鬼金棒

營業中

休息中

尖沙咀地區選擇多，想食咩都可以食得到，今晚想食拉麵，就走咗入呢間日本拉麵鋪鬼金棒呢個名令我諗起夜叉拎住果支棒🤣🌠增量叉燒x2辣麻味噌拉麵 $135🌠配料🎆小粟米荀、蔥花、芽菜湯底🎆拉麵最重要的其中一部分就是湯底，辣中帶麻，麻與辣之間又夾雜蝦的鮮香味，湯底淆得香濃鮮甜，但食後不會有口渴之感覺麵底🎆麵條略粗，比一般油麵較粗一點，不會因沉泡一段時間而影響麵的質感，軟硬適中👍🏻叉燒🎆厚厚的嫩口豬肉相當有份量，肥瘦參半，肉味唔錯味玉+$15🎆總共分為3層，先是蛋白，然後橙黃色的蛋黃，最後是流心的蛋黃漿，味道一絕，蛋黃特別香濃😋總括然而，呢間拉麵味道真係唔錯，無何挑剔😁

平時同朋友喺尖沙咀食飯7點幾經過已經好多人排隊我懶得排 所以一直都無緣試呢間日本開過嚟嘅過江龍拉麵今晚約左媽咪去尖沙咀買野一放工就9秒9衝走嚟到6點3唔洗排 終於食到喇門口已經好搶眼呢度係用電話自助落單嘅喺門口我已經揀好要食咩喇增量叉燒x2辣麻味噌拉麵我揀左少辣一件同兩件增量叉燒拉麵只係差20蚊但散叫係要35蚊作為一個精明消費者梗係叫x2嘅版本啦超厚超大件 目測接近5cm厚度叉燒煮得好軟好淋 大力少少夾落去就會散肥瘦相間嘅腩肉 一入口就化開 真係好正媽咪嘅炒豆芽菜辣麻味噌拉麵大量嘅芽菜令到碗麵食落好清爽芽菜麵都附有一件叉燒大約係半件增量版嘅size另外加左隻味玉蛋黃流心效果出色食完諗住用入座時店員俾我嗰張好大好厚嘅「紙巾」嚟抹咀點知打開原來係圍裙嚟😅

來自日本嘅「鬼金棒」有死神拉麵之稱，主打辣麻味噌湯底，有5同辣麻度。自認食得辣嘅朋友要挑戰下呢！尖沙咀同銅鑼灣都有分店，店內布滿日式妖怪面具同吊飾，切合「鬼金棒」嘅鬼怪主題👹👺叫左2個5同嘅拉麵🍜：✅味玉辣麻味噌麵 （$100，5辣）- 湯底超濃，仲有超流心嘅流心蛋✌🏻😋✅增量叉燒辣麻味噌拉麵（$155，微麻微辣）麻辣friend 表示好滿意呢，叉燒超級肥美，仲要x2倍，好滿足😍 餐牌仲有莞茜味，岩哂莞茜控！

黎自東京鬼金棒主打麻辣味噌拉麵 鍾意重口味可以試下芫荽平時經過門口覺得有種神秘感覺👹紅色燈光加日本鬼怪面具裝飾 有種地獄般氣氛.拉麵的麻或辣度可依個人喜好調整第一次試少麻少辣 (白色碗)如果你見到黑色碗 代表果位客人食緊鬼增級大麻辣🤭味噌湯底好濃郁 湯底好重要之前睇過介紹 有部機去測試湯的濃度坐吧枱見到製作時好有鑊氣 炒到勁大火🔥拉麵有少量豆芽菜 玉米荀我鍾意叉燒 夠入味 肥瘦均勻 唔膩😋.味玉麻辣味噌拉麵 $100增量叉燒麻辣味噌拉麵 $115追加 味玉 $15.

尖沙咀❣️辣麻拉麵辛味日本拉麵大家都應該會食過，但麻辣味本人就未試過🤤📍味玉辣麻味噌拉麵 $100坐係bar枱可以見到師傅由開始炒芽菜啲香味已經擁晒出嚟🤭再加上用啲辣椒粉同湯底溶埋一齊，香噴噴咁加埋厚切叉燒😋當然一上枱就飲左個湯底先啦，好濃郁既味道，有麻香味但又未至於去到嗆喉！叉燒燒得好香同入口好淋，唔會痴牙😝麵質有咬口，係平日鍾情既口感！不得不提既係啲芽菜，好爽口再加埋個濃湯，簡直係加分位🤤略嫌食完出嚟個身有啲油煙味！味道：❤️❤️❤️❤️環境：❤️❤️❤️位置：❤️❤️❤️❤️價錢：❤️❤️❤️❤️好食指數：8.5/10鬼金棒 Kikanbo尖沙咀金馬倫道20號地舖

二訪鬼金棒，肥美嘅叉燒同彈牙嘅拉麵真喺好誘惑😌🌿莞荽辣麻味噌拉麵 $110 追加味玉, 蔥花各$15 🍜今次叫中麻中辣, 食落麻味同辣味都唔喺好重🙈我諗我接受辣嘅程度愈嚟愈高😌芫茜滿滿的😍😍聞落唔會太濃芫茜味, 反而喺青草味多啲🌿呢碗都有叉燒🍖肥美嘅叉燒有8成肥2成肉, 🍖增量叉燒x2 辣麻味噌拉麵 $135豆芽菜 +$15🍜小麻中辣, 朋友話味道都唔算好辣, 但都唔會叫大辣啦😂😂叉燒超級肥美😋 7成肥3成肉左右拉麵唔會太幼！但又未到烏冬咁粗～質感彈牙唔黏口湯底味道濃郁, 食多幾啖會覺得好飽🤣

開業多時直至今時今日我先至來試，是你夠吸引還是我走寶？今日來吃才知個究竟。。。選擇中午11:30左右到步，是希望隔去午市人潮，一人入座舒服地選擇上吧枱位置，亦都可以看着師傅整個做麵流程～由落單已知道至到拉麵上枱大約需時5分鐘，眼看師傅將拉麵放在滾水內烹煮繼以調校時間，感覺時間漫長、上枱夾起麵條方知原來麵身比（較粗），難怪在烹煮上時間較耐、碗麵上的芽菜亦是即叫即做，所以口感上沒有過於稔，不過怪我較為膚淺麵上的豚肉角就只得一件覺得相對較少，雖則我正值於減肥其中，而肉質亦没有太大驚，, 至於辣麻度方面我選擇性（中級），但入口亦比較偏微，深黃色的流心蛋好吃，不過就略嫌入口比較凍，湯底油而偏濃絕對是重口味之人士自愛～整體來說對於自己就覺得這碗麵性價比不高，吃過一次感受過一次便以足夠。

🤍鬼金棒•今次分享日本過江龍拉麵-鬼金棒👹 裏面裝潢充滿日本風 以紅色同黑色做主題 鬼神feel👻 拉麵主打加入麻辣元素 滿足一眾愛辣之人🌶座位寬躺 唔會迫 令人坐得舒服 🤤不過可能要等位 大家要食嘅話記得預留時間✨ 增量叉燒辣味增拉麵 $115高麻高辣|豆芽菜|玉米荀|叉燒拉麵一上枱有一陣好香嘅麻辣味飄出嚟 叉燒厚切 肥瘦分明 而且好大舊🥰加上用慢煮嘅方式烹調 所以口感軟腍 非常入味😚 麵身係粗麵 煙銀有咬口 同埋都算掛湯 不過如果再可以曲多少少就好🤣 湯底方面 湯底濃郁 會見到有豬骨嘅蛋白質🤪麻度分咗小麻 中麻 高麻 鬼增麻(+$15) 辣度分咗 小辣 中辣 高辣 鬼增辣 (+$15) 大家可以揀返自己鍾意嘅配搭🤑 我嗌咗高麻高辣 但都覺得唔算辣 (譚仔中辣) 要自己另外再加辣椒粉 先覺得辣😂(下次嚟食應該會挑戰鬼增辣同鬼增麻🤪) 反而味增味我覺得少淡 可能比辣味搶咗少少 芽菜辣味增拉麵 $110 小麻小辣| 豆芽菜 |叉燒| 味玉 +$15芽菜多到成座山咁🤤鍾意食芽菜可以嗌依個🥰 味玉就覺得相對普通 唔入味 而且食落有少少水喉水味🤨不過我生熟度啱啱好 有少少流心😚 其他都同上面

今日特登同寶寶出嚟尖沙咀呢邊行DonDon🤓正值中午時分，見天氣轉涼咗少少，今日lunch就食拉麵啦😚諗起呢間成日夜晚經過都見到排長龍嘅拉麵店，今日一於入嚟試試❣️門口已經好有日本拉麵店feel 😍搞到我好掛住家鄉呀🙈今日時間尚早，人流暫時唔多，環境幾寬躺幾舒服😌呢度採用app自助點餐形式～自己掃完QR code喺電話落單❗️🍜特製麻辣味增拉麵 $120拉麵揀咗小麻小辣❣️附有兩件厚切五花腩叉燒、一隻溏心蛋💕另外仲有芽菜、粟米芯、青蔥、花生碎、薑碎等拉麵配料～湯底超級濃郁而不膩 😍拉麵嘅質地比普通拉麵厚身🍜質感偏向硬少少，食落爽滑彈牙❗️而且呢個質感同麻辣味好夾😆腩肉煮得腍而不膩，肥瘦適中，肉質軟滑😋溏心蛋真係做到溏心效果👍🏻芫荽麻辣味增拉麵 $110都係揀咗小麻小辣❣️真係成個芫荽山喺碗拉麵上面😆芫荽粉絲必試❣️同特製拉麵一樣係豚骨熬製嘅湯底，再加上麻辣湯及麻辣香料🌟味道香濃而且唔太辣，好暖胃💕不過就比特製拉麵少咗一件腩肉叉燒，得一件咁多🙈不過拉麵嘅份量都幾多，我一個女仔係食唔晒一碗的😝和梨子汽酒 $35帶淡淡清新梨子香嘅有汽飲品💕食緊麻辣拉麵之下，完全飲唔到酒精嘅味道😝睇吓嗰本先知原來係得3%

*💭𝒦𝒾𝓀𝒶𝓃𝒷𝑜 鬼金棒🍜 𝘒𝘢𝘳𝘢𝘴𝘩𝘪𝘣𝘪 𝘔𝘪𝘴𝘰 𝘙𝘢𝘮𝘦𝘯 𝘸𝘪𝘵𝘩 𝘴𝘦𝘢𝘴𝘰𝘯𝘦𝘥 𝘦𝘨𝘨 味玉辣麻味噌拉麵🇯🇵來自東京的人氣拉麵店，位於尖沙咀大街上，十分易找。平時到中式面店最喜歡點麻辣湯🌶，這次也不禁點了日式麻辣口味的拉麵🍜拉麵店用QR code下單，價錢清楚，簡單易用，而且店舖不設加一這點亦十分抵讚🤩。拉麵的選擇有很多，而且每款拉麵亦設有圖片，十分貼心。麻辣口味🌶的拉麵可以自行選擇辣度，但麵的軟硬度卻只有一種，幸好口感還好，麵條粗身掛湯，爽口彈牙😋湯底看似辣度十足，但其實不然。不過在炎熱☀️的天氣下，我也吃得滿頭是汗🥵拉麵配有兩大塊日式叉燒，非常軟腍，啖啖肉😍。而配料方面則有玉米筍，平常比較少見，口感還可以，不過如有紫菜或竹荀應該會更好🥺半熟蛋🥚十分大顆，而且是一整顆😍，不同於坊間的其他拉麵店，即使另外加錢亦只有半顆，輕輕的把半熟蛋分開一半，破開後內裡呈現美麗的流心狀🤤湯底有別於一般麵店，不會過咸，而且在用餐後喉嚨亦不會有乾涸感，下次要再下一成挑戰其他辣度🌶😁

係網上睇完食評就book marked左呢間當日十二點到，人唔多，既刻就入得。餐廳都好貼心 有提供圍裙。<莞茜拉麵>匙羹刻住店舖個名，夠晒signature，方便打卡佈滿曬莞茜真係好吸引！當日只係揀左小辣，辣度係接受到既，麵亦都好彈牙湯底好特別，有啲唔似食緊拉麵，似食擔擔麵不過味道真係好好，份量亦好足，真係食到棒住個肚番屋企！有埋莞茜加乘，真係perfect!唯一一樣係舊肉比較細，唔係好夠食店員都好貼心，會再黎食

鬼金棒相信是香港唯一一家主打麻辣味噌湯底的拉麵店🌶.店內裝修好特別，有鬼的面具在牆上面。湯的麻和辣分別可選無/小/中/高，今次吃的是中麻中辣，身為重口味人士，覺得下次可以再試高麻🤪 湯底的味道非常濃厚，令粗身的拉麵也很入味.特製麻辣味噌拉麵可以一次品嚐各款配料，大量青蔥白蔥洋蔥芽菜使拉麵更惹味..溏心蛋剛好半熟，橙紅流心的蛋黃養眼又好吃。玉米筍麻辣味噌拉麵，顧名思義主角就是極多的粟米仔，燒香的玉米筍香口入味。.鬼金棒叉燒是肥瘦適中的腩肉，再用熊熊烈火燒過，淨是燒肉味已經撲鼻，口感軟滑而且入味，完全樂意吃叉燒吃飽.最後其實可以追加叉燒飯，加入湯底再吃。很可惜小胃已放不下一點點食物...唯有下次再戰🥺

因為先生喜歡吃麵，今日陪他去嘗試日本拉麵，很少見辣味的拉麵，麵條口感很好、非常有彈性，不過叉燒我覺得不是很好，口感有點乾柴，不是很滑嫩！我自己點的拌面，加了玉米筍，整體味道ok，性價比不算很高

鬼金棒啱啱喺香港開嘅時候已經去食過應該係上年年頭過年嘅時候喺銅鑼灣分店食嘅我記得果次食完係覺得啲肉超大嚿而且碗麵嘅份量非常之足印象係好好嘅但係今次嚟尖沙咀分店食就冇咗嗰種震撼嘅感覺都係QR code落單確保一定唔會漏單我叫咗個$120好似係特盛嘅拉麵？老公叫咗個普通版嘅我嗰個貴$20但兩碗個分別只係多咗一嚿叉燒🥲抵唔抵食就見仁見智啦我叫咗小辣中麻碗麵都真係幾麻嘅個辣度亦都唔會過辣相信係符合小辣嘅程度嚿叉燒好似細嚿過以前好多咁樣😅勉強都係五層肉嚟嘅亦都炆得好淋同入味只係個size真係大縮水🙈碗麵麵質比較偏硬幾有咬口呢樣就唔錯嘅呢個山椒粉都幾好加咗真係可以再提升個麻度但個溏心蛋就比較失色啦因為唔夠入味如果可以再浸耐啲豉油就更好總括來講因為上次嘅經驗同印象實在太好😂所以今次食呢唔會話碗麵唔好食不過就冇咗個驚喜

同朋友喺尖沙咀搵食，不約而同大家都想食日式拉麵，朋友腦袋急轉一下，就提議嚟呢間拉麵店開餐，我直情舉腳贊成😊我叫咗$135嘅「增量叉燒x2麻辣味增拉麵」，再貪心地加多一件叉燒😆，再加豆芽菜；朋友就點咗$100嘅「玉米筍麻辣味增拉麵」，加一個味玉😋我碗拉麵一共有三大件日式叉燒，氣勢磅礡😆，叉燒肥瘦適中，非常有豬肉味，兼且好軟熟，呢個日式叉燒真係極品😋；麻同辣嘅程度可以分開揀，我揀咗小辣大麻，味美兼感覺新穎有趣😋。朋友話佢嘅「玉米筍麻辣味增拉麵」都好好味，玉米筍幼嫩爽脆，亦都有一件極品日式叉燒😋