馬六

營業中

休息中

成日係灣仔行過都見到呢間野，呢日想食喇沙於是就去左呢間食，12:15去到未算多人，過多10-15分鐘門口都開始要排隊了。lunch menu款式都幾多，基本上主要特色食物都有得叫，有D餐仲可以一次過食到飯同麵價錢以灣仔區來說中等馬六無骨海南雞飯拼新加坡喇沙 $82特登揀叫呢個餐因為第一次食呢間野，想試多D佢唔同既野，於是叫左呢個又試到海南雞又試到喇沙麵。喇沙麵算係迷你，所以其實都唔會食唔晒。海南雞幾滑，有幾款汁比你點，都唔錯飯係油飯，配海南雞岩晒喇沙麵湯底幾濃，好濃喇沙味，但唔會好似某D喇沙咁好勁花生/花生醬味，少辣個喇沙麵都有隻蝦同蛋麵底係摻摻，好食再試埋馬來手工拉茶，幾香總結食物唔錯，份量夠，味道唔錯，不過價錢略貴，但以喇沙店來說都差不多

今次直入正題，總結來講，失望的肉骨茶湯米粉，米粉碗及咖啡杯留有其他食物渣滓，不衛生，直接負評。開始細分各項：肉骨茶湯米粉（＄６２，跟熱白咖啡）：有枸杞、豆卜、腐皮、冬菇粒、肉扒、蒜頭粒。食材上無什麼問題，但是蒜頭粒……是原粒無處理，帶皮的蒜頭，根部還帶有青綠色。我不清楚這是什麼的配搭方法，但首先令我覺得對此蒜頭感到不安。除了煲湯外，我從未見過有熱食會放入原粒無處理的蒜頭粒。整體味道上是比較清的中藥湯味，肉扒味道尚算正常，尚算嫩口。另外有一大問題出現，我在米粉湯底找到兩條短的油麵……熱白咖啡（＄０，跟餐）：偏奶茶味道，可接受。但是又有一大問題出現，我在咖啡杯底找到一粒檸檬核……班蘭咖央多士（＄１８，跟餐加配）：在旺角某娘惹餐廳吃過後，我希望在別的餐廳能再吃，好讓我有比較。這份多士的班蘭醬很淡色，但是班蘭味道顯得很清幽，其實不錯，可以再加添多少少就十分好味；多士烤得脆口；牛油再平均分佈多點就更好。今餐唯一不失望的只有小吃，可惜上面提及的地方並不能接受，放上負評希望店方改善

今次走返去港島區 。灣仔。十年難得一次會到嘅地方灣仔，偶然途經見到呢間店。馬六。係內街，真係唔多起眼嘅位置！就係因為佢唔起眼嘅關係我就走左入去試，好彩有人去食咋，超好食呀！連飲品都好正架！。新加坡喇沙摻摻。 呢碗喇沙面好食到呢，雖然海鮮一定係冰鮮嘢，但都女重料好多架(不過不失啦) ，重點係個湯底，非常香濃，杰身架，岀面好多時食都好水，呢間唔一樣，好差唔多飲曬呀，面質都相當彈牙，正！。檳城老鼠粉。 炒得夠乾身夠入味，加埋啲配料，花生，魚乾仔，蛋粒，非常夾！。柚子沙律。雖然係小吃，但都非常有誠意架，柚子係甜新鮮，唔似岀面好多都又苦又乾！。蝦春卷。 夠脆口，普普通通啦🤪。白咖啡。 好好味，咖啡愛好者(普通)，應該會鐘意呢個味！。桔仔檸檬茶。 味道特別，桔仔味非常香！都係果句啦，有機會經過不妨試下，有意外驚喜架！

講起星馬嘢，大家好自然會諗起海南雞飯、喇沙同埋肉骨茶，不過今次介紹返呢間星馬茶餐廳「馬六」嘅「巴東雞肉配米飯」。呢個飯嘅雞肉同出面有啲唔同，佢地係用咗雞扒嚟整，無骨，口感嫩；而個汁就係用咗牛湯嚟烹調嘅，所以食落去都會濃味啲，有啲似咖喱，有少少辣，食落感覺唔錯，個人感覺整得出色；但飯方面水份就比較多，麻麻哋個口感。而飲品方面，就叫咗「凍拉茶」，味道偏淡無茶味。大家有機會嚟呢間茶餐廳嘅時候，不妨試下人佢哋嘅打主，可能會有另一番感覺。

係灣仔區想食馬拉嘢，選擇唔多，平日lunch成日都大排長龍，夜晚會好啲，夜晚就小人啲嘅。試咗呢間餐廳幾款嘢食，無論價錢、食物味道、都同價錢成正比。但係食過幾次後，佢哋嘅服務質素開始下降左，如果可以維持返之前嘅水準，咁就會吸引多啲人返嚟幫襯🙄今次推介：- 檳城傳統老鼠粉 - 好香口，成個煲上，超級熱辣辣，好夠味，配料極多，起初以為會唔夠飽，完全諗多咗。- 新加坡喇沙摻摻 -個湯喇沙味、係d料少咗啲，值得讚隻蛋，蛋係流心㗎- 沙巴燒雞古法秘醬伴摻摻- 好大隻雞髀，大過我手掌，雞髀好入味，仲有啲魚仔啊配菜啊撈埋嚟食，勁好送飯👍🏻- 鹹蛋魚皮如果夜晚嚟，可以食套餐，套餐可以揀魚皮，仲有嘢飲，咁就一定飽啦。

呢間位於灣仔巴路士街嘅餐廳叫馬六，是食馬來西亞食品，今日第一次來，當然要叫餐牌上有👍🏻嘅食物啦，我叫左無骨海南雞飯，來到賣相好好，味道都唔錯，一向唔多鐘意食飯嘅，竟然食哂成碗飯，個飯可以跟一杯飲品，我要左檸檬茶，非常好飲，因為除左有檸檬，重有柑桔，正。朋友叫左巴東牛肉飯，賣相都唔錯。餐廳不算太大，環境乾淨、企理，侍應服務態度很好，不過如果人多去食午，最好早一d去取位，可能價錢不算貴，去午餐嘅人流也很多。午餐也有很多食物選擇👍🏻柑桔檸檬茶😋無骨海南雞飯，正😋巴東牛肉飯👍🏻

最近幾個月都冇食過馬來亞或者新加玻菜了, 皆本人食開幾間同類型餐廳都挨不住疫情嘅洗禮, 都關門大吉了, 所以都心癮起想食下馬拉或者新加玻菜, 灣仔咁岩有間位置幾好, 響灣仔嘅中心點, 座位闊落, 衛生環境良好, 員工都貼心提供紙袋同搓手液比客人, 本身整體硬件都好唔錯..........咁呢間餐廳星期一至五都有lunch set, 呢份係新排板, 內容其實同舊版一樣, 所以都唔洗擔心有什麼新野或者冇左什麼舊野, 咁本人就叫左巴東牛肉飯(多飯)再配上一杯凍拉茶呢杯就係凍拉茶, 色水好似平時香港奶茶多奶嘅色水, 而事實上呢間餐廳嘅凍拉茶係重奶味嘅, 而且感覺似落煉奶而唔係花奶, 所以甜度好高, 同埋冇咩肉桂味, 不過照相所見, 泡都冇個, 咁大家都唔洗認真係未真正嘅拉茶 (Teh tarik), 當係一杯凍嘅茶走或者會更符合本身嘅味道, 不過係好味道嘅, 好難得凍飲會有一種甜絲絲嘅感覺, 不過只係感覺唔太似拉茶呢個就係巴東牛肉飯, 伴碟嘅有鹽花生, 幾條帶少苦嘅草, 同埋乾魚仔, 首先呢個巴東牛肉飯係好好食, 因為都睇醬汁都混有大量嘅配料而且經過長時間熬製, 所以醬身溶入好多好似薯蓉咁嘅配

食物質素越來越差。他們剛剛開店時，味道還是正常。今日再次幫襯，參岩芥蘭，根本係用水灼熟，而且是過熟，軟到阿婆都食得，顏色發黑。淨係加咗一匙羹參峇醬。雞肉串燒，完全有任何焦香嘅感覺，衰過街邊。所謂胡椒肉骨茶，基本上係胡椒加鹽搭一件豬骨，又唔夠味。海南雞飯，衰過白切雞！總之不如以往，以後唔使幫襯。咁嘅價錢收168，不如搵間燒臘舖食個雞飯算數！推介菜式係，乜都唔好食。行去第二間算數！#同場加映，店員不停講粗口！

星期五晚約七點半經過，見無乜人就入去晚餐。這是第一次幫襯，點了碗喇沙及一杯椰汁冰。味道比較重啦，吃了以後比較口渴，整晚不停飲水。今次評論的，是想說一說這間店的服務。今時今日我覺得很多服務員的服務意識還是很不夠的，因為當顧客忘記在門口停低探熱時，很多服務員就是很直覺地喝止顧客停低，先進行探熱。我覺得這些都是欠缺培訓所致的。其實探熱跟落單上菜和招呼客人都是服務的一種，探熱更是服務的開始，一開始便喝止客人，又怎麼妥當呢？我進入這間餐廳時，自己有主動停低，所以沒什麼，但其他一時間忘了停低的顧客，便要被門口收銀處穿白色恤衫的那名男職員喝止了，顧客應該知道是自己不對的，但這樣被人喝止也比較難受。我覺得這個門口白色衫的男職員，應該比其他人高級一點的，因為它有安排其他人工作及負責收錢。而這個人說話，也是比較硬語氣的，他安排我入座時的感覺其實也不好，好像肚裏有一團火來跟我說話似的。另外，工作時公開講粗口不知道是否他們的老闆不介意的？我從這名穿白恤衫的男職員電話接了外賣少送食物的投訴後，便聽到他收線後說麻”𨶙”煩！我真的沒有想過，在一間門面裝修還不錯的餐廳裏，會有員工公開在餐廳內講粗口，而且他還看似是一個

呢排夜晚買外賣🥡揀咗間近近地嘅馬來西亞菜嘅餐廳🇲🇾就係馬六😍.新加坡魚片喇沙摻摻🍜摻摻即係兩溝嘅意思，亦即係油麵配米粉😯湯底椰香味好濃帶少少辣🌶再擠少少青檸汁喺個湯度🍋酸酸辣辣又有椰子嘅甜味🤤配料有白魚蛋、魚片🐟豆卜、蜆肉、溫泉蛋🥚豆卜吸晒啲湯汁😆一咬就爆汁，好過癮.參峇燒雞古法秘醬拌摻摻🐔一打開就見到巨型參峇燒雞髀😱雞髀燒到皮脆，肉嫩多汁😋秘醬味道偏甜微辣，撈埋啲麵一齊食幾好味😙.鮮椰青🥥清甜解渴☺️啱晒夏天飲馬來芝士手工拉茶🥤奶味比較重🥛茶味要後尾先飲到🧀伴隨住淡淡嘅芝士味

2020.6.15 灣仔工作, 要找美食唔難, 要找好食既美食好難。 今天找到一家馬拉食品店~馬六。進店內細看頗具心思的裝修設計, 相信出品食物也不會馬馬虎虎。細閱一下餐牌, 有著一個高價的方向🆗睇下你點解咁貴, 係咪貴得起。 order左一個本人唯一的愛好~鮮蝦Laksa!! 材料好簡單: 鮮蝦/豆卜/魚丸/蜆肉/蛋/滲滲(油麵+米粉)/芽菜/細心的青檸(唔一定有)湯底: 大廚先知咩料, 總之好味。2隻鮮蝦相信入廚房之前仲係跳既, 其他材料亦不錯。 飲到最尾一啖湯, 只有1個字~抵

今日上午去灣仔學野，上完都一，兩點，所以就順便喺呢區食埋午餐先走了。我本身鐘意食亞洲菜的，見到呢間店有喇沙食，就去試下喇🙈我黎到太概2點倒，佢已經有下午茶menu ,當然重有午餐menu 啦，不過我自己一個人，下午茶分量唔會太多又可以食多款野，所以就決定睇tea menu 㨂了。最後我叫左呢個set, 呢個係海南雞喇沙，匙羹上面係青檸，一黎到我就擠咗隻少少青檸汁喺個湯度。湯底好香，食得出有椰香味，飲完亦唔會話口渴，應該冇乜味精，好味。蛋煮得不錯，唔會話個蛋黃熟到硬哂， 亦唔係流心蛋咁d 蛋漿流出黎嗰種，食嘅時候質地仲係軟軟地， 都好食。面係有2種混合的，係米粉同油面，質地唔會過硬過林 , 粉亦都有湯汁味豆卜吸哂d 湯汁好好食，我鐘意佢會剪開d 豆卜先煮，食過有其他餐廳係就咁原舊豆卜放入去，搞到白色部分一d 味都冇。呢間剪開真係好海南雞冇骨，肉質好滑，冇骨，雞皮唔會成口油，份量亦很多手工糯米釀雞翼呢個雞翼只係加26蚊就有了，我好鐘意食雞翼，所以我就叫埋呢個小食。 好好食，食落有少少辣味，雞翼拆左骨，入面充滿糯米飯，飯又唔硬，正呢杯拉茶我叫左少甜，奶味茶味調較得很好，飲落應好滑

同個fd 做完瑜伽 一齊係附近食野咁岩遇上下午茶時間 抵食😁😁😁新加坡菜 好似係香港第一次食諗左好耐食肉骨茶定係海南雞好個fd叫我食海南雞 就聽佢話🤣公雞碗呀😍😍用呢個碗黎食野 總有另一番特色就好似食豆腐花用藍藍地色果隻碗咁雞肉真係無骨 啖啖肉雞肉滑身 嫩口 又有雞味最重要佢係舊舊雞 都有雞皮醬汁方面 我覺用中間同右邊2隻撈埋 係最夾🤣飯係油飯 夠香 絕不油膩唯一挑剔係 青瓜乾身左少少 朋友就叫左燒雞飯係原隻既大雞脾 熱辣辣 新鮮整好雞脾有醃過 所以好夠味 雞肉都好嫩口 唔會乾身另外加左2款小食 又係公雞碗岀場既時間個名叫參峇蘇東 問左職員係咩黎 就試試佢一上枱就覺得係東南亞風食落唔辣的 似係喇沙既感覺魷魚唔會煮到老 仲好爽口底下有啲豆卜 索晒啲醬汁味 正再加多個蝦春卷一上枱 好黃 咖喱既黃一咬落 脆到不得了 𥚃面包住啖啖蝦肉我覺得點醬食 好夾 仲好食左邊係白咖啡右邊係手工拉茶又係問職員咩係手工拉茶佢話係淡少少既奶茶 就試試佢隻色望落似阿華田 飲落好似珍珠奶茶😆😆😆2個人食到飽一飽 先$140 我地去既時間比較多人 啲人食完lunch未走所以坐左係風口位附近 無得調枱帶定外套穩陣如果下

在漫無目的咁搵食之際，走到這條街便想起有這間餐廳，好耐無幫襯過啦！對上一次係疫情之前，即係舊年啦！呢幾日確診個案又多返幾個，又無人陪食下，又係外賣嘅時候啦！原來佢地而家外賣有9折！又慳返啲錢啦！無骨海南雞飯其實我一向好少食飯類食品，但係焗豬扒飯同海南雞飯就會好間中食下嘅。呢間平時我食開喇沙，但係今日心血來潮想食下海南雞飯，一於唔好諗甘多，食左先至講！佢附上左薑蓉同其他兩款醬汁，我三款都落晒去點雞食，好好味！無雞嘅海南雞啖啖肉，非常好👍 我最怕海南雞煮到有時中間啲雞係生生地，但係佢一啲都無！仲好嫩滑添！再配埋佢個油飯，簡直係滿足！油飯唔太油膩，仲好香，唔會爛到一pat pat👍仲有個冬瓜湯送，呢個甘熱嘅天氣，飲啖冬瓜湯又可消暑，確實幾好，仲要幾香濃，唔係稀了了溝左水嗰種例湯。👍最後仲送熱飲，我揀左拉茶！呢間杯拉茶好好味㗎！😋 一定要試，雖然我覺得甜左啲 (平時唔落開糖)，但呢杯飲返佢原味會有另一種風味。備註：佢個喇沙都好好味，下次大家都可以考慮下

撞正Lunchtime黎到，要門口等位，諗定食乜先餐廳好貼心嘅服務，口罩袋，消毒濕紙巾食東南亞食物唔少得嘅香料喇沙摻摻（朋友叫嘅，不過佢唔鐘意食米粉，所以叫左淨油麵）傳統老鼠粉，好惹味魔鬼魚配白飯，都幾厚肉手工拉茶午餐價錢經濟啲