馬辣台式鴛鴦火鍋 (創興廣場)

營業中

休息中

好耐無去旺角行街，就算平日都好多人，行到攰攰地，又肚餓，見到馬辣台式火鍋，好吸引咁喎😋😋！即刻坐低食下野先😝。好彩我地咁早黎到，唔洗等位，因為食到一半已經全場爆滿，如果夜後就有排等😅。一坐低選左湯底先，可以選2款。真心推介：西紅柿洋蔥海皇鍋，好濃郁既蕃茄湯，加左洋蔥越煲越鮮甜，用黎打邊爐一流👍👍。反而酸菜白肉鍋就失色左少少，無咩酸菜味，但用黎淥豬肉牛肉就好啱，可以令到肉味更突出。好鍾意呢間火鍋放題，坐位好闊落，食物選擇好多，除左常見既丸類，亦有幾款外面好少有既款式：北海翅，甜不辣，麻吉燒花生，好有特色🤩。仲有好好食既牛筋，淋滑有咬口，吸收晒D湯汁，一試難忘😋😋。肉類同海鮮就需要用QR code落單，都有幾款不同部位既牛肉同豬肉，比較啱我口味既係美國無骨牛小排，甘香既牛味，食得好過癮😍😍。海鮮就有蝦，白鱔片，鯇魚腩，沙白蜆，白鱔同蝦都好新鮮，質素唔錯😁。配料真係多到食唔晒，餃類都有幾款，吸收晒湯既精華，食左好多隻🤭。呢度既飲品種類都好多，除咗汽水，仲有自己冲既花茶，啤酒都幾款俾你揀，百幾蚊位，真係覺得好抵食😉。食到最後實在太飽啦，放棄左無食雪糕同甜品，下次真係要留返少少位置俾佢哋😅。總括

今日食既係位於旺角既馬辣，未到6點已經有好多人等緊位，好彩我係訂左位，等夠鐘齊人就入得，不過因為太多人既關係，所以都要等一等先入到。一坐底就可以揀個鴛鴦湯底，我就揀左胡椒豬肚湯同台式麻辣鍋，一次過滿足哂我想食辣同友人唔食辣既願望！等左大約5分鐘就有湯底上，除左肉類之外其他既都可以係出面拎，而肉就用QR CODE自己落單，咁多種肉其實食落都冇咩分別，羊肉就羶d，而落單入面最鐘意既就係鯇魚鯇，鮮味不錯，而且好香口出面拎既食物都幾多下，除左有丸之外仲有菜同熟食等等，仲有甜品吧可以食甜品，雪糕都有唔同既種類可以揀，梳乎里超好食！！走既時候都已經企滿左人，就知呢間野係幾咁熱門啦！差d門口都去唔到！

今晚經開旺角，朋友想食火鍋🍲上OpenRice 搜尋🔍「馬辣台式鴛鴦火鍋 」旺角彌敦道593-601號創興廣場14樓，平日下午4:30至下午9:30，成人$168 任飲任食放題2小時，價錢合理，就試吓啦🥰有八款特式鍋底可選擇，我哋揀咗台式麻辣及芫荽皮蛋鴛鴦鍋底，回本價食材可經QRcode落單，美國prime頂級牛梅花，美國choice無骨小牛排，美國CAB安格斯黑牛仔，黑豚五花肉，黑毛豬梅花，頂級小肥羊，海生蝦，脆肉鯇魚腩，是日海鮮，白鱔片……..另外，其他主要火鍋配料，放得整整齊齊，乾乾淨淨給客人自己選擇，各種各樣肉丸🍡，蔬菜🥬，響鈴，午餐肉，餃子🥟豬皮，魷魚🦑等……..除一般啤酒汽水果汁🧃之外，我最鍾意❤️asahi生啤酒🍻somersby 蘋果酒及各款咖啡☕️，養生花茶👍👍除自家製甜品🍮外，有多款不同口味的冰淇淋🍦及雪條供選擇👍👍

一個開心的夜晚舊同學晚聚俾個經理搞到0分。冇經驗就唔好做經理。玩到為左$30騷擾個客幾多次？唔該唔好要客人幫你司經理成長，講真，調返轉諗一諗，客人沒有幫你們成長這個責任的。請返個正正經經嘅人，管好個團隊啦。

今日天氣凍咗好多呀 梗係要去打邊爐啦呢間台式火鍋馬辣只係168蚊就可以任飲任食2個鐘計埋加一唔使兩百蚊一個人 喺旺角嚟講都算好抵食餐廳環境闊落坐得舒服張枱夠闊落完全唔夠放嘢食一啲都唔逼揀鴛鴦鍋都唔需要加錢我哋就揀咗台式麻辣鍋同埋西洋柿洋蔥海皇鍋台式麻辣鍋揀咗小辣啱啱好 唔太食得辣嘅都可以食到 香料味好香濃 唔係得個辣字蕃茄湯底好濃郁清甜肉類同埋海鮮類可以Scan QR code落單好方便而其他丸類 蔬菜類等等嘅就可以喺自助區自己想食幾多就夾幾多嚟食 自助區食物選擇超級豐富牛肉都有足足四款 有頂級牛梅花 無骨牛小排 安格斯黑牛仔同埋精選牛五花 牛肉非常新鮮 雪花紋好靚 肥瘦適中黑毛豬肉味濃郁 肉質香嫩 juicy羊肉羊味濃郁 唔會太重羊騷味海鮮方面有脆肉鯇魚腩 鯇魚片 蝦 同埋白鱔片白鱔片口感好嫩 味道鮮美自助區食物非常豐富款款都好新鮮而且refill得好快最重要係唔係啱啱喺雪櫃拎出嚟凍到硬掘掘嘅丸類選擇豐富實揀得啱 啱曬一大班人嚟食仲有大大個甜品櫃 自家製蛋糕啫喱 仲有水果 豆腐花雪糕櫃都有兩個大櫃雪糕雪條任君選擇嘢飲除咗汽水果汁之外仲有啤酒 最特別嘅係居然有生啤總括嚟講旺角呢個價錢

天氣涼涼地，朋友提議打邊爐，見呢間打邊爐價錢唔算貴，一於黎食下😄呢到2小時晚市火鍋放題，平日收費$168/位同埋加一，如果7點半前離座就每位減$10店鋪面積好大，好多座位，不過愈夜愈多人，最後都坐滿晒😮呢到主要係自助出去拎配料，丸類，瓜菜類，肉類，麵類等等，起碼幾十款以上配料任拎👍🏻前菜小食飲品：又係勁多選擇，汽水、果汁汽水、熱花茶、涼茶、啤酒😄ASAHI、APPLE CIDER都有得任飲😍雪條、雪糕、雪米滋呢到有樣好，就係鴛鴦鍋唔使加錢，今次湯底揀左西紅杮洋蔥海皇鍋、馬拉沙爹鍋，湯底本身好濃郁，我覺得唔使再點豉油醬料都好夠味😉手機QR CODE落單主要係肉類同海鮮類，美國prime頂級牛梅花、美國choice無骨牛小排、美國CAB安格斯黑牛仔、黑毛豬梅花，肉質靚，同埋切得夠薄，所以淥一陣好快食得，肥瘦合適，食落肉味都幾香濃，以呢個價錢呢個質素超級抵食🤤海生蝦幾彈牙、脆肉鯇魚片、白鱔片就肉質幾有口感，魚味幾香、蜆肉鮮甜無沙，處理得幾好😋手拍青瓜、酸蘿蔔：開胃前菜，尤其酸蘿蔔幾好食😋響鈴、炸魚皮香脆無通風👍🏻丸類選擇多，正常水準，特別推介墨汁墨丸同炙燒芝士丸，勁好味😉滑牛、醉雞都幾嫩滑😋

🐝馬辣台式鴛鴦火鍋 (創興廣場) (旺角)🐝…今日同朋友去咗旺角，咁啱想打邊爐，見到呢一間樓上嘅火鍋店好似幾抵食，所以就一於試下！🙈…呢間火鍋放題嘅肉類都有好多款，有唔同嘅牛啦，例如例如安格斯牛，牛小排等等，亦有豬同羊，海鮮方面有脆肉鯇，海蝦同蜆，以上全部都係由waiter送出嚟嘅，所以相對會乾淨啲，衛生啲。個人最推介安格斯牛！😍😍…湯底揀左西紅柿洋蔥海皇鍋，馬拉沙嗲鍋，兩款都唔辣，如果大家好似我咁唔食得辣嘅話都可以嗌！👍👍🤣…出面有唔同嘅食物自取，例如唔同嘅丸類，仲有鮫子，魚皮，菇類，菜等等。飲品方面都係任飲！連生啤都係！同朋友飲得好盡興啊！唔想飲汽水嘅仲可以揀罐裝茶，正~…最驚喜係呢到嘅雪糕款式，有dreyers同coco等，仲有唔同好味，個人就推介比利時焦糖餅味，好甜好好食！😚😚❤️…整體嚟講，我覺得呢到嘅環境唔錯，好多位，坐得幾舒服，適合同三五知己嚟一齊食飯傾計。加上我覺得佢喺火鍋店來講嘅價錢都幾抵，性價比好高，只係百幾蚊就可以食到放題任食！正！🥰🥰…整體評分食物：🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍🤍…📍旺角彌敦道593-601號創興廣場14樓

上次嚟創興食飯時，喺升降機入面見到馬辣台式鴛鴦火鍋價錢相當吸引，所以今日就約埋個friend嚟一齊試吓。呢個價錢可以任飲任食2小時，真係夫復何求，我個friend仲好抵死話淨係嚟飲啤酒都抵。其實我都係諗住同個friend嚟體驗吓，心諗$168任飲任食，都應該係劣食多，但嚟到真係喜出望外，食物選擇多，而且食物質素都真係唔差，全部都正常入得口之餘有啲仲充滿驚喜，款式仲要比其他火鍋店還要多。除咗打邊爐之外，仲有一系列嘅熟食供應，我覺得簡直有一般酒店自助餐咁嘅級數。呢度總共有八款湯底俾你揀，而且佢就一定係鴛鴦鍋，可以試兩種湯底唔使加錢。平時我想食麻辣但係又有啲怕辣驚自己食唔到，鴛鴦鍋又要加錢又覺得唔抵，所以都比較少食，但呢度就講明係鴛鴦鍋，所以我就分別揀咗台式麻辣鍋同埋西紅柿洋蔥海皇鍋。佢嘅麻辣配肉類唔太辣啱啱好，而蕃茄湯底就好足料夠鮮甜，食魚類同蔬菜就最適合不過！肥牛、豬、羊都有好幾款選擇，而且質素絕對唔差，當中我覺得美國prime頂級牛梅花同黑毛豬梅花肉最好食。呢度仲有海鮮俾你選擇，打邊爐我就最鍾意食蝦，一隻隻已經用竹籤串起好方便，而呢度仲有脆肉鯇同鱔片，海鮮亦都非常新鮮，真心值回票價。現

馬辣台式鴛鴦火鍋 (創興廣場) (旺角)呢間台式火鍋有分三個時段收費👇🏻💲1200-1630 $148 (無需加一)💲1630-2130 $168 (另收加一服務費)💲2130-1200 $148 (另收加一服務費)我地6點到，嗰陣唔係好多人，但七點半左右已經接近滿曬，唔想等位嘅最好嚟。$168任食火鍋喺旺角來講真係唔算貴。。入座後要先揀火鍋湯底，有八款湯底可以揀，有辣有唔辣。連鴛鴦鍋都唔使額外加錢！我哋就揀咗台式麻辣小辣同芫荽皮蛋鍋。食落有啲麻唔算好辣，下次可以試辣啲。另一款有大量芫荽少少皮蛋，湯底就比較清淡。。肉類同海鮮係scan QR code落單，有牛肉、豬肉、羊肉、魚片、蝦同硯。肥牛嘅選擇都幾多，個人比較鍾意食頂級牛梅花同無骨牛小排。牛梅花肉比較有咬口，牛小排肉就比較軟。羊肉都唔錯不過肉太散。。仲有其他嘢食可以喺出邊自助區拎，最基本嘅丸類、腸仔、蔬菜、內臟、炸物同粉面都有齊，仲有啲即包嘅水餃、前菜可以夾 。食咗幾件洋蔥豬肉餃都幾好味，皮薄餡多。。甜品方面有個甜品櫃，有啫喱、奶凍、水果嗰啲，然後有獨立裝雪糕、雪條、雪米糍。當然甜品最吸引嘅係Dreyer’s 雪糕，隔離仲有麵包布

“任飲任食火鍋放題2小時”($168/位)雖然話宜家打邊爐係冇分季節🍲但天氣涼咗邊爐癮就特別高🤣旺角創興有幾間幾抵食嘅火鍋放題我都會間唔中食吓其中一間就係馬辣台式鴛鴦火鍋😝4:30~9:30pm呢段時間入座每位$168,任食2個鐘🤤入座後先揀湯底🥰最正係鴛鴦鍋都唔駛加錢😍我地就揀咗台式麻辣鍋+芫茜皮蛋鍋😙一段時間冇嚟,原來叫肉類已經可以用qrcode落單肉類總共有7款,分別係:🐮美國prime頂級牛梅花🐮美國choice無骨牛小排🐮美國CAB安格斯黑牛🐮美國精選牛五花🐷黑豚五花肉🐷黑毛豬梅花🐐頂級小肥羊肉而海鮮類都有幾款:🦐海生蝦🐟脆肉鯇魚腩/片🐟白鱔片是日海鮮每款肉類食落質素都ok,對得住個價錢😆當中海生蝦同啲魚片都幾新鮮😍除咗肉類同海鮮類,當然仲有自助區嘅配料🤩仲有前菜,小食,小菜,飯,湯,飲品,多款甜品可以攞😛簡直係花多眼亂🤣行咗出去拎嘢係可以行好耐都返唔到位😂食足2個鐘真係超滿足😝

前2日拔兄SEND條LINK話可以嚟試下呢間，好吧！開頭以為星期六會好多人，要BOOK位，結果吾駛，WALK-IN都有，可能因為早有D人未放工，而且呢度係MK，有好多其他選擇，未必人人會揀午餐食火鍋.....我地2人揀左鴛鴦湯底----沙嗲及酸菜白肉...我冇食早餐，午餐食任食之類可以食多D，脆肉鯇、鱔片、豚肉、牛肉、蝦、蜆呢D要用QR CODE ORDER，其他如丸類、菜、海帶、雲耳、魷魚、響鈴之類出去拎，也有熟食如豬手、白雲鳳爪、涼伴雲耳、青瓜....甜品都好多，有雪條、雪糕、MOUSSE...不過最後我只攞左DRYER'S 雪糕同蕉糖燉蛋，吾錯呀...後來發現呢度飲品區，除左有咖啡、汽水凍飲外，還有少有的朱古力、奶茶機(不過似馬拉式偏甜，如果係港式就更加正了)，特別係未遇過有花茶-薰衣草、玫瑰、菊花任你沖，還有綠茶、烏龍茶、玄米茶....我沖左壺薰衣草+玫瑰，好香好RELAX....呢度食物OK，我地坐卡位好舒服(應該係4-6人枱)、寬敞，我地坐果邊環境吾錯，全部卡位，但另一邊未開，有D似大排檔咁，不過應該晚市先開....本來開頭都吾算好多人，但後來都越坐越多人，下次都係12點嚟

[ 任飲任食兩小時火鍋放題🍲 ]天氣終於開始涼喇 又係瘋狂打邊爐嘅季節🍃 快啲約埋班friend一邊烚吓烚吓食餐飽😝—————首先湯底可以揀鴛鴦湯底 唔洗加錢嫁！ 港🐷揀左台式麻辣少辣同馬拉沙爹 兩款都唔太辣 但味道都夠😁-食物種類好多 大部分配料都可以喺自助區攞到 各種丸類 菜 餃都有 而肥牛豬肉同海鮮就要用QR code落單🙂 肉質都正常 薄薄地 落鍋一陣就食得🤓-飲品同甜品選擇都好多 仲有幾款果凍同蛋糕仔 不過港🐷食得太飽就冇試到喇😂-整體黎講 呢度嘅質素正常發揮 但價錢真係平過出面 而且坐得都舒服 食物refill同上菜速度快 冇出現漏單情況 都算係咁啦😆-*C類食肆 最多可6人一台*建議提早用app攞飛 或電話訂座價錢: 任飲任食火鍋120分鐘 (需另收加一)午市1200-1630(免收加一) 成人$138 小童$98晚市1630-2130 成人$168 小童$98(1930前離座每位減$10)宵夜2130-0000 成人$148 小童$98*星期五、六、日、公眾假期及前夕 每位加$10

馬辣台式鴛鴦火鍋喺旺角附近行街，行到九點幾，邊爐癮又起，走咗去旺角創興廣場搵食，幾年前食過一次，今次再試試佢啦任飲任食火鍋放題兩小時~$148我地9:30先入座，所以會平少少，我哋點左台式麻辣湯底，又唔算好辣喎OK嘅，而出邊亦都有好多丸類，菜類，餃類可以拎，今日蝦唔錯，牛肉有三款，牛梅花同牛小排比較好食，牛五花正正常常，食物種類好多好豐富，好滿足，而且大部份都OK好食，但值得留意嘅係職員收碟比較慢，啲碟棟到山咁高都冇人收😂馬辣台式鴛鴦火鍋 🏠：旺角彌敦道593-601號創興廣場14樓☎️：23567890

我已是第二次光顧馬辣了，第一次光顧之時已經是很久以前，在馬辣剛剛開業時已光顧過，記得水準不錯，今日天氣涼涼地，一於再幫襯下我在ＧＵＬＵ ＡＰＰ預先取票，大約晚上７點左右取票，在８點多終於可以入座，我和同行友人都非常肚餓，立刻點了鍋底，麻辣＋酸菜白肉鍋，麻辣鍋味道不太岩我哋口味，酸菜白肉反而唔錯，酸酸地有點肉味，感覺不錯。有幾款牛肉和豬肉是要掃ＱＲ ＣＯＤＥ落單，而其他配料，菜，飲品，甜品大部分都是在場內自取，種類繁多，此價錢有那麼多及此質素，怪不得那麼多人排隊，ＣＰ值非常高，會再幫襯！

又到夜晚飯喺旺角唔知食乜好, 都唔知係唔係有意定無意經過創興大廈😂, 啲姐姐又係咁塞啲宣傳單張俾我🤦🏻‍♂️, 見到馬辣咁嘅價錢咁吸引, 仲記得呢間野每次去到台灣係必食嘅餐廳, 說好減肥嘅我終於又頂唔住誘惑😅. 一坐低就揀咗個鴛鴦鍋、當然係揀佢哋嘅招牌麻辣湯底. 可能而家疫情期間, 我哋得兩個人佢哋安排我坐勁大卡位坐得勁舒服, 肉類and海鮮用自己手機落單夠晒方便, 其他配菜出去自己攞, 我好欣賞佢哋個自助配料吧, 超多選擇, 淨係調味料都有10幾種勁誇張, 所有肉類海鮮我都叫咗一碟先, 肥牛個人覺得美國牛小排最好食, 不停加咗10蝶都有😎. 海鮮方便都算係咁, 百幾蚊嘅火鍋放題竟然有, 海蝦, 花甲, 白鱔片, 脆鯇魚骨腩. 仲有一樣野不得不提嘅就係佢哋嘅洋蔥餃同韭菜餃, 一攞出嚟就知道係自家製、好味到食咗好多隻😂,蔬菜籃佢哋好細心份好一盤盤放喺雪櫃, 甜品都有好多款, 竟然連榴槤甜品榴槤雪糕都有😍, 滿足到爆👍🏻