鮨一 (厚福街)

鮨一在尖沙咀樓上店共3層，有居酒屋美食，更有廚房發辦菜式，所以在尖沙咀已經屹立8年。食物從日本取貨，以確保食物品質，絕對有一定口碑與客源。餐廳晚巿主推廚師發辦，還坐左bar枱，看著美食準備過程，也是享受美食樂趣之一。餐牌上前菜、沙律、壽司、刺身、炸物、燒物、料理和主食一應俱全，還有些季節性美食供應。飲品方面，梳打飲品、汽水，酒類飲品都不少。鮨一千層海膽飯（小）升級為日本海膽 HKD248，層層叠日本海膽之下，就有吞拿魚蓉，配上赤醋飯。用上用日本信洲米製成赤醋飯，味道柔和的酸度，更香醇濃郁，更能烘托出魚鮮自身的鮮味，把壽司的味道提昇至另一層次。只需加塊少許鼓油，海膽和吞拿魚蓉鮮味變得提昇不少。涼拌麻婆白子 HKD178，白子是季節性美食，口感滑溜，還要加入麻婆醬汁，變得更有風味。秋刀刺身 HKD168，單是賣相非常精緻，魚肉色澤鮮亮，味道鮮甜。配上醬汁，略帶點酸味，把秋刀魚鮮味，提昇了不少。北海道仙胤趾鳳凰蠔 HKD68/隻，蠔肚非常飽滿，而且一點都不細，吃下有點爆漿蠔土，非常creamy，加了柚子啫喱，滿滿鮮味多了柚子清香味，好食。日本安康魚肝 HKD128，又是季節性美食，魚肝一點都不腥，圓圓的魚肝，都不細塊，口感幼滑鮮味十足。軟殼蟹蜜柑沙律 HKD88，大大隻軟殼蟹炸得非常香脆，配上柑密沙律，又可清除食物餘味，確實不錯。鹽燒白鱔 HKD72/串， 厚厚白鱔肉，燒得皮脆，白鱔如此肉厚，肉質非常彈，非常滿足。鹽燒牛舌 HKD42/串，牛舌都不細片，口質爽脆，燒到還有香氣，非常吸引。煙肉串茄 HKD28/串，煙肉咸香夾著車厘茄帶點咸香，酸酸車厘茄更覺開胃。豚角煮 HKD68，沒想到這豚角煮得非常腍，醬汁煮到豚角和蘿蔔非常入味，風味滿滿，絕對必吃之選。…查看更多

這次跟同事到尖沙咀的「鮨一日本料理」用餐，從食材到餐廳氛圍都讓人留下深刻印象。餐廳位於厚福街的高層，坐擁開揚景觀，室內裝潢以簡約日式木質調為主，氛圍雅緻，特別適合細嚐新鮮刺身與清酒。 刺身真鯛刺身一入口，魚肉厚切卻不顯笨重，肉質清甜帶著淡雅海水味，每一片都透著晶瑩光澤，刀工乾淨利落，咀嚼時口感分明。日本直送生蠔岩手縣 赤崎最驚喜的是岩手縣赤崎直送的生蠔，體型飽滿肥美，入口瞬間充滿濃烈海洋氣息，卻不帶半點腥味。餐廳貼心地搭配檸檬柚子啫喱，讓鮮甜更添層次，一冷一酸之間，完全釋放出蠔的鮮活口感，物有所值。秋刀魚刺身好耐都未見過咁靚嘅花形擺盤，刺身的刀工拿捏得到。秋刀魚刺身則是另一種風情，搭配薑蔥與豉油的調味，去除了油膩感，反而突顯魚本身的豐潤油香，讓人一試難忘。 日本白粟米清新小品，粒粒雪白飽滿，入口爆汁，爽甜無渣，口感脆嫩，帶來舒爽感覺。什錦天婦羅（三蝦四菜）天婦羅炸得金黃酥脆，蝦身彈牙，蔬菜保留清爽口感，完全不油膩。豚角煮燉得入味，脂肪軟糯卻不膩口，甘甜醬汁滲進每一口肉纖維，火候和調味都見到主廚對日式料理的尊重與功力。如配上一碗粒粒分明的日本白米飯，既是家常的安心滋味，也能襯托其他菜餚的鮮美。 滿滿甜蝦杯最大的亮點在於對食材的堅持與處理的細緻。人氣菜式一上桌就被那滿滿的甜蝦鋪成的盛況震撼呀！色澤透亮，爽彈帶點黏滑感，拌入蛋黃令蝦肉更滑溜，底下的醋飯酸甜適中，份量十足，性價比高。…查看更多

一進門有去咗日本嘅感覺，環境和氣氛熱鬧都很日本居酒屋感覺，喜歡坐吧枱欣賞師傅製作美食😊 人多可以包房自成一角。🔸️秋刀魚刺身~ 賣相靚到雕花咁簡直唔捨得食🤩刺身肉質細膩，油脂香濃，完全冇腥味。非常新鮮，秋刀魚刺身係少見之選👍🔸️北海道仙鳳趾鳳凰蠔 ~ 蠔肉超大隻肥美飽滿。口感嫩滑。配上柚子啫喱感覺很清爽清新🤩🔸️香蔥碟魚邊杯 ~ 炙燒過的鰈魚裙邊。逼出魚油仍肥美充滿油香，配埋赤醋飯很好吃，以酒粕發酵的赤醋打壽司飯比一般的白米醋飯，更具柔和的酸度，味道更香醇濃郁，與油脂豐富的魚鮮相配，烘托出魚鮮自身鮮美。 把壽司的味道提升至另一層次。🔸️滿滿甜蝦杯 ~ 賣相很吸引😍成個杯鋪滿咗甜蝦，混合埋蛋黃甜蝦更香更黏滑，味道鮮甜配埋赤醋飯一起食很不錯😋🔸️甲羅燒 ~ 蟹膏香味超濃，蟹籽粒粒卜卜脆混合埋蛋黃增加香滑口感，配上香脆麵包片可口美味感覺無咁咸😋串燒： 🔸️鹽燒雞中翼 ~ 燒得外脆內嫩，表面鹹鹹地加少少檸檬汁十分開胃。🔸️和牛粒串 ~ 牛味香濃，肉質嫩滑，油脂偏重喺口部滾動着。🔸️鹽燒牛舌 ~ 厚切啖啖肉得嚟又彈牙,味道剛好唔會好咸🔸️豚肉露筍卷 ~ 豚肉嘅油香滲入露筍，露筍爽脆多汁，感覺平衡解膩。🔸️煙肉串茄 ~ 煙肉燒得外脆，包住車厘茄，平衡返煙肉嘅油膩感店有三層都長期爆滿。 我哋坐18樓約了7點坐底無耐就已座冇虛席，無論是環境氣氛，還是食物新鮮都給人美好印象，加$98蚊任飲清酒這更令人心動嘅選擇，聚會嘅理想地方絕對值得一試😉…查看更多

尖沙咀厚福街除咗出名食甜品外，最近幾年多左樓上日式居酒屋。今日朋友就約左我上去聚一聚。店內以木系設計好有日式居酒屋的感覺，更有bar 臺可坐。北海道仙鳳趾（鳳凰）蠔生蠔超大隻，好飽滿，脹卜卜。加了柚子啫喱在蠔上面，食落蠔味好creamy ，牛奶味重。鮨一沙律第一次食刺身沙律，估唔到該店加入三文魚、生菜，蕃茄、帶子、魚、八爪魚刺身混合新鮮生菜做成。超級好食，下次來都會再叫。新辣油油甘魚刺身薄切一碟超多片，切到非常薄身，油甘魚非常通透。估唔到油甘魚加上辣椒油，味道反而會令油甘魚更出。香蔥碟魚邊杯碟魚被火槍噴過變得熱辣辣，燒到金黃色，碟魚入口即溶，魚嘅油脂豐富及香。再加上壽司飯以杯載住，滿足感十足。鮮帶子海膽手卷海膽滿佈壽司飯上，再加上帶子及金箔，非常顯貴，打卡必點。香蔥吞拿魚腩手卷上面鋪住我超喜歡吃的吞拿魚腩蓉，再加上薑蔥令吞拿魚腩香味更提鮮。日本九肚魚天婦羅炸到金黃色，非常鬆脆可口，九肚魚沒有魚骨甲羅燒非常濃嘅蟹味同蛋味好濃放上去烤熱阻嘅多士超好食味嚐煮牛舌分量超多，牛脷滿曬成個碗、仲有白蘿蔔做伴菜。碗內麵豉湯吸收曬牛舌嘅精華，非常香牛味。…查看更多

朋友生日當然要食好啲啦，今次揀左間位於尖沙咀嘅人氣日本餐廳，佢啲野食非常吸睛，好適合打卡！餐廳三層都有座位，而我地就係18樓，座位都坐得舒適！鮨一千層海膽飯，呢個海膽飯差唔多枱枱都有叫，一上枱就已經好吸睛，中意食海膽嘅朋友一定唔可以錯過！海膽疊到好高，上面仲有金箔，海膽鮮甜又creamy，而且飯嘅份量唔會好多，加埋拖羅蓉，用紫菜包住，口感非常豐富！日本五島列島岩蠔，生蠔大隻又肥美，食落爽身，加入左柚子啫喱，令生蠔有更清新嘅感覺！鮨一沙律，沙律有鮮甜嘅蕃茄，加上仲有刺身粒，包括油甘魚、鯛魚、蟹籽等，刺身新鮮鮮甜，沙律菜拌有柚子醋，食落酸酸味味，夠哂開胃！滿滿甜蝦杯，份量滿滿嘅甜蝦，爽甜彈牙，加上蛋黃汁，令口感更滑溜！甜蝦底仲有飯，食一杯夠哂滿足！燒鵝肝，共有兩件，鵝肝配上多士，再加埋沙律一齊食，食落唔會太漏！甲羅燒，好耐冇食過啦，蟹膏伴入蟹籽、蔥花同埋蛋汁，蟹膏味道濃郁，口感豐富！鹽燒雞中翼，雞皮燒到脆口，雞肉嫩滑，唔錯！…查看更多