馬六

營業中

休息中

lunchtime去食，係出面見到佢至少有3張吉嘅二人枱，同門口嗰個職員講兩位，然後另一個職員帶位，坐低之後門口嗰個職員問我人齊未，我話另外嗰個就到，佢即刻叫我出翻去等，但明明間店係有位+我已經坐低咗+出面根本冇人等位，佢都係要叫我出去等😅大佬就算你當我一個人食，都係坐呢度㗎啦😅洗唔洗有位都趕人出去等，除咗我都冇人等😂Ok咁我行去門口嗰邊等，晏晝太陽好猛，入面又有位我咪企入面等，又即刻叫我出出面排隊😂搞到我成肚氣😡😡最不解係佢都冇人食😂仲要咁囂張係咩事😂真係趕客，以後都唔會幫襯，等睇佢執😂

今次去咗間主打正宗馬來西亞美食嘅「馬六」，餐廳裝修充滿南洋風情，牆上嘅植物壁畫同木質吊燈，一入去就好似穿越到馬六甲街頭。 先講講個咖喱雞，咖喱汁濃稠香郁，有明顯嘅椰奶香同香料味，雞肉燜得好腍滑，但同我喺吉隆坡街邊小食檔食過嘅相比，呢度嘅咖喱少咗嗰種野性嘅香料爆發感，好似含蓄咗啲。 叻沙麵真係有驚喜，湯底味道層次豐富，蝦嘅鮮甜、香料嘅辛辣同豆卜嘅軟糯完美融合，個溏心蛋都煮得好出色，蛋黃軟綿流心。比起旺角某間以叻沙聞名嘅餐廳，呢度嘅叻沙湯底更醇厚，而且配料更足。 雞肉沙嗲串就烤得剛剛好，外皮微焦，肉質嫩滑，沙嗲醬味道香濃，但份量有啲少，唔過癮。 拉茶茶味同奶味平衡得唔錯，口感絲滑，比起一般茶餐廳嘅奶茶，多咗份異國風情嘅香料香。 牛肉金針菇煲，牛肉鮮嫩，金針菇吸收晒醬汁精華，味道濃郁，但同韓國餐廳嗰種辣炒牛肉煲相比，欠缺嗰種刺激味蕾嘅辣勁。 人均百幾蚊嘅消費，性價比算可以啦。 每次食異國美食，都好似展開一場味覺旅行。呢間餐廳嘅食物，雖然唔係百分百還原馬來西亞當地味道，但都算有個七八成。佢帶畀我嘅，唔單止係味覺上嘅享受，仲有對唔同文化嘅探索。就好似喺香港呢個美食大熔爐入面，發現一塊屬於馬來西亞

新裝修完第一次食～裝修完門面光猛咗，以東南亞風路線，座位舒適寬敞～下午茶時段價錢好經濟～叫咗豬頸肉喇沙摻摻🍜湯底椰香，少少辣，好惹味！豬頸肉大概有8舊左右～配菜有豆角，豆卜，仲有半隻溏心蛋😻食完好飽肚✨跟餐✨馬拉手工拉茶（走甜）♨️☕️茶味都幾香，夠熱💯飲完暖笠笠～加分！！雖然係連鎖式餐廳，食物質素同服務都不錯❣️下午茶真係低食之選，所以會keep住幫襯～📍馬六 (灣仔)灣仔巴路士街12號地舖

同事介紹呢間食新加坡/馬拉菜嘅餐廳，12:30pm就嚟到餐廳門口，已經排長龍，差唔多1pm先有位 。繁忙時間，員工安排你坐邊就坐邊，都好合理 。🔺香葉烤雞扒喇沙摻摻雞扒好大份，烤得唔錯，外皮脆，肉質嫩滑，啖啖肉 。喇沙湯底椰香味重，甜甜地 。油麵+米粉兩溝，幾好食 。 但份量真係比想像中多，啲米粉食極都食唔晒，雞扒都食剩2舊 。好鬼飽😂🔺斑斕咖央多士多士夾住一塊牛油同少少斑斕醬，味道唔錯 ，好彩有得share食，食一舊已經好夠飽🙈整體嚟講，食物質素都ok，不過趕時間就自己衡量同預時間去食。

番工忙到無得食晏！😭 放工諗住慰勞下，點知一啲都唔療癒，我都知圖只能參考，但過分左… 如果我知情我仲會揀咩，個客無比$咩？ 咁價錢係米都參考下就得？ 作為肚餓既i人，😳 鼓起勇氣問份量真係得咁多呀？ 大大聲問廚房，然後同我講再三確認係咁… 我錯？ 我番去住面唔好？😅 食完又肚餓又灰，我都係想食正常厚度既豬頸肉啫😞

差唔多每日下午茶都要唸喺灣仔食乜嘢😂呢間呢我都嚟過幾次，平時呢食開海南雞飯，今次就食海南雞清雞湯米粉，湯底清清地幾好，配料仲有豆腐卜，豆角，溏心蛋，仲有蔥蒜更加入味！雞件好嫩滑，米粉塑晒啲湯好入味！斑斕咖央多士：呢個差唔多每次都必食，多士烘到好脆，中間夾住咖央醬和厚牛油，食落去充滿椰香同甜味飲品揀咗熱吉仔話梅水，呢個不用加錢，潤喉又好飲環境幾舒服，店員親切有禮，店員就會歡迎光臨，通常一個人不用搭枱😜

呢碗唔熱又硬身既湯米粉食完個肚仔有少少感覺！一來湯底無味又唔熱起晒油！豆卜生到乜咁，食落口同去街市買返來生食無分別！米粉無煮熟，硬到飛起仲有啲豆青味，完全無熟透難食到呢，好唔值呀！雖然話係下午茶，得個$48，但食完個身體唔係好接受到！仲嘰哩咕嚕！仲有明明叫左香茅紅茶但俾左奶茶坐既位置又有滴水

開咗咁耐,都係第一次食😆係呢排想食得健康啲,就會諗起海南雞飯☺️今次就試吓佢個無骨海南雞飯,個樣望落都幾討好,啲肉食落都唔孩,啲皮下面都冇乜肥膏☺️啲飯係我中意嘅質感,係突然有兩三啖特別淋之外,我覺得個飯幾好食,湯味道剛好不咸不淡加咗蟲草花,我又連飯一齊食,很對我胃口叫咗杯熱桂圓紅棗茶,清甜好味道,食完飯飲仍然熱呼呼😆飯腳的海南雞清湯米啲雞肉感覺上就比較孩同份量少啲🤔

如題，我仲要第二次叫，俾多次機會佢地，叫俾多啲湯同辣粉，黎到乜都無，打返去淨係話：喔，可能佢地5記得左！大佬，你餐其實唔平架，可以做好啲？百幾蚊食垃圾！真心嬲！

啲飯硬到咬唔到，食多兩啖都哽胃。紫菜湯都OK，有少少沙。雞就普普通通冇特別，醬汁偏鹹。職員服務尚可。上網search先知原來呢間舖頭有分店，唔知係咪因為啱啱開舖，所以啲飯搞成咁。

平日Lunch時間經過打算幫襯，見仲有吉位，問店員有冇檯。店員俾張飛我，我見都仲有位，問佢要等幾耐。佢勁串嘴話：「有人坐起身咪有囉」其實答唔到唔緊要，咪講一句「有位通知你/麻煩等多一陣」點解要咁嘅態度？我一直好有禮貌，佢答唔到我我都有耐心等候，亦冇再問佢/作任何催促。但隔咗幾秒佢竟然趕我出門，叫我唔好喺餐廳入面等，話：「小姐你出返去啦，你咁樣都無補於事。」如果店員禮貌請客人喺店外等嗌飛，我完全唔介意，但入面同出面都冇其他人等位，餐廳亦冇貼告示寫喺邊度等，出面仲落緊雨，係咪要咁樣趕人出去？店員個態度真係差到離晒大譜，我即刻嬲到擺低張飛就走人。以後唔會幫襯。

5:55入到去 已經即刻用電話用QR code 自己落單 5:59個戴眼鏡似係男經理即刻收走下午茶餐牌 咁我仲差一個餐未落到 （個陣啱啱6:00）同佢講 佢就勁唔耐 講話幫我哋落埋 😡服務態度唔好 好差😠😠😠

今日和家姐去吃钣，入了一間湾仔的餐室，他們主打吃海南雞飯和新加坡喇沙賣相幾正，食到喇沙超正，好有椰香味，辣味適中，味道濃郁，足料，但海南雞味道一般，白咖啡味普通，兩拼92元，贵了一點，如果下次會單叫喇沙。另外叫咗茶燻鴨飯好普通下次來，最好只吃喇沙！

今日同朋友去灣仔參加活動，大約一小時午飯時間，就入黎呢間馬六食個快飯。雖然係星期日，但到左午飯時間店員都會好緊張好趕咁。唔好太掩尖，侍應比咩位你就坐咩位。我地叫左四個餐，都上得幾快，不過食物就好一般，冇話特別好味非食不可。海南雞飯 $75本人就覺得大X樂50幾蚊好味過呢度好多。海南雞清湯米粉 $66可以另外叫店員比醬汁你。大蝦喇沙摻摻 $78如果想食好熱辣辣的麵，呢個應該唔啱你。咖哩豬頸肉配米飯 $75原來咁少汁，豬頸肉就算多。飲品黎講，非常推介熱桔仔話梅水，好開胃！我朋友就另外加$8叫了杯美祿哥斯拉，不過就唔係好知佢邊忽似哥斯拉喇。總結：灣仔呢區想快食就唔好太高要求～

偶爾經過灣仔，見到呢間食馬拉菜的於是入去。見到菜單有少少驚喜。大多套餐在七十幾，比快餐店略貴，但勝在都跟馬拉飲品，驚喜在於可以叫海南雞飯拼肉骨茶。雙拼最適合我呢啲貪心的香港人，都只是$92。雞飯正常，三色醬跟油飯，比快餐店的好食少少，雞應該是冰鮮，雞味濃配辣醬有啲啲腥。肉骨茶是馬拉風味的藥材味，有原條一字排，味香濃，性價比高。跟餐我叫了杯熱的桂圓紅棗茶，不會太甜(凍飲+$3，特飲+$8，正常不會太離譜)。店面較小，環境舒服，平日十二點多就開始滿座，除左收枱太快基本都十分滿意。再有機會，我一定會再幫襯。因為滿意，我覺得值得分享呢一編食評。