馬祖台灣養生湯麵館 (和安里)

營業中

休息中

我平時食落米線都係揀辣，揀牛腩湯底多🌶真係比較少會食一啲對健康有關嘅米線湯底，所以今日就嚟到《馬祖台灣養生湯麵館》試下味道😋我自己本身好幾中意飲湯，特別係藥材湯，平時生活繁忙更加無時間去煲啦🙈鍾意養顏保健嘅朋友記得唔好錯過啦😉 🎈第一味我覺得係必食之選！ 🌟黑蒜藥膳農場雞米線🍜湯底落足料，一眼就睇到哂各種藥材而且個湯底係非常之濃嘅藥材味呀😍配埋嫩滑既雞加埋紅棗同杞子真係絕配😋每飲一啖湯都覺得暖胃又甘香，最重要係唔油膩呀🎈第二味係鹵水雞翼經過長時間浸鹵水，所以超級夠味！而且雞肉一牙即開，好食雞翼迷一定唔可以錯過😁👍🏻仲要有5隻咁多啊😛🎈第三味再黎就係上湯白菜豬肉餃😉餃皮厚度適中，餡肉同菜份量都豐富如果唔想食麵咁飽的話可以只係嗌餃子就可以清清地亦都係健康之選😸👀上湯浸時蔬呢一味既湯底係好濃藥材味，我個人覺得比較濃左啲同鹹左少少如果係超鍾意好重既藥材味既朋友就岩哂喇🙈想純粹品嚐一下個藥材湯嘅話呢個係一個好好嘅選擇❤飲品方面俾我好大驚喜係因為有充滿道地風味嘅薑母茶，呢個天氣飲就更加可以驅寒呀☺哈哈愛飲茶人士既話，我會大力推介桂花烏龍茶😛淡淡的桂花香味再配埋清茶好解渴絕對係女士至愛😻聽老闆講仲要

之前都有講過中環食lunch或者OT食過快dinner嘅選擇不多，價錢公道嘅更少今日行下行下又揾到一間--馬祖台灣養生湯麵館。門面以可愛的藍白同木質作基底，有股濃濃嘅墾丁氣息哈哈~台灣面我本來就幾鍾意食，貪係用白面，仲會有一定粗度又未到烏冬咁，有咬口又挂湯我就叫左藥膳古早牛肉麵，預想湯底會偏向中國傳統香料味道，藥膳、藥材咁，但估唔到牛肉味道都重，仲帶清甜既蘿蔔味，比坊間既牛肉湯底更有層次，驚艷woohoo牛肉應該係用上好軟淋既牛腱位置，肥瘦適中；面底就當然選擇手工麵(仲有米線選擇)另外，今日有少少嗜酸辣，所以額外叫左麻辣木耳，同想象一樣，辣辣酸酸，好爽口，開胃一流

收工同朋友約咗食飯，唔想諗去邊好就喺公司附近最好睇餐牌見價錢okay同食物都啱口胃就入咗去選擇唔多唔少，都okay，同基本上都係健康我叫嘅藥膳桃膠農場雞米線，超大碗！👏🏻啖湯飲落好甜，帶少少甘，但主要都係紅棗同龍眼等嘅清甜味道，好出色桃膠就爽口，吸咗湯汁同雞肉嘅甜味，唔錯雞飲啖啖肉，好抵食雞味幾香濃，少少肥，啲雞肉好滑同朋友仲另外叫咗個麻辣木耳，涼涼地嘅天氣食辣味食物好comforting少少麻，少少酸，好開胃飲品選擇亦都係比較健康嘅茶同涼茶👏🏻整體嚟講好滿意，食物夠熱，大份好好食，而且健康湯飲落無味精，好清甜，唔錯👏🏻店員做嘢都好快手，最緊要係好抵食下次ot都可以繼續嚟🙌🏻

想喺中環搵相對較平嘅野食唔容易，呢日就喺和安里搵到一間😎 份量多、性價比高，最重要係抵食得黎又好食😋 推薦下比大家～1️⃣ 蟲草花藥膳農場雞米線個湯底飲落好清，有陣淡淡嘅藥膳味，差唔多飲晒🙈 相信係驚藥膳味太大難接受嘅人嘅好選擇！米線吸晒啲湯，好入味😌😌 雞一食就知唔係平時嘅雪雞，有咬口，feel到啲雞有做開運動、好多跑動😆 2️⃣ 藥膳古早牛肉湯手工麵呢個個湯底好濃郁！手工麵真係吸晒個味，好香！而且個手工麵有煙韌👍🏻 牛腩有成6件，入味得黎都幾腍。 舊蘿蔔仲簡直係比晒成條你咁滯🙈 唔起沙，亦都夠腍～3️⃣ 上湯白菜豬肉餃唔知碗麵咁大碗，所以嗌多左個餃🙈 碗餃有成5大隻😆 個湯底都係藥膳湯黎，味道就算係喺前兩者嘅濃度中間～ 都係好香😊4️⃣ 桂花烏龍冷泡茶 & 四季春冷泡茶分別叫左2樽冷泡茶飲，都幾大枝，茶味都幾香，飲唔晒仲可以拎住走黎飲，好方便！食嘅途中有其他人嗌嘅麻油雞米線經過，個麻油味超香！ 有興趣下次食嘅時候試下☺️

在寫這個食評的時候，我已經光顧了馬祖三次了 哈哈！ 幸得友人早早去拿籌，午飯時段都要等大概十五二十分鐘才能入座呢！第一個必點的當然是蟲草花藥膳農場雞米線！一送上來就已經看到滿滿的蟲草花、紅棗、枸杞、木耳等等的材料！先喝一口湯，味道充滿藥材的香味，清甜又超好聞的！ 農場雞肉質嫩滑，而米線質地也很彈牙，一口米線一口湯真的好絕配！吃完也會覺得覺得身體滋補了一下 嘿嘿！而我之前也試過的藥膳麻油雞米線也相當不錯！ 本來以為麻油會很膩，但事實上是真的超香，而且帶點薑和米酒的味，是冬天進補的不二之選呢！ 同樣的配上嫩滑雞和彈牙米線，再喝口湯，真的好滿足！

天寒地凍，就想食啲熱辣辣嘅晚餐。朋友介紹中環有一間食藥膳米線，健康又好食，今晚又嚟試下先。餐廳環境唔算大，座位不多，不過因為早食晚飯 ，六點到達，所以人不多，坐得幾舒服。 我叫咗桃膠藥膳農村雞米線，朋友叫養生湯農場雞配飯，再配咗上湯時蔬同鹵水雞翼。先講我嘅養生湯麵，份量好大，雞件好多，雞髀位置夠嫩滑，其他雞胸位就有小小鞋。我鍾意桃膠滋補，入邊有好多紅棗，木耳，好健康。最鍾意飲個湯底，少少甜甜地嘅藥材味，不禁飲多幾口。朋友嘅養生湯農場雞個湯，就比湯麵嘅湯底濃郁少少。食完成個暖粒粒，啱曬冬天食，好適合注重養生嘅人幫襯。

最近去左馬祖食lunch，叫左個藥膳養生湯農場雞米線，我就轉左做手工麵.一擺上枱已經聞到好香嘅藥膳雞湯味，藥材味唔係好重，飲落甘甜，啱我，雞好滑好新鮮.碗麵比我想像中大好多，面又有好多，雞又好大舊，雖然最後食唔晒啲面，但係我都飲晒啲湯，因為啲湯真係好好飲.飲品我就叫左自家製桂花烏龍冷泡茶，清甜又健康，唔錯.呢個價錢係中環食到咁樣嘅質素，簡直係超值，而家冬天凍冰冰過嚟食返個藥膳雞湯就即刻暖粒粒返晒啦

天氣轉涼，放工食碗暖烘烘嘅湯麵就最好不過，今日嚟到中環嘅台灣馬祖養生麵館，餐廳提供11款養生之選，當中主菜以農場雞同牛肉為主，亦有兩款配豬肉餃。手工麵/白飯/米線今日就試咗呢款藥膳古早牛肉湯配手工麵$75 (可配手工麵/白飯/米線)。牛腩大大舊，份量相當多，食落筋、肉、脂肪比例一流，牛肉肉味突出。藥膳湯底呈通透深啡色，藥材味唔會過濃，加入紅棗雲耳，味道好之餘仲有滋補功效。手工麵吸收湯頭精華，十分入味。上湯浸時菜$22連生菜都用上養生湯底，真係連湯都想飲埋。

今日lunch係中環搵食，黎到台灣馬祖養生湯面館~ 店舖唔大但有樓上，門口都有人排隊~我地嗌左藥膳農場醉雞米線，同埋黑蒜藥膳農場雞飯，再加3隻鹵水雞翼同一支桂花烏龍冷泡茶。醉雞米都幾大碗，多湯，好夠味，雞唔算太嫰但都ok。黑蒜湯個味好濃，餸埋飯食都好食，雞同樣唔算好嫩但都唔錯。雞翼好入味！冷泡茶都ok好飲，個樽都幾靚可以留返自用~ 不過無tissue加左$3一包tempo總括而言都算唔錯，如果係中環想食藥膳湯既話都會翻食😊

中上環返工，日日外食其實感覺幾唔健康。近排同事介紹去食中環和安里藥膳養生麵，點先一試難忘，而家每星期都去一次。今次試左蟲草花藥膳湯底$67藥膳湯底有杞子，紅棗，木耳，蟲草花，濃郁鮮甜！而家天氣轉冷最岩，飲完成日暖曬。不過我本人唔太鍾意食農場雞😅雖然雞味比冰鮮雞濃，但肉質較韌。個人就鍾意冰鮮雞滑d軟d既肉質。仲叫左自家制冷泡茶$15，桂花烏龍會比四季春甜少少。但本人覺得唔係必試，因為飲湯已夠🙊另外叫左辣豬肉餃$28，呢個就普普通通。搞到相都唔記得影😂可以唔叫。總括然而，藥膳湯底是必食推介，雞可選香辣、麻油、黑蒜、醉雞或原味。除米線外更可轉飯，雞同牛腩都可一試，視乎個人喜好。

今晚嚟到和安里食晚餐，發現一間新餐廳！係台灣嚟嘅養生湯專門店🤗 平均只係65蚊就食一到碗靚湯配飲或米線 🍜.揀左個1號配飯嘅 湯底好重紅棗味 而且雞味十足 湯亦唔會好油 配飯食會似湯飯咁 都幾唔錯！🤤🤤.另一個要左黑蒜雞湯嘅，黑蒜味好足！但湯底嘅雞同藥材味亦會淡淡溢出，配米線食就更加可以飲多d湯，亦更加夾！入面有d木耳添🤤😈.小食嗌左麻辣木耳，唔算好辣，幾爽口！.冷泡四季春🍵🍵 15蚊有支原茶！超抵，茶味好重 大愛🥰🥰

想飲養生藥膳湯唔一定要去食台式火鍋先有得飲既,今次無意誤打誤撞見到一間台式麵館主打養生湯就入左去試試.藥膳桃膠農場雞米線湯底藥膳味唔會話太重而令湯底帶苦,相反有紅棗同杞子令到湯底好甜.湯底好濃郁既雞香味面上有層雞油浸住飲完唔口渴.平時桃膠係甜品店食得多,無諗過可以米線都加入去,口感少少爽韌.雞肉仲比左雞髀肉質彈牙夠滑.香辣養生湯農場雞米線養生湯飲落同藥膳湯同樣清甜帶淡淡藥材香,湯底多左條牛旁調味.雞肉滑嫩雪藏雞都做到呢個水準抵讚.平時最怕米線煮得太耐一夾就爛,呢到米線好彈牙加上湯底既雞油令米線更滑.鹵水雞翼鹵水醃得好夠入味,連雞翼內裏既肉都浸透鹵水味,味香得黎又唔會過咸.自家製四季春冷泡茶平時出街飲飲品店既冷泡茶都唔止$15,呢到$15有咁大樽都幾底仲比埋証據你睇係用真茶葉泡住.

今日遲左放lunch，就比我食到呢間係和安里火熱既湯麵店，賣點係養生無味精，啱曬我呢啲成日亂食嘢既人。呢度店面唔算大，以為又無位坐，原來樓上仲有一層，有成30個位！一坐底就揀左朋友之前推介既藥膳古早牛肉湯手工麵（$75）。等左5分鐘左右就上菜。黎到大碗到哇一聲！份量十足！啲牛肋條有三大條，條條都啖啖肉而且好入味。個湯底非常健康，要藥膳湯底富有紅棗味，養生之選啊。配菜有少少雲耳，啱曬女性補血。啲麵係呢度既手工麵，彈牙唔會粉，就算食到最後飽到出汁都忍唔住食多兩條。呢度飲品選擇都幾多，有自家制既養生茶，又有包裝飲品。作為咖啡黨，飲品當然就揀左包裝咖啡黎講算高質既雀巢Cold Brew Marble Latte($18)。入口超順滑，又唔係爆甜，咖啡味足，不得了。呢度無加一，簡直係中環養生飽肚福地！

曾吃過天后那間，那藥膳湯底台灣麵實是叫我難忘。餐廳相對較細及迫，只有數張枱左右，人多時候更加要搭枱。處於中環地區，午餐時份最多附近的上班族過來吃午飯，加上主打健康養生的主意，實是很適合一眾女士及注重健康人士。這家店的食材、湯汁及味道都是以滋補的藥材湯底製作而成的，配麵條或白飯，肉類以牛肉、農場雞件作配料；湯底或醬汁會加入棗、枸杞等。每份的份量挺大，大大的湯碗，盛載足料的材料及麵條。平日吃的台式料理通常都是台灣牛肉麵，這次就吃雞湯熬製的雞肉湯麵吧！藥膳桃膠農場雞米線：吃過桃膠材料的甜品，但當加入日常主食中，對我來說挺新鮮的體驗。雞湯真材實料，很濃郁，且帶雞油香，湯底滋潤，紅棗味最出。材料有數件大大塊的雞件連皮及骨、木耳、桃膠。粒粒桃膠口感較硬，本身沒什麼味道。米線不過不失，個人較喜歡台灣手工拉麵。另外還追加小食－上湯白菜豬肉餃。上湯亦不是馬虎的清湯，依然有紅棗、芫茜。豬肉餃皮厚，不易破掉，本身湯已經很夠味道，所以顯得餡料味道略鹹。不得不提，特別飲品的冷泡茶，一支支放滿雪櫃。其實是茶包浸泡在水中，然後放冰涼。烏龍茶帶桂花香，茶味挺濃郁。

養生的事沒有一天會停止，發現在安和里有家吃養生麵的店，再看了openrice的食評，覺得不錯就去了。上湯白菜豬肉餃($28)味道不錯。自家制桂花烏龍冷泡茶($15)，茶帶桂花香，很順口。藥膳養生湯農場雞米線($65)看樣子已經覺得養生，農場雞肉很嫩，湯頭有藥材味，加有不少紅棗、木耳、杞子，所以甜甜的，跟米線一起好好吃。自家制四季春冷泡茶($15)香辣藥膳牛肉湯米線($77)小辣都幾辣，像平時吃的台灣牛肉麵，牛肉也有不少，牛味濃郁，白蘿蔔很大塊，很甜。