馬六

營業中

休息中

港島區食馬來西亞菜嘅餐廳唔多，今次去到北角試下有好多分店既馬六。差唔多兩點幾去到，已經有下午茶餐選擇。下午茶餐同午餐的餐牌差不多，只是份量較少。午餐我們選擇了海南雞喇沙摻摻，雖然海南雞份量不多，但雞肉非常嫩滑，而喇沙湯底清甜惹味。小食方面我哋叫咗一份咖央班蘭多士，多事焗到好脆，非常新鮮好味。下午茶我哋選擇了雞髀椰漿飯，估唔到下午茶份量都咁多。雞髀仲大過我隻手掌，皮脆肉滑，超水準。下午茶餐我哋叫左兩隻咖喱角，皮有點厚，味道普通。所有套餐都配有一杯熱飲，凍飲加$3 ，食馬來西亞菜當然要配返一杯凍拉茶，不過煉奶味唔夠重，有點遜色。

來到炮台山約朋友食下午茶，來到馬六呢間新加坡餐廳，真係好味夾超抵食啊。我們兩個人點了好多野食啊，有新加坡喇沙摻摻，蘇東柚子沙拉，娘惹椰絲班蘭糕，凍鮮柚子沙冰，榴蓮味道南洋咖央多士，馬拉盞通菜，凍古仔露椰青沙冰，埋單都唔洗$200，而且食物質素好好。我就好鍾意個喇沙摻摻，啦沙味道好正宗，而個多士也是至愛，剛剛出爐的多士好香脆，班蘭糕也是一個好好的甜品，口感夠煙韌，馬拉盞通菜也炒得好夠味。野飲方面也是抵飲，大大杯的柚子沙冰，還有原隻椰青沙冰，好解暑解渴，抵飲抵食，下次下午茶唔洗四圍中，來返馬六就啱曬。

馬六多分店，今日試試炮台山呢間，平日lunch時間排哂隊，大大碗，份量多，試完發現真係抵食又好食。唔怪得成日經過都排哂人龍啦，奶茶嘅味好正，鍾意飲奶茶嘅都會喜愛

呢晚早咗收工，諗起之前喺新加坡食過嘅「白胡椒肉骨茶」，於是就嚟到附近嘅「馬六」，乘機回味一番。🍲肉骨茶湯肉味濃郁，排骨又入味又冧，肥瘦均勻，完全唔覺得油膩；白胡椒味辣辣哋，味道特別，我鍾意呢種味道。🥓跟餐仲有一細份爽脆油炸鬼，配肉骨茶湯又幾夾喎。🥤另外，嗌咗一杯「馬來手工拉茶」，好正宗，又香又滑，唔太甜，冰量適中唔會令拉茶太淡。💁🏻‍♂️座位闊落，企理整潔；樓面醒目，態度親切。😋總括嚟講，食物同飲品正宗好味，令人回味。環境同服務良好，值得嚟試食多幾餐。

沙巴燒雞碟豆花配椰漿飯 $62一上枱嚇親小編，個燒雞好大份😱😂 碟豆花mix落椰漿飯去煮，個飯變左藍色，好靚😍 碟豆花有美容瘦身功效，食多d都ok^3^ 燒雞髀皮脆肉嫩，一d都唔會乾身！但個飯略為不足椰漿味🤧.無骨海南雞飯配白胡椒肉骨茶 $88海南雞好大份，夠嫩滑，雞皮唔肥，可以食落肚🤣 白胡椒肉骨茶對小編黎講有d辣🧐不過幾好味，又要怕辣又要飲😋.馬六📍北角電氣道264號地舖📍西灣河太安樓地下G24號舖📍西環石塘咀尼斯花園地下B舖📍灣仔巴路士街12號地舖

炮台山．天后一向多食肆，終於開咗一間有質數嘅東南亞餐廳，以後lunch又有好野食😋一個人清清地嘆個下午茶，先來一個木瓜沙律，嘩...同價錢唔成正比，$28蚊竟然可以咁大碟😍柚子好甜，配酸酸嘅沙律汁，酸酸甜甜好醒胃👍🏻海南雞喇沙摻摻，原來係米粉+油麵，喇沙湯底好味，海南雞無骨啖啖肉，仲好滑添，成個湯底比我飲哂，辣辣地好正👍🏻加埋馬來手工拉茶，無論茶色同味道，都比平時飲開的奶茶好味，日後嘅午餐，又可以同班同事有多個好選擇了🥰

最近炮台山開咗一間新嘅新加坡店，所以趁假日過黎試下。晏晝時段嚟到呢度都要等一陣間位。鋪頭嘅環境都唔算太差，不過就迫左少少。專誠黎食新加坡菜，當然要點海南雞飯，肉骨茶同埋喇沙。新加坡喇沙摻摻 $68喇沙湯底味道唔算太濃，冇乜辣味，少左d喇沙應有嘅惹味。配菜都算多。馬六無骨海南雞飯拼白胡椒肉骨茶 $88好大份嘅set lunch，價錢亦都反映左。你到新加坡餐廳，最期待嘅就係海南雞飯，好可惜呢個海南雞飯同埋肉骨茶都令人十分失望。首先海南雞飯嘅海南雞無雞味，一咬落去就知道係雪左好耐嘅雞，油飯味道都唔夠味。個白胡椒肉骨茶更不濟，只係得胡椒味，完全無新加坡肉骨茶嘅味道。黎到嘅時候仲要打瀉咗啲搞到成個盤都係湯，感覺有啲求其。馬拉盞通菜 $26一啲馬拉盞味都無，其實都唔只無馬拉盞味，係其他味都冇。雖然係好大碟價錢都幾抵，但味道真係爭d。熱紅棗枸杞桂圓茶 (跟餐)又係無乜味熱馬來手工奶茶 (跟餐)咁多樣嘢食，唯獨係個奶茶叫做入得下口整體而言，所有野食味道偏淡，價錢中等。

星馬菜出名惹味香口，尤其是喇沙，也是我其中一款挺喜歡的國家菜式之一。不過香港好像不多地道的。之前在其他區見過這間店，才知道是主打星馬菜的餐廳。這次在附近買完餸，畢竟在北角區新開不久，順道過來吃個午餐。餐牌選擇很多，有點選擇困難了，最後點了一個很少機會吃到而賣相也很吸睛的餐。凍桔仔檸檬茶：檸檬茶就經常飲，而這個加了桔仔味道卻更不同，本以為會更加酸，但加些糖漿就剛好了。雖然桔仔細小，但檸味突出，有別於普通檸檬茶味，呷一呷有種清新的檸香。參峇燒魔鬼魚配蝶豆花椰醬飯：整條魔鬼魚扁平形，魚鰭位較厚肉。上網看過原來參峇醬是很廣泛使用的星馬辣椒醬，爆香的蝦米、辣椒碎、乾辣椒、蒜粒、紅蔥頭等等的香料混成的醬料。魔鬼魚肉跟平日常吃的魚不同，結實易撕開，沿著大大條魚骨就可以夾出整條魚肉，牙力好的人連脆口的魚骨也可以吃掉。藍紫色很美，混上椰醬的飯，帶椰汁香。一開始還以為很膩，但拌著香口的參峇醬及魚肉吃，倒是挺開胃上癮的。

今日俾我搵到一間食下午茶既份量都可以好似正餐咁豐富既餐廳! 叫左無骨海南雞飯 ($42)，雖然佢寫左輕量，但其實當正餐食都得，幾大碗下，好抵食。海南雞一定嫩滑就唔洗講啦，我都幾鍾意佢個醬汁: 黑豉油、蒜蓉及辣椒醬，我覺得黑豉油夠味杰身D，比起另外兩隻會濃味D較好味。連埋個油飯就非常夾!!叫左個馬拉盞通菜 ($26)，原來都幾辣，但好惹味，辣味、蝦味都好突出!!成碟菜都好爽口好翠綠，用料幾新鮮，份量都係好足，算幾大碟!加左($8) 叫左個鮮柚子沙冰，超好味! 真係有柚子肉，而且佢係酸酸甜甜咁，好醒胃，佢個沙冰都幾厚，但飲落又滑又細，天氣咁熱最岩飲返杯沙冰!!坐既環境都幾舒適，我見佢調味粉度有喇沙葉好想試下咩黎，但因為我叫既野冇湯，難D試到，下次再試下。

中日韓泰菜式常常吃，反而馬拉菜則較少吃。見過這間餐廳有其他分店，看看餐牌，原來是主打新加坡菜式，例如海南雞、喇沙、肉骨茶等食物。入面燈光光猛，裝潢新淨，應該是新開不久。翻開餐牌，色彩繽紛的菜式照片，對我這些不太認識馬拉菜的來說蠻有用，有照片參照一下。款款也很吸引，有飯麵小食，最後點了湯粉，有清湯也有招牌喇沙，最後揀了配上惹味咖喱的湯底。馬六咖喱麵：湯底較像喇沙味，椰汁味濃郁，而且挺辣，很開胃。特別之處為，夾雜兩款麵條，米粉及油麵。餸料豐富，魚肉、雞絲及扎肉，還有豆卜及乾蔥粒。每款特飲都加不同價錢的，亦有凍椰青的選擇。椰子水清甜，解辣且解渴，連椰肉也吃清光。

朋友推薦平靚正的馬六，北角電氣道264號地舖，餐廳是新開業，裝修簡潔明亮，點左馬六無骨海南雞飯$68，海南雞肉質嫩滑，份量頗多，好味又 超抵食，配有三種醬料：黑豉油、薑蓉及辣椒醬。海南雞喇沙摻摻$66，有雞肉、豆卜和雞蛋，油麵加米粉，湯底濃香，椰奶味足，非常好👍味，值得推介。蘇東柚子沙律$28，沙律菜🥬很新鮮，蕃茄仔、柚子清甜加醬汁，酸酸甜甜配合得宜，清新爽口。這店服務員態度親切有禮，我會再回頭食其他食品。

Lunch去左食馬六，都好多人食可能附近寫字樓&學校試左最出名既海南雞飯&肉骨茶既Lunch set, 同埋藍色飯🔶馬六無骨海南雞飯配巴生肉骨茶 $82海南雞啲肉質嫩滑，而且份量很多，食極都有！配上三種醬料：黑豉油、薑蓉及辣椒醬（我比較喜歡辣椒醬）肉骨茶好重藥材味，見到有杞子很補身，入面仲有大大嚿肉，而且好嫩滑，好好味。🔶沙巴燒雞配碟豆花椰漿飯 $62個雞脾又係好大舊，但個醃料個味我不太喜歡！個飯好得意係藍色架，而且有淡淡的椰香味！🔶南洋珈央多士斑斕味 $18麵包烘到好脆，中間仲夾左厚厚的牛油帶有淡淡的斑斕味，幾好味！以上兩個飯餐都有跟熱飲，叫左馬來手工拉茶、美祿個拉茶叫左少甜，好有馬拉味道👍🏻可以試下

新加坡喇沙摻摻（$68）- 喇沙掺掺，有蝦，魚旦，豆卜，炸魚片，油麵十米粉，夾埋個味道好香口，奶味足，值得推介。馬六咖哩麵（$42）- 有雞絲，炸魚片絲，豆卜，咖哩汁，麵係炸麵底，香口又唔會太辣。馬六無骨海南雞飯（$42）- 海南雞好靚，已經拆骨，油飯好香滑，真係好抵食。獅城蝦春卷（$16）- 春捲皮好特色, 皮薄，又長而幼，拌沙律菜及汁醬好野味。馬拉盞通菜 （$26）- 可能唔記得叫小辣好似有點辣，但好夠獲氣好食！跟餐+3 叫左兩杯飲品（手工拉茶）同（凍桔仔檸檬茶）

平日炮台山返工，每日Lunch都搵不同餐廳試試，馬六開了分店在公司附近，過了Lunch Hour仍然有人在門外等候，加上炮台山呢區無乜馬來西亞餐廳。等了1-2分鐘有位了，點了下午茶餐 馬六白胡椒肉骨茶配雞油飯，肉骨茶味道好正宗，仲有啖啖肉骨，石叻單骨雞翼 熱辣辣 好香的香茅味+ 馬來手工拉茶，味道同平日飲開的奶茶更香濃好味，今個午餐好滿足，餐廳店員的效率都好高，餐廳每張枱坐滿客人上菜都好快，不用等候太長時間。食物質數．環境衛生都好好，坐得舒適，整體都好滿意，以後午餐又多了一個好好嘅選擇。

下午時間三點幾來到這裏， 雖然唔使排隊， 不過要搭枱。點了一個下午茶的馬六加喱麵跟白咖啡凍飲， 再加多個小食咖哩雞串。 飲品最先到， 大約落單後五分鐘， 凍咖啡冇乜特別。 大約三分鐘後， 咖哩麵到， 材料有雞絲、扎肉、魚條及摻摻麵底。 雖然餐單顯示我一隻辣椒， 但係食落一啲都唔辣。 咖哩湯味道很普通， 夠熱。 食完個麵， 沙爹雞串都仲未到。 等了兩分鐘，終於出現了！ 沙爹醬已經 淋了在沙嗲串上面， 沙嗲醬味道還可以， 但係啲雞串沒有味道。結帳多謝67元， 算係一般， 因為這間店舖面積很細， 但餐牌的食物有很多款式， 都很難做到高水準質素， 所以咁嘅價錢都差唔多啦。