魚魂98 (已結業)

家中的公主殿下指定要吃脆米泡飯，網上找了這間家餐廳。除了在點评，在OpenRice上的評價也不錯，於是决定前往一探究竟。週末的旺角也是人山人海，這家店不在主干道，但也要排大概十多分鐘才有位。店面不大，有單位的火鍋，也可以點一些午市套餐和小食。我們两大两小，點了三個餐和小食share。先說泡飯，presentation不錯，有個爐子連鍋一起呈上，另有一壺装湯。湯的海鮮味十足，泡飯里有魚、海膽和青口，十分豐盛。親子丼的量很大，够一大一小吃。和牛溏心蛋沙律最特別，牛肉非常嫩滑，配合醃製的溏心蛋的咸味，整體感覺十分清新。燒雞脆骨最出色，首先真是用了脆骨的部分，而非坊間其他餐廳用雞的碎骨來做。其次是燒的火候恰到好處，外面有些部分有少少焦脆，但並未過火。平均105元一位，價格尚算適中。

喺旺角附近做完野, 諗住睇下附近有咩食, 結果就揀咗呢間喺豉油街嘅魚魂98。當日正值中午12點, 門口已經有人等緊位, 但由於我只係自己一個食, 所以好快就安排到靠窗嘅一人位俾我。餐廳喺座位方面有照顧一人用餐嘅客人, 值得一讚。叫咗一個燒和牛粒丼嘅午餐set, 睇落都有唔少野食, 承惠58蚊。如果加汽水就額外再加5蚊。大概等咗15分鐘先上菜, 略嫌有啲慢。個餐有一碗燒和牛粒丼、沙律、味噌湯、一串雞肉串同生蛋黃。和牛粒丼上面嘅牛肉粒唔算少, 但有部份有筋, 咬落去都幾韌, 但其餘都幾鬆軟, 食落相當唔錯。仲有半隻溏心蛋、青椒、大蒜, 加上啲牛肉汁流咗落碗飯到, 所以送飯一流。雞肉串用咗照燒汁烤過, 我自己就將雞肉串沾啲生蛋黃食, 咁食落雞肉串都幾滑。整體黎講, 六十幾蚊可以喺旺角食到有咁多野食嘅一個午餐set, 都算幾抵食。

We came for this signature beef hotpot with 180g of beef packed in a massive tower with tons of vegetables. It did take us quite some time to figure out how to eat it, as the pot was quite shallow and there wasn’t much soup as you can see, so we decided to do this:And then this:We put aside the tower so that we can put the beef and vegetables in the pot bit by bit. I was actually quite surprise with the amount of beef. I thought there would only be one layer of beef, but it turned out to be a fe

冬天我就最鍾意打邊爐，但係朋友想食魚生飯，於是我地黎左依間魚魂98見到99蚊限定嘅魚魂牛肉高高喎，成座塔咁高嘅肉堆，好吸引！除左牛肉好足料之外，仲有超多菜，健康之選朋友叫左滿滿親子丼，炙熱嘅三文魚再加上三文魚子，好豐盛啊！

新寶睇完戲經過，見呢間的門面唔錯，幾日式，又有火鍋食又有湯飯就入去試下。點了一個龍蝦海膽魚湯飯，一個牛肉火鍋配黑松露魚湯。龍蝦海膽魚湯飯，魚湯味夠濃，海膽細細舊但幾鮮，尚有彈牙的龍蝦，再配有炸得香口o既脆米，成個湯飯組合整體唔錯。牛肉火鍋，正正常常，菜底都幾多，最欣賞黑松露魚湯，黑松露味幾香。平時好少會試魚湯料理，今次嘗試完覺得幾好。睇佢牆上廣告仲寫住4人同行，1份餐(最平)免費，下次會同多幾個朋友再食呢間。

夜晚唔知食咩好，就去左旺角搵食，行行下見到呢間魚魂門面唔錯就入去試下可能比較早既關係，冇咩人所以唔洗等位，餐廳主打日式火鍋，MENU 有個鮑魚蜆鍋，唔.....都係怕伏所以冇叫，哈哈所以就我就叫左個牛肉高高鍋，男朋友就叫左個豚肉飯個牛肉都真係包到幾高，個湯既魚味一聞都聞，最初都怕會腥，食落都OK，由於我叫最平既牛肉鍋，牛肉質素當然冇咩特別，牛肉下面就好多蔬菜，幾岩女仔食既，不過個牛肉咁高其實有D難夾，同埋個鍋有D矮所以滾起上黎會容易彈到。仲叫左份烏冬，份量都幾多超飽，同埋加左杯紅棗茶，諗住扮下野養生，不過佢用既應該係紅棗蜜沖既，感覺麻麻另外男朋友個豚肉飯個賣相不錯，味道較濃都咸左D不過係幾好食既，不過唔記得影相..........整體感覺OK 

之前食lunch 個陣行經呢間，見晏就啲價錢有啲貴咁，所以同事們都講定哂14:00打後先過黎，可以enjoy 到8折 & 免加一入去到其實選擇唔算話多，sets 飯麵都各有6款 ，相片亦好吸引咁，所以都嗌左個豚肉叉燒烏冬，外加一杯青蘋果梳打 （因有買一送一）。啲叉燒係正常既，唔係話難食，都叫做有些少豬肉味囉但個湯底真係似係湯渣翻煲再翻煲過咁....冇乜味我真係後加左唔少調味料先叫話有返啲胡椒味！！！初初都以為係因為自己重口味姐 ～問返同行友人，佢地嗌左黑蒜湯底都話淡左啲囉，又齊齊用哂成瓶既胡椒粉同辣粉Set lunch 都包括左照燒雞柳條。我咬左一半～唔係話好食到可以encore，不過不失囉另外杯青蘋果梳打就真係......一個字：淡雖然話 唔知佢其他野食會唔會好啲，但咁既價錢 我真係唔好再去試bye～

經過餐廳，喺門口見到有新出嘅鮑魚蜆鍋poster，所以入咗去試一試。座位都算寬敞，我哋叫咗個鮑魚蜆鍋，一個海鮮鍋，見到食滿$150可以加$1任飲Sapporo啤酒，所以我同友人都加咗食物大約5分鐘就到，個鮑魚蜆鍋有啲失望，同張poster相都幾唔同，啲蜆唔係好多，大約25-30隻，個底全部都係鋪滿椰菜同芽菜，鮑魚size唔細，不過不失吧。不過以個價錢來講食呢個鍋唔太抵（$288）個海鮮鍋都ok，有蝦，帶子，蜆，魚，生蠔等等另外$1任飲Sapporo都幾抵，佢一次過比左五罐Sapporo 比我地，仲有冰桶雪住我哋食到最尾先知道佢限時90分鐘，然後有啲趕咁叫我地走，員工下次可以係入座嘅時候提點客人。

2018年09月25日到此餐廳，找了此黑衫員工落單，但等了好幾個字仍沒有到來。問回此女侍應，佢發覺並無落單，佢竟敢反問一句仲駛唔駛落，我覺得好奇怪，其實問你就是要希望你去跟進，不然我等的是什麼？好了，她然後叫個長工定經理再落單，然後個長工過來解釋，佢就同個經理定長工去呻，大聲地話番我轉頭。話我話佢點解走單，我真係呆左！然後收台收碟時，搞到好吵，工作非常晦氣，反而要個長工去安慰佢，不知是否親戚關係，但無疑此舉實在不知所謂，永遠不再光顧此餐廳。而且此餐飯沒有餐具，湯是凍的。可能是我貧窮，不應該在此食下午茶，如果食，就抵我受此對待。但此餐廳永遠是黑名單！不再光顧！

尋日去左試新野，去左食魚魂98～ 原來98應該係指佢既限時優惠？🤣🤣 我都唔知，上網睇到啲相好似幾大份咁，就去左了～一入去，2位要搭枱的，一坐夜見到一人一個爐位～有啲似有啲既吉野家分店環境唔係華麗形！我地叫左鰻魚飯同宮崎和牛鍋～ (冇叫到限時優惠果個) 鍋有啲細，宮崎和牛既份量比較少，很2大塊，包住既都係菜，菜同菜🙈 咁就二百幾啦😭但和牛味道係真係一流既，食得岀係好野～ 至於鰻魚飯，就好一般，唔係太驚喜，有少少腥🙈整體有啲貴😭😭 可能限時優惠抵啲😭

這裡提供一人火鍋，自己一個鍋, 可以選擇自己喜歡的湯底。我們點了火灸帆立貝鰈魚邊牛油果沙律來分享。牛油果夠熟，火灸鰈魚邊帶油脂香, 很嫩。我點了一個豚肉高高鍋, 要了原味鮟鏮魚湯做湯底, 湯底有鮮甜的魚味和雞湯味, 沒有味精味, 豚肉也算嫩。和牛高高鍋份量頗多的, 堆到城座山那麼高。火鍋是多菜的，感覺較健康, 吃太多肉也要吃點蔬菜, 減少了肉的肥膩感。鍋入面有雜菜、金菇、芽菜、獅子狗卷。我們亦點了兩客烏冬, 我認為吃火鍋要有烏冬配肉吃。它們現在還在做飲品優惠, 日本特式凍飲、熱飲、汽水做緊買一送一。

之前行街經過覺得幾好，於是決定放工的時候和家人去吃。一坐低服務已經好好，推介食物，決定點了牛肉火鍋，海膽三文魚泡飯，和牛肉便當試下。牛肉火鍋好足料，大大份，牛肉蔬菜也有很多。最推介的是，泡飯！魚湯底味道好濃郁好鮮甜，飲晒成個湯都唔會好口渴。而且下面有個火爐一路吃，一路為個泡飯保溫，食晒成個飯都仲係熱辣辣，仲會比少少脆米，溝來吃脆脆地，很有口感。而且經理態度好好，主動送了飲料給我們！埋單唔貴，每人大約$120左右，實在好有驚喜的一餐飯！

琴日食 ，左牛小排，今日繼續食牛牛之旅，鬼叫我系牛魔王咩😎😂一條友去左旺角魚魂，點左個燒牛柳粒定食。個份量幾好，前菜沙律，麵屎湯，配菜燒雞肉棒加主食牛飯。一上枱，望著都覺得好吸引。慢慢食下個雜菜沙律，落日式麻醬去食比普通沙律醬好食好多，仲開胃，岩曬我呢d岩岩睡醒又想食多d既喂食鬼。d雜菜食起來感覺好清新，正好中和左雞肉棒既油利感。不過個雞肉棒配左個生雞蛋豉油汁，食起來更滑，仲去左d肥利感，幾好。主食都五錯，d牛燒得岩岩好，夠入味，配洋蔥食真系無得輸。難怪聽到個客同經理講，佢系聽朋友推介特登過來幫襯。老實說，甘豐富既定食，買單都系50有找，🎵🎶只能說我輸了😂🎵🎶

與同行朋友點了兩份特價$98肥牛鍋 以為味道清甜，但事實是出奇的鹹，而且部分肥牛的脂肪上出現藍紫色的點點。因此透過店員向廚師查詢，廚師在沒有親眼看見的情況下答覆卻是牛的筋。把肉都煮到變硬，其紫藍色的點點仍然明顯。請各位食評家賜教！

喺廣華附近有無限咁多間野食，當中有好多係有gimmick但質素非常麻麻嘅「新」餐廳。但要搵又影得又食得都真係幾難，所以我本身對呢個「高高鍋」零期望，點知幾好食！仲要做緊promotion，啱哂呢排窿叮嘅我😂我地叫左兩個鍋share，一牛一豬，豬嗰個做緊$98 promotion，好平。啲黑豚肉都算係靚野，起碼肉質幾滑，又有肉味。同埋佢比我影完相先幫我拆開個「豬肉塔」，幾細心。我揀左鮟鱇魚湯，超級濃魚湯底，我飲哂咁滯😂A4和牛仲正，不過冇特價，賣緊$298。我個人覺得價錢合理嘅，始終佢比番A4質素你，其實已經算平😂 和牛油脂分佈超正，配壽喜湯底食夠哂日本風味。湯底略咸，所以我冇就咁飲湯。佢比啲配菜其實都ok，食落幾鮮甜，份量仲好多，正。