魚米家魚湯米線 (已結業)

下午4點左右，路過天晉匯，肚餓，入到去魚米家啦，點左個午市餐，香蔥豉油豬扒雞翼飯55蚊，仲送小食。餐廳人唔多，好快不用十分鐘就上到檯比我食。個賣相ok既，跟住一食就覺得唔對路，自問自己都黎重口味，點知今次遇到對手，豉油好似唔使錢，多到成個白飯撈嗮d豉油都仲係好多，簡直食唔到。甘唯有浪費d飯叫個樓面姐姐另外比碗白飯我陰公，跟住送既小食，魚湯蘿蔔跟餐既匙羹有少少污遭（匙羹小弟唔記得影相）。唯有自己在檯側邊個抽櫃換翻條鐵匙羹咯。總之，失望😔

嚟將軍澳兜個圈，呢個屋苑嘅商場分得好散，食店選擇唔算好多，最後揀咗呢間魚米家。Lunch Set 都算多選擇，都係啲大路野，同茶餐廳其實差唔多，價位都叫正常，跟餐除咗有熱飲，仲有個小食送，所以成set野嘅份量都好足，男仕們唔洗擔心唔夠飽！！叫咗個招牌魚腐+豬軟骨米線，魚腐同豬軟骨個味道幾好，但Hungry Pig本身唔係好中意魚湯，不過朋友仔就話味道ok，反而個米線唔知係煮得耐咗定係本身佢用果隻米線係咁，食落好淋。另外叫咗個咖哩牛腩飯，本身唸住佢係主打魚湯米線，其他食物嘅質素會普通啲，點知食落都ok，比起米線反而更好，絕無欺場。

平時落街食早餐唔算好多選擇而魚米家係我地比較常揀既一間佢地既早餐都多選擇除左麵餐 仲有排餐 三文治餐等等每一次黎 我一係食雞翼麵 一係食蕃茄雞排麵今次就食左雞翼麵佢個湯好清 冇咩味 所以鐘意濃味既人就要叫蕃茄湯系列或者沙嗲牛肉麵啦碗麵有兩隻雞翼應該係炸過黎 再放入去雞翼係幾好食 仲要夠大隻 啖啖肉麵餐可以加6蚊有腸 蛋同餐包唔夠飽就不失為一個好選擇

此公司 派十八蚊招牌魚腐米線coupon給客人、但係去到嘅時候佢居然話要分區域、明明入面大把枱就唔俾人、係不知所謂; 我當然係冇等位走咗啦！ 本來我係一星期起碼嚟食五次、但係而家決定以後唔會再嚟幫襯

8:00去到，仲有多張檯無人坐（即係唔係繁忙時間啦）但某些侍應好似時運高、選擇性做野，有2夫妻帶住工人姐姐、及1個手抱BB和3歲妹妹，個侍應企係度傾談都唔去幫手拎BB椅比客，要個先生自己去拎，侍應只望住。仲衰過快餐店（自助式）唔知係咪換了廚師難食左好多，我叫香辣肉碎秋葵茄子，秋葵只得2段仔，駁埋一條完整秋葵都無，如果唔夠秋葵就唔好賣啦！一心就係想食秋葵先叫，肉碎又太咸。可能夜呱，叫左個虎皮椒牛柳$69，佢話賣，轉左個咕嚕肉$65，order係改左，但張單唔改價錢囉！等另一個菜的時候，侍應（選擇性睇唔到你個位）走到我檯更換紙巾盒，佢唔出聲自己單膝跪上椅拎個紙巾盒，裝滿就行左去，我以為佢啞的，唔好意思都唔講句！想投訴名都無，名牌只係寫「侍應」

星期日是最難在TKO 等位食午餐！幸好在Popwalk開了不少新食肆，見到坐位不迫而且價錢合理，所以選擇在這裡食！我們選擇了全日套餐，因為包一碗米線，一碟小食及一杯熱飲（比較抵食）！如果想食多菜一點，可以選擇菜肉餃子米缐（有生菜、雲耳、粟米粒）當送餐時，有一點surprise,因為大大碗（視覺享受一流），番茄湯配魚腐、魚皮餃十分好味！小食如灼生菜也有一定份量，而滷水豆腐十分入味！所以是日午餐也十分滿足！

魚米家由中學食到大，依家大個咗真係好少會食今次咁啱經過又新開，即管睇下新分店食唔食得過同朋友一人叫咗一個飯，因為肚餓，我係肉燥豬扒飯，佢係芝士汁雞扒飯，不過我哋會交換少少嚟食跟餐配一樣小食，我哋嗌咗魚湯蘿蔔同灼生菜，餐飲就叫咗熱好立克同凍檸茶小食先上魚湯蘿蔔大約有3大舊，幾甜冇渣，而且嚟魚米家都係要嚟飲下佢個魚湯，幾清甜。灼生菜就冇咩特別好講主菜嚟埋其實張檯唔太夠位，不過茶餐廳level 都冇得要求太多肉燥飯嘅飯係四方形嘅，上面有啲紫菜肉燥好滿，食到尾都仲夠撈飯，味道偏甜，而且同燒到充滿油香嘅豬扒幾夾豬扒切咗啲位，好方便進食反而個雞扒相對較遜色，芝士汁唔impressed，雞扒肉質普通冇咁推介希望舖頭keep到質素，下次會再幫襯