香湘辣妹 (已結業)

一向都知道，黃埔附近有好多食肆，但因為交通唔係咁方便，以往好少過泥，但自從地鐵通左車，這陣子呢一排就成日過泥食好野，今晚就試左呢間香湘辣妹，由地鐵站B出口行過泥唔洗十分鐘就到，非常方便。本來以為湘菜(湖南菜)和四川菜嘅野係差唔多，都係得個辣字，但Menu入面原來都好多係唔辣嘅菜式，我見到個時都覺得幾意外，不過最以為嘅係，Meun入面嘅菜式係用周杰倫嘅歌泥命名。先泥一個手抓羊排，碎碎嘅紅椒同蔥粒灑係炸得香口嘅羊排上，淨係個賣相已經令人垂涎三尺，即刻忍唔住往嘴裏送，炸得香酥可口，加上小小麻辣，雖然我怕辣，但我都忍唔住食多左，話咁快已經比我地清理左。跟住嘅係一碟辣子雞。送上泥個時全碟都係紅色好似指天椒咁嘅辣椒，先夾左一件鷄粒試試，本來以為一定會好辣，但原來不係，食落去只有微微嘅辣味，而且香口非常，好惹味，就係因為太好味啦，稍嫌鷄件嘅分量較有啲少，食食下屋企人連辣椒都唔放過，用泥撈飯食！我地都點了依到嘅另一個招牌菜酸菜魚，熱騰騰咁送上枱，香味四溢，岩岩煮熟嘅鯇魚片同酸菜嘅結合，真係無懈可擊，鯇魚片肉質滑嫩，配上微咸嘅酸菜，又可以添多碗飯。酸辣味嘅菜式試過啦，之後再上嘅乾煱鹿茸菌都令我地喜出望外

行遠少少去黃埔果邊食個靚lunch，同事想試下呢間裝修的好前衛的四川菜館，而且個名仲幾惹火: Spicy girl唔知老闆（spicy girl本人？ ） ，係咪周杰倫的忠實fans呢？menu裏面的餸菜除了有本身的菜名，仲會有一個以周杰倫的歌曲名作菜名，現場仲會播下周杰倫的歌，雖然我唔係勁鍾意聽周杰倫的歌，但我幾欣賞呢個別出心裁的主題！經理姐姐幾好招呼，同我哋講可以放心叫多幾味送，因為湘菜的份量係不會太大碟，讓人可以細味品嚐的。呢個看上去咁可愛的包包原來有個幾有詩意的名- 銀絲巻 (甜甜的)看上去好似係好素的一個白饅頭，其實食落甜甜的，又蒸得夠熱，好鬆軟，在濃味的菜式之間嚐一個銀絲卷係不錯的中和。三鮮湯真係非一般的鮮啊，用了又鮮又嫩的豬肉煮成的鮮肉湯，加上雲耳同菜苗，看似簡單的食材，但出來的味道十分之鮮美，飲完一碗又一碗！手抓羊扒，對於我來講係一種好新的食法，平時唔係食西餐的羊架或者中菜的羊肉片，呢個手抓羊扒，完全唔覺得有羊騷味，而且好酥脆，係之前食羊未食過的質感。干鍋田雞，好耐冇食過田雞肉啦，呢味田雞的田雞肉好firm，又好香口，我哋叫咗少少辣，如果送酒一流！酸菜魚, 本來對酸菜呢

有邊個唔鍾意辣妹👙香湘辣妹有唔少湘菜辣野，不過事實上辣妹欠奉啊😳科科-【手抓羊排】$148 冬天進補好啊😂都幾香啊，拎住食都幾爽㗎，不過外層略為乾身左啲😚而且只係少少辣都幾惹味，份量都唔少-【酸菜魚】$158 呢到啲份量都大，岩曬叫菜食飯😬魚質頗為滑嫩，但酸辣不足，唔算好入味😶對我呢啲嗜辣人士泥講爭啲啲-【蝦蒸蛋】$75 好滑喔，仲有新鮮蝦仔🍤無計啦有人唔食得辣要就下佢😶如果唔係其他抵啲

成日經過都好想食，今次可以食啦終於！鍾意辣既你不可錯過，辣味夠勁，老闆娘又好人😆.......仲有15。蚊現金卷！真係低食！最喜歡食魚頭！好夠味道！仲有豬肚！正呀

之前食Cafe Charms 已經發現有呢個湘菜館, 可惜大家一聽到湘菜就怕辣, 無人陪我試.今日同朋友經過睇睇餐牌, 見D 菜名幾搞笑就成功氹左佢陪我食!呢間餐廳位都唔算少, 有少少佈置.睇餐牌真係哂好多時間, 因為會好吸引你慢慢睇佢D 菜式名.全部菜名都係周杰倫既歌名, 無聊既我地會思考點解個味菜係個首歌~~搞到呢個晚上都幾歡樂~最後我地點左孜然寸骨, 香辣QQ蝦, 紅薯粉.香辣QQ蝦 - 說好的幸福呢怎麼了 你累了 我要吃QQ蝦~~呢碟個菜名我諗極都唔明, 希望有一日有人開估.呢碟簡單D黎講係重蒜蒸蝦~ 呢碟唔知點解有d媽媽煮既感覺.隻碟係異常地大, 又有少少似屋企既碟.入面有勁多粉絲, D 蝦Size已經開哂邊, 唔算好大隻, 但係肉都夠爽口~~都幾好味的, 不過味道偏咸, 鼓油輕手少少會更好~孜然寸骨 - 雙截棍因為係雙截棍, 所以都叫左2 Pair~~孜然粉都幾多, 上面有好多辣椒同葱粒~~幾惹味幾辣~蘿蔔紅薯粉 - 髮如雪呢碟叫髮如雪都明白, 因為D 紅薯粉係白色架~~~呢碟清清地, 用黎做主食真係唔錯, 而且佢幾大兜.紅薯粉都幾多~~感覺去左一間幾有趣既食店, 但如果D

今日同一位愛食辣的朋友食湘菜，到紅磡呢間湖南私房菜。門面帶點新朝菜館，可能鋪名叫Spicy girl 有關。餐牌好多食物相，唔需要估，就點了有相的特別菜色，先叫涼拌配菜，激麻辣海帶絲，菜名叫斷了的弦，有心思的菜名爽口冰涼，有不同味覺享受。再叫了涼伴木耳，餐牌寫住黑色幽默，被個名吸引了而叫的，有黑醋調味，果然爽脆開胃。有連爐上的幹鍋田雞$128，熱辣辣，田雞超彈牙，有刺激的青椒辣椒，一路有爐熱住，香氣撲鼻，食落有啲搶喉添。再叫了湘菜必選手抓羊排$148，香料味濃，惹味，羊肉有質感，帶點脆口，用手一支支咁食，名乎其實手抓住食。。最後未飽叫埋個窩窩頭$48，用脆卜卜的菜蒲及微甜梅菜釀入飽內，唔會太咸。埋單二百幾蚊，有咁多碟菜色，價錢合理呀！

去左黃埔同朋友食late late lunch ,又肚餓又到三點，行到紅磡南道附近必嘉街，見到好幾間餐廳，選了呢間門面新潮店鋪既Spicy girl ,原來裡面係食湖南私房菜，好似置身內地中高端菜館般，本Menu 好特別成本Magazine 咁，裡面好多選擇，先叫了兩碟前菜，涼拌木耳，有啲酸醋，開胃爽脆，另一碟係海帶絲，超級辣，有啲麻辣口味，好刺激，愛辣人士不妨試試。主菜叫了干鍋田雞$128，用爐上，邊食邊煮熱，惹味，田雞肉彈牙，唔算太辣，愛辣者可食埋尖椒更滿足。用心擺設，連碗碟都有店名，仲叫了手抓羊扒$148，脆香蒜蓉辣椒粒，香料醃製的羊排，羊味濃。最後叫了窩窩頭$48，中間菜蒲梅菜，放入包芯，包好軟熟。最後每人二百幾蚊，連張單都好有心機菜名隔離仲有啲語句，好有心思。

今晚約左老友睇皇上皇后演唱會開show 前緊係搵餐好野食啦紅磡堅係越來越多野食了 辣野更加多見到有間粉紅招牌嘅餐廳 非常搶眼全場爆滿喎 睇黎應該幾好食餐廳啲餸菜都配有一個歌名我地㨂左千里之外 雙椒魚頭一邊酸菜一邊辣椒 非常惹味 岩晒食辣同唔食椒嘅朋友一齊食魚肉非常嫩滑 一啲都唔腥 非常鮮嫌食魚有啲齋 我地叫左個髮如雪煙煙靭靭嘅薯粉最後緊要要來一點肉 哇呢個孜然骨不得了香脆嘅外層再加上嫩滑彈牙 令人不禁一食再食 加埋少許椒粒 勁惹味

同朋友食 Sat lunch, 好想食辣嘢搵咗呢間餐廳....spicy girl 即刻諗起碧咸嫂叫咗兩個前菜兩個主菜海帶絲 辣到阿媽都唔認得！ 我鍾意食辣:::木耳都好食， 酸辣適中手抓羊， 我估係用孜然粉調味， 非常惹味最後就係我最鍾意嘅田雞煲，係幾好味嘅，不過份量太少囉……同埋好多油我哋兩個女仔食其實唔飽㗎…… 下次可能叫埋啲粉麵飯就會好啲……整體唔錯

唔好辣既我，係咪會好奇點解我會走黎食辣？我自己本來都有d驚會食到臉都紅。不過聽講哩間店既老闆係周杰倫既粉絲！！我都好鐘意佢d歌嫁~最鐘意就係佢首稻香❤ 老闆仲用哂周董既歌黎就菜名！就因為佢咁所以就黎試試佢！雙截棍…(孜然寸骨) 豬仔骨燒得入味，香料十足，用手揸住咁咬就最正喇😋彩虹…(包菜水晶粉) 炒水晶粉原來比有湯更好食😍 炒得夠香夠辣，水晶粉條條分明，質感好似薯粉咁好煙韌！好久不見…(酸菜魚) Yeah終於到主角出場喇！我最期待既魚魚，放喺面層既魚質好滑，不過略有幼骨食得不太爽。下層係魚既另一個部位，冇上層既咁滑，不過勝在兩種魚都冇俾酸菜辣湯蓋過，同樣有魚鮮味😃

今日經朋友介紹去咗黃埔一間食辣餐廳食dinner😋😋入到餐廳個環境好似party room咁好舒服好乾淨，好年輕既感覺完全唔似食辣野👍🏼👍🏼三鮮湯 （外婆）服務員介紹我地要試下湯🍵🍵果然，湯如其名，非常鮮👍🏼分量啱啱夠四個人每人一碗豬仔飽 （園遊會）共五隻小豬包住豆沙蓉賣相可愛，而且豆沙唔會太甜👍🏼👍🏼金牌蒜香骨 （七里香）必食👍🏼👍🏼金脆既外皮，咬入去肉質仲好幼嫩，仲有肉汁總括黎講，裝飾環境服務都好好重點係食物質素非常好絕對值得推介👍🏼👍🏼😋😋

天氣忽冷忽熱又潮濕 最好約埋個朋友食辣野去下濕啦 黃埔區有間聽講兩個辣妹開嘅湘菜館 即係湖南菜 出名辣 一入去發覺佢地裝修竟然同我相像嘅完全不同 乾淨整潔 兼好文青風格 最鐘意他們的菜式都係周杰倫嘅歌名 佢d歌好聽嘛干鍋手撕包菜賣相平平無奇 不過上枱已聞到好香既炒辣椒同蒜香味，食落有小小辣不過同d菜夾到唔係死辣 三鮮湯味道清甜 有少少胡椒味 食慾即時提升 連湯渣都食得 無得輸金牌蒜香骨 是日推介睇起來好乾 但食落外脆內軟 肉汁無流失 鐵板魷魚絲好香椒味，唔會太鹹或者太辣不過魷魚嘅分量唔夠喉 豬仔包 點都要留肚一試 好得意既豬仔包食落有驚喜，入面係紅豆蓉不太甜 紅豆蓉分量啱啱好而且好鬆軟

本人非常喜歡吃辣，今日約了一位同樣愛辣的朋友吃這間很有四川風味的餐廳。一進餐廳，就如其他食評所言，立即就聽到周杰倫的歌聲，看來老闆真的是杰倫fans😂價錢不算太貴，而且打開餐牌最吸引我這個粉絲痴的就是這個粉絲了（老闆連食物都以周杰倫的歌名命名）。落單了十多分鐘，第一首菜就到了。幹鍋有機花菜 $75很有獲氣，而且咸淡適中，而且這種菜在其他香港餐廳比較少見，值得一試。辣子雞 $108雞粒炸得非常香口，而且跟之前在其他餐廳食過的辣子雞比較，我覺得這個雞粒的分量算多(通常其他餐廳都配料多，但雞粒少得可憐）初嘗幾口時會覺得沒有什麼辣味，但辣味會愈食愈出，漸漸感受到那種麻辣的刺激感。酸菜魚 $158一看到這個湯就眼前一亮，最喜歡酸酸辣辣的食物。首先魚肉非常嫩滑，而且比我想像中少骨，死o靚妹最怕挑魚骨魚肉配著酸菜吃十分美味，而且湯都很濃味，令人上癮般不停不停喝，即使湯內太多油都忍不住不停喝。我最期待的粉絲終於出場。其實$158來說份量不算很多，蝦都只有十隻左右，而且是細蝦。不過！真的是香氣逼人！一上菜已經被它的香味迷惑。粉絲當然是非常索味！而且蝦非常爽口！只是有點油膩。不過食得就不要怕肥了一邊聽著友

住係紅磡反而好少留係紅磡尋找好野食呢間Spicy Girl由開鋪已經吸引了我想來的食慾 朋友終於在百忙中抽空陪我來品嚐meun中已有介紹此店來源劉漢軍Liu Hanjun Spicy girl香湘辣妹湘菜行政總厨技術總監Spicy Girl Chief Cook每個位置都好寬敞 坐得舒適菜名也比較特別 用了台灣巨星周杰倫的歌名千裏之外 童年水庫雙椒魚頭 $192一半指天椒一半黃椒蒸 比想像中的魚頭更大 非常多肉 肉質鮮嫩指天椒那邊較為鮮甜 指天椒的香味黃椒那邊比較辣 同油比較多 另外可以加錢配凍麵底 用來點魚汁食 但分開了不入味 要浸一回才吃 麵質淋淋的黑色幽默 涼拌木耳 $35小食較為細碟 需要自行搞拌 沒有搞拌上面就沒有味道了 拌完後 非常入味 蒜味加辣味配搭得好 也很辣跨時代 極品扣肉 $95切得薄薄的 入口即溶 半肥均勻 有很多梅菜作底 配飯最正 但圖中是大大塊的肉 出到來是薄薄的肉 時光機 辣子雞 $108只用花生不用腰果 無骨雞肉 夠灑入味 看似好多辣椒 原來不太辣忍者 窩窩頭 $48很特別用麥包加上咸食 夾在一起 味道特別 看meun時以為是炸曼頭 原來係蒸的 正常食很

一向都知黃埔多野食，不過以前冇地鐵所以都冇幾何會去，但宜家有左黃埔站就方便好多喇，所以今日都約左係附近番工既朋友黎黃埔食飯。因為大家都鍾意食辣，所以我地就黎左呢到試下川菜，不過但得一提既係呢到既裝潢都幾似Cafe，而且餐牌上既菜名都以周董既歌名命名，我諗呢到既老闆都幾潮！說好的幸福呢 香辣QQ蝦 $158呢個香辣QQ蝦其實係蒜香蝦黎所以都唔太辣，蝦雖然唔係好大隻但都幾爽，不過最好味都係底下既粉絲索晒濃濃既香蒜汁，真係好正！好久不見 酸菜魚 $158酸菜魚既魚片真係好滑同埋好鮮，不過就比較多骨食既時候要小心，另外個湯酸酸地少少辣，我地都好鍾意飲，不過有略嫌油左少少。時燒機 辣子雞 $108食川菜點少得辣子雞，不過唔好睇佢鋪滿辣椒，但可能為左配合香港人口味辣子雞其實唔係真係咁辣，另外辣子雞比較切得細粒，所以炸得好透好香脆，同埋一啲都唔油。菊花臺 幹鍋有機花菜 $75呢個菜真係好有鑊氣，而且花菜面有好香椒鹽味，所以好香口，唔鍾意食清淡菜既朋友應該會好鍾意。Overall黎講，呢到既川菜都好有鑊氣同埋唔算太辣，所以都好岩香港人口味 。