魚一丁刺身居酒屋 (已結業)

服務一般，食物好好特別係一丁拉麵沙拉，又唔貴，下次去一定再吃。

德福魚一丁侍應服務認真麻麻. 經常搞錯(例如:一時話有提子汽油送,等你以為有,跟住又話搞錯,淨係得蘋果汽酒). 而且對自己所供應o既o野好唔認識(例如: 有次侍應話o個支膠樽豉油係for刺身,但轉下頭另一個侍應又話係for炸o野.). 加上對客人愛理不理.(例如:一時又話有同事會幫我,結果等成世耐,都係無人跟進.)我都去過其他魚一丁. 但德福呢間同其他畀服務真係差天共地. 可能其他魚一丁都開o係較高級o既商業地區. 所以攞呢間做培訓中心o卦. 注意: o的餐具有好明顯漬.

前幾日去食, 記得叫左一盤約$400 既刺身, 不錯, 很新鮮, 特製牛肉飯- 可能我好餓, 所以覺得好好食, 清酒蜆- 不太夠酒味, 蠔粥- 我不太愛粥, 但OK啦, 蛋卷- 實在不太懂欣賞, 但好似好多人叫喎好似係咁多野食, 5個人食都飽(全部女仔), $700可以落樓, 算不俗既選擇!!

之前據聞此店好離譜, 但老公回港到我office搵我食晚飯, 近近地選擇只在魚一丁及和民, 當和民仍有人排隊時, 只好改到人潮半滿的魚一丁.當晚照舊拉麵沙律, 刺身5點, 蔥吞拿魚飯全港日本連鎖店只得魚一丁的"蔥吞拿魚飯"有山芋汁而且飯不太硬不太冷, 剛好當晚特價有一款牛肉tartar $38事實上是超薄片半生牛肉, 加大量生洋蔥絲,食到我老公好開心全晚最掂亦是呢個!

前言：以前食過幾次銅鑼灣店，都覺得唔錯，尤其中意拉麵沙律同佢ｄ自家製豆腐。諗住德福店新開，試下啦......點知出事！食左4樣野：(1) 米紙魚生卷($48)－－米紙包住好幼的三文魚同吞拿魚各一舊，仲有蘿蔔絲、大蒜絲等，只食到蒜味，魚生甜味欠奉，仲要只得四件（好細小），一ｄ都唔抵！(2) 函館魷魚漁師燒($48)，如圖－－好鹹好鹹的麵豉味醬汁，加上懶係用鐵板上檯、但一ｄ都唔似燒果o既魷魚，口感尚可，但味道真係好鹹！(3) 豆腐鍋($58)－－好細個鍋，好少野食，四件炸豆腐內混有海草等爽口料子，味道尚可，鍋內還有金菇等，但與(2)一樣，湯底好鹹，愈食愈覺鹹！(4) 鹽燒雞軟骨($22)－－得兩串，味道一般，似炸多過係燒！魚一丁，你真好野，破晒我兩公婆紀錄－－從未試過食呢類中低價日式食肆係食完二百蚊都完全唔飽o既！