鬼滷

營業中

休息中

餐廳只有whatsapp做聯絡，冇電話（直接飛去留言）, 社交媒體網站冇人覆冇更新狀況，已經第三日都係冇人覆機，咁點樣落booking？！定係休業或者仲有冇營業架？已經用埋社交媒體網站messenger去聯絡都冇覆，openrice有冇人睇睇？！

有三件事情想講，都係關於服務嘅。今日本身約咗7:00食飯，餐廳喺WhatsApp度留言，因為返工聽唔到留言，要等放工先至可以聽佢留言。其實下次係咪可以咁打message呢？建議下次都係用message啦。跟住本身約咗七點，朋友去到佢哋話約7:30嘅、可能要留意番嗰啲訂位嘅時間同埋佢哋嗰個update啦。7:30鐘開始開始叫餸，大概8:20分其中一個服務員好有禮貌咁問我，可唔可以話俾佢知幾時還返張枱俾佢，同埋我啲食物已經到晒啦，所以佢想知道幾時還枱，佢係好有禮貌嘅。但係我睇返張單我仲有兩個餸未嚟，跟住我就同返佢講番，最后佢都冇逼我走嘅。叫咗甜品好似綠豆清心丸嘅，但係好似有啲類似油膱味同埋唔新鮮嘅味道，跟住同返員工講員工淨係哦咗一聲之後就冇反應啦。雖然唔算係經常幫襯呢間，但係都可能兩三個月一次啦，之前從未試過有啲服務嘅質素同埋食物嘅問題。姑且勿論會唔會再幫襯佢啦，但係我都想佢哋可以留意返同埋跟進返啦。

位於銅鑼灣嘅嘅鬼滷,係一間新派潮州打冷餐廳🥢菜式擺盤精緻✨更提供雞尾酒、紅白酒等飲品🥂🍷裝潢集懷舊風及西式酒吧元素,以紅色作主調❤️環境優雅舒服🥰24小時慢煮牛仔骨牛仔骨大大件,有好多肉啊🤩餐廳好細心已經切好咗,牛肉肉質嫩滑🐮啖啖肉勁多汁💦用上24小時慢煮🔥令到牛仔骨夠入味👍🏻加上醬汁、熟洋蔥、菠蘿,令到牛仔骨更惹味😛蘭王蛋蠔餅蠔餅炸到金黃色💛用咗蘭王雞蛋🥚蛋香味十足👍🏻蠔餅炸得脆卜卜,酥脆香口😝入面一粒粒嘅蠔仔大大粒,味道鮮甜😝上面仲有木魚絲添😛椒鹽普寧豆腐豆腐質感勁嫩滑☺️但唔會一拎起就散👍🏻豆味香濃,外層脆口,加上椒鹽香口惹味😛另配有醬汁點埋一齊食更滋味😝佐酒蓮藕片炸蓮藕片,送酒一流👍🏻外層酥脆可口,內裡蓮藕爽脆😝好味到令人一片接一片😚鬼滷飯（原味）有辣味同原味嘅鬼滷飯🍚我試咗原味,圍住大量紫菜同芝麻,上面仲有菜脯,撈埋一齊食口感豐富🍚荔枝接骨木梳打鬼滷特製嘅荔枝接骨木梳打,用上罐裝,味道甘甘甜甜,帶有清甜嘅荔枝味😚夠晒清爽🌿

餐廳名鬼滷玩食字，好盞鬼。以鮮紅色做主調，裝潢新潮有格調，座位唔算多，但係幾舒服既。一坐低仲會送上焦糖爆谷做小食，送酒真係一流！椒鹽普寧豆腐 $68普寧豆腐係必食招牌菜！炸到金黃色，外脆內嫩。豆味香濃，椒鹽好惹味。蘸韭菜鹽水食，絕對係潮州美食！蘭王蛋蠔餅 $88蠔餅脆卜卜，但唔會覺得好油膩，外酥內軟。用左蘭王蛋令蠔餅蛋味更加香濃，仲食吃一粒粒既蠔仔，十分鮮甜！蘸上辣椒醬或魚露食，更能突出鮮味。鬼滷花雕醉雞翼 $48呢款係冷盤，雞翼十分嫰滑，而且好入味，散發出陣陣酒香。24小時慢煮牛仔骨 $198慢煮牛仔骨已經切開一片片，非常細心。牛肉係粉嫰色🥩，牛脂分布均勻，口感柔嫩，肉質腴嫩有咬口。仲有啲沙律菜同埋洋蔥中和味蕾！(原味)鬼滷飯 $48呢款有D似日式飯，佈滿紫菜、芝麻同埋菜脯，口感豐富，配料雖然簡單但好味！

精心挑選咗一個下晝，本來生日預訂咗呢間餐廳，打算同朋友一齊慶祝生日，嚟到呢日嘅下晝收到電話餐廳當晚嘅Booking非常之滿，餐廳打嚟話當晚可能需時等候，直至安排有枱，到夜晚嚟到餐廳之後，餐廳解釋因為對上時間嘅客人未能準時入座，加上有朋友遲遲都未齊人，所以冇辦法交到枱俾我哋，最後只係不停咁對我哋道歉，然之後我哋好無奈咁離開⋯⋯其實我真係未試過book咗枱預訂嘅餐廳會得到咁樣嘅對待，係你備注有限時，但你話客人唔交枱，你冇辦法，咁其實客人唔需要訂枱，因為就算訂咗都唔等於有位，你哋冇辦法控制同安排到，咁不如只係收Walk in，我反映今次嘅意見係唔想有其他人同我一樣失望，無論你話俾我聽對上一台嘅客人係普通話嘅客人定係本地嘅客人，我相信都唔係用呢個處理手法收尾，如果有特定日子慶祝或者唔係食第一圍嘅時間請大家考慮清楚係咪需要去呢間餐廳食飯？

鬼滷 Gwai Lou餐廳主打新派潮州打冷,前菜仲要送爆谷,幾特別🍿環境方面，裝修行懷舊風格加上西式酒吧元素，以紅色作主調，環境優雅舒服，適合打卡————————————————感想:❆ 蘭王蛋蠔餅 Oyster Cake $88即叫即炸, 服務員為你上枱時會幫你加木魚同埋芫荽(你要既話) , 新鮮嘅蠔肉加上蘭王蛋麵糊,超級鬆脆! 😻❆ 椒鹽普寧豆腐 Puning Tofu $68招牌菜之一,豆腐炸外層得香脆,內層軟滑🤍香辣嘅椒鹽調味配自家製韮菜鹽水,又好食又唔油膩❆ 滷水拼盤 Turfs mix and match $238服務員非常貼心,上枱時會有蠟燭座熱, 慢慢食都唔驚凍🪔今次叫咗鵝片 (+$28) , 墨魚同豬仔脾👏🏻全部肉質鮮嫩多汁，充滿滷水味❆ 黑松露蔥油拌麵 Black truffle and scallion infused oil noodle $78麵條有咬口，配埋濃郁嘅黑松露同蔥油，每一啖都好濃味但唔會太油膩🍜————————————————整體:✦ 價格: 4.2/5✦ 味道: 4.5/5✦ 服務: 4.4/5✦ 環境: 4.4/5✦ 再訪指數: 4.5/5鬼滷

第5次黎鬼滷食，重點係其實真係次次都有唔同感覺，中間有1次係失望過，可能係師傅心情唔好掛（講笑je，可能一時失手掛）到第4次再比多次機會佢，又回復返好滿意既出品，甚至係服務（變本加厲），好太多太詳細啦講解，有咩特別新鮮野都推薦晒。好，正題。果晚係成10點先去，都仲爆晒場咁，好彩係去既途中打定去問同留位。首先佢推薦酒醉鮑魚，爽口彈牙入味。之後佢推薦條凍魚，魚肉滑到嚇親，咸味岩岩好，魚既熟度亦剛好，仲咁貼心見我地食完一面仲剪埋條骨唔使我反魚。我5次黎都必點：世一普寧豆腐，3個人食左2碟15件，唔使再介紹，必點既。蘭王蛋蠔餅，我最愛但係可惜中間果次失望就係因為蠔餅。不過今次改善左，蠔仲大隻左，正。滷水拼盤，唔同左啲，濃郁左味道但係唔係咸，唔好誤會，一樣好好食，尤其雞，鵝肉，鵝腸好好食。仲有飲品個罐好特別。簡單講，可以5次覆卓一定有原因，因為好好食，銅鑼灣黎講又唔算貴，可以一試再試。

晚上去了銅鑼灣的鬼滷吃晚餐。 ☺餐廳長這樣。 menu長這樣。 前菜爆谷甜甜的，很好吃。 原味鬼滷飯有滿滿的紫菜、芝麻和菜脯，這些配料的組合為飯菜增添了豐富的口感和風味。24小時慢煮牛仔骨裡面有洋蔥和沙律菜，非常適合搭配飯食用。牛仔骨經過長時間的慢煮，肉質鮮嫩多汁，入口即化 椒鹽普寧豆腐外脆內軟，豆腐的質地非常滑嫩，搭配椒鹽的調味，口感更加豐富。鬼滷花雕鮑魚花雕味道非常濃郁，與鮑魚的鮮美相得益彰。每一口都充滿了濃郁的鮮香，讓我回味無窮。荔枝接骨木梳打飲品不會太甜，荔枝和接骨木的結合，帶來了一種清新的口感

今晚嚟到位於銅鑼灣 The L Square 頂樓21樓嘅鬼滷，主打新派潮州菜。與一般傳統潮州餐廳相對平實嘅環境不同，鬼滷裝修精美，餐廳以紅色、金色及木材作主調充滿現代感、環境舒適、感覺新鮮，令我改變對潮州菜館嘅印象。食物質素絕對有驚喜，一問之下原來餐廳最近菜單有所調整，不停改良菜式。鬼滷花雕鮑魚 $98/4隻酒味足但唔掩蓋咗鮑魚本身嘅鮮味，鮑魚夠淋亦非常入味，酒味唔會只停留喺鮑魚嘅表面，前菜而言非常開胃24小時慢煮牛仔骨 $168慢煮牛仔骨十分出色，除咗煮得剛剛好肉質鮮嫩外，配菠蘿、沙律菜亦十分清新。牛仔骨下放咗嘅洋蔥吸收晒醬汁同牛仔骨嘅肉味，洋蔥爽脆嘅口感同菠蘿嘅酸甜令呢碟牛仔骨生色不少原味鬼滷飯 $25鬼滷飯分原味同辣味，分別在於配菜嘅菜脯。原味菜脯唔太鹹，配搭脆卜卜的紫菜，加上香口嘅芝麻令煮得剛剛好軟硬適中嘅白飯錦上添花潮式蠔仔粥 $108(2人份)以方魚乾、大地魚熬成嘅湯底煮脹卜卜嘅蠔仔令呢個潮式蠔仔粥鮮味十足，湯底本身加入咗少量胡椒粉，令呢個蠔仔粥增加咗味道嘅層次。荔枝接骨木梳打 $42起初拎起飲品時搖到冰嘅聲音，好奇點解密封嘅罐裝飲品內裡有冰。原來鬼滷鬼馬地將飲品放入鋁罐

鬼滷 Gwai Lou 椒鹽普寧豆腐今餐我同FD一致好評嘅小食就椒鹽普寧豆腐，用料十分簡單。豆腐口十分感軟滑，外皮香脆惹味同一啲也不油膩，食落外酥内嫩。蠔仔粥粥底同平時一般食開比較淡口重方魚味嘅唔同，呢度本身已經充滿蠔嘅鮮甜，比較接近湯嘅味道，所以就算唔食蠔仔肉都已經好有味。潮式方魚bb西蘭花大家出街食飯嗌菜成日怕會好油，但呢個完全冇不用擔心，十分新鮮同好味潮式滷水火鍋 滷水火鍋湯底分別有：安格斯牛小排、潮汕牛丸、鵝腸，墨魚仔，生菜，西洋菜，萵筍，安格斯牛小排嘅味道，令每啖肉都充滿香濃嘅八角滷水汁味鵝腸嘅十分爽滑的口感好正潮汕牛丸肉嘅質非常彈牙嫩滑生菜，西洋菜，萵筍十分新鮮

有別於傳統潮州菜館，以其獨特風格及滷水料理引人注目！蘭王蛋蠔餅 $88鮮嫩的蠔仔和蛋為主要材料，外層酥脆，內裡濕潤，蠔的鮮甜與香濃蛋漿完美融合。潮式滷水拼盤 (三選 - 滷水鵝肉、慢煮鹽香雞、鴨脾) $238品嚐不同滷水風味：滷水鵝肉肥瘦相間，口感鮮嫩；慢煮鹽香雞則帶有濃郁的雞肉香味，入口順滑；鴨脾則是鹹香可口。蠔仔粥 (二人份) $108這碗粥以鮮嫩的蠔仔為主角，配以濃郁的粥底，口感豐富。蠔仔的鮮味加上不同配料，特別是帶咸香嘅菜脯，每一口都讓人感受到滿滿的滿足感。

好耐冇食潮州菜，上網搵到一間比較新式嘅潮州菜-鬼滷，睇啲相都幾吸引，一於上去試吓😍餐廳會提供甜爆谷作為餐前小食，幾特別。椒鹽普寧豆腐 $68鮮嫩的豆腐外皮炸得金黃酥脆，一口咬下，內裡卻是如絲般的柔軟。帶著濃郁的豆香，再沾上韮菜鹽水，值得一試。蜆仔肉生菜包 $88爽脆生菜包裹著鮮嫩的蜆肉和肉碎，咸鮮的滋味讓人回味。潮式滷水拼盤 $238擺盤非常精緻，有三款滷水食材-鵝肉、鵝腸和墨魚，各自散發出獨特的口感同味道。鵝肉嫩滑多汁，鵝腸鮮嫩爽口有嚼勁，墨魚切成薄片，索咗個滷水汁，好食。招牌蠔仔粥 $108兩人份量，裡面滿滿的都是鮮嫩的蠔仔。粥底鮮味十足，仲食到米粒，蠔仔的鮮甜和粥完美結合，加上芫茜，香葱，菜脯更滋味。

ꕤ 滷水拼盤 （選三款） $238滷水鵝肉、慢煮鹽香雞、鵝腸鵝肉在滷水的浸潤下味濃香軟這間的滷水膽味道不會太過濃重霸道反而較為淡麗香醇而慢煮鹽香雞則像是溫熱版本的鹽焗白切雞皆因碟下有個小燭台保溫吃的過程一直保持微溫的狀態 很貼心很讚鵝腸不會洗至完全沒有肥膏亦不像其他餐廳的滷水鵝腸一樣採用急凍鵝腸 雪得淡然無味這份滷水拼盤整體性價比不錯ꕤ 蘭王蛋蠔餅 $88朋友最愛的炸物蠔餅採用炸的方式 炸得蓬鬆香脆（雖然潮州傳統並沒有炸的蠔餅 正宗也是採用鴨蛋 而不是蘭王蛋因為鴨蛋的香氣比起蘭王蛋aka雞蛋更加香濃所以這道菜就有點破格創新反傳統了）不過有一說一炸的蠔餅也是非常不錯吃啦木薯粉份量適中 不會過於煙韌 導致喧賓奪主ꕤ 椒鹽普寧豆腐 $68外皮超級酥脆惹味內裏的豆腐滑嫰且豆味濃郁不過略嫌椒鹽粉可以再多一點會更惹味沾點普寧豆腐必配的溫熱韭菜鹽水潮州妹小公主表示非常正宗！很讚！減低了熱氣感之餘加添了一些韮菜香氣ꕤ 蠔仔粥（二人份）$108這道蠔仔粥大地魚香氣略嫌稍微有點不足反而是蠔鮮味比較突出蠔仔非常大粒 脹卜卜是會爆汁的粥底不是綿密廣東粥類型 更像是湯泡飯的質感 很正宗！

The restaurant has limited seating, so I would recommend making a booking in advance. Additionally, there is a time limit for dining, so it might not be the best choice if you prefer to chat with friends.🌱🍽️ Puning Tofu $68The Puning Tofu dish is a simple yet flavorful dish consisting of tofu with a salt and pepper seasoning.The tofu is well-prepared, with a crispy exterior and a soft and silky interior. The salt and pepper seasoning adds a delightful kick of flavor, enhancing the overall taste o

今日同家人揀咗近銅鑼灣港鐵站C1出口嘅鬼滷食晚飯，用QR code自己落單。事先無睇食評，所以叫咗潮洲方魚bb西蘭花，原本以為係新鮮魚加西蘭花，原來係類似一小塊一小塊的方形魚乾，味道特別，加上長條形的西蘭花，第一次吃長身嘅西蘭花，建議由有花嗰邊吃起會較入味。另外叫咗蜆仔肉生菜包，生菜雖然較細塊，但味道鮮甜，配合蜆仔食啱啱好，唔會覺得好油膩。最後叫咗滷水五餸拼盤，有鵝肉、豬肚、豬仔脾、墨魚同慢煮鹽香雞，鵝肉同雞都去咗骨，而且好入味，真好！豬仔脾好嫩滑，一啲都唔韌，我最愛食墨魚，口感好滑，如果可以要兩份，我會叫兩份墨魚取代豬肚，因為實在太好味，雖然份量較小，但我喜歡！最可惜係我無為意有鬼滷涼茶，好奇上網睇返啲人會食乜飲乜先知有，當時我只叫咗罐普通汽水，可惜！可惜！