魚米 (康樂樓) (已結業)

外賣app的订单，7:22 app落单，提示7:42取单。7:47到店询问是否做好，回复让我再等一会儿。其实漏打单根本没开始做！又傻等到8:00多，此时已经等了40多分钟了，又进去问好了没有，这时才告诉我没开始做，单子打不出来。到此刻服务员只是反复强调她第一天上晚班操作不来机器，并没有提出立刻帮我催单立刻做出来，或者任何补偿的方式。那我只能提出退款，退款店里也帮不到我任何，只能自己在外賣app和客服沟通。客服给店里致电也不知为何店里永远收不到电话，总体就是遇到问题非常差，完全没有能力解决，把顾客放置play的一个店。前后浪费一个小时，带着空空的肚子离开！！！…查看更多

大圍美食，林林總總，中午時段，好多間餐廳都大排長龍，見到呢間，唔使排隊，又想食得清清地，咁就試下啦。🥢選了個皮蛋芫荽黑魚片湯飯53配熱齋啡📝皮蛋芫荽，正正常常，魚片都夠滑，不過個白飯，就比較硬同乾。服務員話落錯咗外賣，所以杯餐飲變咗紙杯，呢間啲服務員，態度就麻麻哋，比較惡…查看更多

成日都好想搵下呢間魚米究竟係咩飲食集團，真係想衷心給他們意見，可改善其運作，唔好將佢哋煮得好味嘅魚（無論蒸魚或煎魚）因為公司管理問題而令到間舖執笠。每次黎到都會食蒸魚，如果外賣就會要煎魚，攞到返屋企凍咗都唔怕，佢$6x -$7x 一條蒸魚嘅套餐價錢真係好抵，出面普通茶餐廳蒸魚都要$80以上，當然呢度條魚條細條嘅，但一人份量真係啱啱好 無論蒸邊款魚都係蒸得好滑，不會過熟，但當日有咩魚俾你揀都係睇彩數 仲要有不同嘅蒸魚方法，例如豉汁、梅菜、同埋我最 like 嘅紅綠刴椒實在太好味刴了！不過每間分店都係人手不足，好少見到情況是有 supervisor 以上級別在舖主持大局，靠門面的兩位員工（有時總有一位就入咗廚房）去處理咁多事務，那就當然混亂到爆啦！所以每次入去食之前我會先望下舖面情況再作決定是否入去堂食希望該舖能夠管理得完善一點吧！…查看更多

這間魚米的員工態度極之惡劣，手機下單一小時都領取不到食物，其間追問多次，她們都毫不理會，身邊的顧客有很多現場才落單都已經可以領取食物，再追問她們，她們就粗言相向，以後不會再幫襯這種店…查看更多

星期日食野度度都要排隊，咁我一個人就諗住隨便食，所以見魚米唔洗排就入左去食…入到去叫左勁耐都無人理我無人落單，然後張枱仲爬咗兩隻小強出黎…嚇到我即刻尖叫都無人理。我個個係單邊位，我一推開張櫈就發現張枱同個牆之間有一大一小2隻小強，仲有幾隻小強蛋，張枱仲有小小發霉，狀況極為嘔心…由於我叫得好大聲終於引左個店員過黎，佢一野用毛巾拍死左隻小強，然後抹走埋d蛋，然後就走開左…而同時我碗米線亦都到左，一野放左上個張啱啱拍死小強既枱度。咁因為心理覺得張枱好污糟，所以我叫個店員幫我消毒下張枱，但佢居然咩都無答就走左！疫情都2年了，衛生意識都可以差到咁，真係十分佩服！最後我自己搬左等2張枱食，食到一半隔離枱又話見到小強奉勸大家千祈唔好食li間米線，衛生差得恐怖！…查看更多

#魚米#yumai#香菇貢丸講到魚米，相信大家都唔會陌生！今次去食佢地既下午茶，包杯熱飲，我揀左食香菇貢丸米線配熱🍋水，佢地既米線有31款餸可供選擇，另外仲有得揀食麻辣湯底或酸辣湯底➡️加2蚊，麻辣湯底仲有三隻辣度可供選擇添，仲有得轉刀削烏冬或淮山麵➡️加4蚊。味道方面，我覺得魚湯米線清清地，幾啱我胃口，而佢地既貢丸都好大粒，係我中意食既貢丸，有質感個隻👍🏻米線都好滑都算幾抵食，$35蚊包熱飲😉…查看更多

好耐無寫過食評😆今日因為有事遲左食飯，11點幾食完野，到6點9先係公司出去食十分餓既關係，決定嚟魚火食原條左口魚😆平時會食唔晒講番條左口魚個邊都煎得幾脆，除左邊位其餘部份無乜細骨啖啖肉，一d都唔腥，側邊魚油好正，好有食火灸左口魚既feel佢係配檸檬，但本人食煎魚蒸魚都係覺得配甜豉油係最搭，咁大條+魚湯米粉$78唔貴，係凍飲要加$10覺得貴左少少，仲要淡某某，米粉係滑果隻幾好唔會吸晒d湯，好怕食'鞋'口又吸晒d湯果隻門口有提供膠袋裝口罩，size剛剛好，總結係會再去食…查看更多

天氣凍凍地，好想吃點暖身的食物，午飯時間來到大圍店魚米，午餐點左胡椒味菜豬肚配白飯，飲品選了熱柚子蜜。很久沒有吃胡椒豬肚，要製作得好味的胡椒豬肚都有d難度，竟然魚米呢個胡椒豬肚又幾好味，胡椒味濃，真的有一小片一小片的豬肚，配埋菜，好有驚喜呢！飲啖胡椒豬肚湯好暖和，非常推介冬天吃這個，無論撈飯吃或是淨飲個胡椒豬肚湯都非常好和合適。飲品方面選了杯熱柚子蜜，就普普通通，若果柚子蜜的量多一點會更理想。店內座位都算多，午餐時間多要搭抬而坐。…查看更多

第一次黎叫外賣，入去order早餐，跟住門口既餐單叫，點知原來已經改左新既，我又唔係員工我點知，個店員仲要話返人轉頭，之後等左超過15分鐘，佢走過黎話，你個外賣仲要等好耐，仲要是經過咁講下。想試下比錢買難受既，可以黎試一下👍🏻…查看更多

之前食開都知佢好多全倏魚既麵可揀，今次下午茶有新發現，原來有DIY 湯飯，自選湯底加餸。 下午茶餐有pancakes 加小米粉 餐....冇錯係小!! 個份量女士ok...男士就要睇下肚餓指數😄但我都係食返魚麵好d😁…查看更多

不用等位，可以直接坐低。人手不足，收銀機距離廚房是最遙遠，所以來呢度食野要少許耐性。早餐可自選3款餸配米綫貢丸，魚腐，漢堡扒米綫滑不過不失熱金桔蜜才是大愛一般地方都很少有得飲潤潤喉…查看更多

今日突然好想食米線，就去魚米o(≧v≦)o叫左個二人餐有碗大米線~\(≧▽≦)/~豬扒菜飯，小食，甜品，飲品，價錢又平，真係超抵食！！！樣樣有齊，十分好(*¯︶¯*)…查看更多

今日天氣咁凍就自然好想食辣野同有湯既野之前都食過魚米一次覺得都唔錯就再食多次啦---今次都係點左個二人餐有碗米線+豬扒菜飯+小食+2份甜品+2杯飲品都只係140蚊左右真係超抵食米線既湯底有好香濃同好有層次既魚味湯底加左辣,不過辣而不香,只係死辣配料就都幾豐富,但豬肉太肥豬扒菜飯既豬扒好鬆軟而且炸得好香菜飯就都幾多菜,抵食小食揀左炸餃子炸得都幾酥而且入面仲保留到好多汁我男友直頭食到成手都係汁各位食果陣要小心D飲品就特別推介水蜜桃汁夠晒特別,而且有好香既水蜜桃味甜品方面就普普通通桂花糕太硬似桂花味既大菜糕多過桂花糕另外一個不過不失啦---總結而言味道整體其實都唔錯咁多野食先140蚊其實真係好抵食…查看更多

路經大圍鐵路站，忽然想食有關魚湯的餐廳，快速搜尋下，找到這一間魚米。知道這間魚米本身很多分店，但也比較少試食。坐下後，我就點了一個黃花魚米線，酸辣蠔仔鮮菇泡飯另加一極涼粉紅豆冰及小食蜜汁豬扒及一碟油菜，等我逐一為它們品評。1) 黃花魚米線﹕到來時，真係有一整條煎好的黃花魚。味道及肉質適中。而魚湯及十分好味，好味令我懷疑是否加了味精 (不能肯定)。2) 酸辣蠔仔鮮菇泡飯﹕在菜單上的圖片影得很靚，但實物跟圖片都相差幾遠。碗內有很多飯，但蠔及其他配菜都不是多。而這個泡飯十分辣，可以講得上是可以食到胃痛的辣。食到一半放棄了。3) 涼粉紅豆冰﹕奶太少，整杯紅豆冰都幾淡而無味。涼粉太碎，令到咬時沒有口感。唯一可以讚的是紅豆幾大粒及幾甜。4) 油菜﹕正常油菜一碟。5) 蜜汁豬扒﹕見到第一眼已經覺得唔太對路。可能炸得太耐，豬扒好乾好硬，好少可以在街上食到好似化石般咁硬的豬扒，真心好奇想知他們是如何制作。個人覺得幾難食及唔抵食。…查看更多

嚟到大圍依個地方, 真係唔係好熟悉, 唔知道啲路點行, 亦唔知道有咩好食。上網一搜尋, 發現有最熟悉嘅「魚米」, 都唔好諗咁多喇, 嚟依度食午餐啦。一個好嘅集團, 管理得好, 出品控制得好, 無論去到邊一間分店, 食物都可以保持到水準同質素。「魚米」就係表表者。令食客有信心嘅食肆。< 魚蛋貢丸蟹籽丸米線 > 魚湯清, 冇味精; 每一種丸都味濃、新鮮、用料可靠; 米線嘅煙韌度啱啱好, 份量亦充足。連配菜(榨菜)都好好味。< 熱奶茶 > 好味。服務親切、有禮、周到。…查看更多