馬祖台灣養生湯麵館 (V Point)

營業中

休息中

今日約咗朋友去銅鑼灣行街平時食開啲米線一定係麻辣or 酸辣😋😋今次試吓啲清清地嘅養生米線😋😋😋我就叫咗碗蟲草花藥膳農場雞米線😋😋呢度啲裝修好新穎 座位好闊落坐得好舒服等咗大概10分鐘左右米線已經到咗的確比起我平時食嘅麻辣米線嘅感覺好唔同呢碗米線清清地幾好食加上佢個湯底好重雞味 ✌🏻✌🏻✌🏻我覺得個感覺幾清新😉😉😉配埋佢嘅蟲草花成碗感覺好健康佢隻雞亦都煮得啱啱好唔會好「鞋」最後我誇張到成碗食晒連埋啲湯😋😋😋😋

黎到長假最後一天，兜完銅鑼灣一圈都接近五點半，諗住行去登龍街食埋麵就走，望到馬祖個招牌先醒起呢間台灣養生麵，於是行多幾步去望下餐牌。六點前落單都仲有跟餐8蚊既飲品送，咁抵食就入去試下。配搭都有成十幾款，揀左個4号藥膳麻油雞跟米線，另有改配白飯選擇，幾貼心！另嗜辣既朋友呢度都有幾款湯係帶辣，仲可以因應個人口味自訂大中小度辣。唔駛等好耐就有得食，黎到個樣好有驚喜，比起X仔果D真係絕對可以講係超班製作。佢既賣點係標榜走養生路線，配料用左好多杞子肉、鮮甜紅棗粒、大大朵雲耳，仲有d香菜葱粒，至於主角既雞肉，仲要係帶骨雞件兼且肉厚嫩滑，皮下脂肪唔算多，唔會煮到成碗麵有油淋淋既感覺。一大碗入面有接近六件，米線粉量估唔到既多，下次唔好哂要request少米線。湯頭雖帶藥材味但味道比較清甜，配合少少麻油，雞肉夾埋米線食起上黎更加香滑惹味。跟餐叫左杯熱既愛文芒果茉莉綠茶，味道比較香甜有台灣茶飲風味，總體而言值得下次再黎試埋牛肉、魚春卷同埋花枝丸！

今日係銅鑼灣原本係想食mamaday不過因為冇book到枱 又勁多waiting list就逼着放棄咗😢😢😢所以去咗登龍街 睇下有咩岩食見到依間係食米線 又唔洗排隊就入咗去.no.12 香辣養生湯墨魚春卷拼白菜豬肉餃米線 $66.一心諗住想食香辣湯底點知佢一開始嚟錯咗 個湯清過清水同佢店員講之後佢就拎番入廚房加咗幾滴辣椒油落去 (下圖)哇 我真係多謝晒😑😑😑原來香辣養生湯就係清湯加幾滴辣椒油......不過佢原本個湯底都飲到似養生湯味嘅甜甜地 重有啲紅棗 桂圓.米線份量幾多墨魚春卷馬馬地 粉感重白菜豬肉餃唔錯 豬肉餡幾入味.不過重點係！！！食完口渴同行朋友食牛肉麵重誇張話返到屋企係咁飲水😑😑😑🤦🏻‍♀️咁你話重係咪養生喇..........🤦🏻‍♀️😫

本人吃過天后分店和銅鑼灣分店，雖然銅鑼灣略貴，但份量確實比較多！員工態度亦很好，今天下午到店幫襯時留意到員工在執碗時會帶上手套，送食物時會除下，這點很值得稱讚，非常衞生，令我吃得很放心，雖然這樣做會帶來員工有一定的不便，但因應疫症嚴重，執台時避免交叉感染，很多食店也沒有做到這點！而店面亦可看到廚房，廚師亦帶上口罩😷因很多食店廚房那麼熱會除下口罩煮食！這店各方面也不錯！

週末約朋友銅鑼灣食呢間台灣小舖。週六中午店內人唔多，兩人可以坐卡位✌️朋友嗌左蟲草雞藥膳米線，好大份，濃濃藥膳湯底，超正！我嗌左一份古早牛肉湯飯，本來很擔心牛腩會唔會好鞋，因為之前好多間台灣麵店都遇過類似既問題。食落非常好食，牛腩塊彈牙又不鞋，推薦推薦！仲加埋一份鹽酥花枝丸，不過因為主食份量太多兩個女仔下次可以試share一份主食再加埋小食就夠喇。埋單總共190蚊，都不算平，但是質素高，下次會再光顧。

過了繁忙時段, 便去試試一向喜愛的台式牛肉麵！單叫了古早牛肉湯手工麵+飲品- 紅燒湯底夠濃但好油, 成個碗邊都見到層油- 蘿蔔很大塊, 但有根- 牛肉夠味、夠腍試過其他餐廳的牛肉麵都不會太油膩, 如下次去的話會試其他麵食, 但不會再叫牛肉麵了! 餐牌上還有套餐選擇 (小食+麵食+飲品), 價錢由$90-110, 一個午餐這價錢略貴了！另外, 餐廳的門口和收銀處隔得幾遠, 入去時不會有員工在門口查查你有沒有安心出行, 自己登記完後準備入去, 收銀處的員工就遠處問我登記咗未..... 🙁

平日午飯時間人多，排了15分鐘先入得，點了一碗 香辣養生湯-白菜豬肉餃子米線，湯底很重紅棗藥材味，很甜很甜，但由於叫了小辣，出來的效果卻是超辣，建議這種湯底不宜叫辣，味道十分有違和感。食完要飲好多水。一般。設加一總消費：$70 性價比：中等/一般食物味道：5.5/10視覺美感：6/10餐廳服務：6/10環境裝潢：7/10

經過見到牛肉麵都係$60-$70 ，膽粗粗入去試吓!🙂🙂套餐約$100有主食+小食+飲品，價錢偏貴，但食落絕對物有所值！😚😚～～～香辣藥膳牛肉湯手工麵～～～真係勁大碗，非常足料！😊😊湯底係紅燒湯底味，揀咗中辣🌶，係一碗真正有牛肉味嘅紅燒湯底，香濃度真係值得一讚！👏🏻👏🏻兩大舊成隻電腦mouse咁大嘅蘿蔔，完全吸收晒湯底嘅精華，配埋蘿蔔本身嘅甜味真係好滿足呀😋😋，但可惜大蘿蔔始終都有啲蘿蔔根😃😃牛肉有5大塊，肉質軟‘林’有𡁻勁，牛肉味勁香！手工麵麵質彈牙，掛湯力強，每一口都帶有牛肉湯！😍😍呢碗牛肉麵絕對值90分以上👍🏻👍🏻～～～鹽酥濃汁手作牛丸～～～你食過脆嘅牛肉丸未？外表欠奉，但咬落脆口又做到肉汁滿滿，食牛丸第一次有咁嘅觸感😜😜～～～藥膳麻油雞白飯～～～隔住個口罩已經聞到勁香嘅麻油味，麻油湯唔會整到油淋淋，杞子、桂圓嘅甜味充分發揮出嚟，云耳爽脆香口！雞塊有五件，應該係雞髀雞翼肉，肉質香嫩彈牙🥳🥳～～～鹽酥台灣澎湖特A級花枝丸～～～香港嘅花枝丸係有彈性得黎爽嘅，呢隻彈得黎綿嘅，同樣都係出色嘅花枝丸🤗🤗佢連杯飲品都係大大杯，唔會hea你嘅😆😆～～～蜂蜜茉莉花茶～～～蜂蜜味香濃，入口清甜😉😉

外賣成為咗我哋嘅習慣，今日想食健康啲，就去左 #馬祖養生湯麵館 買外賣番屋企食✨點左兩份一人套餐好豐富，分別有餐前小食、主菜和飲品，餐牌上款款都好養生又健康，有選擇困難，樣樣都好想食😋😋😋上湯墨魚春卷（3粒）豐富嘅墨魚味的春卷配上湯更加入味呢😋😋蟲草花雞飯好養生的蟲草花雞，用料很足的湯底，雞肉都好林又入味吸收了湯嘅精華，滋補一下👍🏻👍🏻上湯福茂貢丸（3粒）平時好少食貢丸，見到配小食就試吓啦，食落去好彈牙美味可口👍🏻👍🏻醉雞米線充滿酒香嘅醉雞，整得10分入味，雞肉鮮嫩可口😋😋配上米線更加滋味👍🏻值得再食😋

早幾日見人介紹藥膳湯麵，睇到藥膳二字已經覺得出街食都好健康咁，即刻約朋友黎試下。平日晚上7點9左右到達，可以即時入座，店內亦有唔少食客。 到我地食完9點零都仲有食客黎。 店內座位不多，但枱與枱間唔算太迫。 店面職員不多（2個），但又唔洗都等好耐就有人落單。點左2個套餐，香辣藥膳牛肉湯手工麵同藥膳古早牛肉湯手工麵，配鹽酥墨魚春卷同藥膳上湯濃汁手作牛丸。 香辣藥膳牛肉湯手工麵睇落已經令人有食慾。湯好濃，藥膳味無我想像中咁勁（我鐘意重藥膳味），牛肉量多，肉質淋易咬，蘿蔔大大件，好淋。我最鐘意個手工麵，好好咬口。 碗麵份量大，食唔晒，但因為個麵好味，幾飽都想食埋佢。 藥膳上湯濃汁手作牛丸哩個湯就真係我想要既藥膳湯。 好濃藥膳味 yumyum 牛丸無特別引起我注意，個湯就好好味。鹽酥墨魚春卷哩個無乜特別，正常墨魚春卷個餐另外有杯飲品，我點左凍無糖茉莉花茶，朋友點左蜂蜜茉莉花茶。 普通茶一杯，無特別。 如果有得叫珍珠奶茶，個感覺會更好 哈哈兩個人埋單$216。 銅鑼灣簡單食，地方都叫坐得舒服，咁既價錢都算抵。

馬祖台灣養生湯麵館, 銅鑼灣🍜其實呢間平時係中環都成日食，不過通常都係要OT先食，所以呢都食到冇乜感覺冇乜好感 😅 但的而且確佢個湯底係非常之有草藥味，食得出個湯底係用咗好多材料同好用心去煮，而且食落去嘅味道好似好健康好養生咁不過唔知點解😅不過我個人覺得#中環 嗰間味道好似比較濃郁啲，銅鑼灣個湯底反而就有啲淡。平時如果食得多太普通嘅車仔麵，我覺得呢一個絕對係一個唔錯嘅選擇。.📍#銅鑼灣 #登龍街 18號V Point地下2號舖 #HappiMuffinHongKong 🌟Rating: 7/10💰Price: $70-100 pp#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

呢排天氣咁凍最岩就食飲啖養生雞湯，今日揀咗呢間位於銅鑼灣V Point嘅馬祖台灣養生湯麵館，試左兩款藥膳農場雞湯面。蟲草花藥膳農場雞新竹米粉$67雞湯入面有紅棗杞子龍眼肉，養生滋潤，蟲草花爽口美味，農場雞肉質香滑。黑蒜農場雞新竹米粉$68黑蒜拉麵就食得多啦，配搭雞湯同新竹米粉都係第一次食，食落黑蒜味道十分突出，估唔呢個組合又出奇地夾喎。鹽酥菇貢丸(5粒)$30、 鹽酥墨魚春捲(6條)$30兩款酥炸小食香脆惹味。

super delicious soup noodles, there isn’t too much variety in choice of toppings but what they do offer, is all very tasty and high quality tasting.The soup base tastes meaty and herby with the perfect balance of flavour. I highly recommend this place if you’re in need of hearty soup noodle refuel!

終於有機會去人氣店了，來到馬祖要點他們的藥膳湯，如果唔係唔好話比人知你去左馬祖食。餐廳依家有全日一人商務套餐提供 （小食+主食+飲品）， 我買了兩set回家食， 小食有鹽酥濃汁手作牛丸和鹽酥台中福茂貢丸，兩款都炸的香口彈牙。主食就係 藥膳麻油雞米線和香辣藥膳牛肉湯手工麵， 藥膳湯底香甜，麻油雞很滑，配米線很夾， 而牛肉手工麵，湯底香得來帶點辣，好刺激好吸引，牛肉份量五大件很抵食，加上手工麵很掛湯，所以忍唔住連湯一齊飲。飲品 蜂蜜茉莉花茶和愛文芒茉莉花茶，食完香濃的食物，飲杯茉莉花茶清一清。

行過唔使排隊就即刻入得，一坐低就求其比一個套餐餐牌我，搞到我以為淨係可以叫套餐。😓當我叫嗰陣佢就問我係咪單點，咁我問佢單點幾多錢佢就求其掉左個單點嘅餐牌俾我就即刻走咗去，係即刻！😒本身我知道幾錢之後就可以即刻叫，但佢又去咗員工休息室同另一個員工去左hea跟住成間餐廳一個員工都冇。叫天不認叫地不聞。😑😑之後隔咗好耐先有一個人行出嚟點知又去左幫另一個食客。到之後又有另一個員工走出嚟，一出到嚟就不停同其他員工講佢嗰隻電話遊戲，係咁㩒電話玩個隻coin master，叫左佢幾聲先肯行過黎，黎到又冇心落單，係咁唔記得我落咩，要我重覆，一落完就即刻玩佢嗰隻手機遊戲。非常無言🤦🏻‍♀️🤦🏻‍♀️🤦🏻‍♀️🤦🏻‍♀️ 返工定玩，就算係玩都唔係咁明顯啦🤦🏻‍♀️🤦🏻‍♀️🤦🏻‍♀️不過實話實說個藥膳農場雞米線幾好食，個湯底幾甜不過有少少鹹。食物我係非常滿意，但態度有待改善同埋我上網搵咗勁耐都搵唔到呢間餐廳嘅電郵，本身想作一個正式嘅投訴，我諗餐廳都要改善一下點樣同食客溝通。