香港風情 (已結業)

喺呢間嘢度，叫個常餐，加錢轉出前一丁，拎到出嚟，扔低包出前一丁味粉，望一望啲麵，已經覺得唔對路，麵嘅質感、光滑度、攣曲度，都唔似出前一丁，攪一攪啲麵，斷嘅，再食一啖，又綿又腍，一啲都唔爽口彈牙，完全唔係出前一丁，假嘅！仲衰過以前大光麵！問個待應，一嚟就話佢哋啲出前一丁，唔同街買到嗰啲，我問有幾多隻出前一丁？佢就淨係話，我哋呢啲係出前一丁，不斷重複，叫佢嗌經理嚟，又話佢哋無經理，慌失失咁！完全身有屎！話過以後唔會再幫趁呢間嘢！大家食嗰陣要小心、小心！

買完嘢又熱又餓, 隨便搵間茶餐廳食個TEA , 點知食到一肚氣, 絕對無下次! 話說因太熱太口渴, 坐低先叫侍應比3杯水, 之後睇吓叫咩食, 落單時見水未到又再提侍應 , 跟住我地叫咗3個下午茶餐, 分別係雞脾沙律$30, 蝦多士$33同焗豬扒飯$37, 最早到係雞脾沙律, 份量同味道尚算正常, 跟住上焗豬扒飯, 出事啦! 咸到呀媽叫High High , 但之前叫嗰3杯水依然無影 , 到上蝦多士, 再一次叫侍應拎水, 又係應咗就算, 再望吓件多士, 細件兼餡少都算啦, 竟然一放入口就發現D蝦膠唔新鮮有D臭 , 塊多士重嗦滿晒油 , 擺明無回鑊炸迫返D油出黎, 根本食唔到, 即是$33個餐淨係得杯餐茶飲得 ! 都算, 當我唔好彩! 到大家D嘢都食完, 3杯水都無黎過, 呀媽等水食藥, 眼見其他枱D客坐低就有水, 淨係我呢枱叫極都無 , 於是叫侍應過黎再追, 佢又話等等, 我即刻同佢講已經叫咗好多次都未到叫佢立刻做, 點知佢走開之後, 多次進進出出水吧, 送茶、送餐連枱都執埋, 根本無打算拎水比我地, 今次真係佛都有火 , 客人多一時忘記我理解, 人手不足索性講明無

晏晝行街肚餓就試下呢間餐廳，真係後悔到不得了，首先我唔針對環境同服務，而係食物，我同朋友叫左一個焗芝士雞肉白汁意粉同星洲炒米，心諗焗野實耐，咁朋友食星洲炒米，好快上台，我試一試，有冇搞錯，係咪鹽好平，咸到飛起，油多味咸，米粉好似未整好，硬到食橡筋咁，算，勉強都食到，然後，意外地，好快我個意粉上場啦，竟然落單前後5分鐘焗完，睇下賣相個面有dd燶，我肯定佢有曾經焗過，我諗係撈好晒再係咁意焗焗，因為個面一睇就知，我一隻叉吉起d面，我係嚇親，成斤油係個底，又好勉強放入口，好野，咸到飛起take two,個白汁又咸又多，d意粉又勁濕，好似焯起即撈白汁加芝士焗焗佢咁，見到真相未，好，講下配料雞，焯熟濕淋淋既，几片少得可憐既冬苽片又係濕淋淋，心諗，算，就算換過都係一樣，又唔想浪費41蚊，我叫左杯水，浸浸d油再食，放入口都覺得噁心，又油又水，無辦法，我真係肚餓，如是者換左几杯水，食剩少少，咁食野法，真挑戰，下次我唔會再幫趁，今次真係難忘的一餐!

平日中午行經呢度都係食碟頭飯多，原來夜晚又有串燒又有火鍋。師傅係門口燒，好似好吸引咁。入到黎個格局都幾得意，一邊就modern啲，另一邊就係傳統冰室格局。串燒叫左牛肉、豬頸肉，仲有我最愛嘅羊架！好鍾意佢灑上面嘅孜然粉（好似係），雖然好重口味，但令成舊肉都好味左。羊架夠晒騷，啱晒我！仲想食條菜，於是叫咗個小菜瑤柱金菇素翅扒蘭花，當然冇乜瑤柱同素翅啦，不過個獻都打得唔錯，西蘭花又唔會太硬，合格！食飽仲有西瓜送～

其實次次黎呢度,都係貪方便.雖然呢度既火鍋味道唔錯,但我覺得呢度有樣野總係做得唔好,就係服務.服務員面口同服務質素都係越來越差.或者茶記理應係咁掛...入番正題,有次係度叫左個小菜叫客家黃酒雞,味道十分淡,一來沒有酒味,二來十分水汪汪的,二來雞亦沒有調味,食起來就是沒有很多味道.幸好雞既份量甚多,叫係足料.不過又唔滑....呢個小菜是不合格的....

今日人人都話要做冬，而一向不用做冬的我，真的一點都不明白既然沒有早收，那跟同事一起去食個下午茶好了西多士配隻雞脾，三十幾蚊，好似偏貴了少少，但做冬嘛，食下啦西多士有些失望，因為沒有糖漿，只有練奶。這便失了那開心的感覺雞脾質素是正常的，不會太差，但不夠熱的關係略失了一些分數如果市場價為30蚊，這個整體質素在28蚊左右

腐乳！！！我懷疑個老闆好鐘意食腐乳 ！同朋友響附近玩完Bubble Soccer!!!!!超肚餓~~就求期搵左間野去食TEA!點知入到去見到有呢樣野叫~~~ 本身好小好小黎觀塘!!!!!!!緊係嘗試下啦!!!哈哈:結論係:我懷疑個老闆好鐘意食腐乳 ！好咸呀!!!!!!!!!但值得一鑽既係: 佢D熱飲好大杯！又夠熱！！熱奶茶好好飲！！！

觀塘區LUNCH時間度度都好多人，呢間有露天位，今日本坐出面，見到餐牌有一個叫有錢佬炒飯，好奇之下試一試原來有錢佬炒飯係配了素魚翅因此得名，其實是一般的肉鬆菜粒炒飯分別在於加了素翅，未夠鑊氣，但39蚊LUNCH時間，質素算差不多，是合理的

今日食常餐A即係豬潤公仔麵，加炒蛋火腿厚多士及飲品豬潤好薄，但都幾滑，公仔麵都係平時食記個D啦炒蛋好好味，好滑有蛋汁，LIKE!厚多士雖然厚，但中心不夠軟，所以有待改善一個常餐43蚊，我覺得未算平吧

今日食新野去左呢間有室內有戶外既茶記，食呢個蝦膏炒飯簡簡單單料夠多味道也是簡簡單單, 不太甜不太咸不太油有蝦膏香味飯係一粒一粒。不會濕也不會一堆一堆份量剛剛好，不會浪費

家庭聚餐，想不要去APM等位就轉去工業區，呢度系唔錯的選擇！總結，吃麻辣方面的菜式比較好味，夠火候。口水雞肉比較淡，可能是冰鮮雞的緣故，所以一般，賣相就極好。水煮牛肉，肉滑，豆芽多，麻辣香味濃。海鮮雜菜煲，蔬菜多，名副其實。

時間尚早，食番過早餐先番工沙爹牛肉公仔麵牛肉軟淋沙爹汁好香，麵就普通北海道牛乳炒蛋好滑仲正過牛奶公司腸仔亦係普通凁咖啡夠哂香濃呢度食早餐因為有晨旱新聞睇地方很大，超過一百坐位冷氣充足坐得十分舒服喜歡的仲可以坐出面路口位悠閒的一個早上

有時候總會在趕時間，想慢慢地享受一個午餐，也許不易，尤其在平日上班的日子裡面。今天路過觀塘，未辦事就來一個午餐，老實說一時急起來，就不會多想。香港風情畫於去年年初已到訪過，印象中晚上有火鍋吃的，不過在下也許不會專情而來吃一個火鍋吧，反而日間在這區工作的機會就多。餐廳環境不多說吧，反正是吃一個午餐吧。羅宋湯例必是主打餐湯，也許是因為中湯在家裡；常常喝到的，羅宋湯不會在家中經常喝的。然而風情畫的紅湯，保持了香港特色，是非常的辛辣，幾乎喝不下來，有點搶喉的感覺吧。燒汁牛脷芝士腸飯是一道偏向西式的午飯，紅紅的燒汁猶如一灘灘的茄汁般模樣，看起來還以為是莙汁呢！哈，吃一口牛脷跟燒汁，原來就不是那茄汁的一樣酸的，而是就像一般日式燒汁般的那份模樣吧，牛脷沒有那種軟腍的感覺，反而是淡淡靭如橡皮，差點兒撕不開的牛脷，邊位卻又是硬了一點，像是木一樣的硬了一樣。芝士腸固然是外來的貨色，故此也能正常化，皮脆而富有芝士香味，芝士雖然不像流心般流出，但仍然是有般香濃的芝士味。凍奶茶是在下心儀的凍飲之一，貪其茶香，順滑兼回甘度同有的飲品，簡樸的茶香，帶來醇厚的茶味，再來一個順滑的感覺，茶的甘味也能回首一嚐。今回的午飯

上次食完火鍋,今次再黎食LUNCH,叫左個$68既鱼趐撈飯炒飯底,加上濃郁上湯之類做成既汁,夾雜著蝦仁和素翅,就係似食緊酒樓既魚翅,啖啖香濃雖然明知係素翅,但係翅翅既口感更彈牙,其實不算差炒飯就落左好多蛋,但係炒出黎不夠乾身$68定價比較貴,但味道還算唔錯

今日有大把野要做, 都係食返個早餐先開工穩陣.睇完餐牌, 揀左個 D 餐: 沙嗲牛肉公仔麵, 北海道 3.6 牛奶炒滑蛋拼腸仔, 牛油厚切方包, 飲熱奶茶.食物賣相 ok, 份量適中.沙嗲牛麵麵質稍淋, 湯底算夠味, 但牛肉太韌, 兼且冇乜牛味, 沙嗲味亦太淡, 唔多似沙嗲汁.牛油厚切方包真係幾厚, 不過牛油就少左 d, 唔夠香, 方包冇乜味. 炒蛋唔算好滑, 不過還可以. 腸仔煎得嘛嘛地, 有陣雪藏味咁奶茶就不過不失啦.