香馥樓

營業中

休息中

🎄今日食返個中餐飲茶🐝蜂巢炸竽角炸得好靚，外層又脆又輕又鬆，入邊就有芋頭、豬肉、蝦米🦐萵筍鮮蝦餃大大粒，熱辣辣蒸出嚟，大大嘅鮮蝦入邊有切粒嘅萵筍，颯颯聲有咬口😙😙加上大大粒嘅鮮蝦，清爽鮮甜，仲有好多汁加埋個薄嘅皮🥩即拉牛肉腸粉 腸粉拉得夠薄 夠晒軟滑入邊就有鮮甜嘅牛肉粒粒仲有啲香蔥搭配一齊💚腸粉已經切開 方便分享🥟迷你珍珠雞有兩大舊足料精緻，鮮嫩冬菇配以香滑鮮肉😙夠晒滋味 呢度環境都好闊落，坐得舒服

間唔中都鍾意食吓小菜今次就嚟咗呢間喺銅鑼灣嘅香馥樓成間酒樓以淡紫色為主好靚💜呢道嘅菜式超級豐富今次就點咗2個小菜試試先😋咕嚕鳳梨黑毛豬肉係招牌菜之一🐷🍍上枱時仲有乾冰啲煙飄出嚟😍咕嚕肉外脆內嫩🤤好耐冇食過咁高質嘅咕嚕肉🤤加上鳳梨酸酸甜甜送飯一流☺️另一道點咗椒麻安格斯牛粒🐂用煲仔上keep住熱辣辣🔥落埋椒麻油撈勻食落超香好惹味😍牛柳粒肉質嫩滑完全唔韌😙下次午市嚟試吓啲點心先😝

最近去咗「香馥樓」食晚飯，真係唔錯，餐廳環境裝潢不錯，座位舒適，非常適合一家人或者朋友聚餐👍🏻我哋叫咗佢哋嘅招牌菜——紅燒乳鴿，乳鴿皮脆肉嫩，醬汁入味，香氣撲鼻🍗✨香馥金瑤絲苗炒飯亦非常出色，米飯粒粒分明，加上金瑤絲嘅鮮甜，食落去非常豐富又唔油膩，好味！🍚💛秘製汁乾炒牛肉河，牛肉炒得剛好，鮮嫩多汁，河粉吸收咗所有醬汁，味道濃郁🥢😍「香馥樓」無論係食物質素定環境都唔錯，下次會再光顧！👍

香馥樓（銅鑼灣）地址：銅鑼灣廣場第二期6樓全層高級中菜餐廳推介😍如果想享受一餐高級中菜餐廳既體驗，建議可以黎香馥樓😋無論係兩公婆小聚定一家人黎食飯，都非常好既一個地方👍餐廳環境溫馨舒適，乾淨企理，優雅恬靜～成餐晚飯既體驗非常之好。菜式精緻味道好😊色香味俱全 花雕醉雞作為冷盤小吃，色澤誘人，肉質鮮嫩，酒香四溢！ 杏汁菜膽燉白肺湯清甜鮮美，湯底清透，食材鮮嫩，滋養潤肺，夠晒潤！而香芒蝦球大大粒，每粒都炸得很脆，口感十足經典2人晚餐杞子花雕醉雞杏汁菜膽燉白肺湯香芒脆蝦球香馥小炒皇

昨晚與家人去到香馥樓吃晚飯，這餐廳位於銅鑼灣廣場二期，交通非常便利。餐廳環境整潔雅致，座位寬敞舒適。服務員態度專業親切，細心周到，由落座到用餐，時刻留意我們的需求，展現出優質的服務水準。 我們共揀選了四道菜式。首先是杞子花雕醉雞，以上等花雕酒醃製，香氣濃郁卻不過份搶味，而且雞肉質地滑嫩。杏汁菜膽燉白肺湯湯底清甜，白肺燉至軟糯，融合杏仁的香醇，這湯品滋補養生，絕對值得推薦。之後是香芒脆蝦球，蝦球新鮮彈牙，炸粉酥脆，香芒醬汁甜酸適中，確實不錯。最後的香馥小炒皇用料豐富，蝦量充足，火候恰到好處，鑊氣十足，展現出廚師精湛的炒功。 整體來說，香馥樓在菜品質素、服務態度和用餐環境各方面都表現出色，我和家人都非常滿意。 #香馥樓#銅鑼灣駱克道463-483號銅鑼灣廣場二期6樓

我哋都好想食中餐，於是上網睇吓就見到呢間嘅評價都幾好，於是就上嚟食，結果真係幾正。呢度整體嚟講燈光都好光猛，而且座位又好舒服，感覺成間餐廳都好乾淨，估唔到呢度中餐廳都幾有聖誕氣氛，有聖誕裝飾資源，店員全部都有帶晒聖誕頭飾，勁得意。呢度嘅店員更加會幫我哋消毒餐具，勁細心！餐牌亦都有好多選擇，食物嘅質素當然都好高啦。我哋叫咗幾樣嘢都覺得好好食。一睇餐牌見到佢哋有一口蝦多士就即刻要叫，呢度揸得好酥脆，而且隻蝦都好大隻，入面嘅蝦滑亦都好爽口，成個item好有層次感。之後見到呢度有紫砂功夫燉湯，問一問店員先知原來係用紫砂茶壺嚟整嘅功夫湯，成樣嘢打卡一流，味道亦都好好，啲湯清甜可口！蜜汁厚切黑毛豬叉燒嘅擺盤亦都好靚，一上枱就會腍啲甜汁落去，每$1蜜汁叉燒都係厚切，但係完全唔會嚡，仲有啲入口即溶嘅感覺。至於方面，就叫咗個魚湯竹笙魚腐浸勝瓜，雖然看似清淡，但係魚湯夠濃郁，清清地嘅一味餸都十分之高質，竹笙份量亦都唔少，正!

帶屋企人嚟飲茶，呢到環境適合聚餐，食物質素幾高，出品穩定，幾道餸都好食，同老人家嚟食都坐得舒適。菜式係傳統中帶少少創新，所以都有驚喜。首先係功夫湯，湯料紮實，平時少飲湯嘅建議嗌返盅湯滋潤吓，真係好正叫咗招牌蝦多士，外層炸得金黃香脆，每一啖咬落都卜卜脆，內裡嘅蝦膠係啖啖實在，蝦味濃郁，唔會太鹹。再嚟係黑毛豬叉燒，呢個真係心水，叉燒肥瘦比例啱啱好，外層用蜜汁刷過，帶輕輕焦香，同炭燒嘅煙韌口感融合得剛剛好。黑毛豬肉味香，雖然價格比平時叉燒高，但係都值得一試。然後叫咗個清啲嘅魚湯魚腐勝瓜，湯底鮮甜中帶魚香，係好自然嘅鮮味，飲幾多都唔覺得heavy。魚腐吸咗滿滿湯底嘅精華，每一啖咬落滑滑嫩嫩，仲有勝瓜嘅清香提味，飲落好c服。總括嚟講，呢間餐廳嘅出品真係非常穩定，無論係前菜、主菜定湯品都感受到廚師嘅心機同用料嘅講究。

之前黎香馥樓飲茶質素好好，試埋夜晚中菜。 茶壺用小蠟燭keep 住坐熱，好細心！ 一口蝦多士一客四件，炸得金黃酥脆。方包上托起原隻蝦好挺身，蝦肉新鮮彈牙。 麵包香脆，油香不膩。紫砂功夫燉湯呢日係雪梨乾螺頭雞湯以古法紫砂壺原盅燉製，雞湯清徹，湯面零油花雪梨乾、螺頭入口鮮甜滋潤。 蜜汁厚切黑毛豬 以鐵板上檯，淋上蜜汁‘咋咋聲’ 又香又吸引🤩 真係奢華變奏！用上西班牙黑毛豬梅頭部位厚切，焦糖外層，半肥瘦，肉質爽口鮮嫩，肉味香濃。魚湯竹笙魚腐浸勝瓜奶白魚湯，勝瓜清爽，竹笙吸滿魚湯汁，好鮮味，魚腐綿滑帶口感。

最能代表到香港人精神，除左獅子山；就是飲茶！我都好喜歡飲茶🫖，一盅兩年享受那慵懶煮意的時光2024年8月正式開業的香馥樓，揉合傳統新派中菜，製作出色香味具全的菜式，點心全人手精制合現代裝潢與傳統美味於一身，務求帶給人客們耳目一新的中式好美味位置位於銅鑼灣廣場二期6樓的香馥樓，位置好易找環境超大佔地空間：全層5500呎，設有四間vip房現代感裝潢，白色主調配上淺紫色x 銀色波光粼粼枱布，感覺高雅有氣派茶位 $20/ 位透明玻璃茶壺，有小蠟燭座，保持溫度人客們都可以飲到熱騰騰的茶嘆點心而且侍應好貼心會觀察水位，及時添茶食物綠茶雪山叉燒包 $48綠意盎然洗禮下的叉燒包味道特別叉燒腸粉 $48手功布拉滑嫩腸粉包裹著半肥瘦叉燒口感柔韌滑嫩，一索入魂姬松茸鮮竹卷 $48用上珍貴姬松茸高湯浸淫鮮竹卷，更能襯托出鮮竹卷馥郁香濃，依個點心大贊椰汁紅棗糕 $48甜品叫左即叫即蒸的紅棗糕香甜軟糯，q彈滋潤大大件即制點心熱辣辣，星期日的下午亦有不少一家大小捧場客看來大家都是點心控，承讓承讓😊香馥樓 📍: 銅鑼灣駱克道463-483號銅鑼灣廣場二期6樓#香馥樓 #中菜 #銅鑼灣 #香馥樓 #銅鑼灣廣場二期 #蜜

銅鑼灣廣場二期新開不久 環境優雅舒適 無論價錢 環境 味道或服務都是中高質以上的 適合家人聚餐杞子花雕醉雞 ($128)花雕醉雞係酒樓常見小食名菜 呢個雞肉原本仲有醃過 味道更佳香芒脆蝦球 ($238)有6件咁多 蝦球炸得香又薄又脆 香馥小炒皇 ($198)又係酒樓名才之一 但比以往嘅小炒皇 呢度仲重本落埋帶子同蝦球杏汁菜膽燉白肺湯 ($108x2)呢個湯係屋企非常難煲 杏汁唔會搶左湯嘅原味 茶位 ($20/位)坐落先知原來仲有白桃烏龍、人參烏龍同法國玫瑰花茶 都係多$5 $25/位

勁耐冇去飲茶，而家新派酒樓d點心真係愈來愈多款式，賣相仲好可愛😍✨小雲雀 - 每隻小雲雀由鵪鶉蛋、鳳尾蝦同蝦滑組成，睇得出好有心思，口感夠彈牙👍🏻✨芝士小蜜蜂 - 裡面爆芝勁邪惡，啱晒芝士控嘅我🧀 ✨啤梨鹹水角 - 抵讚嘅係唔會太油膩，外皮軟糯🍐 ✨綠茶雪山叉燒包 - 雖然唔太食到綠茶味，但個包好軟熟😋✨家鄉鹹薄撐 - 比平時食開嘅多左蛋香味，同埋佢個邊邊切得好圓好工整🤗✨萵筍鮮蝦餃 - 加咗萵筍特別爽口，蝦膠又夠彈🧡✨紅米春風得意腸 - 一咬脆卜卜超正，而且幾足料🤤✨黑金流沙包 - 流沙包係我最愛，一咬真係流心🤩

在香港林立的茶楼中，香馥楼宛如一颗低调却耀眼的明珠，藏身于市井街巷间，用地道的早茶滋味，俘获了无数食客的心。踏入店内，浓郁的老港风情扑面而来，复古的红木桌椅、古朴的雕花窗棂，搭配墙上泛黄的老照片，瞬间将人拉回旧日的港式时光，烟火气与怀旧感交织，氛围感直接拉满。豉汁蒸凤爪是必点招牌，凤爪蒸得软烂入味，轻轻一抿，皮肉便从骨头上分离，浓郁的豉汁香气渗透进每一丝肌理，咸香中带着微微的甜，回味悠长。除了经典款，这里的流沙奶黄包更是一绝。掰开热气腾腾的包子，金黄的奶黄馅如流沙般倾泻而出，浓郁的咸蛋黄香与奶香完美平衡，甜而不腻，温热的口感让人幸福感爆棚。这里的 牛肉球 堪称一绝，个头饱满，肉质弹牙，猪油粒与荸荠碎的加入丰富了口感，陈皮的清香巧妙解腻，咸香回甘让人欲罢不能。 肠粉 更是必点，肠粉皮如凝脂般软糯，虾仁肠粉里的虾仁鲜嫩Q弹；牛肉肠粉的牛肉馅滑嫩多汁。搭配特制豉油，再淋上芝麻甜酱，风味十足。值得一提的是，香馥楼的服务也十分贴心。服务员穿梭于茶桌间，热情又麻利，添茶、换骨碟都十分及时，让人感受到浓浓的人情味。价格方面，人均百元左右便能畅享丰盛的早茶盛宴，性价比超高。无论是本地人周末的悠闲时光，

呢間飯店我食過幾次，出品好緻，味道又ok。今次試啲其他菜式，果然沒有令我失望。個杏汁菜膽燉白肺湯好香杏汁味，個湯好濃鬱但係唔鹹，全程用火暖住，可以慢慢飲。花雕雞肉質非常嫩滑。香芒除蝦球，脆漿做得好脆，夾埋香芒同埋沙律醬，真係好惹味。小炒王係功夫菜，魚乾仔好酥脆，加入蝦球同帶子，應該改名做海鮮小炒王，所有材料炒埋一齊有唔同質感。呢個菜我係必嗌嘅。我老公成日唔知飽，覺得唔夠想嗌多碟餸。經理幾好人，叫我哋食住先，驚我哋食唔曬。結果呢餐飽得又舒服又滿足。飯店唔係太大，人多但唔嘈，好舒服，好啱傾計。我今日八點鐘先入座，爭啲要等位，真係好多人幫襯。

銅鑼灣廣場二期嘅🌟香馥樓🌟，於今年年中開業🆕，地方新淨✨！粉紫色💜嘅設計美觀時尚，連餐具都係一樣咁靚🥰！🍍拔絲咕嚕鳳梨黑毛豬肉 $198擺盤精美，上菜時有煙霧效果！咕嚕肉有拔絲之餘，仲有少少脆皮，入面嘅豬肉軟嫩可口！鳳梨香甜爆汁！不愧為餐廳嘅十二面金牌之一！🌶️辣味口水雞 $128雞肉雞皮同樣嫩滑，辣度適中，係令人食唔停嘅口味！🍚香馥金瑤絲苗炒飯 $148炒至粒粒分明，瑤柱絲帶來少少鹹香！份量都幾多，可以分到5-6碗！

🌟 芥末墨魚仔（小食）墨魚仔鮮嫩到彈牙，配上微辣芥末醬，開胃到停唔到口！作為前菜真係無得輸～🦑🌶️ 🌟 紫砂功夫燉湯用紫砂壺燉出嚟嘅湯，湯汁濃郁得嚟又唔油膩，飲得出係落足心機！每一啖都係精華，暖胃又暖心！🍲💖 🌟 脆皮燒鵝皇（例）燒鵝皮脆肉嫩，咬落去啲肉汁爆出嚟，真係食到停唔到口！例牌份量都幾足，夠晒兩個人分享～🦆😋 🌟 欖仁鮮蟹肉粉絲煲粉絲吸晒蟹肉嘅鮮味，加上欖仁嘅香脆口感，層次感十足！蟹肉份量唔少，每一啖都係滿足！🦀🍜