香辣屋海鮮市場 (已結業)

珍妮姐提議走到屯門聚餐，什麼地方都無所謂。雖然落雨，但我地依然堅持要坐出面，空氣好、又開揚 ﹗室內感覺有點侷促又嘈吵，坐得不舒服。食店門口設置個海鮮檔供食客挑選食材，格局真係勁似泰國笆堤雅呢，真令人懷念 ﹗細看下發覺海鮮選擇不太多，眼測不太新鮮呢。有澳洲鮑魚、長腳蟹、魔鬼魚、虎蝦、大頭蝦、大眼雞、烏頭、倉魚、等等，全部都是冰鮮貨，並沒有游水活海鮮供應。參觀完個冰鮮櫃，大家坐低討論一下點什麼菜色好呢。燈光暗淡，影相真的有點難度，全部都看不清楚。還以為香辣屋係泰菜餐廳，原來越南菜都有喎。鮮椰青，室溫椰青正常過正常，清甜多水生津止渴，蠻可口的。泰式無骨雞腳，平凡中的平凡，室溫不夠冰涼，剛剛撈上泰式酸辣汁，微酸微辣完全唔入味，雞腳爽脆還可以。泰式雞肉生菜包，雞胸肉碎又乾又鞋，味淡不香不辣亦不酸，用爽嫩生菜捲住當食沙律啦。泰式糯米釀雞中翼，糯米調得太甜喇，糖味太過強烈，食落好滯。雞翼外層香脆，整體味道單調，雪蔵雞翼近乎無味道，十足十翻熱食物，不喜歡。泰式小食併盤，油膩怠爆燈，較好的只有炸蝦餅，麵包糖金黃鬆脆緊緊包著蝦膠，蝦味有得鮮味欠奉，質地食實欠爽彈。魚餅，油淋淋又腍劈劈，咸咸的散發著檸檬葉清

好耐無黎呢度，印象中佢既泰菜唔算出色，環境氣氛就非常好，坐戶外嘆下啤酒，吹下海風，一樂也!今次主打係燒烤同飲生啤，不過真係食海鮮還是三聖好，但呢度既Mac's beer好抵飲 $48，海鮮則嫌略貴，而且味道實屬一般

好耐之前响洪水橋果陣就有幫襯過, 搬咗嚟黃金海岸咁耐, 都未幫襯過, 今次趁老豆生日, 嚟呢嚟慶祝下先, 由於聽聞呢度好多人幫襯, 所以都預早咗兩星期book枱~呢度有得選擇室內同室外, 但由於我地比較怕熱, 同埋又係雨季, 都係選擇室內好d, 雖然室外好似風味好d, 而室外好似煙d, 不過都冇辦法, 唯有下次秋涼時嚟室外試下~除咗menu有的餸菜外, 門口仲有d海鮮同類任你選, 選完煮好會有人拎上枱, 當然價錢係貴少少~  菠蘿炒飯原個菠蘿上的, 唔知會唔會重用呢? 其實用菠蘿上, 除咗賣相好d之外, 仲可以裝少d, 每一間用菠蘿裝飯的, 份量都一定比用碟上的少~味道方面都唔錯, 但海鮮好似唔係好多, 都係蝦同魷魚咁上下, 但佢加咗提子乾, 而呢d提子乾唔係乾到硬果只, 係有d汁果只, 提升咗個飯d口感同味道~  串燒 - 牛比較熟咗d, 所以好有咬口, 當然最重要就係個醬, 好香好夠味, 又唔辣, 啱我~   肉碎生菜包生菜唔夠, 因為肉碎太多, 所以要額外叫多一碟去包, 肉碎都幾肥下, 而且偏辣, 唔係我口味~   馬拉盞通菜看似好重口味, 幾驚佢又鹹又辣, 好彩都剛好~

每次入黎黃金海岸, 都會在此食飯, 原因係呢間在此區價錢, 已經較為化算, 故重遊此食店 今次人多, 可以食多幾款明爐烏頭 - 太酸, 除酸味外, 鮮味麻麻 .串燒 - 雞,牛,豬 - 太差, 肉質用鬆肉粉奄得太勁, d肉質感怪怪. D 沙茶醬不夠香燒豬頸肉 - 超好味, 燒得香噴噴, 肉質爽脆, d汁酸酸辣辣, 好夾柚子沙律 - 好味, 柚子甜甜酸酸, 超開胃炸蝦餅 - 全場最好味, 蝦肉彈牙咖哩羊 - 有d so, 但咖喱汁d香料太重咖哩雞-咖喱汁d香料太重牛尾煲 - 是茄汁味, 不大喜歡, 不夠濃味炒通菜 - 疾脆菠蘿炒飯 - ok 菠蘿太少, 食落似一般炒飯印尼燒餅 - 等好耐先黎, 留番d咖哩汁點黎食, 但因太耐, d汁涷曬, 曬料 ………整體差左 

相隔兩年再一次寫食評=] 本身受媽媽影響所以非常鍾意泰菜, 而剛好最近朋友都紛紛提出想食泰菜... 之前都有試過屯門既香辣屋, 雖然未到100分好味, 但亦覺得不錯, 所以再次黎食!好!正式介紹食物... 第一樣係我最鍾意既TOM YUM KUNG=) 可能好多人都知道, TOM YUM其實係指個湯既煮法同佢獨特既味道, KUNG就係"蝦"既泰文。有部份泰國餐廳會用魚代替蝦, 咁其實就唔再係冬蔭"功"啦! 每間餐廳既冬蔭功其實都有唔同既味道, 而呢間亦ok符合我既口味...先講辣度, 稱唔上辣, 相信平時少食辣既人都可以接受; 其次係酸度, 佢既酸度非常適當, 可以刺激味覺但又唔會過酸; 香味, 比起其他餐廳, 椰子既味道相對突出, 算係呢間餐廳既特色; 最後係材料, 亦算足料, 有三隻中蝦, 尚可以啦 第二樣就係肉碎生菜包, 都係比較popular既泰莱之一。今次叫既係豬肉, 對比起頭先既冬蔭功, 唔算太辣, 但對於平時唔食辣既人黎講, 可能就未必食到。肉既味道同生菜非常合拍, 簡直係yummy yummy! 但略嫌太乾, 肉汁更多會更好味 青咖喱雞, 平時我都鍾意叫青咖喱, 因

這天到了屯門的黃金海岸玩，自助餐雖吸引，但實在太貴了，所以到了黃金海岸商場的香辣屋吃晚餐。因假日，我們未夠七點到達也只淨餘一張戶外檯，建議假日到來吃飯先訂檯。幸好餐廳也照顧週到，我們坐的戶外位置有風扇吹到的，而且臨近海邊，幾有feel的。香辣屋提供燒烤食物，客人可自選食材叫餐廳燒的。這天我們一行五人點了六道菜。乾炒泰式金邊粉 ($78)味道酸酸甜甜，幾開胃的主食。咕嚕瑪咖喱牛腩 ($96)咖喱夠香，牛腩夠林。吃咖喱當然配個烤餅吧。洋蔥茄椒烤飽 ($35)這個軟軟韌韌，配上咖喱吃很快就吃完，也幾飽肚的。清邁鐵板蠔仔蛋 ($88)這是我今餐最喜歡的菜式。有別於打冷鋪的蠔仔蛋，這不是炸的，而是用煎/炒煮成。蠔仔也有花心思去處理，吃起來感覺蠔仔不是純粹加了胡椒粉，還加了豉油，糖之類的調味料煮成，味道十足，很好吃。泰式拼盤(印尼沙嗲、炸蝦餅、炸春卷、炸魚餅) (小$138)沙嗲醬十分出色，夠濃夠香，配上肉串一流；其餘味道不過不失。焗原個菠蘿炒飯 ($92)味道一般，菠蘿炒飯不夠熱。因用菠蘿焗盤，上菜後發現有點難分飯。總括來說，用上了一人自助餐的價錢，在這裡吃個夠，這次用餐經驗是滿意的。最後，獻上

周末黃昏，到黃金海岸一遊，正在海邊漫步之際，傳來陣陣香味，趨步向前，原來是檔燒海鮮，時間剛好，正要開飯，就試試這間好像有點特色的餐廳。門口有露天位，對正海邊，如果不怕熱，我都想坐的，可惜我就是怕熱，等到秋涼的時侯,我一定要坐一次近海邊的Outdoor,現在還是坐冷氣位，而且室內都不算差，有點過時的泰式裝修，使我同行的長輩又精神起來，又可以邊食飯，邊聽“大話當年" 最緊要老人家開心門口有檔海鮮檔，但都只是冰鮮的，價錢還可以接受，我點了兩隻蝦都二百七，魔鬼魚一份大約二百，都選用炭烤，可我覺得以這種賣價,吃炭燒的海鮮,真的不划算,基本上毫無廚藝可言,只要不烤過時就可以,幸好烤出來都不錯，雖然冰鮮，但肉食都爽，烤魔鬼魚好野味,魚都是大骨,大人細路都愛吃,馬拉盞通菜，不過不失，咖哩牛腩，牛腩和暑仔都夠淋，而且入味，個咖哩幾香，配naan一流，呢度既naan好好食，值得推介,好香麥味，睇住即燒即食，食完個cheese naan,再點多個garlic naan,覺得cheese 香d,見到個師傅整naan好純熟，真係好想叫佢教兩招。三大一小埋單八百幾，覺得整體不錯，如果諗住食海鮮食飽的話，這裏應該

哩餐生日飯 2個人食點了幾味菜餐廳門口先揀左龍蝦 問佢點整好食個阿姐話燒最好食 (心諗唔係上湯加伊麵底咩？ )不過佢地應該冇咁整，就揀左燒。跟住揀左條筍殼魚 個阿姐都話燒最多人揀燒我話唔係蒸最好咩?隔離有位阿太話梗係燒啦唔係新鮮魚嘛 蒸未必好食，又揀左燒……再揀左幾隻大蜆 又話燒 ……no 啦又燒 問佢仲可以點整 個經理行過話不如星洲咖哩煮蜆 話正 就試下咖哩煮……再點左個 蟹肉魚肚羹 馬拉盞炒雜菜 (門口可以自己揀菜)同烤餅燒筍殼魚好香香茅味 肉好滑 一d都唔鞋好juicy添碳燒龍蝦好香碳燒味 啖啖肉 唔駛點醬汁都好味蟹肉魚肚羹好味 料足 不過就似食碗仔翅烤餅新鮮熱辣 叫嚟點咖哩汁食的 正 星洲咖哩煮蜆大大隻 蜆肉好鮮 一定好過燒 馬拉盞炒雜菜只係耶菜苗老左d啫 2個人$840有找可能幾樣餸2個人都覺得係好食所以都覺得抵食 無搵笨

很久沒到過黃金海岸了，上一次都是選擇了<香辣屋>，貪其環境不錯，食物選擇多，最重要是價錢不貴。今次想試試新餐廳，但奈何到處都在裝修，唯有再選擇到這裡了。糯米釀雞翼 (兩隻) $78當然除了釀了糯米外，還有花生及臘腸，炸完的雞翼吃落比較乾身，最奇怪的是雞翼裡都沒有雞肉，只得一塊雞皮包住材料。泰式蝦醬炒飯 $78炒飯除了面頭的肉鬆及蛋絲外，基本上都沒有其他材料了，裡頭還加入了薑絲，感覺奇怪，至少不合我口味，加上份量很少，而且炒得不乾身，食到底都很油。泰國椰青 $30印尼珍多冰 $28全晚最合口味，椰青夠冰凍。如果一大班人聚聚餐，又想食得經濟，這裡算是其中一個選擇，但再光顧就未必了。

燒大頭蝦, 太貴而且太少, 完全係唔抵.菠蘿炒飯, 很淡味道一般, 完全係唔得.燒豬頸肉, 同超市的無分別, 非常一般.泰式併盤, 樣樣都一丁點, 完全係唔抵.白海南雞, 幾滑不過味道很淡, 似雪肉.燒魔鬼魚, 臭臭地不過沾醬幾野味.服務就很差啦, 個個臉黑黑好熱氣個樣.

今天入住黃金海岸酒店，晚餐到了附近的香辣屋吃。青咖喱雞: 其實我從來都未寫過食評，不過這個青咖喱汁實在很好味，所以希望讚一下，不過雞真的很少，只有幾舊。馬拉盞通菜:幾大碟，味道不錯，而且好多蝦米，好味~油酥餅:配青咖喱真的一流~

近來天氣涼左，去到餐廳簡左坐戶外，可能六點幾去食，戶外無咩人，比我地自己簡位，服務態度亦可以。幾個朋友食飯談天，又有海風吹住，人又唔算多，成個感覺幾舒服，食物幾好，咖哩幾易入口，拼盤就炸左少少，不過都ok，仲貪得意係戶外即炒即燒，點了炒菜同魷魚，兩樣都幾好味，再加上椰青同啤酒，埋單每人都唔駛百五，下次應該會再黎!

那天和男友走黃金海岸想談談情談談心,到八點鐘逛逛黃金有什麼好嘢食,之後就進這裡香辣屋叫四樣食物: 薄餅 , 馬拉盞通菜 , 香辣雞 , 串燒 , 其實整體來說四樣食物都好食 , 唯獨如果薄餅加一些醬汁就更好 ....

傍晚時分, 人不算多, 選了露天座位, 涼風飄逸, 挺舒服的 (可惜有蚊子)  蒜茸炒通菜: 份量大, 味道ok,不會過咸青木瓜沙律: 對我來說太辣了, 跟出面的有點兒不同, 份量亦大小食拚盤: 我們點了一個小的,但份量卻像一個大的!               炸蝦餅熱辣辣好香口, 只嫌熱氣了一點, 幸好有泰式甜辣醬中和一下。              炸魚餅內夾了一條香茅, 香茅味突出, 沒有炸蝦餅那麼油膩, 好吃!              雞肉串燒乾身了一點, 但沙爹醬挺惹味              春卷沒有試, 友人吃了兩次, 應該不錯雞肉生菜包: 雞肉切到細碎, 混和了不知名的香料, 挺香的, 夠乾身, 份量亦大現場還有很多生的海鮮, 蔬菜 etc 。可以自選即制, 下次再去都想試試 。

像置身於船內的裝修讓人感覺寫意, 我們二人坐卡位好有安全感, 服務幾快捷。點了三樣餸:1.  炭燒豬頸肉 - 炭燒的香味放口中後飄到鼻中, 不是燒得太燶, 而肉質嫩滑, 但可以更彈牙。可惜提供的醬  味道怪怪的, 與豬頸肉格格不入。2. 泰式海鮮炒飯 - 所有配料包括蛋、蝦、青口、魷魚都很香很新鮮，配料的香味也融入了飯裏, 炒得幾均勻。3.  印尼炒貴刁 - 貴刁用了很多蒜溶同油去炒, 很均勻同香口, 但有點油。最差是豬肉塊, 很乾和很硬， 難食!!!