鬼金棒

營業中

休息中

今天與朋友相約尖沙咀吃晚飯，選了這間鬼金棒試一試。我們7點多來到，未算太多人。我點了一份增量叉燒辣麻味噌拉麵。等了一陣就來到。湯底味道香濃，味噌味濃郁。而且辣度剛剛好，十分開胃。叉燒有2大塊，十分厚身，而且叉燒吸收了湯底的味道。咬落去入口即溶，十分喜歡這種肉質。拉麵十分彈牙，而且份量足夠。還配有味玉，十分滋味。而我朋友點了辣麻肉碎伴麵。伴麵味道香濃，上面放上流心蛋。雖然我朋友不吃得辣，但這個辣度輕量，朋友也十分喜歡。我們加了一個肉飯，肉飯上面有一塊肉，肉質軟硬度剛好。今天真得很滿足。

寒意漸濃，在銅鑼灣閒逛正好看見這家以日式麻辣作主打的拉麵店，便與朋友入內試試。我點了個特製辣麻味噌拉麵，值得一提的是辣與麻度可以分開選，正好適合不同喜好。由於首次拜訪，為免選得太辣恨錯難返，但又矛盾地很喜歡山椒之麻，所以最終點了小辣和中麻。先呷口湯，劈頭的味噌十分濃郁，卻喝得舒服，不至於令人口渴。接着衝擊味蕾的就是辣椒與山椒的刺激及麻香，襯托得起味噌，但又不會過嗆，個人覺得不怕辣的可選中辣更加過癮！麻辣中也可嚐到，甚至嚼到絲絲的薑、蒜、韮菜、洋蔥等佐料，更湯頭層次更加豐富。麵質彈牙，煮得恰到好處，掛汁度也不錯，如果是要蛋中挑骨的話，覺得麵再粗一點更適合它的豪邁感覺。叉燒是一大件厚切腩煮，肥瘦分明也入味。味玉也調味得宜。吃罷拉麵也意猶未盡，肉飯正好填滿空虛。叉燒同是厚切，配上熱燙飯粒卻帶出不同享受，叉燒醬汁拌飯一流，不妨一試。不知不覺間已經吃得滿額冒汗，需要立即與朋友點兩罐汽水降降溫！下次會再來挑戰更高辣度！

朋友最近去日本旅行，見佢Post過一間食麻辣的拉麵店非常特別，名叫鬼金棒，原來近年日本好流行食麻辣，又真係估佢唔到。上網一search 原來鬼金棒都已經登陸香港，銅鑼灣都有一間，又可以lunch去試下喇😋聽講中午會大排長龍，所以我哋下午近3點才到，就唔駛排隊。店內裝潢以日式魔鬼為主題非常有特色，而一邊吧枱以玻璃間隔厨房，師傅火光熊熊的烹調都清晰可見，非常有趣。拉麵全部以麻辣為主，但亦可以點唔辣的味增湯，方便唔食辣嘅朋友。而我就點了芫茜麻辣味增拉麵+味玉，早陣子日本都好多芫茜食肆😂😂而家一次試晒兩種流行元素，就啱晒䌓忙嘅香港人喇。味噌湯底用豬、雞骨熬製，味道濃厚鮮味，我揀咗中麻小辣，如果平時食開辣嘅，不妨可以試下大麻大辣😂😂😂麵粗身比較有彈性，掛湯能力不錯，而那兩塊巨大叉燒我覺得係是日重點，厚切5層肉煮得非常入味，肉質軟滑，肥膏入口即化，一啲都唔肥膩。由於叉燒太美味，之後再追加一碗肉飯，無濃湯襯托下，豬肉香味更特出，加埋少許葱花，多了一份清香，更覺清爽👍👍

黎到銅鑼灣，最出名既一定係拉麵而拉麵控既我，當然要食拉麵當lunch啦！😋所以就黎到鬼金棒，以鬼王做裝潢，面口仲有大大支狼牙棒吸引顧客。成個設計係以木為主，切合返日本風格。入到去搵位坐低，侍應放低塊牌叫我哋自己掃qr code就走左去，服務就係咁多嘞最後叫左一個辣一個唔辣🔸芫荽辣麻味噌拉麵 $105鋪上滿滿嘅芫荽，再加上好多油脂嘅湯底，有少少二郎系嘅感覺，但係得少量芽菜，叉燒都係一件，所以只係感覺上似。叫左少辣少麻，辣味唔出色，係食到少少麻味。以平時譚仔食開三小辣程度相比，下次真係要叫中辣或大辣。芫荽其實得個樣，撈埋食其實無乜味。麵係粗麵，掛湯一流有咬口。叉燒睇住廚師燒，好似好正咁，但食落都幾韌同唔多肉汁。🔹辣麻味噌拉麵 $110由於想試真個湯，就叫左唔辣小麻，加多隻味玉。湯底好多油脂，都好重味噌同豬骨味，配埋粗麵係唔錯。味玉不過不失，有少少溏心，不過滷得唔夠入味。碗麵份量唔算多，今日唔多有胃口都食晒個肚仲有少少位。💬總結，呢個價錢同呢個份量相比就唔算抵嘞，除非經過附近又突然好想食辣拉麵先會再考慮，否則我寧願轉多個彎食周月好過。

日本當地就非常推薦呢間自選辣麻結合秘製濃厚味噌湯底而在拉麵業界打響名堂既【鬼金棒】。仲被稱為東京都內嘅「長期人龍店」？日本朋友話有好多期都由朝到晚都排滿超長人龍。畢竟日本拉麵種類繁多，每位日本日本師傅煮拉麵時都有唔同既技巧，咪道究竟如何...係唔係不可錯過既滋味...就真係要親身試一試！！.登陸「銅鑼灣」，鎮守在大門兩側的赤鬼、青鬼塗鴉仲有一眼望到既超巨大的鬼金棒，好有感覺，門面日本風情味濃。門面仲排了一個壁報，表示有5種辣度地獄湯底，好正呀！內裡不太大，一眼望晒，店舖環境以紅黑為色調，牆上掛上傳統鬼怪吊飾、鬼怪面具，而門前亦有掛住巨型鬼金棒，成間舖充斥住神秘氣氛，小店風格十足。圍繞著內場的L型座位，好像有點狹窄，很日式的善用空間，牆上與桌面底下都提供了吊掛衣物的掛鉤。細心呀～睇睇Menu，入面款式同配搭唔多，揀岩可以用QR Code 自行落單，店員解釋辣度麻度既程度，難本上入門既辣度麻度係可以用唔辣唔麻去形容，5款辣度，以黑、白、紅碗區分辣度，而最高辣度就用上健力士世界紀錄大全最辣嘅辣椒「卡羅萊納死神辣椒」，辣味後勁十足，鍾意辣嘅你，絕對要挑戰。.所以想食少少惹味就係由第二個級味開始

北上出差幾日冇啖好食😪今晚同朋友做完gym佢就話帶我去d特別野，當我滿心歡喜既時候，原來係拉麵，個心即時沉左一沉😑廚房採用半透明開放式設計，既可以欣賞廚師既廚藝但店鋪又不會充斥太大油煙味這裡採用電子下單，坐下時只要掃一掃QR code，menu 就會於手機上出現再直接下單，減散了人手和落錯單的機會增量叉燒辣麻味增拉麵 $115聽個名好似好辣，但其實點餐時還可按照個人口味選擇辣度，走辣也可，非常貼心☺️話明係增量叉燒，當然有番咁上下斤量，厚切到不得之了，食肉獸至愛炒荳芽菜辣麻味噌拉麵 $100選了中辣小麻口味，嗜辣的我表示滿意👍🏼另外芽菜亦非常澎湃，配埋麵食口感十足...呢度既拉麵最特別之處係十分粗身，比市面上吃到的粗一倍有多，口感更彈牙和飽肚😋若果怕不夠飽，還可以試試肉飯 $45一碗白飯加上一大粒叉燒，碗上蔥粒，非常特別

呢日同咗一樣鐘意食拉麵嘅姐姐嚟咗呢間新開無耐嘅拉麵店食拉麵呢度嘅裝修都幾「搞鬼」、以日本嘅鬼怪作為主題，雖然我冇去過日本本店，不過我諗同日本嘅裝修應該差唔多 叫咗兩碗特制麻辣味噌拉麵，一碗無辣一碗小辣，另外再加一碗肉飯我點嘅特制麻辣味噌拉麵（小辣）都幾大碗，有多款配料好豐富好多香蒽同芽菜，個人好鐘意唔鍾意嘅朋友亦都可以選擇走蒽先講個湯，好重味噌味，都幾香辣味濃但都食到豬骨香麪條係比較粗身個種，夠哂彈牙同掛湯個叉燒非常之出色，煮得好淋軟入味，入口即溶！半肥瘦又帶少少焦香，好香口惹味！另外隻味玉係流心嘅，蛋味香濃好好食！姐姐叫咗無辣試過佢個碗啲湯，味道冇咁濃但係豬骨香味更加特出啲肉飯即係叉燒飯，不得不說個叉燒真係好好味好肥美入口即溶，超香口！用嚟餸飯好正！鐘意食拉麵嘅朋友真係要試吓

想食咗好耐—- 因為又鍾意芫荽又鍾意辣😋😋 而且嗰晚好凍8點去到唔使等位, 坐high chair, 幾寛趟幾好坐如果想宅住食都係good option揀咗碗麻辣味噌芫荽中辣.. 佢嘅中辣連譚仔中辣都冇，最尾我要求加辣佢哋比左辣椒粉我下次要嗌大辣或者挑戰吓最辣個湯底係好濃又幾油嘅豬骨湯味, 杰杰地, 我男友差唔多飲左一半碗; portion generous , d面texture 幾好彈牙爽口, 叉燒ok 唔算好特別幾滿足

期待已久的鬼金棒終於在尖沙咀開了分店、地方較寬敞舒適。拉麵師傅好像很多也是日本人來的、開放式吧檯廚房可看到他們在裡面煮出熊熊烈火 哈！這個信州白提子梳打很好喝、果味清新出眾。不是很吃得辣、幸好不吃辣的朋友也可以選走辣或者自行調較辣度。點了少辣少麻的炒豆芽菜辣麻味噌拉麵 $100 再加了味玉。送上來是蠻震撼的、炒豆芽菜疊得像一座小山、味噌湯底香濃帶少許麻辣、麵條爽滑、义燒肥美軟淋、外層微微焦香、溏心蛋亦流心香滑。

芫茜控必食的拉麵店，鬼金棒主食拉麵，以麻辣為主，可選辣度，當然也可走辣。芫茜辣麻味噌拉麵 $110一上枱見到成碗麵比芫茜覆蓋確實嚇一嚇，但愛芫茜的人只會覺得美味，拉麵選了小麻小辣，湯底不會過鹹，大家都知道湯底係拉麵的精華，呢間的湯底絕對滿分。另一碗點了芽菜拉麵走辣，原味湯底不油不膩，食完沒有口喝感。吃拉麵最後必定要點個飯，因為最後的湯要用來撈飯食，飯會吸收晒湯的精華，正！店内有日本汽水及烏龍茶可點。

之前經過銅鑼灣，想試呢間鬼金棒好耐，但每次也大排長龍。今天平日放工比較少人排，就一於試試。每款拉麵也可以選辣度及麻度，我選了特制辣麻味拉麵，小辣小麻。而朋友也點了同一個拉麵，中辣中麻。拉麵一到，香氣撲鼻。而拉麵的湯底味道濃郁，麵度不硬不軟剛剛好。最特別是它的肉，好大鍋氣味，份量也夠。如果食的辣的朋友可以選中辣，小辣小麻不是很辣。下次會試試中辣。吃完拉麵就試試肉碎飯，細細碗，份量不會很多。但飯加多肉碎的汁實在很夾很好味。飲品點了信州蘋果梳打及信州白葡萄梳打，兩款也很有果汁味，很鮮甜。

自從老闆帶過我去銅鑼灣來自日本🇯🇵🍜🍜🍜鬼金棒🇯🇵🍜🍜🍜念念不忘😏已經去過好幾次啦！啱啱聽到個食客講每個禮拜都一定要嚟食一餐增量叉燒麻辣味增拉麵🍜⋯⋯如果唔係就有啲😅心理不平衡！周身唔舒服咁！😂好搞笑⋯⋯增量叉燒又x2麻辣味增拉麵唔係講笑如果嚟到呢度唔食增量叉燒！就係你哋嘅損失⋯⋯肥美甘香嘅叉燒連佢嘅肥膏都好味😋到不得了！我食咁多拉麵呢度係最抵食嘅叉燒🤩大到驚人！而且非常惹味⋯⋯特製辣麻味增拉麵加玉米筍來都見到咁多玉米筍就超開心⋯⋯玉米筍超鮮甜！加入佢特製嘅湯底超夾！仲有流心蛋做得超正⋯⋯麵質有啲粗有啲幼啱啱吸晒美味嘅湯底！非常完美！我朋友嗌左大麻中辣🌶！但係其實我自己覺得最完美就係大麻加大辣⋯⋯當然主角叉燒！鮮嫩無比都係我哋嘅至愛啦⋯⋯大肉飯朋友仲話唔夠喉要加多一碗大肉飯⋯⋯飯粒配以肉汁超甘香！佢嘅叉燒好味到停不了！真係唔係猛龍過江！我哋好快又再見㗎啦⋯⋯

兩口子拍拖到銅鑼灣，路過東京超人氣麻辣拉麵店-鬼金棒！二話不說入去食！當日用餐時間係傍晚6點鐘，所以唔駛等位已經可以入座，店員細心有禮交代點樣用QR code落單！我倆一邊商量一邊點菜，店員都有提出協助！電話落單都唔係好難姐🤯我地點左： 🍜特製辣麻味噌拉麵＋加葱 : 一碗包羅萬有嘅拉麵，2舊大大舊嘅叉燒肥美得黎燒得好香！抵讚！ 加埋日本葱香到不得了！🍜味玉辣麻味噌拉麵＋芫荽: 芫荽控極之滿足！大大大堆頭嘅芫荽超香，配合中麻中辣同中等軟度嘅拉麵！又係抵讚！但呢個麻辣唔似食開麻辣火鍋咁嘅麻辣味，我覺得唔食得辣嘅好適合黎食呀！ 唯一可惜，食完碗拉麵已經好飽，希望下次可以試下肉飯。

大家好，e編係小妹第一次寫嘅食評，我平時都係鐘意係 Openrice 睇下想食果間餐廳嘅食評先去食。好啦，今次我就做返d貢獻，寫我第一編食評比大家做個參考啦。鬼金棒係我其中一間食完想再去食拉麵店。原本香港未有鬼金棒時，我每次去東京都好想去食，但係可惜每一次都唔夠時間去食，因為佢地係日本果三間分店嘅位置都好唔就腳，要專登去嘅。鬼金棒嘅招牌拉麵係特製麻辣味增拉麺（シビれる味噌ラーメン）。佢嘅辣同麻分為左5個階段。從無辣到高辣都可以免費選擇，不過要是想要吃到連神經似乎都要麻痹般的鬼增辣（鬼増し）的辣度，還需額外多付$15。話說小妹比時係譚仔食開中辣嘅，我上一次黎鬼金棒食特製麻辣味增拉麺，因為店員推介，佢怕我辣親，所以只是叫左小辣小麻。當日我食第一啖嘅時候，就知道下一次可以叫高辣中麻 （笑）。不得一提，鬼金棒嘅店員服務態度好好，好有耐心介紹佢地 menu 上每一款麵嘅不同之處同埋會建議比客人試咩辣度先。講返今日，我叫左特製麻辣味增拉麺高辣中麻，今次個味道岩岩好，個湯好濃郁，好香好麻。我好鐘意每食一啖拉麵再飲一啖湯，超正😏 仲有仲有，你睇下佢舊义燒幾大舊幾肥美，舊义燒煮得岩岩好，一d都唔肉乾 f

年度最好食拉面之一!已經第二次來吃拉面了!水準一樣維持高水平，湯底我十分喜歡。每款拉面都有基本配料，如果想某種配料多少少，就可以點那種配料在名字前面的拉面。因為我本人很愛芽菜，所以點了炒豆芽菜辣麻味噌拉麵。超級好吃！芽菜的份量是疊到像一座小山。我特別喜歡它濃郁的湯底，但因為我不是很食得辣的人，所以每次都是點小麻和小辣，但是我發現小麻和小辣都不是很麻和很辣，下次或許會挑戰更多的級別。對於不能吃辣的朋友，餐牌也有不辣可以選擇。朋友點了辣麻味噌拉麵（不辣），都一樣好食！而且配料也相當豐富！