鮨山月

營業中

休息中

「鮨山月」$880午市Lunch Omakase😍影片版前菜【慢煮鮑魚。茶碗蒸】慢煮鮑魚，好腍好鮮甜，唔濃味。以木魚高湯，製成茶碗蒸水蛋，面頭的蘿蔔苗好辛辣，刺激食慾！【愛媛縣象拔蚌】撒上岩鹽，爽滑鮮甜。配上石川縣荒魚，清淡彈牙。當中一款「磯之雪昆布卷」好香昆布味有層次感咬口，食落有滑潺潺黏液口感。【蝦油膏北海道牡丹蝦】以蝦殼、蝦籽、蝦膏炸成油，是超濃縮的蝦頭膏油香淋在肥美肉厚的牡丹蝦肉上，咬落彈牙黏口，蝦油蝦膏醬有超濃縮蝦味，一絕美味！【明石八爪魚】用蘿蔔熟成6日的八爪魚肉，醃製後外皮變得好軟腍，似啫喱質感，入面肉身煙韌。少少柚子醬油提味，口感相當特別。【青森小吞拿魚刺身腩】以稻草燒製煙薰、配搭高等蔥，而醬汁有秘製蔥油配合！望落似鰹魚原來係幼年金槍魚，好細條油鮨唔多，煙薰後香味可癖腥，食落咸香煙薰味好重，魚肉好腍，非常好食！壽司【愛媛縣 海鱸魚】夏天野生鱸魚肉質結實彈牙，少少柚子味，好鮮甜，米飯唔太甜。【富山 白蝦】勁鮮甜，好多份量，加左鹽花柚子皮帶出左個鮮味。【福岡 伊佐木魚】較清淡，少少魚香，新鮮彈牙。【靜岡縣 火炙金目鯛】魚身肉厚超正，表皮有超香炭香味，微甘帶苦，非常特別。【和

呢個月有鋪Omakase 癮，先後食左鮨釀，sushi mamoru 同今日嘅鮨山月。鮨釀有不足之處，短期不會再訪。sushi mamoru 食左兩次，係我最愛，我會俾5分。以mamoru 為標準，我會俾鮨山月2.5分。鮨山月係六月新開張既Omakase 店，一到達服務員服務態度殷勤而細心，幫我調左坐喺師傅面前嘅座位，方便我欣賞師傅功架。其後加茶速度迅速，亦有帶領我去洗手間，服務態度無可挑剔。今次點左$680午餐，包括13件壽司,一前菜一卷物一湯及一甜品。茶碗蒸加入鮮蝦同鮑魚，都好鮮甜，蛋亦水嫩，但略嫌不夠咸。舍利醋味頗重，搶了不少白身魚既味，配搭其他材料則可接受，但師傅握功尚待改善，因舍利空氣感不重，黏合亦唔平均，易散，我有好幾次都唔能夠順利將整舊壽司夾起。壽司方面，我認為只有白海膽同醬油漬吞拿魚係好食。白海膽用了東沢水產，味道鮮甜而濃郁，好食。吞拿魚係來自波士頓以延繩捕獲，此時期愛爾蘭鮪、波士頓鮪較為肥美,早前於mamoru亦印證了此，而鮨山月嘅醬油漬吞拿魚味道平均，有啫喱口感，不俗。以下是我覺得不合格嘅魚。深海池魚咬到尾段略嫌帶腥。紡錘鰤過瘦，欠缺魚香。赤貝不夠鮮甜。牡丹蝦加了用

從未食過Omakase, 碰正呀女生日, 想試下, 但坊間有好多介紹, 價錢可以差別上$1000以上, 真係要小心選擇. 上網有看到介紹呢間"鮨山月" 開店五係好耐,  竟然都有好多人推介, 加上中午價錢分別有$680/880選擇, 第一次食, 都係選較便宜的餐試食下. 一去到, 侍應都好熱情招呼, 好貼心幫忙 (因為椅有點高,她會幫忙推椅及放手袋), 見到塊巾摺到件袍,好得意沖柸好香的綠茶給我們.  一坐下, 前面個寿司師傅會跟你先打招呼及問你有什麼食物敏感.  看環境, 好乾淨企理, 日式佈置, 背後有竹林圖案隱約透出來, 格局舒服, 大家都圍住師傅來坐. 平日中午, 都坐滿, 無計錯應該有16個位吧! 睇住師傅一面同人客溝通, 一面做食物, 係一種享受. 每一道, 師傅都會介紹是什麼魚生名字, 有些不是常見的名字, 師傅會介紹近似香港的什麼魚款, 加深我的認識, 所以非常清晰 第一道是鮑魚茶壺蒸, 鮑魚鮮甜爽口,蛋又滑又帶點甜味, 因為第一道菜, 是最肚餓, 所以特別好食 跟住係, 石湖標(花金古),白蝦, 漳泥烏賊,北海道慢煮凡立貝,深海池魚,牡丹蝦(面上有蝦糕同蝦子),慢燒金

銅鑼灣。ⓝⓔⓦ。高質豐富omakase 很喜歡這裏的環境，磨砂玻璃能夠透出自然光，感覺也很舒服呢。(´▽｀) Lunch omakase $680 /$880茶碗蒸、前菜、壽司10件/13件卷物、湯、甜品當天最深刻除了是海膽，也吃到較少見的筋子——是一串三文魚卵，並連膜整串以酒、味醂和醬油醃漬，口感比三文魚籽鮮甜，不會吃到腥味，還帶一點甜味呢！來自波士頓的野生拖羅是另一大亮點，餐廳用了熟成的方法處理，令肌肉結構削弱，肉質變得更軟嫩。一般養殖拖羅會令油脂太高，變粉紅色。來自深海的以蝦為食糧，故此偏向深紅色。師傅經驗豐富，對烹煮的方法和食材也非常了解，細心留意食客的反應，整體用餐經驗也10分良好。而且其他服務員的服務態度也很好呢。

銅鑼灣新開日式料店內設計簡約裝修以木為主最矚目有一排竹林背景的窗充滿和室感覺食物質素與服務態度都非常滿意個人最喜歡前菜的昆布漬牡丹蝦，用蝦湯煮成的啫喱上面再放上蝦籽和蝦膏，每一啖都充滿鮮甜香濃蝦味。壽司方面最愛當然是✨和歌山備長炭燒過的金目鯛，食落陣陣炭燒香味😋✨青森縣大間吞拿魚赤身，口感又淋又滑✨14日熟成大拖羅都非常出色👍🏾✰午市廚師發辦 $880茶碗蒸蛋·4品前菜·10貫壽司·卷物·湯．甜品⁴前菜✧愛媛縣象拔蚌·石川縣荒魚·磯之雪昆布淮山卷✧昆布漬北海道牡丹蝦✧青森縣BB吞拿魚✧ 三河灣（愛知縣）平貝¹⁰壽司✧愛媛縣鱸魚✧富山縣白蝦✧北海道慢煮帆立貝✧福岡伊佐木魚✧福井県障泥烏賊✧靜岡市金目鯛✧和歌山紡錘鰤✧赤身漬✧大拖羅✧北海道馬糞海膽

趁著放假，小編時時會約朋友去食Omakase，慰勞一下平日工作嘅辛勞！近來，我就試咗銅鑼灣新開嘅鮨山月午市廚師發辦！諗住簡單食個飯，點知無論食物品質、服務及環境都比預期中好！😍鮨山月提供2款午市套餐，分HK$680及HK$880兩個價位，前者係13件壽司＋卷物，後者則為4品前菜＋10件壽司＋卷物，只係差200蚊，但相對豐富好多，我當然揀後者。驟眼望，價錢唔算特別平，但食起上嚟，份量都幾足！難得嘅係，師傅用上好多同級Omakase所沒有嘅稀有魚類，如價格可比海膽、僅有一個月魚季嘅天草新子魚，夏季限定嘅石川縣荒魚等，據說都係師傅相熟嘅日本朋友，每日新鮮投標得來，非常難得！至於服務及環境，我都覺得鮨山月整體都好好！壽司Bar枱闊落，配上竹林和室，感覺舒適！Bar枱仲特登設計成同客人枱同樣高度，方便師傅同客人交流，展示是日魚鮮，同埋製作過程，唔似部分Omakase店咁遮遮掩掩，係信心嘅表現！✦ 午市Omakase HK$880✨鮑魚茶碗蒸 🍴3.5/5前菜先是暖胃嘅茶碗蒸，上有慢煮鮑魚、蘿蔔苗及木魚高湯芡汁，芡汁增加咗蛋嘅鮮甜及嫩滑度，鮑魚軟腍，清清地，口感不錯。\4品料理/✨愛媛縣象拔蚌、石

好耐冇食過Omakase喇難得約咗朋友一齊食試咗銅鑼灣呢間新開嘅鮨店午市嘅食材都相當高質東師傅唔單止選料認真調味亦花咗唔少心思期待下次嚟試埋晚市非常推薦比喜歡鮨店體驗嘅朋友- 茶碗蒸蛋夠滑嫩, 配埋海蝦同鮑魚仔增強豪華感- 鱸魚 スズキ夏季代表性魚類之一, 口感軟嫩甘甜- 障泥烏賊 あおりイカ質地非常爽脆- 深海池魚 しまアジ爽滑而帶少許油脂感- 白蝦 白えび加咗少少岩鹽柚子, 味道清香獨特- 赤貝 赤がい鮮味同貝類嘅甜感豐富- 琵琶鱒 びわます滋賀縣琵琶湖特產, 高級版嘅三文魚- 帶子 ホタテがい味道鮮甜且尾韻綿長- 牡丹蝦 ぼたんえび加入師傅炒嘅蝦膏蝦油, 味道一試難忘- 金目鯛 きんめだい以備長炭微燻, 令味道突出嘅金目鯛更獨特- 鰤 ぶり清甜略帶油脂香- 大拖羅 大とろ新瀉縣佐渡島產, 美味嘅油脂感- 白海膽 北紫うに北紫雲丹, 味道清雅而綿長- 赤鯥 赤ムツ稍稍火炙過, 魚油香味濃厚- 碎蔥吞拿魚手卷 ネギとろ手巻き屬正常發揮, 混有少少大根更加咬口- 麵豉湯味道比較淡雅, 入喉幾舒服- 柚子雪芭清一清殘留嘅魚油感- 濃縮咖啡Nutty嘅, 豆唔算太

同事farewell食好啲啦，訂咗公司附近日本餐omakase lunch。原來CWB omakase真係好多，今次試呢間’鮨山月’，餐廳只有bar枱，同師傅好近，可以聽下佢哋介紹每件壽司。一行6個人坐bar枱轉角位，方便傾偈。當日我揀咗壽司12貫，落咗單無幾耐第一道菜先係蒸蛋配鮑魚，之後印象好深刻有白蝦仔 / 金目鯛 / 大蝦 (上面啲膏勁回味) / Toro / 肥美海膽 😋 lunch 有呢個效果真係大滿足。So far店員同師傅都好有禮貌，服務態度同反應都好好👍🏻

銅鑼灣新開鮨店，同女友人試咗個中午廚師發板，一向中午omakase都特別比夜晚平，而且食飽啲都無咁罪惡感，所以今次都唔例外。首先係一個蒸蛋配鮑魚及海蝦暖一暖胃先，再嚟幾款白身魚，白蝦仔不得之了之後有備長炭燒金目鯛甜蝦配蝦膏再有備長炭赤陸，好有煙薰香味，主角出場有宮城県嘅fatty toro，超香滑諗返起都想再食，結尾係好肥美嘅北海道馬糞海膽銅鑼灣嚟講我覺得價錢相對便宜，好似話係新開promotion價錢，呢個價錢真心有驚喜，魚生壽司嘅質素好好，我哋試咗12貫嘅set，男士可以要15貫set，師傅話一般都係入時令嘅魚，所以下次又會有唔同嘅dishes

大大話話原來我已經跟咗呢個師傅五年，今次佢榮升老闆，當然要到場支持，食物水平有增無減。雖然話個場只可以坐15人，但環境好寬闊。今次好好彩見到新鮮由鳥取送到嘅大大條吞拿魚，原來係為咗慶祝新店開張，響出世紙上面重有舖頭’鮨山月’，都係第一次見到，今次有口福😋結尾師傅出愛馬仕級赤海膽味道好濃郁，食完後有after taste，唔知下次有冇咁好彩。今次由頭盤到甜品無計錯應該係一共19款(希望無影少相），期待下一次嚟到再有無限驚喜🤩

咁啱試到間啱啱開業嘅omakase 日本料理 新嘢好好醜醜都一定有驚喜 呢間係好果邊嘅驚喜 初頭睇個menu以為好簡單真係估唔到有咁多嘢食 而且仲有好多係罕有嘅特色食材食咗幾道前菜之後忽然聞到好香煙燻味 好期待下都隔咗好耐先上菜 原來係用禾稈草去烤嘅魚 之後師傅拎咗塊拖羅出嚟 仲有個告示牌咁嘅出世紙 介紹返條魚 有重量 有產地而且佢係熟成 再重d魚味 赤身位都好正大拖羅好味就唔使講😊師傅好好手勢 仲好熟面口🤨我哋一行幾個酒肉朋友都食得好飽又開咗支十四代🤫大滿足😆