魚米家魚湯米線 (已結業)

當日係將軍澳想食下米線就搵左呢間店試下, 唔係住呢邊真係搵路搵左好耐先搵到🥱晚市唔算多人, 可以自己素位坐, 自助下單六好方便。原本想食魚腐豬軟骨魚湯米線, 但魚腐賣晒, 唯有揀其他款😵精選套餐好低, 有小食, 主食同飲品都係$58。🐟香煎比目魚魚湯米線小食揀左魚湯蘿蔔, 蘿蔔好清甜但魚湯較濃有D腥。比目魚煎得唔錯, 但可惜係凍既🫥要浸係湯到一陣先熱, 而魚湯底比魚湯蘿蔔既淡味, 亦唔腥, 唔通係兩個唔同湯底??🐟香茅雞翼拼豬扒魚湯泡飯呢碗湯底轉左麻辣蕃茄湯🌶️應該係魚湯底加上麻辣油, 蕃茄味食唔到有🍅食完呢個湯底再食返比目魚個湯底, 覺得比目魚湯底好淡味。而雞翼同豬扒不過不失, 香茅味都出。最後小食叫左紅炆冬菇, 冬菇非常入味亦夠軟。

一間無乜人，闊落又好坐嘅午餐下午茶好地方，店舖相對侍應較少，就無乜人得閒理你，不過茶餐廳我都無乜所謂，最緊要便靚正，上食物夠快，有要求舉手都依然會有人理你嘅，一個下午茶$39咁多嘢食， 依家香港地仲可以去邊搵，不過你就唔好要求太高喇.

同屋企人出街後醫肚，想係附近搵啲未食過嘅餐廳試下，見佢地方都幾闊落，一於試試！QR code自助落單👍🏻方便快捷香矛雞翼拼豬扒魚湯泡飯/米線 $55呢餐除左碗米線之外，會配多一款小食，我就簡左菜米線嘅湯底都幾正，麻辣惹味又開胃雞翼豬扒普通，但啱啱煎完出黎熱熱辣👍🏻👍🏻55蚊呢個價錢有埋野飲，超飽肚🫣我同屋企人都食唔曬，推介！

將軍澳南真係唔多早餐嘅選擇，而我自己試過好多附近嘅茶餐廳其實都好求其，今日難得放假就黎到試一試魚米家。坐低用QR code落單，唔使驚左叫右叫都搵唔到職員，感覺唔錯。五香肉丁公仔麵蕃茄湯底：蕃茄湯味幾濃，酸酸地唔會太甜，雖然冇加錢轉出前一丁麵底，淨係食佢個普通公仔麵，公仔麵都有少少咬口，唔會係好淋好難食嗰隻，五香肉丁肉粒足夠，冇偷工減料。加埋凍飲先三十幾蚊，算係非常經濟抵食。雪菜肉絲米蕃茄湯底：蕃茄湯底一樣，但感覺雪菜同蕃茄都係酸酸地，味道一模一樣夾埋冇咩火花，建議可以試其他湯底。埋單去到門口，發現魚米家原來仲有賣家常便飯系列，買返屋企整返熱就可以食得，有機會都會買嚟試試。

我叫了牛腩米線，牛腩不太肥，整得幾入味，而且都幾大嚿，啖啖肉👍🏻個湯底清清地，完全港式風味。最欣賞的是可以不用加錢配小食，有多款小食選擇，例如冬菇、涼拌麻辣青瓜、炸魚皮、魚湯蘿蔔等。我喜歡夠健康的生菜，上到枱生菜大大碟，非常翠綠鮮嫩。這個小食又不用加錢，真是十分抵食，只是$39。🎉🥰見餐牌也有很多下午茶餐，價錢不貴，米線都有很多種，例如可以配魚皮餃、香茅豬扒、香茅雞翼、魚肉春卷等等。如果想飽肚點又可以吃吉列魚柳飯、豬扒雞扒飯，連甜梅菜炆腩仔飯都有。而且還有很多茶餐廳的小食例如雞翼配滑蛋、雞髀配薯角和各種三文治及公仔麵等等，各適其適，應有盡有。飲品方面可以選即磨咖啡港式奶茶，我選了即磨咖啡，味道濃郁，非常香滑。如果想喝凍飲和汽水加$3，叫特飲加$12。其實這個下午茶餐的菜式，在宵夜餐也有供應😇

•皇子泡飯• $69個日想食泡飯我諗得2個原因第一 好肚餓第二 想食濕嘅野 但又想食飯係咪講完好似無講過咁🤣就係咁 先食到佢嘅精髓😙😙呢個泡飯材料有蝦、帶子、仿魚翅樣樣都新鮮！唔腥！其實ok!湯底都好有魚湯味 係唔錯！真係貨真價實(●’◡’●)ﾉ不過 唔鐘意佢啲飯加咗米通食食下飯又咬到啲脆嘅野咬到咁上下 又痴住咗啲牙想分開啲飯同米通 但佢又撈埋曬一齊分開唔到🤧🤧🤧整體其實都ok!Ps 本身唔係想叫呢個 係想叫2-3人食嘅焫焫烤魚 點知…..佢同我講 太受歡迎 啲材料無曬咁濟…想食呀呀呀呀利申：絕對唔係見到「焫焫」呢啲字 想食的🤣🤣🤣

召喚愛吃烤魚人士，加上我仔仔吃魚當飯魚米家新出了「焫焫烤魚餐」重點採用去左骨的比目魚，適合小朋友食看下我仔仔食得多滋味今次我同家人在魚米家食熱辣辣烤魚好滿足我吃了好滑的蕃茄魚後，令人意猶未盡魚塊好有魚鮮味又厚難怪仔仔一人已吃了5大片魚塊打破我以為食烤魚通常多骨又有魚腥特別配料如鮮制豆腐花，好有豆味又水嫩套餐跟既招牌魚腐小食，就咁食外脆內滑，放埋烤魚打邊爐又有另一種滋味鮮甜的番茄湯🍅，散叫埋其他配料再吃火鍋今次，我們另叫了雞肉、大魚蛋和炸魚皮魚米家有香港第一魚湯米線之稱除必試既魚腐魚湯外，其實豆腐花、魚蛋都值得推介!🍱想叫外賣？又得焫焫烤魚外賣會跟埋火油，安坐屋企都可以滾住食，同家人和開派對一起食。要食辣？可試「秘製麻辣味」，就更開胃和滿足！魚米家焫焫烤魚餐(濃香蕃茄味)(包埋魚腐同豆腐花)宜家做緊推廣優惠，更送凍飲兩杯下午5:00後供應今次我叫個餐是3-5人份 HK$368，在另外叫配菜約$100，我同家人共五個人去食

是日和兒子路過，好耐無食過呢間店鋪，來試試!!叫左個魚腐豬軟骨魚湯米線，魚腐好香豬軟骨好淋好入味，他的豬軟骨醬汁用來餸飯一流，可惜這次叫的是湯米線，魚湯米線的湯底好夠魚味好鮮甜，配上炸菜和芽菜，味道恰道好處。套餐包小食和飲品，小食叫左炸魚皮，好脆!!成個餐只係$58，好低食!!另外都推介下佢個星洲炒米，呢間店炒得好乾身，星洲炒米要炒得乾身好難搵到，如大家來這店可以試試噢!!

平時食開魚米家嘅晏晝飯多，今日咁難都早起身，就試下佢地嘅早餐，就咁望餐牌同普通茶記冇咩太大分別，比較特別嘅就係有蕃茄湯米線揀，鍾意食蕃茄嘅我就決定試咗佢嘅蕃茄湯雞扒米線😆另外有優惠價，可以加$6換購火腿奄列同埋牛油多士，見到都幾抵所以就額外加埋 首先上咗火腿奄列同埋多士先，佢嘅多士偏甜，有啲似X頓蜜糖雞蛋方包嗰種味，比較特別😁火腿奄列味道正正常常，但偏油咗少少之後就上到雞扒番茄湯米線，蕃茄湯應該茄膏開出嚟嗰種，不過呢個價錢唔要求佢比到新鮮蕃茄湯啦😂，雞扒都幾大塊同埋嫩滑呢個早餐加埋$39，性價比都OK，如果之後可以早起身都會落嚟再食🍽👍🏼

今日好想食米線，所以就諗住去魚米家買外賣返屋企食，本身打算食飯魚湯米線，但係餐牌見到佢嘅招牌肉燥撈米線幾吸引，$53就包埋小食，熱飲，所以就試吓佢嘅撈米線啦豬軟骨肉燥撈米線（$53）一打開嗰陣真係嚇親啲豬軟骨竟然有五至六大嚿咁多，鋪滿晒成碗米線，真係好抵呀😱，而且豬軟骨炆得好入味同軟身，果然唔錯～肉燥醬就味道正正常常，有啲青瓜同埋花生撈埋食滋味好多，不過米線就煮得淋咗啲，另外小食我叫咗生菜🥬，健康啲haha～豬軟骨同米線份量都好足料，下次試埋佢嘅招牌魚腐

去將軍澳找朋友到下午茶時間佢推介呢問魚米家話好好食...仲係咁讚佢哋魚湯好掂.下午茶時間並不多人.兩個人揀咗個四人卡位坐.第一次試佢推介我呢度招牌魚腐米線.而朋友佢叫咗碗長洲大魚蛋米線.落單唔夠五分鐘有得食.佢果碗有兩粒魚蛋比一粒我試.大大粒夠爽口彈牙魚味都濃.我果碗有四片魚腐.佢話試過無數次了.所以我一個人食哂每碗米線都有芽菜同昆布.魚腐與街市所買到的硬梆梆的貨色完全不同，這魚腐外皮炸得呈金黃色，浸了魚湯變成了煙韌的口感.內裡則是柔軟又彈牙的魚肉，沒有霉霉的口感.一試之下個魚湯非常濃郁，雖然魚湯,但一啲都唔腥.米線夠滑, 軟彈煙韌，完全吸收湯味奶白色既魚湯配上米線簡直係味蕾既享受.食到lam lam脷.下午茶性價比極高，38已經有交易仲有埋野飲.

主打魚湯餐廳，我一直都好鍾意，魚湯，魚腐，魚皮...睇完餐牌，價錢都偏貴，我叫左個雞扒冬菇米線🍜蕃茄魚湯底。佢地做緊promotion可以半價order本週推介。魚腐係本週推介，雖然熱辣辣，但一食就成口油，份量都多。米線湯低算ok, 但雞扒有雪味，唔好食，冬菇唔係每隻都有味，但餐牌係推介佢地嘅冬菇，食完都唔知食咗啲乜？早知食譚仔，又貴又唔抵食，如果對味道冇要求，只求食飽，都係可以接受，真心唔會再嚟😔

唔係因為做野都唔會到嘅地方 因為工作關係誤打誤撞入左呢個商場此店位於商場地下外圍 （露天停車場旁邊）如果不是因爲方便食完去對面停車場取車這店的位置 確實是不覺眼入去前看到這優惠 於是入去坐底試下坐底叫野食時店員說是自行用QR code入單但門口嘅優惠魚腐賣晒咁我就叫左其他野食點知一睇 點解會有魚腐？

之前經過已經好想試！忙錄的晚上，想在家附近找東西吃，於是就一起試烤魚🐟🐟其實我們都不太吃得辣，已經叫了最小的微辣，不過都係越食越辣！🌶🌶🌶不只是麻辣，是辣椒的辣。沒有想過比目魚的份量是那麼多，差不多是一整條的分量，是好好食的，又不多魚骨，但最後都戰敗給辣椒🌶️有趣的是第一次吃烤魚有薯條🍟還加了米線和金菇，米線熟了吸哂汁，好正👍🏻食辣東西當然要叫定解辣飲品，芒果沙冰和芒果乳酪，不過都幫助不大😂聽姨姨們說烤魚系列很受歡迎，有很多客人外賣走，所以我們附加食物的選擇也剩下不多。喜歡辣的朋友必定喜歡💕

因為新都城間魚米執咗，琴日第一次去呢間魚米食下午茶。叫咗蕃茄牛腩四川小麵，唔知係咪佢而家要手機order同埋外賣有折所以要做晒外賣先，鋪頭坐唔滿都等咗10分鐘先到。食到底就見到呢隻生物，我即刻反晒胃。即刻搵侍應，佢一句唔好意思淨係想拎走碗嘢，我話我要影相先，佢就叫咗另一個侍應過嚟。話免咗張單就收走碗嘢，完全無解釋點解咁大隻生物喺度。到埋單，佢淨係話我哋取消咗張單啦，我問佢我係大肚婆，係咪有咩事可以保留追究權利，佢叫我睇完醫生俾張單佢。我琴晚真係肚痾兩次。無打算再去呢間嘢追究，太大心理陰影，經過都唔想。淨係想大家小心