香港風情 (已結業)

一坐低就叫左個小辣雞煲 38蚊任食 唉 算點知佢落左個原味雞煲 都算佢話有小辣 點知一d味都冇賣相係ok嘅 但真係冇味我地叫左個白飯 . 金菇 . 之後我地叫人再加一次雞煲 一直叫都冇人理我地服務好差-食物質素嘛嘛

從來未食過咁難食ge雞煲~$38任食原來只係任食怪味雞，好多似混了人地食剩的，又臭又剩咁，好多客食一陣走過隔離食m記算~另叫配料又貴，$46一個烏冬，$32兩個公仔面，凍飲廿幾蚊，其他餸都平均三十幾蚊。貴都唔係問題，但又貴又唔新鮮。環境方面又逼又污遭，仲有好多蚊，好驚今晚會肚痛囉～

成日經過見到寫住38蚊任食一小時嘅雞煲，睇落好吸引下，成日想試下。今次終於有機會試，但係只可以講一句，就係超失望囉。雞煲無錯的確係任食一小時，絕無取巧，一出嚟就一大鍋，個樣都尚算可以，仲話食唔夠可以再加一鍋。但係愈睇愈唔妥，個湯超多，多到好似真係打邊爐d湯底甘，絕對唔係先食雞煲後加水火鍋嗰種，味道就勁喊，似麻辣湯底多d，仲要係好難食嗰種。d雞一早已經係熟唒，我所講嘅熟係已經事先煮到熟左，可以隨時方便拒煮其他送，所以嗰陣味係放左好耐嗰種，肉又勁鞋！又完全無雞煲嘅味，只係豉油烚冰鮮雞！呢度可以叫其他配料食，價錢唔算平，不過都諗住食嘢求好食無咩所謂，但見個雞煲甘，完全唔想叫。仲有d醬汁，蒜蓉嗰d全部都要另外收費，生蒜要成20蚊一碟，超貴。埋單係76蚊，加一都唔使，你可以話係一分錢一分貨，但我覺得都唔可以甘離譜，湯底做得好d，講真我叫其他嘢食嘅機會都大d，我絕對覺得要比番d誠意先得架！仲有服務問題，我坐嗰個位完全唔覺有冷氣，仲要對住個火爐，成身出唒汗，走嗰時問下係咪無開冷氣機，個收錢仲要話無開你就焗死左，好唔滿意甘，認真無下次！

颱風過後，觀塘工業區好多餐廳都冇開. 好，試一試香港風情啦.點知...-正常一杯水都冇俾-常餐叫D餐變左叫E餐-叫侍應來收野叫咗3次都「聽唔到，睇唔到」擺明睇到都唔睬人. 檯都冇抹-蒜蓉多士好似隔夜多士-公仔面連煮都冇煮到冇下一次了.

天氣潮潮濕濕,最岩就係食少少辣野驅下濕氣香港風情推出$38一小時任食奇味雞煲Bi一聽到呢個消息就梗係要去試下係咪真係咁抵任食時間由夜晚6點開始, 兩位起,大小同價Bi第一次係星期五晚同朋友去,離遠已經見到餐廳外面人頭湧湧當時8點幾,因為唔係食頭個round所以要等成30張枱, 最後我地都係放棄左決定擇日再戰兩星期之後,我地揀左閒日夜晚9點半過去今次唔使等位入到去我地即刻叫呀姐幫我地寫個少辣雞煲唔食得辣嘅朋友,亦可以選擇原味貌相唔錯見到份量適中,入面d料頭都新鮮建議大家唔好太心急,滾十分鐘等d雞稍為入味先好食如果唔係初頭係會食唔到味個雞煲係越食越好味因為收左水, 滾耐左,就入味好多味精唔算太重食完都唔太口渴話明任食,食完可以再加就睇你一個鐘食到幾多我地再點多個芉絲仲有一壺竹庶矛根正正常常 唔會話只得一股死甜(自己拎飲品去要收$20)餐廳收費項目都有清楚列明例如蒜頭,芫茜唔會荼芥又收你錢,花生又再加你錢朋友問姐姐拎左碟豉油都無另收費所以如果你無追加任何食物真係可以$76埋單走人要注意嘅係入座時間以電腦落單的時間作準一過左時間 佢有權收多你一個鐘錢架所以想抵食雞煲 記得開餐前自己對錶喇!

今日見到雜誌介紹，話$38蚊任食雞煲一小時，咪去試下啦，食第一轉嘅時候都ok嘅(已經過左20分鐘)，到你食哂嘅時候，叫佢加雞時態度就開始差啦，攞碟雞出黎又話:你兩個人都食唔哂嫁啦(佢想俾幾舊雞我地就算)，我話:我地未飽，食得哂喎(心諗，點解唔俾我地食呢，又話任食)，之後再過十五分鐘，叫佢再加雞，佢即刻話:你點解唔食哂d雞翅尖呀，大佬呀，一隻半雞點解會有十隻雞翅尖呢，就算唔想加雞俾人，都唔好迫人食雞翅尖，我地真係唔鍾意食呀，我地睇返張單，明明仲有時間，佢就話你地得返四分鐘，唔想加咪出聲囉，其實如果唔想做任食嘅話，咪唔好做囉，唔好話任食，又唔俾人加雞，又黑面囉，平就平嘅，不過d員工態度真係差到爆。

因為一句說話，第一次寫食評。朋友見$38一個鐘任食雞煲，好似好抵食，於是去試試，七點到達，勁多人，等了一個多小時終於有位，地方算闊落，座得都幾舒服。雞煲份量都ok, 我地只係叫野飲(野飲貴，但佢$38仼食一個鐘咁平，係飲品度賺返啲都合理既)，我地無加其他配料，雞味道ok，咁既價錢黎講都可以接受。食完我地叫加雞，侍應態度有少許勉強，問我地食幾多個鐘，我地話一個(當時仲淨半個鐘)，佢就好快手咁倒一碟雞落我地個煲度，feel到佢態度唔係咁好，咁算啦，可能佢忙同埋咁平唔好要求咁多啦。食完，差唔多夠一個鐘我地就走去櫃臺埋單，三個人連飲品一共$172，我比左兩百蚊，跟住我話有兩蚊比兩蚊你呀，收銀呀叔有啲晦氣咁話「你鐘意啦！」我都算，仲有禮貌咁同佢講唔該，拎返三十蚊行出去果陣我聽到佢仲係度好不滿咁話「咁中意比散銀！」自問都算係一個包容既人，但佢哩一句真係影響晒成餐飯既感覺！太過份！好嬲！我無走返轉頭同佢嘈，但係我條氣好唔順，所以第一次入黎打食評！平時埋單一般收銀都想人比埋零頭散銀，什至乎主動問人有無散銀，佢方便之餘我方便，我出於大家便利先比兩蚊銀仔你，你唔想收講聲絕對無問題，唔洗擺出啲咁既態度係嘛。

係觀塘收工就係附近隨便吃吃吧！點了兩個小菜, 感覺會有家庭溫暖!先嚐嚐台式三杯雞賣相很好, 而且雞唔會太大件, 加上每件雞都好入味, 肉嫩而不會太咸! 至於配菜的青椒, 洋蔥, 都好入味, 有蒜香和少少酒味再試就係金銀蛋時菜, 一味很家常的菜式, 略嫌太淡, 很少皮旦, 很多咸蛋, 而菜亦十分清, 基本上好似無乜味咁至於白飯偏硬, 食多幾啖仲有飯焦, 算是我唔好彩吧

觀塘$38雞煲任食 限食一個鐘 注要 如過時即收雙倍價錢其他打邊爐材料 飲品要另加錢飲品偏貴 +可樂$14 +白飯$12雞煲有(原味/辣味)兩種都試過小辣 對於吾食辣既人都好接受到不過雞件不夠入味 一般店內服務員態度好，很快就會主動加雞

話說好掛住維記嘅豬潤米粉，但奈何公司係觀塘無可能係working day食到真．維記豬潤米粉。醒起近近地有一間有豬潤米食，就晨早流流叫個豬潤米常餐早餐！其實都唔打算將佢同維記比咖喇～想要個清清甜甜嘅湯底，佢只係清清嘅湯底。。。豬潤勁老勁鞋真實都唔可以怪哂佢，因為外賣始終會焗住老咗，但其實如果明知會焗一陣先送到畀客。點解唔可以煮到無咁熟就倒落外賣兜，用焗住嘅熱力令豬潤慢慢煮熟。只可以講無下次，一定無～因為呢頭有好多早餐常餐選擇，平過佢嘅比比皆是！價錢係翠華價，我係網上睇嘅價已加。但質素不行，說好的厚切方包，同我平時自己夾嘅三文治一樣咁薄　唯一讚係　蛋是幾滑嘅～無喇。

官塘apm附近想搵間平既茶餐廳唔難，但又好食既就數唔到幾間。呢間舖好大，可以坐到成百人，因為星期六既下晝，人唔算太多餐牌既選擇豐富，雖然都係茶餐廳款式，但只係午餐都有好幾款選擇，另外就係麵餐，撈丁餐同埋小菜套餐黑椒汁豬扒蟹柳奄列意粉 茶走少甜 hk47份量相當多，塊豬扒都幾大，蟹柳係靚果種，軟淋淋，仲有份奄列（比早餐叫奄列仲大份），意粉份量都唔少。唔怪得好多男士都叫呢個餐，認真大份。味道方面好香黑椒味，食落少少辣，好香口，汁唔會杰撻撻，豬扒煎得少少韌，咬口唔好，味道亦唔覺有淹，蟹柳質感唔錯，juicy，奄列炒得好好，仲熱辣辣，火腿絲切得細條，味道好好茶走少甜用厚壁杯載，份量比一般奶茶杯大少少，熱辣辣，茶味夠香，奶味唔太重，味道確係唔錯總括，意粉份量夠大，黑椒汁做得香口，味道幾好。但餸既味道一般。茶走都做得唔錯，味道份量都好特別想講下，佢夜晚有個任食雞煲只係hk38，有機會真係要黎試下

眾多豬潤中，以維記為首，觀塘的「香港風情」豬潤麵$42 也響噹。分店遍滿了羅湖，覌塘和赤臘角。三間店中有兩間比較旺場，覌塘這間有座無虛席的熱鬧場面。午飯時段，店外還是排著得車水馬龍。香港風情的豬潤麵不及維記出名，但她的豬潤麵也十分美味，整碗麵的佈局是滿滿的豬潤，貨真價實是實話。坊間有些店鋪只有三數塊的豬潤麵，不能和她相比。吃着，再吃着，吃公仔麵的速度比吃豬潤快，結果剩下的豬潤竟比即食麵還多，十分滿足。外間麵店麵多餸少，養成吃餸速度慢的惡習。一口豬潤，一口麵，才是吃豬潤麵王道。香港風情絶對可以以豬潤麵起家，她的豬潤絕對爽口彈牙，沒有豬潤的腥味道。至於即食麵也比坊間的彈牙很多，完全沒有失色美味的豬潤。甜頭帶著薑味，也很甜香，難怪豬潤湯能夠被傳頌至今。一碗豬潤麵就能夠讓人吃得飽足，性價比相當高。

觀塘開源道一帶茶餐廳選擇不算太多， 香港風情算是提供經典香港特式的茶記。今日點了麻辣雞絲米線， 湯底夠熱，配料非常多，入口的確麻辣兼備，比起市面上很多聲稱麻辣湯，只辣不麻， 這裡的湯底已勝人一籌。 雞絲口感嫩滑，連凍檸茶的茶膽都夠濃郁，出品絕對具水準之上。

一早起身就突然好想食乾炒牛河，於是下午就去諗住搵間茶餐廳去食食食 係滿懷憧憬有幾好食下，就去左呢間茶餐廳叫左碟乾炒牛河，點知侍應一送黎就已知唔掂 食落勁油又無咩味，河粉係滑，但真係太多油，牛肉味道未有特別，韭黃就有少少爽甜香，但由於整體調味唔夠，無穫氣無層次，更是無味，不過份量就屬正常，食左一半頂唔順走人，真係浪費左我個胃⋯⋯

今日很忙 過了食飯時間才可以去吃飯 又到下午茶時間 好肚餓一望餐牌 叫了一客家鄉炒飯 炒飯裏有鹹魚蓉豬肉粒和魚粒 咸魚蓉很香 豬肉粒很鮮味 加上鮮魚粒 三者配搭 相得益彰 美味一餐 又可回公司繼續衝刺啦