馬泰

營業中

休息中

點左海南雞，蟹肉炒飯，馬拉盞椰菜苗。-海南雞飯，雞胸無味。用醬汁撈飯還好。-蟹肉炒飯（$92）得面蟹肉碎，肉鬆一般，多蟹殼，炒飯有蛋殼！-馬拉盞椰菜苗，水煮一般，菜老，汁水好像鑊燶味既顏色水性價比係零！ 才剛發覺我把馬泰/馬六攪亂了🥲

今日女朋友話想食泰國菜，就係openrice搵咗呢間馬泰，見到價錢還可以，位置又方便，咁就滿懷期待咁樣去試。去到揀咗個近門口既位坐底，每次開門啲熱風吹入嚟都好熱，然後不斷有人開門，搞到長期都好熱，每次感覺到開始有冷氣就有人開門。今日大概晚上7點去到，都有幾枱客，環境還好枱都闊落，不過侍應就講普通話為主，亦都有少量嘅大陸遊客，懷疑係大陸網紅店，本住唔嚟都嚟咗，就嗌咗幾個菜同埋飲品。串燒 72馬拉盞炒通菜68青咖哩雞扒飯 6x泰式炒金邊粉 88馬來拉茶 28班蘭椰汁冰28串燒有兩牛、兩雞、幾舊多士、沙爹醬，牛肉串唔錯幾香有少少筋，雞串唔知係唔係放太耐啲肉有少少奇怪酸味、好乾。馬拉盞炒通菜調味應該唔錯，但係咪唔知落得好多料，非常非常非常鹹，鹹到完全唔想食。青咖哩同雞扒都正常，不過感覺就係將所有嘅菜同雞放落盆，然後再落啲青咖哩汁。泰式炒金邊粉最難食，有陣非常奇怪既酸味，食左兩啖就唔想再食落去，基本上整碟都冇食過。就係呢個金邊粉難食到我第一次寫一個評語，一個負評。兩杯飲品都好飲性價比都高。差唔多食完嘅時候發現個青咖哩入面有條鐵線，不過都食完所以就算數，下次真係唔會再食。

最近餐廳做緊優惠，有龍蝦喇沙非常誇張。午市就點了一個相對輕盈啲嘅馬萊海鮮摻摻喇沙，套餐包含飲品。喇沙有大蝦，蜆肉，蟹柳，雞蛋，豆卜，魚蛋，魷魚等等材料，而且麵量十足，成碗喇沙嘅份量都頗大。雖然海鮮唔算得上係最新鮮嘅一種，但size都正常同埋成意十足。喇沙湯底亦都非常好飲，個麵亦都掛湯，食到淡淡的喇沙味道。午市套餐仲有好多其他選擇，餐廳嘅午市亦都非常多人，有其他人嗌檬粉或者海南雞飯，呢一啲餐點相對受歡迎。建議大家嚟嘅時候都可以試吓。

6人晚餐，飽到呢班蘭咖央牛油多士，好咪馬拉盞椰菜苗，好味冬蔭公，好味，有4碗，唔太辣原隻龍蝦喇沙，$88，又抵又好味，必食，手撕，多膏，一碗可以兩人食馬拉盞炒通菜，濕了小小金柚蝦沙律，一般，唔夠酸素春卷，都好食素喇沙，清清地，唔油雞喇沙，雞凍了小小，浸喇沙食凍拉菜，正宗凍拉啡，正宗班蘭椰汁冰，好飲青檸梳打，fresh熱檸柑桔水，OK都多人食㗎，冷氣差小小又收得夜，可以坐多陣，下次試肉骨茶同串燒先。

喺OpenRice意外地搵到呢間餐廳🤣～有少少驚喜到想快啲同大家分享😗！嘢食唔錯，餐廳環境都好舒服，服務又周到～大家去開真係要試吓呢啲小店😉～事不宜遲！講吓啲嘢食先🙌🏻✨元祖龍蝦喇沙大爆發🦞 $88 （原價$168 ）落單無耐好快就有嘢食👍🏻～龍蝦應該係預先整好，有啲凍～同埋有少少韌🤏🏻，但係$88有呢個質素絕對冇得頂🥹！！勁大碗，賣相又靚，啱晒打卡🤩另外細心嘅位係，個龍蝦殼🦞已經扑好晒，提供埋手套同蟹鉗俾你將隻龍蝦煎皮拆骨🤣～個喇沙湯底可以稱得上係龍蝦濃湯，越飲越想飲多幾啖😅✨泰式青咖喱厚切豬扒飯🍛 $88青咖喱椰奶味比較重，有兩大塊豬扒切件好足料😍，配料有泰國嘅茄子🍆，撈埋啲飯一齊食超正～辣辣地幾刺激，食完喇沙再食佢都仲係熱㗎🥹！！CP價：🌟🌟🌟🌟Encore機會：🔥🔥🔥🔥環境氣氛：🧸🧸🧸🧸🔖 #馬泰 (銅鑼灣)📞 23880218🔍 銅鑼灣駱克道408號地舖#k_razyfoodie #k_razyfoodie星馬泰菜推介 #hkfoodie #hkfood #香港美食 #美食推介 #吃貨日常 #真實食評分享 #銅鑼灣餐廳推介 #拍拖好去處 #相機食先 #駱克道 #馬泰 #龍蝦湯

周日午餐去，叫左個泰式粉金邊粉，上枱見到碟鮮橙色既炒粉來，伏左，除左中間插左一隻普通size 蝦之外，同一個齋粉冇分別，有三片豆腐乾條，一撮牙菜，只有酸，無其他味，跟侍應反映，88蚊碟粉粉真係交代唔到wor，我都無諗住轉，就算轉左都唔敢食，佢好好呀，成碟攞去同廚房講，之後返來一碟同之前一樣齋粉，多左6條韭菜蔥，恕下次幫襯唔到你了。老闆，希望你睇到呢個真實食評，上網睇吓什麼是Phad Thai, 廚師煮不到就抽起吧⋯⋯

今日係第一次食馬泰，天氣咁凍就想食啲熱辣辣嘅嘢，就叫咗一碗喇沙，一開始碗面有啲醬，你會好明顯見到佢另外加上去嘅，襯嗰啲醬未溶晒喺個碗入面，記得先原汁原味試咗湯先，第一啖椰漿味好夠，之後啲醬入埋個湯度，就會變成有啲微辣嘅感覺(絕大部份人都接受到)，但係椰漿味道就會被蓋過。我覺得佢嘅辣度適中，真係完全食唔到辣嘅朋友可能要喺一開始整走少少啲醬。個豬扒偏一般，下次食嘅話會試其他。比較特別係餐飲有薏米水，因為平時比較少見，食唔到辣或者食得比較健康嘅都可以嗌，我覺得佢可以幫到解辣，同埋感覺好健康😂😂。去嘅時候係平日食飯時間，一點鬆啲去可能等一兩張枱，都見到幾多人揀龍蝦嗰個喇沙，視覺上都幾震撼，可能嗰個會再出色啲🤔？有機會再幫大家試🤣🤣

聽同事推介就來一試個龍蝦laksa~ 一上枱一刻，視覺效果係幾震撼，好大一碗，成隻龍蝦係面。本來心諗，HK88，龍蝦肉應該麻麻dea，但竟然比想像中好，係爽牙，而且兩個蟹鉗好足料～碗laksa 就只有豆卜，無其他配料。整體性價比好高，如果突然想lunch time 食下龍蝦，十分推介。

下午路過，正值下午茶時間人不多就進去試下。環境算舒服，餐牌有好多選擇下午茶跟埋涷或熱飲，小食要另外加錢。我叫咗個巴東牛肉，配汁入味，可惜牛肉唔夠淋，比較難咬。我加咗蝦餅，肉地較干，似有返炸過。另加咗芒果糯米卷，芒果新鮮，糯米味淡，算合格。

今日同幾位同事食飯，嚟咗食喇沙，平時最鍾意食海南雞喇沙，但係見到成間餐廳嘅食客都食龍蝦喇沙，即刻俾大眾力量感染咗🤭當然會隨波逐流啦，我相信大家都係見到呢一張海報，所以又平又抵食一定會叫嘅。等咗一陣豐富嘅龍蝦喇沙就放到喺枱上面啊，個碗真係超大，喇沙嘅份量好似都多過平日好多呢個價錢可以食到龍蝦，所以大家就唔好期望食活龍蝦啦。經過小心翼翼同呢一隻龍蝦搏鬥，又唔會食到全身喇沙汁，終於變成一碗龍蝦肉叻沙😁食完嘅結論係，下次我都係叫返海南雞喇沙

入去見間野正正常常，坐位就怪怪的，梳化位迫到痴線，我都可以忍受。之後叫左四樣野，$88龍蝦喇沙 拼盤 碎豬肉生菜包 木瓜沙律落後三四分鐘左右，竟然係碗喇沙落枱先，麵同湯都算熱，龍蝦就 暖？常溫？唔識形容。明白特價野出品會有些出入，算我抵死叫左佢個生菜包食左第一塊，無乜特別，味道還好，再食就出事了，有隻蝸牛既？！！同我換左都無心情食啦！拼盤就。。我女友食隻雞翼，點知隻雞翼裡面生既，唔係紅少少，係得塊皮轉左色，佢就即係去廁所吐哂D野出黎。木瓜沙律是唯一一個正常，大家可以選擇出事後，服務員D態度麻麻地，都係同我換雞翼換生菜包，直指個廚房係新來既，就比我感覺係 你鐘意就回頭 唔鐘意就走，唔care顧客感受。最後張單佢免左個生菜包。我想講既係，你做餐廳的，不是大排檔是是但但。我有比錢，唔係免費，你可以繼續咁樣做生意，唔知下次會唔會有人報食環。

來到一家位於銅鑼灣的平價東南亞菜餐廳，平日中午會見到人排隊，走進餐廳，一面牆壁排滿了各種特色的罐罐瓶瓶，另一面則展示著東南亞街景和特色飲品推介，好有東南亞風情✨泰式軟殼蟹撈檬粉（$68）軟殼蟹大小適中，口感鮮嫩，檬粉分量好多，一定能夠食飽，魚露甜酸汁樽像一個魔法瓶，十分有趣，配上魚露及蘿蔔絲的酸甜更是好開胃✨凍健康薏米水（+3）口感清甜，微微帶有薏仁的香氣，能在炎炎夏日消暑解渴下次再來試龍蝦喇沙，看見旁邊桌點非常吸引

銅鑼灣&灣仔都有好多野食選擇，但冇諗過係呢兩個地區之間既一個位置，有一間臥虎藏龍既餐廳😍門口設計同茶餐廳冇乜分別，但最吸睛嘅就係佢門口寫住$88龍蝦喇沙嘅餐牌，由$168👉🏻$88，最終吸引咗我入間餐廳到試試。最重要係❌加一‼️😍。龍蝦喇沙大爆發 ($88)⭐️⭐️⭐️叫完之後大約8分鐘左右就已經送尼個湯碗好大，而個龍蝦都好大隻😍喇沙味都好夠，好香👍🏻比外面既喇沙辣少少，唔好以為隻碗好大個麵就會好大，麵既份量都只係一人份量，對我來講可能份量都少咗啲啲🤏🏼做下午茶係唔錯既選擇但主角 - 龍蝦🦞 真係好大隻，雖然佢係白烚龍蝦，但肉質好彈牙，亦可以配合埋喇沙湯一齊食，鮮味即刻有所提升😍$88 真係值得試一試 👍🏻👍🏻👍🏻👍🏻。芭堤雅炭燒豬頸肉 ($78)本身以為龍蝦喇沙係套餐，誤以為只係加$28就可以有豬頸肉食，原來佢要收正價味道正常發揮，但我略嫌豬頸肉燒得有少少太乾身。班蘭椰汁冰 ($28)⭐️⭐️都幾大杯，而且班蘭味好重👍🏻 而且班蘭涼粉有好多。泰國豆奶紫米冰 ($48) ⭐️呢個幾特色，第一次見泰國嘅豆奶，飲起嚟味道較淡，但紫米好多好多回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️消費指

樓面只有兩人，一位短髮女人和年輕妹妹，短髮女人態度尤其惡劣，竟然當面呼喝客人，一點待客之道都沒有，沒有專業可言。首先店內大量空置座位，要求客人在門口排隊，然後再慢條斯理地一對一對安排入座，營造很受歡迎的假象。大熱天時，手持飲品很正常，短髮女人竟然呼喝客人，不準外帶飲品，如果溫和地好心提醒，係OK，但態度如此惡劣，竟然沒有一點同理心。食物方面，$88 龍蝦餐 用急凍龍蝦，不新鮮，份量如下午茶份量的少，一點都不值$88，可一不可再。想親身感受態度可以有幾差，可以試試。

見呢度龍蝦喇沙好出名，隔離幾台都有嗌但本人唔好龍蝦 所以就叫咗其他嘢食椰青 ，其實間間都一樣味巴東辣醬雞肉椰漿飯上到枱椰漿飯仲係濕粒粒口感好奇怪🤔️不過好熱巴東辣醬暖暖地 雞肉係唔熱嘅🫣不過雞肉幾嫩口斑斕咖央多上到枱唔熱😞醬汁唔夠多 多士烘得唔夠熱，變到無香脆口感，呢個就蘇媽做得出色好多木瓜沙律🥗so far so good