馬祖台灣養生湯麵館 (V Point)

營業中

休息中

一人商務套餐包括小食+主食+飲品，價錢吸引，味道不錯。台灣貢丸出名，應該無人不知。小食選擇了福茂貢丸，又大又圓，味道香濃也較香，爽彈無比，果然好食。主食是特A級花枝丸拼白菜豬肉餃米缐藥膳養生湯底清甜美味。入口順喉，見到有大量紅棗，雲耳，真材實料。白菜豬肉餃子餡料認真，口感一流。花枝丸跟平常食的有點不同，質感比較軟腍，味道夠濃厚。飲品楝選了愛文芒果茉莉花茶，陣陣芒果果香樸鼻，味道酸酸甜甜，醒胃醒神。

去銅鑼灣行完Donki，非常肚餓，跟朋友去登龍街覓食醫肚。 原來主打#滋補養生養顏湯底 的馬祖開到去銅鑼灣🤩😍7:30後更要排隊，好彩我地未夠7:00已經坐底😂和朋友一人點了一個🍴「一人商務套餐」，包括小食、主菜和飲品，份量大碗又好味，食完好滿足。小食🐙鹽酥墨魚春卷墨魚春卷鹽酥🍗鹵水雞翼鹵水雞翼鹵得非常入味，肉質夠嫩，非常美味。主菜🐥蟲草花藥膳農場雞米線($97)湯底配以紅棗、龍眼肉、杞子等寫成，清甜味道配以蟲草花、雲耳、農場雞。農場雞雖然唔係新鮮雞，但食落一點雪味也沒有，而且肉質嫩滑可口。米線爽滑，而且份量挺多，估唔到出街食米線都可以咁健康！🐄香辣藥膳牛肉湯手工麵($107)香辣藥膳湯底濃郁惹味，牛肉是牛肋肉條，煮得夠腍，帶有嚼口。配有白蘿蔔、芫茜等配料，令湯底更添風味。手工麵爽滑有口感，配上濃郁的藥膳牛肉湯非常匹配。配餐飲品🐝蜂蜜茉莉花茶（+$2）蜂蜜味道很好，味道像小時蜜蜂糖的味道🥭愛文芒果茉莉花茶（+$2）芒果味道酸酸甜甜，夠大杯，清新開胃。

🍜銅鑼灣人氣長龍店 馬祖台灣養生湯麵館喺銅鑼灣諗唔到食咩就會行去登龍街😆呢間養生麵館主打大大碗湯麵(大碗到我食唔哂🤭)有藥饍養生、蟲草花藥膳、黑蒜藥膳湯選擇全日一人商務套餐就包一款小食同一杯特飲🍗香辣養生湯農場雞米線$96有得揀大中小辣🌶我點嘅中辣都唔算太辣4大件雞件幾嫩滑 養生湯有好多紅棗雲耳當歸湯頭除咗藥饍味仲有陣桂圓嘅甜味唔會太咸 天然無味精嘅感覺🥩藥膳古早牛肉湯手工麵$105牛肉湯食落有點似紅燒牛肉嘅味但湯底比較清澈唔太油 有少許藥膳味牛肋肉有4大條 帶少許筋同肥燉得非常淋滑入味 相對上牛肉比雞肉更驚喜小食叫咗鹽酥墨魚春卷同鹽酥濃汁手作牛丸墨魚春卷有點似甜不辣嘅口感驚喜嘅係牛丸表面炸到乾身但入面好juicy💦配埋大大杯特飲: 無糖茉莉花茶, 柑桔檸檬特飲!!非常滿足嘅一餐 食完又唔會味精口乾😛📍馬祖台灣養生湯麵館 (V Point) (銅鑼灣)銅鑼灣登龍街18號V Point地下2號舖

女仔超啱食嘅養生湯麵～～～星期五夜晚收工 約咗朋友去睇戲 睇戲之前就嚟咗登龍街呢邊搵嘢食 之後就見到呢一間台灣嘅湯麵館好多人排隊 而且主打養生 之前我同大舊👦🏻都食過 味道唔錯 好啱我哋呢啲初熟嘅少女食😆正所謂女人唔補好易老 and you are what you eat 要靚就梗係要食得好 食得健康 同養生啦～～～排咗一陣隊之後就有得入座 店面幾大幾光猛 我地叫左一個晚餐set 包括有 藥膳古早牛肉湯手工麵 鹽酥花枝丸同一杯柑橘檸檬🍋 另外再單叫一碗蟲草花農場雞新竹米粉 同養生湯煮生菜～～～鹽酥花枝丸真心不得了 白雪雪好彈牙 而且鹽酥味惹味到不得了 藥膳古早牛肉湯手工麵亦好出色 手工麵夠彈牙 湯底濃而不膩 牛肉又入味 味道唔輸好多專門做牛肉麵嘅台灣餐廳 最後柑橘檸檬亦甜度剛好 ～～～蟲草花農場雞新竹米粉都好唔錯 之前喺中環店食嘅時候係無新竹米粉的 呢一間有新竹米粉好特別 絲絲米線好細好幼好吸味 索曬甜甜地嘅紅棗藥膳湯我哋兩個女仔食完之後 都面色紅潤喜洋洋有種自然嘅白裏透紅 👧🏻果然食得健康就係靚d 哈哈哈～～～馬祖台灣養生湯麵館 (V Point) (銅鑼灣)銅鑼灣登龍街18號V

最近好似興起一股養生潮，疫情期間大家都更加注重健康，食嘢都要搵番啲好味又補身嘅美食。依間馬祖台灣養生湯麵館好評如潮而且越開越多分店，主打藥膳養生湯，餐牌上組合多任人配搭，仲推出咗包小食飲品嘅商務套餐，喺繁忙嘅銅鑼灣鬧市區内都係個唔錯嘅選擇。聽講台灣人鍾意冬天時食麻油雞進補，依碗藥膳麻油雞新竹米粉上枱時已經聞到好重嘅麻油香，湯底有紅棗桂圓杞子雲耳好足料，見到都覺得補！藥膳湯飲落甜甜地，平衡番麻油雞濃郁嘅味道，加埋幼身嘅新竹米粉，就算份量咁多食落都冇咁滯。另外嗌咗碗香辣養生湯台灣直送澎湖特A級花枝丸拼白菜豬肉水餃米線，個名長過人果然係特別啲！依款花枝丸好彈牙仲食到粒粒花枝，口感非常正，相比起嚟白菜豬肉餃就比較普通。揀咗小辣但原來都唔可以睇少，不過辣味就蓋過咗養生湯嘅味道，可能配番牛肉會夾啲。跟餐嘅小食估唔到係最好味最驚喜嘅！鹽酥墨魚春卷同貢丸都好香口，外面嘅椒鹽調味剛剛好，墨魚春卷夠彈牙，貢丸都食到好香嘅冬菇粒，兩款都好滿意！蜂蜜茉莉花茶同黑糖冬瓜茶兩杯都偏甜，不過甜度嚟自天然嘅蜂蜜同黑糖感覺就良好啲～唯一可惜嘅係疫情關係餐枱都需要用膠板分隔開，感覺就比較逼狹，希望快啲回復正常啦！

同朋友去銅鑼灣睇戲，搵下去邊度食野好，行過見到呢間「馬祖台灣養生湯麵館」主題是養生，湯是藥材製成，感覺很適合女生補身，就這樣吸引左入去....套餐1 ～ $97鹽酥墨魚春卷炸得香口，口感像食年糕，煙煙韌韌，可口啊～藥膳桃膠農場雞新竹米粉有黑木耳、紅棗、龍眼、桃膠、雞件（3件），好足料啊。湯是濃濃的藥膳味，配上新竹米粉好好味，米粉份量好多，雞件一啲都唔鞋，桃膠份量多，食完好飽～愛文芒果茉莉花茶喝下後感到芒果味濃又香甜，淡淡的茉莉花茶滲出來，好好味😋套餐2 ～ $96藥膳上湯福茂貢丸貢丸都有藥膳味，很特別啊～藥膳麻油雞白飯上菜時已經有好香既麻油味，但湯飲落卻是濃濃的紅棗味，由於點了白飯，所以做左湯飯咁食。有黑木耳、紅棗、雞件（4件），雞件食落都有麻油味，亦都唔鞋。無糖茉莉花茶有淡淡的茉莉花及茶味，因為無糖，所以好淡。

最喜歡就係飲湯，成日到處找靚湯舖，今日我找來一直想來試的"馬祖台灣養生湯麵館"，今日特意跑銅鑼灣一趟約朋友去試試。餐廳就在登龍街的地舖十分易找，餐廳的比預期大，食客都坐得舒服又有距離。枱與枱之間都有膠板分隔，食得安心。餐廳的全日一人商務套餐（晚上六點後供應）啱曬我，有小食+主茶+飲品。看看旁邊的份量都十分大，不過大食的我應該可以。小食上湯白菜豬肉餃 (3隻)藥膳上湯濃汁手作牛丸 (3粒)一樣用上靚湯，白菜豬肉餃的肉餡飽滿鮮甜，好吃。手作牛丸十分彈牙，有別於一般的牛丸，牛味也特濃，一粒接住一粒停不了。主菜藥膳養生湯農場雞米線 $95轉新竹米粉朋友想食新竹米粉，更可以免費轉，配上藥膳養生湯農場雞，朋友說湯底藥膳味濃，健康養生，農場雞特嫩滑，朋友津津樂道。藥膳古早牛肉湯手工麵 $105一上桌都好有驚喜，碗十分大，滿滿的古早牛肉大大條，湯底濃郁且富藥材香，先喝一口，入口香濃而不膩；牛腩炆得軟腍入味，配菜蘿蔔好入味，手工麵夠彈牙，份量十分足，大食的我啱曬。蜂蜜茉莉花茶 (熱)柑桔檸檬特飲 +$2

今日開心星期五，打算叫個外賣回家吃～見到呢一間馬祖台灣店舖非常多人排隊餐牌價錢又不貴 就買幾碗麵回家吃藥膳養生湯台灣直送澎湖花枝丸拼白菜豬肉餃米線 $65養生湯超級足料好喝，內裏有紅棗 ，非常順口，配上彈牙花枝丸，米線又好吃藥膳古早牛肉湯配手工麵 $75非常濃郁藥材味，湯頭好喝，大大件牛肉煮得入味藥膳農場醉雞米線 $67這個湯底有濃厚醉雞味道，雞肉嫩滑，一碗大約有五六件呢間餐廳嘅湯頭係重點！價錢又唔貴，值得去試～

今日去咗銅鑼灣登龍街，時間已經差唔多六點，侍應溫馨提示仲可以叫到下午茶。馬祖係一間台灣料理，主打係藥膳湯面。叫咗兩款，一款係藥膳雞米線，令一款係藥膳醉雞米線。侍應上菜嘅時候兩碗面賣相都幾吸引，大碗好似個湯好濃郁咁。但其實藥膳味道比較淡口，我覺得藥膳醉雞就比較出色。藥膳雞米線：藥膳醉雞米線：我另外加咗$10轉左新竹米粉，新竹米粉係更掛湯，就咁食啲米粉已經食到醉雞湯味。另外仲加咗以下嘅小食：上湯時蔬整體黎講都幾抵食。

鹽酥濃汁手作牛丸上碟新鮮熱辣，牛丸多肉汁， 淮鹽絕對唔手軟🤤鹽酥台灣澎湖特A級花枝丸 +💲5超級彈牙， 好有墨魚味， 外面仲有少少脆皮😋藥膳養生湯墨魚春捲拼白菜豬肉餃米線 💲95/set香農藥膳湯底, 紅棗令到湯底清甜, 配合芫茜杞子, 飲到一啖都無淨😂。 春捲彈牙重味， 豬肉餃多汁皮薄藥膳養生湯台灣直送特A級花之丸拼白菜豬肉餃米線 💲95/set米線彈牙有咬口， 份量都好多。 清湯花之丸比 鹽酥別有一番味道， 值得試曬兩樣柑桔檸檬特飲好白柑桔味，配上鮮檸檬， 冇叫到少甜但都唔會太甜👍🏼

成日出街食飯都想食得健康啲，今日就嚟到銅鑼灣V Point嘅馬祖台灣養生湯麵館。藥膳養生湯農場雞轉新竹米粉$95湯底十分豐富，有杞子、紅棗、桂圓等藥材，味道清甜滋潤，雞肉肉質滑一滑，新竹米粉夠幼細又有彈性，一啖米粉一啖湯，滋味無窮。藥膳古早牛肉湯米線$107牛腩、筋、肉、脂肪比例很好，牛味香濃，肉間脂肪溶入湯中，越食越美味。鹽酥墨魚春卷、鹽酥台中福茂貢丸 兩款小食香酥惹味，有台灣夜市風味。柑桔檸檬特飲、愛文芒果茉莉花茶

同🐨去登龍街穩食😋見到馬祖台灣養生湯麵館都幾多人排隊我地就去試下先😎都唔洗等好耐就入到去啦😎我地每人嗌左個一人商務套餐套餐分別有一個小食 主菜 同飲品主菜份量頗大份 小妹都食唔哂🙈.主菜蟲草花藥膳農場雞米線小妹見到蟲草花嘅食物係完全抵抗好😂加埋用藥膳湯底 好重藥材味又滋補 夠哂養生😎另外農場雞雞肉係雞脾肉 好嫩滑🐔香辣養生湯墨魚春卷拼白菜豬肉餃米線🐨好多餸都好想食🙈 雙拼餸嘅米線 絕對啱哂佢😂除咗米線大份之外配料嘅份量都好多個墨魚春卷仲好香好爽墨魚味夠❤️仲好有咬口💛正小食鹽酥濃汁手作牛丸炸完嘅牛丸 食落完全唔乾咬落去仲有汁爆出嚟味道仲好香好好味🥰鹵水雞翼肉質剛好❤️滑嫩鹵水仲整得好入味好想不停咁食🤤.飲品蜂蜜苿莉花茶🐝柑桔檸檬特飲🍋好適合而家嘅天氣飲 好開胃 解渴一流而且仲好大杯🥰

好耐冇出過銅鑼灣食好嘢，呢排度度啲食肆都多返好多人！咁放工7點幾黎到朋友介紹嘅呢間馬祖都唔例外，要等2-3枱，但turnover 好快等左唔洗十分鐘都有得入👍🏻特別一贊呢度上菜極快，絕唔會等到肚餓咁🤣咁聽聞呢度既藥饍湯底就好出名嘅，今次一試果然係超正👍🏻我就叫左個商務套餐，包一小食、一主食湯麵加埋飲品都唔洗一百蚊，都算好抵食啦😆我就叫左醉雞藥饍湯底，一飲落去有超香濃既黃酒味加藥饍香氣，好補嘅feel😆試埋個frd既冇酒版一樣咁正咁香😋😋啲雞全部雞髀同雞翼位又多，食到勁飽🤣

一啲都唔誇張，係食過幾次試咗唔同湯底之後，終於忍唔住要寫返篇食評讚嘆一下😌雖然馬祖已經有好幾間分店，不過銅鑼灣登龍街V Point分店算係最新，起初試佢嘅原因係見佢座位闊落樓底高，喺銅鑼灣要搵個舒服唔使同人迫嘅地方食飯一啲都唔容易，而且佢哋一人餐嘅份量同價錢相當實惠，就抱住一試無防嘅心態👍🏻點知一試就愛上😍，一人套餐包括一個小食同餐飲，湯麵嘅份量相當滿足😍多到我次次都食唔晒完整一碗😩《藥膳古早牛肉湯手工麵》係試左幾款入面最喜歡嘅❣️由於加左紅棗、紀子等食材，所以湯底會較一般牛肉湯清甜，而且好足料感覺好養生😂只係少不免有啲油膩；牛肋肉大概有五至六大舊，肉質細嫩，索埋啲湯好有鮮味，食晒啲肉同蘿蔔都飽左一半；手工麵麵身較厚，亦好有咬口！✨✨✨至於湯底最香甜可口就非《藥膳上湯》莫屬，係小食入面就可以選擇以《藥膳上湯》做湯底嘅花枝丸、牛丸、水餃等等，真係可以成碗湯都飲埋！花枝丸係來自台灣澎湖，內裡好多花枝粒，好彈牙！😋😋😋另外亦試過《藥膳桃膠農場雞》同《藥膳農場醉雞》，兩者湯底大同小異，醉雞湯酒味集中係湯底，都幾突出，雞肉反而較清淡👍🏻

馬祖藥膳湯底不嬲出名，亦都食過幾次，食極都唔厭！知道最近係銅鑼灣插旗，近排又秋風起，即刻放工去朝下聖打下卡。之前試過藥膳桃膠、藥膳牛肉，今次就試一試黑蒜藥膳❤️我揀左個全日一人商務套餐-黑蒜藥膳農場雞白飯🐔配上湯浸時蔬🥬無糖苿莉花茶湯底方面 黑蒜同藥膳味道調得好平均，唔會大家都沒有搶過大家風頭，湯底雖濃郁足料，木耳、紅棗、桂圓、杞子都在湯內，雞鋪滿晒白飯上面，仲有隻雞脾👍🏻雞肉依舊嫩滑，時蔬都係用藥膳雞湯底，無糖飲品一直係健康人士的選擇，苿莉花茶味道香濃而不澀口👍🏻健康滋補又滿足的晚餐💕