馬祖台灣養生湯麵館 (V Point)

營業中

休息中

馬祖台灣養生湯麵館 (V Point) (銅鑼灣)銅鑼灣登龍街18號V Point地下2號舖藥膳養生湯農場雞米線 $95 (MENU SET)藥膳湯底真的很濃郁～🎵🎶湯底入口舒服，飲得出煲嘅材料十足😋除左碗上眼見嘅紅棗，湯頭屬甜甜地，應該有用蟲草花做其中一款材料去煲湯(?)😋藥膳湯底味道濃郁之餘，係覺得順喉嘅！🤤飲得出無落味精～ 濃湯但一d都唔 “確喉” 👍🏻 湯底清澈，如圖所見，只有十分少量的油分係面，但個人認為，以濃湯加上雞件嚟講，有油分是正常！😋增添香味🤤雞件嫰滑，墨魚丸大粒，紅棗清甜而且入晒d湯味～蘿蔔清甜入味、腍，但咬落有根～最後，大胃小編係飲晒成碗湯嘅～😋香辣藥膳牛肉湯手工麵 $105 (MENU SET)係藥膳紅燒牛肉湯底，相比起藥膳雞米線，藥膳牛肉湯的中藥材味比較重！牛肉件，大件，啖啖肉，腍得嚟有咬口，唔嚡口！唔韌！😋手工麵掛湯，蘿蔔清甜入味、腍，但咬落有根～總結： 回味無窮！健康！會再嚟食 + 飲曬d湯🤤😋

難得約咗朋友食個快閃晚餐喺銅鑼灣地段晚飯時間最好就食米線啦經過朋友嘅推介就嚟咗試一試呢間.呢間米線出名係食藥膳除咗普通藥膳之外佢仲有適合鍾意辣嘅你而我自己就麻麻哋甜嘅米線湯頭所以就嗌咗麻辣以佢嘅麻辣都有分大中小辣嘅可以配合返自己需要叫返適合嘅辣度.我自己就嗌咗個1. 麻辣牛肉米線2. 加$3轉炸花枝丸3. 無糖茉莉花茶.朋友就嗌左個1. 麻油雞米線2. 鴨血3. 芒果唔知乜嘢茶.So far我覺得個麻辣米線幾香一嚟個湯頭雖然大少少甜但係佢嘅麻辣味好出當然偏鹹唔prefer成碗飲晒始終都比較高納牛肉嘅份量都幾足加上蚊到好林我覺得係好唔錯嘅以米線嘅份量都可以女仔就一定會飽男仔可能要家底炸花枝丸方面係正常嘅大細食落都好有咬口最後配返杯無糖茉莉花茶我覺得係Perfect.朋友食嘅麻油雞米線嚟到好鬼香而且又唔算好油佢食嘅鴨血對我來講有啲太少份量同埋唔算太滑可以有進步嘅空間杯嘢飲就冇特別問佢.我覺得係一個簡單食嘅情況下呢間我有機會再返嚟食

今日去試馬祖，店鋪面積都幾大，坐得好舒服一開始嫌冷氣開到好大，點知食完先咩料🤫🍽藥膳農場醉雞米線（4/5）💰67隻碗咁大一開始仲諗佢係咪扮多料😂點知我一個岩岩做完gym既人超餓去食都只係岩岩食得曬😆唔係超餓都可能食唔完啊🤫米線一上枱聞到超香花雕酒味😍但啲雞食落就冇味有啲失望😨但勝在雞件件都幾大而且幾滑嫩啦😢湯底見到有杞子、紅棗、龍眼肉、桂圓等材料，所以湯底好清甜😋食米線最緊要係夠熱‼️食完馬祖個人又熱到出曬汁😂碗米線認真夠曬熱，怪唔得冷氣都要開大啲啦😆建議食普通雞比醉雞好，但整體感覺幾好會再食🤤中環、荃灣、天后、元朗都有分店，大家可以搵間就腳既試下喇

大熱天係同媽咪行灣仔搵食咁啱見到「養生湯」有興趣試下。嗌左2個餐1、藥膳養生湯白菜肉餃米線2、藥膳養生湯農場雞米線其實平時媽咪唔鐘意出面勁多味精嘅嘢食但係依個藥膳湯底就好啱佢口味。湯底藥膳味容易入口而且十分之足料，紅棗、杞子、雲耳配料加上大大把芫茜😍風味十足～ 雖然湯底較多油，我都一樣成大碗養生湯都差唔多飲晒👏🏻白菜肉餃十分高質🥟可能因為另有售火鍋料、餃子質感口味不錯農場雞雖然好大塊、但味道有待改善🐓煮得有啲老整體來講、養生湯底好味、感覺係無加味精同埋用料十足～

平時去開深水埗食冇味精砂鍋雞麵，非常好食$68. 估唔到係登龍街都可以搵到$68左右嘅冇味精雞湯麵。本人點左藥膳雞米線$6x 感覺上都真係冇味精頭幾啖湯好甜好香。好滿意佢冇味精嘅湯底但係食耐左之後就會發現其實湯底偏甜，不過可能因為係佢哋紅棗放太多相對來講係好事嚟嘅我自己就想佢冇咁甜囉，因為始終雞都係鹹少少好。雞肉尚算彈牙皮都滑滑地，只不過骨頭比較多。總括來講登龍街60幾蚊食個晚餐非常超值而且裝修唔錯俾人有種舒服嘅感覺。經過的話，係會間唔中食下的，因為佢冇味精的關係，我係會回頭的

看見網上評論好，所以嘗試食吓，但結果非常失望，甚至可以講食物質素差得嚇人。首先是所謂醉雞米粉，醉雞的酒多得過分，酒精之濃是令人難以入口，甚至有苦到想吐出來的感覺，從未食過醉雞可以係苦，由此反映廚房的廚藝真係非常差。另外其他配料包括紅棗，紀子，完全無味，真係差得緊要。跟住另一碗係台灣牛肉手工麵，牛肉份量是足的，但令人可怕的地方是全個湯面都是牛肉煮出來的牛油。用羹把牛油分隔，用了4 、5分鐘隔油都仲係非常油，個人覺得廚師完全在煮食過程中無放心機，其實花啲時間把牛油分隔，食客的體驗已經會好咗好多。最後叫了小食鹽酥墨魚卷，$30六小粒，魚肉小得可憐，真係不食也不是損失，已碼我叫了就非常後悔。總結來說，我情願你賣貴啲，用多啲心機煮好啲食物，好過你平少少，但賣啲完全無用心煮嘅食物出嚟。

突然好想食米線，但又唔想食酸辣嗰種，上網睇下銅鑼灣有咩米線好食，見到有呢間馬祖即刻想去食下，因為之前喺荃灣食過，覺得好好味，湯好濃好好飲。今次同朋友兩個去食，點左兩個一人商務套餐，有小食，主菜同飲品，大約100蚊，都抵呀，因為我記得呢間嘅米線份量都唔少架！蟲草花藥膳農場雞米線配料都唔少架，雞件都滑嘅，不過今次個湯冇上次咁濃，米線偏淋少少，整體算不錯，如果可濃味少少就更好喇藥膳麻油雞米線朋友話個湯麻油味不夠，米線都係偏淋啦貢丸好香冬菇味，係比較實在嘅貢丸鹽酥墨魚春卷好彈牙只係油左少少，食前可印走少少油先食

公眾假期晚上8點，店完全坐不滿，但看見Openrice食評不錯，本想去試試，根據衛生署條例，我們自動自己打算填寫衛生申報表，外面30+度，店員用手推著門不讓我們站在有冷氣的門前填寫申報表，堅持要我們在沒有沒氣的門外填寫好申報表才可以內進，完全沒有服務可言，那麼我們只好毫不猶豫離開了，就算食評幾好，沒有common sense的員工，怎樣叫人客內進呢？

平時食開中環個間，今日黎到銅鑼灣都幫襯下，第一次堂食，lunch time 黎到好彩早少少到，如果唔係要排隊。今日叫左個麻油雞米線，5-10分鐘已經上菜，有個細心位係服務員會俾多一個碗，用黎裝食完既雞骨，米線既麻油味唔係好出，同中環個間差唔多，個湯好清甜，飲完唔口渴，米線正常，雞都唔錯，有4舊，食完成身都好暖。呢間環境唔錯，坐得舒服，不過lunch time 人多就要搭枱，服務員態度就一般般，好明顯唔夠人做，好難先叫到人落單同收錢。

其實依間都開左一段日子 終於經過而且唔洗等 叫左個麻油雞米線配墨魚春卷 等既期間見到隔離枱滿滿一碗好似冇食過就走…. 就開始驚驚地 結果…果然係好失望 先黎食左咁奈麻油雞 從來沒見過有桂圓紅棗… 香既麻油味伴隨甜既味道 係有幾香既酒味…. 敗在一個字「甜」 斬雞既技巧完全係零 啲骨L字形 咬一邊另一邊會有尖骨插嘴 自問自己係屋企斬雞都好過佢…. 如果廚房咁冇技巧不如改用雞髀🍗好過 再黎雞肉既雪藏味完全冇清好 睇落去大大舊肉 夾起便知龍與鳳….. 唯一讚既可能係入鄉隨俗配米線 個墨魚春卷完全冇墨魚既彈性 我食餘一條先記得影 但如果單點$30都係一樣大小咁3條 好似過分貴

要快食Dinner, 見到唔使排隊就入去, 野食上得都快同好味！但服務態度有待改善!藥膳養生湯墨魚春卷拼白菜豬肉餃米線藥膳湯好濃好入味, 紅棗味好出, 同埋唔似味精, 最少我食完唔覺得口渴😊米線的口感同軟硬度適中, 每一啖我都連埋湯一齊食, 份量大, 湯都好多!見到有自家製的辣椒油, 自己後加左落米線到, 味道係幾特別, 唔似平時的辣油味, 唔會即刻辣出黎, 係慢慢嘗到.墨魚春卷有墨魚粒粒, 真材料, Good!!鹽酥台灣澎湖特A級花枝丸(鹽酥味出,但唔會好鹹 剛炸起, 熱熱地, 要攤一攤先, 好有係台灣街頭小食feel, 好彈牙, 墨魚粒粒係入面, 好味!朋友食左藥膳農場醉雞米線湯好濃醉雞味, 米線的都係口感同軟硬度適中, 比起普通藥膳養生湯多左一份酒香味😊個碗好大, 見到會好開心, 好彩Share食都食得哂, full住咁走!

今日去銅鑼灣試吓馬祖嘅養生湯麵見到外面貼咗張一人商務套餐，咁就試試佢，外賣返屋企食個套餐有小食，有主食，有嘢飲，價錢都係$100左右小食嗌左鹽酥台灣澎湖特A級花枝丸，味道一流，鹽酥味濃烈，爽口彈牙主食就嗌左香辣藥膳牛肉湯米線外賣時佢會將湯同麵分開裝，避免米線浸得太耐發脹，做得幾好湯底色澤偏黑，相信應該用好多藥材熬製，藥膳味唔係太重，但可以接受，牛腩同蘿蔔出色牛腩炆得夠林同蘿蔔好入味，我揀咗中辣，唔算太辣飲品我揀咗熱既蜂蜜茉莉花茶，味道不過不失，會有少少偏甜

🍽 #馬祖台灣養生湯麵館 #HooLunJeng銅鑼灣燈籠街好多新既餐廳，小編第二次食呢間餐廳，第一次因為疫情期間，所以要買外賣，今次排左15分鐘左右就入到去食。小編今天同朋友試左兩個一人商務套餐☝🏻鹽酥墨魚卷 3條蟲草花藥膳農場雞米線 $97柑桔檸檬特飲 +$2——-🍜——鹽酥台灣澎湖特A級花枝丸 3粒 +$5藥膳農場醉雞米線 $97愛文芒果茉莉花茶 +$2小編好少食藥膳類餐廳，其實間中食下都無妨，湯底會滿滿藥膳味(紅棗、杞子、蟲草花⋯)，食左之後突然間都覺得好養生，個麵好入味，雞就一般般，但有肉的，唔會似出面有啲餐廳雞件可能係骨多，墨魚卷要$10條，味道是可以但偏貴，花枝丸可以，但都偏貴，飲品味道正常。

難得同朋友去食lunch，就揀咗呢間試試佢，點知食到一肚氣，叫咗兩個商務餐，有小食同埋嘢飲，為返都要百幾蚊一個餐，嘢飲先到，一放低我哋問佢邊杯打邊杯，四眼長頭髮男侍應求其指一杯同我哋講就算，結果人哋飲咗我個杯，我飲咗人哋個杯，之後朋友食食吓放低筷子想攞張紙巾，四眼長頭髮男侍應立即走來收我哋碗野走，杯嘢飲都未飲完就有個長頭髮紮馬尾嘅女收銀員走埋嚟同我哋講好多人等位叫我哋走，明白食飯係繁忙時間，但都俾人飲埋杯嘢先啦，味道又一般，以後以後以後都唔會再食

可能開始年紀大，人變得愈來來養生，最近迷上了吃藥膳湯麵🍜。來到放飯時間，就帶同事來到附近的🇹🇼台式藥膳餐廳，甫到步，已經要排隊了。等了大約十分鐘，終於都可以進店了。值得一讚的是，餐廳會提供信封給客人盛口罩😷。我和同事都選了麻油雞🐔米線，等了5至10分鐘，一碗熱辣辣的米線就呈現在眼前😍。這碗米線相當足料，有紅棗、雲耳、杞子、龍眼肉，全部都是養生的食材。麻油雞超香麻油味，而且雞的份量也很多，再加上不少的米線份量，吃完絕對是大滿足！☺️又健康又美味的藥膳米線，難怪有這麼多人排隊了！😉