魚米家魚湯米線 (已結業)

前個星期日去了食早餐\, 點了魚蛋米線+腸仔煎蛋+凍檸茶, 味道比以前差了, 但這是預期之內

新開店時，就算排長龍等位，我同老婆都願意等，因為"又平又正又好食"，點知越嚟越唔掂，最後因為發現碟生菜"有蟲"，條蟲有BB手指咁粗，嚇得我吖!!! 雖然侍應生話換過碟，但係乜嘢胃口都冇啦.....今日，經過門口，又再同老婆試吓啦，唉! 點知.....坐低咗，侍應生抹檯，竟然掃晒落地，雖然只是小小的渣滓，但係都唔衛生嘛，眼見到都咁樣，見唔到未...??!!叫咗兩個湯飯套餐，D飯竟然"生米"，硬掘掘，食<飯>套餐，D<飯>唔好食，可以食乜? 最基本的"飯"都唔掂，佢哋有冇諗吓食食物的人感受架??(睇吓大長今啦)加$5轉咗兩杯特飲-椰島雪香，一飲:嘩!乜嘢嚟架?好似洗杯水咁，真係淡過師姑尿。從此，我同老婆都唔會再踏足此店!

今日同bf去新都城, 見呢到好似唔錯, 就入去試下: 魚腐米粉- OK啦! 好大碗, 魚腐好香滑, 不個米粉淋D就更好.豬軟骨泡飯- 豬軟骨好入味, 唔錯.咖啡雞翼- 將D大雞翼一開二炸, 所以感覺好大碟, 個咖啡汁好香濃, 食得多有D"漏".

起初呢間野新開既時侯尚算可以，一直好掛住佢既炸鮮奶。直到今次一行六人再去到呢度，諗住帶個鬼婆見識下香港既米線啦，點之反而貶低香港既服務水平，個經理見一班細路去就眼超超咁，態度認真唔好，講既野語氣更加差，連個鬼婆都無眼睇，唉唉，如果野食好Ｄ都ＯＫＡＹ既，但係....完全唔值嚕，貴又唔係貴，但係野食同出面十幾蚊差唔多，係個炸鮮奶仲可以維持以前既水平。總之一句，唔掂啦

豆苗又平又好食!

同男朋友去食, 叫咗個魚腐, 雞翼(唔記得叫咩名, 係炸雞翼上面有D泰式雞醬)同埋蛋白瑤柱炒飯都幾好食呀! 不過環境同服務就麻麻!

此家米線新開張時食物質素不錯,魚腐軟熟,魚湯鮮甜,但水準每況越下。上次去是約３,４個月前,魚湯米線不熱巳扣分,湯亦不夠甜,味精重,吃完十分口渴。反而小菜不錯,炸鮮奶外皮脆內軟,但很滯。順德魚腐甜甜酸酸,像古魯肉,很開胃。未試過奧海珹分店,味道可能有分別呢!

呢間野我上次去, d侍應服務態度唔得之餘, d野都唔好食, 佢地既魚湯以前就好好味, 但依家就完全唔得, 同埋我上次去, 叫左杯凍O水, 送埋o黎杯野竟然係好杰, 好似加左蛋花咁, 同埋佢地既筷子, 匙都好dirty 下, 去過三次, 其中有兩次都有野癡住係到總之呢間野我都唔會再食

夏天去呀, 個冷氣凍到死,去左兩次凍病左兩次,所以一定要帶衫, 不過d 野食幾好食的

以前都黎過呢度，今次新試左款炸鮮奶，外脆內軟，又唔特別覺油﹝當然好可能只係假象... ﹞，幾好！成碟至25蚊，都算抵。

試了兩款：一是「咖啡焗雞翼」，香口得不得了，咖啡癮君子非試不可。其二是蜆蚧魚腐，中規中矩，一試無妨。結帳才五十，很便宜。其他菜式看來也很有特色，會來再試。

食物還可以,不過服務態度極差! 而且我的熱奶茶及水有極濃的漂白水味. 我見服務生惡形惡相, 都等到吃完所有東西才告訴他們, 水有漂白水味. 那個服務生說會換過另一杯水給我. 他走到一角, 居然在抽煙!!!等了幾分鐘, 他終於拿水給我, 極不耐煩的說:這杯無味啦!然後大力的放下水杯便走開. 我嗅一嗅, 水還是有漂白水的味道. 雖然價錢便宜($40/人左右), 不過也不應該在食肆吸煙!服務態度又極差!而且還給客人漂白水喝, 實在不知所講, 寧願唔食!

大碗飯真係幾大碗，夠飽三十幾包埋個小食算係咁不過Ｄ野飲真係好唔掂，應該請個專業Ｄ既水吧

講開奶茶, 令我記起一個可怕的回憶, 話說有一次去呢間舖食魚腐米線, 好自然叫杯奶茶, d野來到的時候, 飲左一口奶茶就知弊, 突然記起前一次黎食的時候已覺得呢度的奶茶好難飲, 今次都一樣, 冇茶味, 溝埋d奶變左怪味, 就咁飲唔睇住都幾難估到係奶茶; 至於碗魚腐米線係幾好味, 冇乜味精, d湯咁鮮甜都只因放左唔少炸菜囉!

　　第一次黎食，覺得都幾費，三十幾四十蚊一個set,得一碗麵，一杯野飲，同一碟小食,不過個米線D湯真係好正呀，好甜，好鮮，D魚腐又好食，，，唔錯。