同相一樣 燒得唔夠耐 仲係好白 如果燒耐啲可以做到外層脆脆地就好芝士鰻魚卷上碟好靚 有4舊 但咬落口食唔到鰻魚味 口講無憑 自己睇相想搵都搵唔到呢個價錢 其他餐廳可以食到多啲料 更好食既壽司拆件搵出黎 - 鰻魚卷內的鰻魚 味道一般價錢正常食物擺盤靚 味道一般 材料很少但附近有更好選擇

小朋友見到menu上面的加州卷有黃瓜想食，所以嗌了加州卷。圖片上的加州卷有至少五種材料，但到上菜的時候裏面只有青瓜丶蛋及蟹柳。叫了侍應過嚟問清楚，說裏面並沒有炸蝦及黃瓜。應該是經理的九一分界的男士立即過嚟，說加州卷沒有炸蝦的，你去哪裏吃都不會有加州卷有炸蝦。🙄他沒有拿到重點，既然加州卷不應有炸蝦，那為什麼圖片裏面會有炸蝦？問題是裏面還有很多東西都你圖片不符。於是我問他那你這張相裏面的是否加州卷？他沒有答我只直接說加州卷一般有蛋丶蟹柳及青瓜。那我再追問這張相其餘的東西是什麼，他說是牛油果，我亦看不到牛油果在裏面，但他堅持放了在裏面，簡直指鹿為馬。洗手間抹手紙是廁所紙！衛生情況欠佳。食物質素一般丶價錢中等丶服務態度不好，以後不會再幫襯。

話說我book左今日夜晚諗住同女朋友慶祝 咁朝頭早已經拎咗個蛋糕過嚟諗住俾個驚喜佢。點知，夜晚一入門口，同店員講我地book左位，店員就問我：你係咪留咗蛋糕嗰個。大佬呀，驚喜嚟㗎，如果唔係我都唔使咁早拎過嚟la。咁佢安排我哋坐吧枱，然後個位係望到廚房， 見到晒呢啲全部冇戴口罩咁滯。而且負責吧枱嘅師傅係咁傾偈。我明白傾偈都係人之常情，但係你真係唔好傾得咁大聲呀嗎。同埋，我係book位同埋入到嘅時候，佢都冇同我講過有用餐時間。我坐左一個鐘都冇，毫無預警嘅情況下，佢就遞咗張單俾我。同我講出邊有好多人等緊，叫我哋幫佢埋咗張單。我地野食都未落格，蛋糕又未食。。。。我哋同佢講，我哋雪咗個蛋糕喺佢度，然後佢反問返我哋：你哋個蛋糕要食嘅？咁要收錢喎。嘢食就不過不失嘅，只係員工本身啲服務態度都唔太好。

身為紅磡人可以好負責任咁同你講呢間真係好抵食！ 個人覺得最好食就係刺身丼飯！ 首先晏晝時間每碗飯都係$100以內左右，但係份量完全唔會少~ 成個碗大約兩個手掌咁大，唔會怕平就好細份~ 而且刺身都好新鮮，食過咁多次都唔會有怪味或者覺得顏色好唔對路嘅情況出現~ 水準保持得好好~ 除咗飯本身份量好足夠之外，每個套餐都會提供蒸水蛋同埋沙律，仲有飯後啫喱，一整個套餐都只係$100咋！ 完全搵唔到有其他地方更加抵食~ 好多刺身飯中間仲有一隻溫泉蛋唔需要加錢，完全係良心價錢！

黃埔真係好多好多野食，之前同大家介紹過嘅1仔、威風百麵再加埋呢間全部都係係同一條街，一條街都咁多好野食，真係可以黎個黃埔美食一日遊🥰呢間日本餐廳門面睇好似好貴，點知原來lunch set都幾抵食，小編仲咁遲先發現到佢🥲餐牌選擇非常之多，除咗最基本壽司魚生之外，仲有壽喜燒、天婦羅、串燒同定食等等，每樣野都非常吸引😍.🍣櫻花角切魚生飯 $72Lunch set仲有沙律、麵豉湯、茶碗蒸同埋甜品，70幾蚊咁多野即刻唔使諗啦🔥個茶碗蒸幾有水準同埋一般日本餐廳都比較少食到，除非另外加錢叫🥲櫻花角切魚生飯係極多蟹籽配三文魚再加隻溫泉蛋，呢個組合真係無得輸，魚生都好新鮮😳淨係溫泉蛋撈飯都可以食到兩碗😂.🍣北海道三色魚生飯 $86北海道三色魚生飯包括有三文魚、油甘魚同埋帶子😝全部魚生都係大大件加厚切，比得一啲都唔孤寒，每樣有2-3件🤩.🍽味道: 4/5🏙環境: 4/5👨🏼‍🍳服務: 4/5💧衛生: 4/5💰價錢: 4/5

今日2021年4月22日下午13:00pm,我獨自一人坐壽司吧枱出面等待中，突然有老鼠🐭走出來，之後又走返入去壽司吧。由於老鼠🐭走得快，我未能及時影相。在場有職員都見到有老鼠，但追唔到老鼠，已經有其他食客嚇到馬上埋單走人。奉勸各位，想幫襯就要認真考慮，米奇出沒注意🐭。其實呢間日本料理店，我半年之前有曾經嚟食過，問題又出現晌壽司師父。身為日本壽司師父，個人衞生完全不符合最低標準。口罩戴到凸出鼻哥窿，整壽司隻手被我睇到佢有黑指甲。我已經冇嚟半年，今次見到壽司師父已經換咗另一人，見佢口罩有蓋過鼻哥窿，有戴手套整壽司，以為今次有改善。點知有米奇🐭跑出嚟迎賓。黑名單啦！點推介呀？疫情下，食肆係咪應該更加搞好衞生清潔，珍惜有生意？

長期留意餐廳環境既我，疫情下第一次嚟，發覺有兩間榻榻米房，廁所乾淨，行出去食煙只需要就近街邊（為日後疫情過後老闆宴客做好準備）。今日一行4人亦有做足防疫措施，分枱，量體温，每枱一支揉手液，整體環境舒服，至少唔會比人車個背脊，上菜快，加茶亦快，雖說生意難做但至少有做好功夫，食物新鮮。

適逢工作關係要係依區逗留一段時間今日午飯時間跟同事黎到必嘉街見到依間日本餐廳就直接入去午市有套餐，選擇不少點了柚子燒三文魚飯份量挺大，材料也十分豐富滿滿的蝦子，三文魚碎，正套餐還有沙律，麵豉湯，茶碗蒸，甜品CP值爆燈總括黎講有質素，絕對係附近上班一族既選擇之一以上食評只反映本人立場，如有雷同，實屬不幸

趕得切向收緊「食肆4人一枱」限聚令之前，一家6個人去食返一餐！因為 BOOK 左枱既關係，去到完全唔洗等位，就已經直接有位～今次係訂左間房，冷氣唔係咁夠.. 睇餐牌都有好多野揀，最吸引一定係魚生刺身喇！刺身盛合 $258 —好肥美！得幾舊完全唔夠分ＸＤ壽司每款都係超好味！又新鮮！我至愛既「火灸帆立貝」大大舊！熱食都OK（掛住食，唔記得影相）牛油果軟殼蟹卷 $79 蚊 咁大份超抵食總括黎講都好有水準，性價比都算唔錯～! 下次可以再黎過