馬辣台式鴛鴦火鍋 (創興廣場)

營業中

休息中

位於旺角創興廣場的馬辣台式鴛鴦火鍋，晚市時段只需$188，便能於2.5小時內無限享用火鍋、日本生啤暢飲及即製甜品。選了台式麻辣鍋及酸菜白肉鍋湯底，一款香濃帶勁，另一款鮮中帶酸，台式滋味正好配合頂級牛梅花、極上無骨牛小排、特選安格斯黑牛仔等肉類選擇。除此之外，自助區亦提供台灣香腸、蜂巢豆腐、豆串與花生味麻吉燒多款台式配料，定能滿足到無論是肉類愛好者，或是選擇困難症的你。Spicy Horse Hotpot offers an unbeatable evening deal at just $188 for 2.5 hours of all you can eat, including hotpot with 8 broth to choose from, prime beef and pork, and a variety of Taiwanese toppings such as sausage, honeycomb tofu and more.

人均二百元就可以2.5小時任飲生啤，還可以任食的鴛鴦火鍋，連平日的晚上都滿座，受歡迎程度真的很高😂·湯底方面，我們選了酸菜白肉和芫茜皮蛋湯，都很足料😚有幾款牛肉、豚肉和海鮮都是用電話落單，特別喜歡牛梅花和牛小排🥩白鱔片也是不能錯過的，是日海鮮是沙白😋·自助區都有好多選擇，有不少台灣食物，如台灣香腸、麻吉燒、台灣粗麵等😆😆芝士控必食芝士魚腐和包心芝士丸🧀·除了任飲生啤，汽水和各式紙包飲品都是任飲，還有自家製鮮豆漿和椰青水，總有一款岩口味的😂·甜品自助區有師傅即場整香蕉班戟，焦糖燉蛋都是即叫即燒，焦糖脆卜卜，燉蛋很香滑，還有任食dreyers雪糕🍦如果夠6人的話，還可以有甜品師傅整蛋糕慶祝任何節日，是免費送的😍😍

#放假就是要吃未有時間去台灣整個台式鴛鴦火鍋放題止住癮先 ~~中午的 3小時任飲任食火鍋放題成人每位 HK$158 假日每位另加 +HK$10假期無所事事嚟嘆個火鍋放題，消磨一個下午都唔錯架 ~~一坐下揀個火鍋湯底先 ...食得辣可以點個台式麻辣鍋或泰式冬陰功鍋唔食辣的我哋就揀了個 ... 芫茜皮蛋 + 胡椒豬肚鴛鴦鍋湯底足料又夠味，食物唔使沾醬汁都夠味牛肉有頂級牛梅花、安格斯黑牛仔、牛五花仲有黑豚五花肉、黑毛豬梅花和頂級小肥羊肉肉是薄切帶點油脂，灼一陣就食得，啱哂我呢啲心急人 ~~仲有海鮮 ...海生蝦好生猛，鮮甜彈牙脆肉鯇魚腩肉質結實，清甜脆口肉類和海鮮要用手機掃 QR Code 落單餐廳中間仲有架黃巴士擺放了其它火鍋食材 ...有各種丸類、蔬菜、魷魚、餃子 ...台式地道麻吉燒、甜不辣、鴨血、台式鹵大腸 ...仲有香脆炸魚皮和台式滷肉飯 ~~汽水、盒裝果汁、啤酒、仙地等都是任飲架 ~~儍媽就鍾意飲番罐消暑解熱的仙草凍和涼茶啦 ~~最後梗係要食埋甜品和雪糕 ...有芒果布甸、啫喱、椰汁糕、古早蛋糕和麵包布甸儍媽最鍾意榴槤雪條和焦糖燉蛋面層的焦糖即叫即燒，金黃香脆不太甜膩 ~~**

好耐之前係台灣食過馬辣一次 之後都冇機會食 今日掛住台灣就去香港個間食下台式火鍋啦😚火鍋放題 150 分鐘($188/p.p)湯底我地就揀左麻辣同胡椒豬肚湯底 麻辣非常香濃🍲但又唔會太辣食得好辛苦 入面仲有滑嘟嘟鴨血 啱啱好呀🌶️🌶️而胡椒豬肚湯亦食到好香嘅酸菜冋胡椒味 仲有好多豬肚架好足料😍配料食物真係可以話係應有盡有🤩🤩除左唔同部位嘅牛肉 仲有蝦 青口 同魚 任你食 都幾新鮮架 出去仲有好多款式嘅火鍋配料 肯定可以食得好飽呀😋甜品除左甜品櫃嘅生果 椰汁糕 啫哩 桂花糕 芒果布丁等等🍰🍧🍨連椰汁芋圓都有🤭另一邊仲有專人整班戟 同有 Dryer's雪糕 打完邊爐點都要食返甜品🤤飲品飲品除左啤酒同果汁 仲有豆漿同椰青水😍😍連花茶都有 真係多到驚你食飲唔哂 太滿足啦🥳

［牛媽覓食系列］夏日炎炎同朋友仔嘆住冷氣又可以打住Binno 把酒談歡黎馬辣台式鴛鴦火鍋啦！坐位非常寬敞，坐得非常舒適。性價比非常高既任食台式火鍋🍲配備大量台灣配料同埋台灣特色湯底。牛媽最鐘意佢地既傳統麻辣湯底，湯底十分濃郁心將一片片牛梅花放入鍋內煮熟，非常好食😋除咗任食任點之外，仲可以任飲各種生啤同飲料🥤仲有即製甜品🍰🧁🍦可以一次過滿足你所有既食慾如果本身大食，一定可以食飽飽！性價比超高！！！

就嚟父親節 大家有冇諗過點同你阿爸慶祝？我覺得一家人去烚吓烚吓都幾chill所以我推薦你哋去馬辣 當去咗台灣先😂$188 任食 性價比極高啊😍一入門口就見到架黃巴士 超級搶眼啊🚌黃巴盛載住嘅係超過50款以上嘅配料而最正係可以揀2個湯底 唔使爭辣又得 唔辣都得我就揀咗胡椒豬肚同蕃茄洋蔥海皇湯兩個湯底都可以就係飲 當然落埋配料就更鮮咁點解要帶啊爸嚟 因為可以任飲生啤🍻同老豆一路打邊爐一路飲啤酒 先叫爽😆夠6個人仲有甜品師傅整蛋糕🎂好正🥰所以今個父親節仲唔一家大細黎🤪？

上午旺角健完身去附近搵野食上左黎，我地兩個人，我地13點上到去午市坐左40%客人左右，之後隊左我地去個勁窄唔舒服既位，之後我地問可否坐卡位，見到都重有兩個卡位係吉的，之後個店員話唔得，卡位最少要3個人，但係卡位有起碼6到7台都係2位的，之後佢唔出聲，之後佢突然話卡位要先到先得，甘我地依家兩張卡位冇人喎，之後佢竟然話有人訂左位，我地問你唔係話先到先得咩？之後佢竟然又話呢兩台我地平時係唔做生意的，甘你快執粒喇！

今日又係紅色假期👏難得放假，梗係出街食飯賀一賀佢啦😆今日去咗位於旺角創興廣場14樓嘅‘馬辣台式鴛鴦火鍋 ’打邊爐🍲‘馬辣’真係一間性價比極高嘅任食鴛鴦火鍋👍百幾蚊2.5小時任飲任食材料多選擇多，除咗平時火鍋店常見嘅火鍋料、飲品之外，佢連啤酒、生啤🍻都任飲，絕對適合朋友仔們一邊飲啤酒一邊打邊爐🍲同時佢亦適合一家大細Family Day嚟打邊爐因為佢有勁多甜品吸引小朋友🍨除咗常見嘅雪糕、雪條、雪糕杯之外，馬辣仲有靚靚班戟🥞、棉花糖🍧、焦糖燉蛋🍮、麵包布甸🥧、窩夫🧇等嚟吸引小朋友😍🌟另一驚喜就係，有甜品師傅整蛋糕慶祝任何節日（夠6人免費送，提前2日預訂)🎂🔥馬辣稱得上係一間服務好、質素好、性價比極高的任食火鍋專門店，有興趣嘅朋友仔推薦你一定要試吓👍

馬辣午市$158 食3個鐘，呢啲叫做識做生意。當樓上樓下都多數限時兩粒鐘，有啲仲衰到俾得70分鐘，多一個鐘頭絕對可以左右到你嘅決定。我都好怕趕喉趕命，兩粒鐘勉強夠，如果有朋友一齊又傾又食就好mun水。1:15 行入餐廳，目測大概十枱客。睇個 setting 就有啲似樓上15樓嘅牛牛，兩間同樣都係標榜台式火鍋，同樣有兩排大雪櫃，唔難想像雙方都以對方為假想敵。我揀咗個蕃茄洋蔥湯底，雖然餐牌上寫西紅柿，但我由細到大都只會叫佢做蕃茄。佢部分食物要網上落單：牛梅花、安格斯、牛五花、五花腩、黑毛豬、羊肉、蝦、脆鯇魚腩、脆鯇片、蜆、雞子。同牛牛比較，同樣三牛二豬一羊，牛牛就少咗魚腩但多咗魚頭同青口。所有嘢都新鮮，都唔係求其俾啲渣嘢。啲肉每人每次出三四片，其他嘢多數兩片，都係控制損耗嘅做法，唔夠再叫，好過嘥嘢。罐裝包裝飲品之外佢有豆漿同椰青水，甜品櫃就就只係得啲啫喱椰汁糕之類簡單嘢，冇牛牛咁多蛋糕仔又有雪糕櫃。既然佢同牛牛兩間好似孖生姊妹咁，不如就兩間比較吓：馬辣貴$10但多一粒鐘，嘢食大致上一樣，不過牛牛就有咖啡機沙冰機，多啲嘢飲，租品又多啲花款。總結：如果想平十蚊或者重視甜品就牛牛，如果想慢慢嘆就

今晚又吃火鍋了～呵呵🤤🤤早幾日在會員應用程式中，預訂了位於旺角的《馬辣台式鴛鴦火鍋》，任食安格斯牛及超過80款配料 。.程式是在某次吃完同集團牛大人後，加入會員後獲得的。本回使用了迎新優惠折扣卷$20x4張。原價4:30-9:30時段為每位$188，加一後四位$828，扣除$80優惠後$748，平均每位實付$187，cp值很高！🫶🏻💰火鍋湯底有八款，可以選擇鴛鴦鍋，我們一行四人點了台式麻辣鍋及胡椒豬肚。辣度還算可以，就有點平平無奇，不太刺激。胡椒豬肚則更為平淡，沒有吃出明顯的胡椒豬肚味，更像是普通一個鹹味湯底，有點失落感。自助區有很多常見的台式火鍋配料，包括醃肉、丸類、麵食及蔬菜等等，特別喜歡吃牛筋、鴨血和台灣香腸。牛肉、海鮮類及部分食材需要透過手機點餐，上餐速度算快。肉質新鮮，薄切快熟。青口飽滿不乾柴，很是滿意。對於甜點區有椰汁芋圓感到興奮，我超愛吃芋圓！熱呼呼的椰奶也太香了吧！如果不是肚子太飽，有想吃兩碗的衝動呢～店內有一個角落是即製甜品吧，現場會有員工幫忙製作各類甜點，比如棉花糖、法式燉蛋、格仔餅和麵包布甸等等，很有娛樂氣氛。我點了一小份花生醬煉奶格仔餅，不得不說，跟街頭巷尾賣的

自從今年年頭知道旺角馬辣做緊午市3小時火鍋放題,價錢和以前的午市放題一樣都係每人$158免加一,其實食2個鐘真心夠時間, 不過多1個小時就可以悠閒啲, 更有心情去試不同的甜品,所以連續在1月5日和1月19日都去食, 因為覺得幾好食又幾抵食.食物供應方面, 雖然時間多咗1小時, 火鍋配料和甜品款式都同以前一樣,多了啤酒任飲, 不過我們2個都唔飲酒, 冇著數. 4月見馬辣仍有做午市3小時優惠, 就再去食啦.不過今次就覺得店家真係小家咗, 2個人落單2份蝦, 每次只係來2隻, 咁代表1個人叫的1份蝦只得半隻咁大把?!另外菜單上亦已沒有了白鱔片的選項, 所以現在去馬辣食火鍋的性價比真係低了很多,要努力找找更有CP值的火鍋放題店了.

台式火鍋放題🍲馬辣🌶️早排幾約左朋友們食飯去咗#旺角 馬辣打邊爐$188食足三個鍾呀！其他時段仲抵：1200 - 1630 🔹$158宵夜21:30 🔹$168有八款湯底可以揀好岩約朋友慢慢食、慢慢傾！.我哋叫咗台底麻辣湯、胡椒豬肚湯2款都好夠濃！朋友們話美國牛好食😋而我就勁鍾意台灣粗麵吸收湯汁 又煙韌👍🏻👍🏻👍🏻仲有新鮮蝦、蜆、青口、魚自助區超級多選擇！丸、蔬菜、甜品、醬料、飲品都至少有十幾款！打完邊爐我哋仲去甜品區Order即叫即整pancake同Dryer’s 雪糕！.開心滿足！☺️

經歷2個多月，終於完成6場活動，真心係時候要勁擦一餐。🥳🥳🥳 唔想用腦，又想勁食，最好就係任飲任食打邊爐🥘。今次阿叔一行3人嚟咗呢間位於旺角創興廣場一間火鍋店食晚飯，呢度主打台式火鍋，鴛鴦湯底加埋任飲任食，晚市都係每位$188，以呢個時勢嚟講，咁又真心幾平既！😲😲😲 呢度一共有8種湯底：麻辣、胡椒豬肚、沙爹、蔬菜等，連泰式冬蔭功都有；火鍋料除咗牛🐮、豬🐷、羊肉外、亦有少糧海鮮🐟、大量丸類、蔬菜🥬；不過最估唔到係佢哋居然有埋即叫即做嘅甜品🥞，可以話啱晒一眾大胃王人士嚟食過夠！

首先，叫咗個蕃茄湯加麻辣湯 滿心期待 等了20分鐘個湯先至上嚟，上菜同事 唔小心將啲湯整咗落張枱度 同事並沒有理會。舉手叫服務員想要紙巾抹枱 竟然話紙巾要錢5元一包。。。火鍋店少有地不提供紙巾。湯底比較淡 個蕃茄好似淨係得個色同幾粒蕃茄 淡而無味 。麻辣湯一點也不辣也不濃。事後先知原來叫肥牛嗰啲要手機order，嘗試了多次也掃不了那個二維碼 便叫了女經理 雖然表面上很有禮貌，但聽落像話中帶刺 牛肉的份量少 一碟得三片 叫咗幾次先至得一次送黎我哋有三個人，所以每次每款只能一人一片。位置寬鬆，我諗嗰張應該係四人枱，但係乾淨程度就麻麻哋，碗碟有污跡，地上有垃圾樓面的員工少之有少 舉手加湯沒人理會 甜品部的食物的種類算多服務ok

基本上唔會再有下次，成間舖頭員工大過食客，走廊狹窄但係佢哋必須優先使用，因為佢哋唔會讓畀你行，招呼也很差。見到有男經理要求睇離開客人既袋，但客人拒絕，比人拋幾拋就縮，其實餐廳係冇權check 人地個袋，比人串到叫警察做公証就知你捉蟲，咁樣做地小家之餘又核突，唔明做黎做乜，同埋老闆知唔知佢d 下屬做埋d 咁失禮既野 ?每樣點餐送來的食物非常之少很孤寒，其他火鍋店食物總類很多款式，這間馬棘火鍋店點餐海鮮類和牛肉，衹得6樣，非常之小，以後無回頭到這間火鍋店。其次當時間未到佢哋會不停吹，個半鐘左右佢會拎張單畀你十分鐘後再提你，結束前十分鐘亦會再次講。食物方面，有一部分要用手機QR落單，但落單單上菜份量會因為已進食時間減少，落兩份只會上一份。粗食還可以，但加多小小錢可能有更多選擇