影片
開飯介紹
主打港式火鍋，提供近十款湯底，用料豐富，如醉雞鍋、大蟹鍋、淮山杞子干貝雞鍋等，並有多款自家手作配料。
繼續閱讀
附加資料
歡迎外賣, whatsapp 下單/訂位
營業時間
星期一至日
18:00 - 23:00
以上資料只供參考, 請與餐廳確認詳情
招牌菜
食評 (55)
終於可以約多兩個朋友仔食野啦！聞名以久既鬍鬚安，真係幾好食喎！懷舊傳統既火鍋店係香港已經唔易搵啦，店舖面積雖不大，但環境整潔，店員服務態度又好喎。佢地最出名係牛，A級手切肥牛既碟一放低，朋友們一陣就清晒lu，真係好鮮味！醉雞好滑喎；脆魚腩爽口肥美；蠔夠新鮮香蠔味；蝦成隻手掌咁大喎離晒譜！響鈴勁好食，成功令節食個朋友唔停咀🤣我就係咁飲胡椒豬肚湯底羅😂 掛住食好多野都冇咩影相呀！😭 而當日既鵝腸、黑柏葉同鱔魚片就一般水準。佢地自家製既菜肉餃、韮菜餃、炸醬餃、芋頭餃，唔食精緻澱粉既我都食唔停，好過份呀！😭但真係必食！🤣價錢亦公道，抵食！推介呢間店！
繼續閱讀
三眼四胃最愛打邊爐，土瓜灣就有一間評價好高既火鍋店。首先，平日去，都通常要等位，因為店舖細，座位吾多。衛生，可接受，店員服務都ok，但座位有d迫，同隔離枱太近。食材，真心讚，每次都會有吾同推介既海鮮，個聖子皇真心好味，好新鮮，爽，大隻，其他例如海蝦，甲殼類都好鮮同大隻。肥牛都幾靚，脂肪比例都吾錯，另外一個魚片頭都係低讚，熟食，剛整起，熱辣辣，而個湯底呢就係花甲鍋，好多花甲，湯底都非常新鮮，其他食材都吾錯，有鴨舌，非常入味。至於價錢……當然一分錢一分貨，問心吾係平，但係用心食材，老闆係有簡過既，都吾好同任食既比較，因為任食邊有咁大隻聖子呀
繼續閱讀
02.03.19「鬍鬚安」打邊邊唔好問我幾耐冇黎過呢到打邊爐，因為真係好耐喇！連老闆老闆娘都唔見左人，唔知係咪頂左比親戚做！♨️叫左個潮州蜆仔粉絲湯底，足料用埋豬骨黎煲。啲蜆鮮甜冇話有沙，但肉就唔係太大糕粒♨️通常去到好肚餓會叫個炸魚角食，但已經冇之前咁彈牙可口♨️象拔螃，鮮甜好味爽口（重點🈶人請食飯😆）成個人爽晒😝♨️必叫嘅牛肉鳯梨丸🍡真心仲係好味嘅♨️炸醬牛肉餃，特別！出面好少食到，味道很不錯！♨️手切肥牛，啖啖肉，入口軟又夠淋！好味好味♨️仲有肥牛金菇卷、鴨舌、釀豆卜、桶蠔等等都好味道！總括：係唔錯嘅，都冇話水準下滑得好快。但冇左老闆同老闆娘向舖，冇左個人情味道😌可能我地冇撞正佢落舖頭！
繼續閱讀
呢間位於土瓜灣嘅鬍鬚安係區內為數不多嘅打邊爐專門店，店入面有好多唔同嘅湯底俾人選擇，包括海鮮、牛骨、胡椒等等。秋意越來越濃，所以筆者就選擇胡椒牛肚作為湯底，除左主角嘅牛肚，仲有番茄加左係個湯入面，微辣嘅黑胡椒胡椒加埋煮到爛融融嘅番茄簡直係一絕配。筆者之後叫左美國牛肉片，切工唔算差，大部分都非常之薄，只有一兩塊零零舍舍厚，不過都無太大影響，薄牛肉片只需要淥幾秒就ok，再加埋辣椒豉油帶翻牛嘅鮮味同埋胡椒特有嘅香氣，令筆者忍唔住叫多牒！響鈴亦都係必食嘅打邊爐食品，建議可以係食肉之前落，令到個響鈴唔會吸收咁多肥油，當然如果你追求味道遠遠大於健康就唔洗理啦。另外呢度有唔同嘅釀豆卜，特別嘅包括蝦滑、鯪魚肉等等，款式多樣，味道都唔錯，值得一讚嘅係個餡料都比較多，食起上黎感覺會比較滿足。至於金菇肥牛卷就比較普通，而且份量唔多，同埋點完豉油就即刻俾豉油嘅鹹味蓋過左金菇嘅味道，但如果咩都唔點味道就會太寡。最後不得不提，呢度嘅片頭非常好食，係即叫即整，送到上檯面嘅時候仲係非常辣口，酥脆嘅外皮包住彈牙嘅口感，但係調味略顯有少少淡，所以筆者建議可以配埋豉油一齊食。
繼續閱讀
來了朋友推介的這間火鍋店，地方比較難找，裝修簡單，有點大排檔feel，湯底種類很頗多，配答幾特別。食物種類雖然只得兩頁的餐牌，但款式齊全，有些更有自家限定，如黑椒豬肚丸、芋頭臘味餃、炸醬餃。海鮮方面，最好請店員推介時令的，我們點了象拔蚌、聖子王和大蝦。蟶子和象拔蚌很新鮮，味道很鮮甜。大蝦比想像中大隻，夠厚肉，蝦膏很多。我們一行8人，埋單只是千六元，如果不介意坐圓櫈，實在抵食！最後點埋個麻醬擔擔麵，大滿足！
繼續閱讀