魚米家魚湯米線 (已結業)

受疫情影響，而家外賣自取七折。揀左湯麵套餐（$53），招牌魚腐豬軟骨魚湯米線，仲可選一款小食同埋飲品，七折後$37咋。外賣自取最着重保温同保質，拎到番去十分鐘左右個湯仲熱嘅，麵同湯分開上，確保個麵唔會變淋。俾左折扣，但餸方面冇少到，仲有五件魚腐，豬軟骨仲腍到就黎冇牙嘅都食到😆。小食有魚皮，炆冬菇，生菜同魚湯蘿蔔供選擇，最後我揀左生菜，以套餐呢個價錢黎講份量都算多。杯奶茶就正常啦，都係嗰句，呢個價錢就唔會太多要求了。

🍙等待時間：星期日中午十二點直接入得唔洗排隊。🍔室內環境：室內保持一貫餐廳風格，具中國風格。🍰服務質素：侍應姐姐態度好好，細心推介我叫餐會抵點，跟住又提議我手機落單送鮮滑豆腐，讚👍🔺用餐簡評：我今日就叫左魚腐瑞士雞翼麻辣湯泡飯，跟個紅紋冬菇同一個豆腐花（手機落單免費，人手落加$8）。泡飯上枱先試佢個湯，好飲，有魚既香甜再配香濃麻辣味，極開胃，泡飯本身已經好多健康配菜，冬瓜，金菇，木耳，再加埋本身加既冬菇，成個組合健康又好好食😋🔹總括來講：無得輸

魚米家魚湯米線大王將軍澳唐賢街19號天晉匯2期地下G16號舖今日係將軍澳區開工，lunch 黎左天晉匯搵食，最後揀左呢間餐廳選擇都算幾多既，除左湯米線之外，呢到仲有泡飯，撈米線，常餐揀最後我揀左常餐，芝士雞扒撈公仔麵需然好邪惡，但芝士味好濃郁，另外套餐仲配埋炒蛋火腿同多士，夠晒飽同事揀呢個望落都唔錯，下次黎可以試試

如題，個apps又廢，轉唔到飯，同個呀姐講，佢竟然叫我照㩒，佢再同廚房講返。有冇搞錯！我超肚餓，叫佢來，佢叫我入apps, 早響啦，入apps又找不到，最後咪又要樓面來寫，浪費客人時間！好心la! 不如唔好set樓面la, 同佢地講完又叫人自己玩app! 玩我姐！依間野，已經不是第一次，座低又冇茶冇水，又冇話要用apps, 諗好曬，叫佢來，又叫成世，個個低頭好忙甘，好辛苦叫到過來，先話用apps, 個apps又虧，下次即落算吧la!!

係將軍澳，其實搵食難，特別係夜晚。今日收工夜左，9點半幾，大部份餐廳都收10點，咁我拿拿林走入其中一間。見佢有宵夜餐，平平地可以食碗魚米家。人少就一定啦都咁夜，所以唔洗等。價錢方面我嗌左38蚊既宵夜招牌魚腐米線，熱飲係送既，再加9蚊要碟生菜。感覺夜晚可以食到碗湯米線，完全好relax啊。魚湯清甜，米線份量剛剛好唔太多，加幾粒招牌魚腐，唔係街市打邊爐個d無啦感，佢入面魚肉蓉幾香，其實唔錯。生菜就生菜啦，無特別。仲有特別既係佢宵夜8半開始架，岩晒d細食既人。不過以我所知，我黎魚米家就只會食米線姐。其他就唔知啦

第一次入呢間到食，事關從來無留意到有39蚊午餐牌，朋友叫左個撈小麵，20分鐘都未到。脆皮腸似系香草黑椒，味道Ok。黑椒雞球魚湯米線，雞球嫩熟淡淡肉，個黑椒又多油左啲，膩左啲，個魚湯米線無乜味，食個餐普普通通，勝在39蚊，又Ok咁啦。普通食個餐可以接受，你話好突岀，好食又唔講得上。下次會翻食，不竟系抵食系列。

可能呢間分店平日冇乜人幫襯，星期日稍為多人就應付唔嚟，由落order去到有餐到，前後等咗大概20-30分鐘另外，衛生情況令人擔憂，雖然去街外食飯就唔會期望乾淨得去邊，但係一餐飯可以見到有三隻曱甴喺檯度走就真係冇諗過，就算係去一啲舊區茶記食飯，起碼我都未試過，何況呢間開咗冇四五年、連鎖式嘅餐廳入面聲明：圖入面啲曱甴本身係喺檯上面走，並不是本身喺飯入面，與食物本身無關第三隻曱甴喺紙巾入面碎了，並未能展示

我好鐘意食呢間，覺得佢多唔同種類既抵食特別米線。例如： 比目魚米線。今日我同爸爸黎左，叫左一個蕃茄雜菜牛腩米線。 蕃茄幾濃都算出色。初初驚唔飽，但食落都幾飽。另外，爸爸叫左個蕃茄汁雞脾飯。以為個雞脾係普通雞脾，點知原來係炸嘅，幾脆口幾正! 推介!

前幾日八點幾同朋友打完波，想食得清清地，所以黎左呢度食米線。我叫左雜菜米線。睇個名好似好頹咁。但其實佢好足料。佢好大碗，有金菇，白蘿蔔，西蘭花，蕃茄等等。如果係食齋既朋友，呢碗會令你好滿足

普通茶記水準一半都無上次都食得好地地今次一入店 首先問店員用手機落單跟住嚟咗一個米線我等下等嚟咗杯勁難飲嘅利賓納等咗半粒鐘都未嚟又見啲店員好似好唔得閒咁同個阿姐講話我個米線未嚟 佢竟然同我加多個米線喂大佬阿 我地兩個人 你同我落3個米線我未食㗎

將軍澳幾個商場連埋一齊，食物選擇真係幾多☺️ 食得多快餐有時都會掛住中式粉麵，所以就去左中學好鐘意食既魚米家👀肉燥豬手飯餐 ($55) 配小食有4 5舊豬手，脂香肉嫩，但煮得未夠入味。最令人驚喜既係豬手骨入面既骨髓脂，要吸出黎食先係成碟飯既精髓之處🥰 相反肉燥就比較遜色啦🤔至尊鴛鴦焗飯 (茄汁豬扒+芝士比目魚) ($69) 不跟小食茄汁豬扒味道一般，豬扒比較薄而且比較難咬。芝士太多太鹹啦🤢 感覺上食兩啖已經會濟，比目魚雖煎得香脆可口，但太多刺😨 唔能夠大啖大啖食飯都係佢既不足之處👀紅炆冬菇 正常鹹度，但無咩冬菇本身既香味 (真係好鐘意食冬菇陣味🥺)魚湯蘿蔔蘿蔔份量💯 而且唔覺得加左味精喎又全日最伏 脆炸香蕉完全feel到佢只係用左香蕉糕咁既料去炸😥Overall, 頹食ok, 但一年內都真係唔會食多過3次😐

午餐及晚餐時段，竟然有小菜套餐及焗飯，感覺好特別，但帶點新鮮感！我也心思思試試！ 至尊駌鴦焗飯（茄汁豬扒+芝士比目魚）：比我想像好吃，比目魚切粒，好有口感，又重芝士味套餐的紫菜魚腐湯：可能紫菜比較多，所以偏鹹😅，但好豐富，有兩件魚腐+紫菜+小菇仔！ 中華炒䕹菜：比較失色，椰菜 為主菜（不像其他餐廳用菜心/小白菜）京都焗肉排：肉質偏硬，可以改善一下，否則妨似食肉乾！ 照燒汁比目魚：如果切厚肉一點，好一些，去了魚骨，已經沒有太多魚肉！

話說一路都誤解左魚米家，因為佢個名所以成日以為佢得米線食~而本人係唔係好鍾意食米線的所以一路都冇幫襯!直到有一日行過見到入面d人檯上面既焗飯就八卦去望下個menu，原來除左米線仲有好多野食，於是今日就專程去食個晚餐!首先一定要叫吸引左我地黎既焗飯啦!跟住再嗌多個小菜套餐，本來想叫咕嚕肉但見隔離檯個栗米魚塊好靚於是又轉左軚。中菜套餐跟湯既~湯我揀左雜菜湯，湯底係蕃茄湯底黎，菜有好多種，有蕃茄有西蘭花有甘荀有菜心!好多料!我覺得幾好飲但老公話湯底似金寶湯溝水喎~好耐冇食栗米魚塊~估唔到呢度既水準同我以前跟屋企人去酒樓食既味道一樣~Keep到外皮好脆而d肉係唔腥!撈埋d汁送飯真係一流!不過焗飯就等左好耐喇~menu寫明要等20分鐘︿不過過左20分鐘都未黎所以我地催左次~夾埋都等左30分鐘度。我地叫左鴛鴦焗飯，一邊係芝士魚柳一邊係焗豬扒飯~佢一上檯成陣pizza味，賣相好吸引~連個碟都係pizza盤咁好搞笑!味道聞落去就好香喇~不過好味程度就一半一半。芝士魚柳果邊麻麻地，芝士味係夠但可惜d魚好腥，芝士都蓋唔住陣腥味!反而上面既配菜，好似蘑菇同青椒咁仲好食!而另一邊既焗豬扒飯就好出色，茄汁味好濃

今次利左食早餐，選擇都幾多，今次選擇雞扒蕃茄湯底配搭米線，另外加$6加配火腿奄列及多士，飲熱飲。早上人流唔算多，但店內服務員人手有限，不過落單後約十分鐘就陸續送上食物。食物味道還可以，價錢平均三四十。

星期日，屋企附近食早餐，好多時都會食魚米家，因為有蕃茄湯。雖然匿度嘅蕃茄湯唔算好好食，但都算OK食得過。牛腩蕃茄湯米 - 👌🏻配火腿煎蛋多士 （油左d）牛腩蕃茄湯 - 👌🏻配腸仔煎蛋多士 （都係好油）