鮨亭 (已結業)

心血來潮又好掛住食日本菜！所以忍唔住又周圍搵好嘢食🤣🤣見到IG好多人介紹呢間鮨亭😋睇落好似好正，所以根本就同左朋友去試吓😍😍日本直送巨型岩蠔 $198超巨型，成隻手板咁大隻🤣😋😋一擺入口超級creamy😍而且啖啖肉，食得好過癮好滋味！鹽燒油甘魚較 $98出面好少會食到油甘魚較😋而且呢個價錢絕對唔過分！魚肉非常嫩滑😍而且外脆內軟，口感好好！三色玉子棒 $78食日本嘢都會好鍾意食玉子燒🤣呢度呢個玉子扒都做得好出色，好滑！而且非常香濃，成個玉子棒嘅口感層次都好豐富😍😍冷食松葉蟹 $198估唔到呢度都有得食松葉蟹😋啖啖肉，而且蟹肉非常鮮甜😍係好新鮮嘅蟹肉！！總括而言，呢間餐廳非常用心，而且食材好好，值得推介👍🏻👍🏻😍

星期六諗唔到食咩就去左呢間日本野叫左個鮨亭壽司定食呢間小店都開左一段時間 一直無機會試平時見佢夜晚都算幾多人食今次下午見佢無咩人就試試佢其實佢lunch整體價錢都好平座位有少少迫 上菜都算快服務都ok啦 無咩特別如果158呢個價錢黎講好抵食值得一讚既係啲飯溫度軟硬同醋做得幾好海膽都對得住個價錢三文魚子好食手卷有d失望紫菜係林既幾款魚都中規中矩八爪魚都係一般貨色無咩特別再食埋蛋同烏冬仲有麵豉湯真係好飽食唔晒

26.06.2021今晚同家人慶祝生日，因為喜歡食日本菜，所以上Open Rice搵下，最後揀咗「鮨亭」。聽朋友講以前食物總類少，但最近我睇其他人介紹宜家多咗好多選擇。門前有日式裝飾，掛上一排紅色燈籠，幾吸晴。門前還有戶外座位，天氣涼快可以考慮。餐廳不算大，座位不多，而且枱之間距離比較近，幸好我地坐門口靠牆，所以坐得比較舒適。因為掛住傾計，所以忘了影餐牌。除了main menu，牆上木牌寫上各種美食，所以都幾方便，職員也有介紹新鮮魚同限量海膽。我哋八人分了兩張枱，大家選擇有些不同。和風九格（前菜）：好有特式，而且職員有逐一介紹九種前菜無花果大蝦沙律，沙律汁另上：呢個好喜歡，大蝦幾隻，無花果剪細細條，好好味，沙律菜份量足夠。松葉蟹肉蟹子，沙律汁另上：蟹籽蟹肉不少，另外建議沙律醬分上，因為隨後再叫，撈了勁多沙律醬，除非你喜歡好多醬。陶板燒A4和牛：A4和牛生生地，超好味，口感充滿和牛味，肉質鮮甜，推介！陶板燒安格斯牛扒：不是不好吃，只係當有得比較，就會揀A4和牛。本手返拼盤三文魚、海膽、帆立貝、加廚師發辦六件：有三款自款，另外廚師六款有蝦、有魚，都好新鮮，美味抵食。（拼盤）燒鳥盛合（串燒各

廢話少講，開門見山環境：2.5/5座位唔太好坐，環境較為逼，好近隔離枱，內部裝修麻麻地，都屬於小店咁食物：4/5壽司刺身沙律都做得唔錯推薦：柚子醋三文魚沙律推薦指數：5/5黎呢到必食！！作為前菜必食三文魚充滿柚子醋既味，好夾！服務：3/5正正常常，無特別，都有禮貌正常待客咁性價比：3/5一般日式料理餐廳價錢，中規中矩，不過柚子醋三文魚沙律真係可以試一試！好清新如果有日鬱悶既，我都會再黎食佢既清新沙律

環境、食物都好好環境好舒服，夠乾淨企理，裝修亦唔錯，簡單得嚟又不失雅致，可謂恰到好處。另外，見到師傅做嘢都好快手同衛生。明太子沙律夠fresh，開胃一流。壽司夠鮮味，黑松露鵝肝卷值得一讚，黑松露味道突出，但又唔會搶咗鵝肝嘅味道，鵝肝亦夠juicy；海膽三文魚卷亦都係好好嘅配搭，點埋少少wasabi同鼓油就fit哂。串燒好出色，熱辣辣，非常新鮮。雞軟骨同豚肉味道恰到好處，唔會太咸，加埋檸檬汁就啱啱好。雞泡魚乾味道濃郁，用嚟送啤酒一流！尤其依家疫情去唔到日本旅行，嚟呢間居酒屋就好似置身於日本當地一樣，為人帶嚟莫名感動，令我情不自禁大喝一句：O E C！！唯一可挑剔就係某啲菜式嘅價錢略貴，但整體係合理，而且質素對得住價錢。

平時食得大型連鎖餐廳多，今日想試吓細細間嘅居酒屋。裝潢都好別緻，有日本嘅風味。我叫咗日本豚肉鍋定食，分量十足，豚肉肉質鮮嫩， 湯底又濃又白。入邊有好多雜菜，有好多粉絲，真係好好味，啲湯夾住啲肉同菜送飯一流。套餐中另外送一個蒸蛋同嘢飲。我老公就叫咗吞拿魚茸海膽丼，顏色好鮮艷，好新鮮。真係大大嚿海膽喺面，刺身好新鮮！碗飯係細碗啲，所以男士食可能會唔夠食。另外再嗌左燒牛脷，不過唔記得影相。燒牛脷大致上OK，少少蘇味，但可接受。整體上性價比都合符預期，會再嚟幫襯。

香港難得食到嘅高質居酒屋慶祝朋友生日 係佢屋企附近搵到間居酒屋入到去環境好舒服，好鍾意佢吧枱隔離個魚缸🤣4個女仔Order左四人前餐和風九格真味紅酒橋頭牛蒡漬吞拿魚昆布漬木魚蒜頭冰頭漬（三文魚鼻頭）芥辣八爪魚螢光魷魚漬芝麻八爪魚🐙個人覺得，呢個九宮格😂一班朋友傾偈送酒一流少飲酒嘅我都叫咗個Sake ,店主推介左一款易入口嘅Sake俾我雞泡魚乾&鮟鱇魚肝係額外order 無花果羅文大蝦沙律無花果乾同沙律好夾大蝦好彈牙豐州直送刺身 最鍾意個拖羅😻呢間居酒屋值得一讚嘅係佢嘅擺盤好有心思成個感覺好fresh 😂生蠔都好鮮甜火炙壽司拼盤 其實食到呢度已經好飽😂 芒果牛油果吉列蝦卷上面個醬好特別 同蝦卷好match西京卷銀雪魚呢個真係好有驚喜魚肉鮮甜 好嫩滑魚皮嘅油脂好香豐州直送原條魚對於選擇困難症嘅我黎講，有四款魚俾我揀，我係完全揀唔到嘅🤣好彩店主俾意見我，又唔會催我去揀邊條魚呢條魚...真係完全感受到呢間居酒屋嘅人情味原本呢道菜係原條刺身咁上但我地想食熱食 店主建議我地鹽燒條魚鹽燒出嚟都好好食P.S.呢條魚係當晚運送過來，好新鮮。A4和牛原本見係鐵板上 都預左牛會煮得老但呢一道菜d牛非常jui

中拖羅壽司2件、魚子壽司6件、清酒煮蜆飯（無影相）2人食，埋單四百幾，個人覺得少少貴，但勝在好味，超愛呢度既魚子，以前大住肚都忍唔住嚟食😝bb出世之後好耐冇嚟幫襯，隔咗幾年，水準保持，餐牌上既選擇多左，會再繼續幫襯～

今天同老公黎食日本料理.話說之前朋友介紹.食過一次之後.覺得d野食好吸引.非常適合我們這類打卡人士😂.相機食先.師傅整d壽司真係好靚.間野d菜市幾特別.三色玉子棒好正.仲有我最鐘意食的三色托羅.海膽😛😛😛.真係值得推薦.見佢地都有不同品種的魚生.我老公好大食ga所以今次都可以叫多d野食.今日都食左一款魚.第一次食.師傅d刀功好勁.賣相非常之吸引.我好滿意.如果同一班朋友黎食都唔錯.可以叫多d野食.試多d新野.見到有水母刺身.先知道原來水母可以食.真係又學D新野.間野真心覺得唔錯.不防試下.因為屯門好難揾到好味的壽司鋪

好耐都無出去堂食啦,唯有睇返舊相望梅止住渇先🤣近十二月尾,住屯門既朋友帶左我去食呢間日本野,餐廳出面有戶外座位,不過嗰日我同朋友就無坐出去,如果天氣好應該都幾chill~朋友叫左個午市壽司定食,都幾豐富嫁有八件壽司,一個手卷,一碟迷你八爪魚飯,仲有個烏冬! 朋友食完都話好飽我就叫左個秘之丼,店員話呢個丼係由師傅發板,日日都唔同,見佢咁神秘就叫嚟試試,果然有驚喜!個丼起碼有八九種食材,而且都係比較貴價嗰啲—海膽,三文魚子,拖羅蓉,帶子,海蝦等等~每樣野都好新鮮,個人最愛海膽,夠晒鮮甜,食完好滿足啊總括嚟講咁既價錢食到日本漁市場級既海鮮,絕對係物有所值既一餐! 成年都無得去日本,而家喺香港都食到咁鮮味既日式丼,推介

全年都好少出街食飯，好彩喺限堂食之前都同朋友食咗餐好嘅🥰好耐之前黎過幾次，次次都係散叫嘅，第一次叫松葉蟹腳鍋4人餐。每人一份嘅前菜，一黎到我嘩咗一聲🙊啲顏色好靚😍海葡萄點柚子醋食好開胃，我真係好掛住沖繩呀😢大根沙律🥗又係好開胃嘅前菜，幼切嘅大根好爽甜，超多鰹魚碎。叫咗燒牛舌試下，下次都一定會再叫！厚切好正。🤤刺身個擺盤真係超靚🥰好有驚喜，全部都新鮮，個海膽超甜。除咗叫套餐，我地都忍唔住叫咗個粒貝，好爽好鮮甜，個擺盤又係超靚。💖呢個係廚師發板嘅壽司🍣每人一份，我鍾意個玉子同拖羅。松葉蟹腳海鮮鍋配和牛其實未食個鍋我都飽咗八成🤣，跟餐仲有兩個烏冬，蟹腳幾鮮甜，和牛好食，其他海鮮都OK。食完真係飽到反艇了。好彩甜品係另一個胃😝本身以為得雪米糍或者雪糕，但竟然有奶凍，和菓子同埋煙韌嘅蕨餅，為呢一餐畫上完美嘅句號。總括黎講，係非常滿意嘅一餐，高質又唔算貴，估唔到屯門都有呢個質素😋👍🏼食完呢餐令我更加掛住日本，希望下次再食都keep到水準，同繼續俾多啲驚喜我啦。

因為疫情已經有一段時間冇黎😰一黎到發現變左好多...店員都轉晒見到有d擔心中伏 點知有驚喜😝😝坐低周圍望見到好似終於有期待已久既生啤飲仲買一送一 立刻叫左兩杯最classic既金啤 作為啤酒愛好者 覺得呢隻啤酒好岀色d泡超滑！由於呢到變得太多怕中伏 所以今餐散叫為主聽店員講師傅推介某幾樣 完全唔記得個名😂淨係記得有隻螺叫粒貝 好似二百幾之後又叫左幾樣刺身壽司發現比之前精美左好多呀 擺盤超有心思🥰以前個d擺盤我係屋企都擺到😂換左師傅成個感覺upgrade左 係消費者角度當然更注重價錢啦 一句講晒性價比好高呀！

星期六lunch同老公去食午餐👍🏻👍🏻高質lunch set😋👍🏻賣相吸引又新鮮估唔到午餐定食都有海膽壽司服務態度好好👍🏻👍🏻絕對會再返轉頭食呀😆😆

前陣子疫情嚴重周圍都唔敢去，見好耐冇食過呢間，而又撞正慶祝記念日，想食好一啲啲⋯就山長水遠去啦⋯點知～～😑😑～龍蝦海膽飯@@（吾合格！）上枱見到個樣已經麻麻哋，龍蝦一點鮮味都冇，啲肉好實，好乾，而且超咸，接近食咸魚個種咸，海膽吾鮮甜，衰過元氣個啲～大蛤湯（正確菜名吾記得）@（吾合格！）吾夠熱，蛤好多沙，啲肉都吾甜～魚濃湯（正確菜名吾記得）@味道正常，夠熱嘅！～烤油柑魚鮫@味道正常，幾好味，熱嘅呢間餐廳一直水準都唔錯，雖然吾係常客，但耐唔耐都有食，呢次非常失望！呢個價錢呢個質素，應該唔會再來👋🏻👋🏻👋🏻

父親節諗住帶屋企人試新野有得泊車 幾方便 預早book左間房 好private 一行6個人 靜靜地咁食叫左個刺身同壽司拼盆 野食好新鮮👍👍 最中意食甲羅燒😍 好正！仲有叫左炸物/生蠔/燒物 好多款式啊！ 鰻魚飯同松葉蟹炒飯都好正落足料 啖啖都是肉啊😻😻😻食完阿爸都話好食 最緊要佢老人家開心😌第一次係屯門食呢類型日本野 有驚喜店員仲會逐一介紹d野食 好有心機總結：值得一試！👍 記得book位 見佢都好似幾full 分2段時間book