魚米 (康樂樓) (已結業)

落單漏單，落兩個餐加兩杯飲品，個侍應就幫我落得一個餐加兩杯飲品(仲要一杯收我正價);落單錯單，我話走炸菜個侍應就係咁話我走芽菜，佢無落錯到;個餐牌等左15分鐘都味拎到黎，想落單搵個人都難，都已經唔係lunch time去，都仲可以差到咁，垃圾中既垃圾!!!!!!!!!!!

因為今日係星期六，同bb(男朋友)訓到好晏先起身，就去大圍搵野食，見到一間新開嘅米線鋪，就想試下新野我地叫左兩個tea set!麻辣豬潤牛肉米線$36牛肉唔錯，我本身唔食得好辣，所以覺得好辣蜜汁豬扒菜飯$39豬扒炸得超脆超香口，唔錯跟餐會有兩杯飲品，我地叫左水蜜桃汁同銀菊露， 平時呢d飲品要加錢，佢都冇加到，凍飲都係加$2咋下午茶當午餐個價錢都算ok

到3點 仲未食lunch 諗住揾間野頂飽肚 就揀咗呢間 裝修都幾靚 就叫咗碗魚湯米線 配炸醬 佢係直接放d炸醬落去 冇另外裝 一食 一d肉味都冇 d肉好似粉甘嘅味 超難食 算啦 忍住食哂佢 見到對面枱要2杯水要咗半日 呢間其他未食過 但起嘛我下次5會黎 太伏我5記得咗影相。。。

難得假期駕車外游，走到來大圍搵嘢食，經過見到一間食魚湯米線嘅連鎖店，竟然60幾蚊一個米線有原條魚食，真系聞所未聞！店內都坐滿咗客人，咁啱有人食完，唔使等位就可以入座。一坐低即刻睇餐牌揀下食乜魚好，真系琳琅滿目有太多選擇！最後叫咗黃立䱽魚湯米線同左口魚魚湯米線。等嘢食嘅時候先至發現原來呢間鋪已經有超過20間分店，認真犀利！不過全部都唔系開喺我去開嘅區域，所以完全唔知黃立䱽條魚系煎完放入湯內上。個奶白魚湯幾清，唔會太咸，米線就比較淋身，有一塊腐皮、蔥花，同少量炸菜。成條魚喺個碗度真系幾誇張，好吸引眼球，食落魚肉就有啲實，始終䱽魚本身肉質係咁。同埋成條魚喺個碗度，都有啲阻住夾米線，所以都夾開左條魚落隻碟跟住再來嘅左口魚仲大條！成條魚係油炸過嘅，所以同米線分上。左口魚較香口，而且肉質嫩滑，味道較黃立䱽好，即炸真係皮脆肉嫩好配服呢間店用原條魚來做主打，日日要處理咁多條魚真係唔容易⋯不過因為原條魚嘅菜色全部都係煎同炸，下次我諗我會揀番啲平常啲嘅皮蛋芫茜魚片湯米線