魔膳廚房 (已結業)

同事今天冇帶飯， 訂了枱一齊去魔膳食lunch。招級而上，牆壁掛滿了Q 版動物畫和大型餐牌，睇完已經到了。門口裝飾好有節日氣氛lunch set 雖然分雙單日，但都有11款比你揀，選擇多多呀！室內擺設整齊，唔會太迫lunch set 只包餐飲一杯，加10元有餐湯和麵包。加20元有沙律吧任食，2個都話要減肥 ，無加到今天是松露磨菇湯，松露味濃郁，飲完仍覺有獨特幽香在口中迴盪，好有水準香煎西冷扒8安士配薯菜跟黑椒汁5成熟，恰到好處，唔會太韌，足量厚身，有咬口感慢慢咀嚼，牛肉鮮味配黑椒汁最襯， 薯角灑了層 椒鹽粉，入口微鹹帶辣，好食龍蝦汁海鮮意大利飯碟邊灑上香草粉做裝飾無咁單調，意大利飯煙煙韌韌， 餸料有青口、鮮蝦、魷魚、蜆肉，量唔多，以質取勝飲完2杯餐茶，又要開工了。無加一，抵食

去開觀塘買野，就順便係觀塘食野，觀塘真係有好多美食，今次就搵到依間環境咁正嘅餐廳☺️-德國烤原隻豬手🐷配薯角 跟黑椒汁 （$186）大大隻豬手😆份量都算多，而肉質好軟淋，十分容易切開，食果陣可以點黑椒汁食，但唔洗點咁食都已經好好味☺️ 仲有薯角同沙律🥗不錯😆香煎三文魚柳配藜麥沙律😋（$178）三文魚充滿油脂😆都幾大條，配埋沙律食真係好正！沙律菜🌿，士多啤梨🍓，藍莓等等材料都新鮮，依個配搭好健康，食完都好飽肚，不過個黑醋汁落得比較多，食落酸左少少，但大致上都好好味😋-任食 沙律吧🥗（+$38）沙律吧都有好多選擇，例如：中華沙律，螺肉，不同雜菜🌿，自選沙律汁，仲有西瓜🍉，菠蘿🍍，啫喱，味道都不錯☺️，最後都食左3Round沙律🥗-忌廉湯🥘，羅宋湯🥘，餐包🍞羅宋湯好足料，有好多雜菜同紅蘿蔔❤️酸酸甜甜的，好開胃，超鍾意飲忌廉湯，十分creamy😎，好好飲😋而餐包塗上牛油食就最正😍-凍茉莉蜜花茶🍹(＋$3)飲落比較甜，但茉莉花味都幾香🌼-藍柑檸檬梳打🍹（＋$5）味道十分Fresh😚，飲落酸酸的，不錯😊-

週日秋高氣爽假期適合外出放鬆下心情之餘同朋友搵間悠閒既餐廳享受假日歡樂下午就至好不過😆位於觀塘開源道工廈既魔膳廚房逢週末午市時段都會轉為自助餐形式😆呢度環境設計環繞住Cafe Style😆周圍掛滿著柔和燈飾同壁畫之餘餐廳亦播放好趣緻既卡通片🤪除左同朋友黎傾下計嘆茶🙈週末一家大細黎食下Buffet😆享受家庭樂就至好不過☺️除左主菜熱盤沙律吧必然角色之外亦有唔少特色甜品☺️食完野再整返杯熱咖啡醒神☺️☕️配合悠閒合家歡既環境😆亦提供多款自助餐食材😋

觀塘工廈出咗名多隱世餐廳，但呢間魔膳廚房有大約二百幾好評，而且見到星期六下午係假日自助午餐，每位只係$88，我同女朋友迫不及待衝上去。一如工廠區既餐廳一樣，魔膳廚房面積非常大，樓底亦非常高。牆身掛上一排排嘅酒瓶、得意嘅畫作。整體以暗色為主。呢張dog boss係我最鍾意！自助午餐既選擇多，有女友鍾意嘅瑞士雞翼，肉嫩又入味。仲有我鍾意嘅煙肉芝士焗西蘭花，西蘭花稔軟程度啱啱好，厚厚嘅芝士鋪係西蘭花上面，真係非常正！意粉亦值得推介。意粉係鴨胸蒜香意粉，鴨胸非常大件，煎得非常香，意粉嘅蒜味亦夠，不偏不倚。自助餐有兩款湯選擇，我鍾意飲南瓜湯，女友又鍾意飲羅宋湯，餐廳一次過滿足晒我同女朋友嘅要求。甜品方面，我揀咗兩款迷你酥加麵包布甸，三款味道都唔錯，尤其是吉士忌廉酥，香脆酥皮配上甜甜嘅忌廉，令人有種食完一個再食一個嘅感覺。自助午餐仲附送一杯飲品。我個杯凍玫瑰咖啡嘅造型猶如餐廳嘅名字一樣，俾人一種充滿魔力既感覺。充滿玫瑰味咖啡非常香，又唔會太甜。女友就選擇熱蘋果紅茶，可以幫助消化，我地食食下原來每人都差唔多食咗六七碟大約$200左右就可以食到超飽，真係好抵！

麵包熱辣辣好軟熟，湯有羅宋/甘荀湯，甘荀湯好creamy，點麵包食一流！沙律bar 沙律菜好新鮮，仲有日式冷盤(中華沙律、螺肉、元貝絲)同西瓜&啫喱。紐西蘭鱈魚柳配黑松露忌廉汁($75)薯蓉好creamy，鱈魚魚好厚肉，同黑松露忌廉好夾汁。黑胡椒鴨胸炒意粉($58)鴨胸煎得香，意粉口感剛好，炒得好惹味！香煎美國西冷8oz配薯菜跟黑椒汁($138)西冷叫左七成，呈紅色有少少紅水但有點韌，西蘭花煮得淋左少少，薯角炸得香脆又唔會油膩，好好食阿!

每逢週末都係約朋友出外覓食既時間今日朋友約左我黎到觀塘食午餐佢話有朋友介紹呢間餐廳幾好食餐廳位於觀塘地鐵站附近，行幾分鐘就到，不過樓下唔覺有無餐廳名，差少少唔知呢度係入口。上左兩層樓梯，就見到餐廳既大門。經理話今日係午市自助餐，每位$88,包一杯飲品$88平時都只係食到一份set lunch,但今日竟然可以有自助餐，我地當然無問題呢度地方夠大，裝修又靚，都幾岩一大班人開party雖然自助餐只係$88,但都有好多野食。頭盤有蝦片、芝士、炸春卷、吉士酥等等另外仲有沙律餐湯有紅白兩款，我只試左蘑菇湯，蘑菇味好濃，好creamy主菜都大約有十款我食左豬仔骨、雞翼、燉牛肉、炒意粉、炒烏冬等等，我就覺得食豬仔骨係最抵，平時去餐廳食一份豬仔骨都百幾蚊，但呢度竟然可以任食！！！而且豬仔骨好大件，唔會得條骨但無肉，味道亦唔錯，同平時去餐廳食無乜分別。雞翼係我第二款推介食物，呢度啲雞翼好大隻，自己一向偏向食大大隻既雞翼，肉質會比較好，亦唔易浸到爛哂，呢度既雞翼岩哂我心水最後加左$5要杯藍柑檸檬梳打。聽到呢啲名，其實一心都以為得糖漿加梳打。點知，呢度既梳打係用料十足，真係有檸檬、有柑，仲加左新鮮薄荷葉！！飲

已經係第二次嚟到魔膳廚房，呢度新推出左午市嘅自助餐，款式多籮籮，淨係熱食都有15款，而且仲有沙律吧同埋麵包可以選擇，最後仲有每人一杯嘢飲添。食咗個日式炒烏冬烏冬炒得好香而且色澤均勻，有少少洋蔥作伴，惹味非常。令我食咗泰式魚餅，唔使點甜酸醬都好入味，夠晒彈牙！用來做小食送嘢飲就最好不過。仲有個牛頰肉配小紅蘿蔔，平時成日食牛尾，都比較少食到呢啲據骨膠原而且非常腍嘅牛臉，每件大小適中。令我最估唔到呢度有菠蘿炒飯，大大粒菠蘿配埋咖喱黃色嘅米飯。估唔到呢度都可以食任食瑞士雞翼，仲有雞扒食添，熱辣辣！瑞士汁唔會太杰身，好入味，雞翼肉白有咬口又夠大隻，當然仲可以送白飯啦。嘢飲方面有啲特飲需要加錢，但係都只係加$3，我叫咗水果紅茶芒果士多啤梨，水果茶包好香甜，熱杯載着紅茶，賞心悅目，最適合同朋友一齊慢慢嘆。

接男朋友收完工，就係附近食下野。魔膳廚房其實都好近amp,就喺觀塘廣場對面，非常方便。見到呢度加$38就可以享受自助嘅嘢食有青瓜、番茄🍅、啫喱、中華沙律、西瓜🍉、生菜沙律🥗有白湯同紅色可以揀呢個白湯有埋蜆肉，啲湯色都變成咗黃色香煎帶子黑松露意大利飯材料好豐富，帶子大大粒 ，仲有唔少嘅蟹子同埋筍同菇。識落黑松露味道濃郁，再加上一啲蟹子，感覺上有多啲嘅咬口，個飯外軟內韌，有重重既黑松露味。香辣豬肋骨配芝士焗薯仔嘩，好大一排豬肋骨。有燒菠蘿，出邊熱熱地入邊好多汁，呢個燒菠蘿確實不錯。仲有一啲沙律，呢個係黑醋沙律，食落酸酸地有幾開胃。以為食骨就唔會飽，咁就錯曬，佢仲有焗薯仔，有好多芝士係上面，呢個餐真係好多嘢食。豬肋骨有好多肉，上面有一啲辣嘅醬汁，食落辣辣地，肉質嫩而多汁。

每次放工有時間就去觀塘泳池游吓水，今日咁啱太太都係呢嗰時間放工，就一齊走去游番嗰零鐘，跟住去咗上次食飯嘅魔饍厨房進歺，坐底我就攞咗嗰歺牌睇，太太就出去係嗰沙律吧到，睇吓有乜選擇，因為我一坐底就同佢叫咗嗰自助沙律歺，等佢可以係嗰沙律吧，任意揀選，睇咗歺牌一陣，我就揀咗一個香煎三文魚柳配藜麥沙律，一個德國烤原隻豬手配薯角，跟黑椒汁，一枝七喜和一杯藍柑檸檬梳打，同埋一個紅湯和白湯，紅湯和白湯先到，重有麵包跟，七喜和藍柑檸檬梳打跟住一齊來，冇幾耐香煎三文魚又到，食落口肉質鮮嫩，師傅煎得香脆可口，跟住德國豬手都來，好大隻，燒得比金黃色梗加金黃，未食都聞到香味，沾少少黑椒汁，特別惹味，如果配啤酒就十全十美，食完嘢就走去撘地鉄回家。

星期六都要係觀塘返工，放工之後就決定獎勵下自己啦。之前聽同事講開源道有間lunch自助餐嘅，性價比高而且幾好食。今日一於就去試吓啦！首先魔膳嘅環境都真係非常好坐，非常闊落，而且好多座位，好適合一班人一齊食飯！佢自助餐嘅選擇都真係好多，甜品一台，前菜一台，然後一排全部都係食主菜嘅。我見服務員換菜嘅速度都算係好快，每個菜一少過超過一半，就會即刻換一盤新嘅食物上嚟，確保食物都新鮮！除咗自助餐之外，我哋仲可以每人揀一杯特飲，我同男朋友每人叫咗杯咖啡，慢慢享受我哋星期六嘅下午！

地鐵行落去大約5分鐘，好方便。沒想到在餐廳外的裝潢都咁有特色，感覺好像步入另一個空間咁。店內空間好寬敞，心諗下次開party可以考慮呢度包場喎！自助吧枱佈滿沙律前菜。「自助」呢家野，總有好多魔力，可以自選食物及份量，不浪費之餘又令客人興致提升！最喜歡佢既水果沙律同沙律菜，好新鮮！黑松露磨菇湯很好喝。刻意不完全打磨曬裡面的磨菇，令湯頭更有口感，加上濃濃的黑松露，口感更豐富。香煎帶子黑松露意大利飯滿滿的芝士粉、脆卜卜的魚子對於黑松露意大利飯來說，完全加分。飯粒偏硬，符合意大利飯烹煮標準，黑松露份量充足絕不吝嗇。炸金菇伴碟好有心思。墨西哥豬肋排骨醬汁微酸帶甜，好開胃。排骨肉質軟淋。份量好多，適合2-3人享用。芝士瘋薯好好味，滿滿的芝士加煙肉碎，好香口。加$5轉叫梳打系列，色彩繽紛，濃淡適中。

<<請客之選>>我呢位朋友請左我食3次飯，今晚都係時候到我，open rice 對呢間工廈餐廳comment 好正面，所以就揀左呢到食。<<Openrice 指出觀塘B3 出口行2分鐘>>行左過龍去左工廈二期貨𨋢，結果用左10分鐘先搵到一期，記得一/二年前光顧呢間餐廳係係第二個入口入，不過我見餐廳起碼一半人都係呢到入<<Briefing Hour>>6:15pm 一入到去成班員工Briefing 緊，wow, 好耐冇見係餐廳見過呢個場面，似乎管理階層唔錯<<必食一 : 回憶起中環食過Ivan the Kozak沙律Bar >>38hk .. MUST Try !😈我今日既最愛係沙律吧，呢到個沙律吧係出奇地好食，中華沙律，螺肉，沙律菜，番薯等加埋非常確喉且酸味重洋蔥黑醋，，十級推介， 我估計佢能夠保存到咁新鮮嘅蔬菜水果，應該係因為佢冇用水去浸住啲食物，而係用冰塊喺個盤嘅底去咗凍佢， reference上圖睇得到個情況。 忌廉打蜆湯 大廚冇加到鹽，但係煮到鮮未出嚟

觀塘區抵食晚餐呢間魔膳廚房都可以話係其中一間人均消費大約$200就食到set dinner加多$38就可以去佢個沙律吧食埋沙律所以大家去觀塘諗唔到食乜都可以考慮下呢間魔膳廚房我都番兜過幾次😂😂今次就叫咗呢兩樣—西班牙火腿卡邦尼意粉$128膿膿既卡邦尼汁掛滿晒每一條意粉真係超級邪惡超級正再加埋佢面頭幾塊薄薄嘅西班牙火腿唔會太咸同啲卡邦尼汁好夾幾好食👍🏻👍🏻—墨西哥香辣豬肋骨配芝士焗瘋薯$178先講講兜焗薯你睇下面頭堆芝士又係超級邪惡未食到啲豬肋骨卡路里已經爆曬錶易啲豬肋骨嘅香辣味啱啱好唔會辣得滯蓋過咗啲肉味而啲肉都好容易切到出嚟唔會話烤得太耐今肉質變乾身—沙律吧$38/位如果想食得健康啲可以加埋呢$38食沙律除咗菜之外都有西瓜波蘿食完咁多邪惡嘅嘢都要食返啲菜中和下既😂—下次觀塘諗唔到食乜可以再番兜😮

去觀塘搵朋友食飯，地鐵站一出黎好快就見到呢間魔膳廚房，見到行上去間餐廳嘅樓梯已經佈置得好靚，朋友就話不如食呢間喇上到去餐廳門口，佈置得仲靚呀餐廳入面同樓梯一樣都掛滿好多色彩鮮豔嘅畫，而且餐廳好大，好多位，坐得好舒服睇睇餐牌先，lunch set已包括飲品，+$10仲有埋餐湯同餐包，+$20仲可以食出面嘅自助沙律吧我地分別點左紐西蘭鱈魚柳配黑松露忌廉汁同埋安格斯牛肉漢堡扒拼德國腸配意粉因為好肚餓嘅關係，我地都叫埋餐湯同沙律吧沙律吧好豐富沙律菜有3款醬料可供選擇，我揀左日式芝麻醬紫洋蔥同埋3色椒都好少係沙律吧會見到，驚喜雜果沙律入面除左有菠蘿同薯仔之外，仲有我鐘意食嘅椰果沙律吧仲有日式前菜：中華沙律，帶子群邊同螺肉餐湯有羅宋湯及忌廉湯2款忌廉湯係蕃茄味，裡面有雜菜同蜆肉，好足料，好creamy紐西蘭鱈魚柳配黑松露忌廉汁鱈魚厚身，忌廉汁的黑松露味剛好，不會搶走鱈魚本身的味道薯蓉分量好足，好夠味沙律菜配上黑醋汁，酸甜醒胃安枱斯牛肉漢堡扒拼德國雜腸配意粉安格斯牛肉漢堡扒內有洋蔥粒，好香口德國雜腸有辣味及豬肉腸餐飲可+$轉橙汁橙汁好好飲，而且個杯仲好靚忍唔住影低佢

以前讀書時係觀塘返過part time就知觀塘d工廈多野食，不過估唔到宜家越開越多同越開越靚。咁岩要出去做野係附近放工，所以就決定係觀塘食埋先走。餐廳比我想象中大，而且仲有包廂，不過我地得2個人就無緣坐了。自助沙律吧款式好齊全，甚至比我之前食某餐廳既自助餐更為豐富，而且睇得出好花心思佈置。蘑菇湯聞落好香，味道都尚算濃郁。香煎三文魚柳配藜麥沙律三文魚柳煎得好出色，魚皮煎得香脆，魚肉即使煎到金黃色都無散開。旁邊仲有d酸酸地辣辣地既醬汁，同個三文魚非常夾。另一邊沙律加上藜麥，令整碟菜式更健康。香煎帶子黑松露意大利飯由於佢一早就上菜既關係，所以到我地食果陣已經凍左。但即使放耐左，黑松露既香氣依然好強烈。帶子煎到岩岩好，唔會話好難咬好擦膠。整體比較清淡，但我相信熱食味道會更好。觀塘工廈真係好多好餐廳，我覺得呢間都係其中一間可以再黎既餐廳。