香港風情 (已結業)

假日同男友去觀塘行下由於太肚餓既關係見到乜就食乜於是就入左去啦其實記憶中我知道呢度有個好抵食既雞煲心諗都唔會太難食丫點知。。。呢款乾炒牛河係正常ok既跟住呢個美極雞絲飯就出事落單時已經同姐姐講左走菜走䓤點之第一碟黎到有菜既。。之後呀姐仲話點解你甘怪既唔食菜。。其實我食既話就唔洗叫你走啦🙈🙈🙈好啦。。。走䓤走菜既到。。。好香既美極嗅覺。。。但食落。。。無味既🙈🙈🙈就此就成為我第一個負評。。。凍檸水無問題既華田都正常P.s其實去得茶記都唔會要求甘多甚至乎做錯野都好少事。。。但服務態度真係。。。無下次。。。

真係有香港風情的香港風情星期六聽完左個講座, 行左過對面食個下午茶. 內在環境好特別, 明顯地分左兩個區域, 我選擇左比較懷舊有風情的一面.下午茶選擇算多, 而且價錢大眾化. 我選左個比較考功夫嘅乾炒牛河.河粉炒得不錯, 上色均勻 ;  牛肉有口感, 香口. 飲品杯相當有特色, 好立克味道不過不失. 餐廳環境有特色, 有懷舊的香港風味. 星期六下午人流不太多, 適合三兩知已朋友來吹水談天. 

近來多咗去觀塘覓食，發現一間 香港風情茶餐廳 ，雖然佢嚟地鐵站較為遠些少， 在麥當勞隔離 但這間茶餐廳地方較為寬大， 內裏都有滲透著嘅香港舊情懷， 最緊要佢哋嘅 早餐午餐茶餐都做得好出色， 最欣賞係佢哋杯奶茶 好飲之餘 最緊要個杯嘅份量比一般茶餐廳多出一半， 飲一杯奶茶等於飲一杯半好有滿足感， 同埋現在好少茶餐廳會做 薑絲鮮牛肉麵， 薑絲豬潤麵。 一個茶餐 只不過是收$42 有齊牛肉麵奶油豬炒蛋奶茶， 份量都好足夠， 平靚正。 所以而家去觀塘時又想飲茶餐廳我都會選擇這一間。

豬扒拼脆雞柳，雞柳過多粉，只有3細條，其他係脆漿，茄汁過咸，蒸雞有半碟係肥膏，米線太淋。服務不友善，舉手叫好耐先落單，當時未滿座。梳化地方不潔，好多小昆蟲飛來飛去。

香港風情💁🏽終於都食呢個38蚊雞煲啦😚老實講38蚊呢個價錢仲要任食係抵到爛！而且佢啲雞係好食架喎👍🏿仲要係滑，一啲都唔老又唔鞋😀一路煮啲辣椒出晒黎，食落好爽🤤辣辣地好惹味愈食愈過癮🙊同埋佢啲配料都唔貴～出面食到既呢到都有。價錢都係市價，份量正常。同朋友一齊黎食就岩晒啦！一路食一路飲啤酒，真係夠晒香港風情呀☺️我都見過有人真係就咁叫個38蚊雞煲😂晚餐諗唔到食咩呢到幫到你🤣不過最主要係個雞煲姐！食得過架絕對😎

喺附近返工，間唔中都會同同事落黎呢度食午餐，今日突然五想食飯，決定食碗粉就算啦。一般餐廳嘅粉麵好少用麻辣做湯底，所以決定試吓呢一個麻辣燙底，就揀咗肥牛配河粉。一送到黎放喺枱已經有D驚，分量十足，見到滿滿嘅一大碗，上面鋪滿啲肥牛，仲有好多原隻紅紅嘅辣椒。即刻試吓個湯底先，未飲已經感覺到嗰陣辣嘅味道，飲落去嗰陣唔算非常辣，但慢慢咁樣啲麻辣嘅感覺開始散發喺成個口入面，但個味好開胃，啲肥牛肉質鮮嫩，如果你唔食得辣就唔建議點呢個湯底，但我就覺得幾過癮。

一日之計在於晨🌥,有早餐食嘅morning緊先係good morning 啦~🌞🌞所以今日黎到香港風情食風情全餐~~雖說呢度擺設同裝修都同香港風情冇乜嘢關係，但食既都係經典茶記料🌼，而早餐都算係咁啦,選擇足夠--------------------------雪菜肉絲湯米🍜雪菜肉絲份量頗多，呢樣係超級like 既～😙😙😙正所謂食米粉有米粉味，雪菜肉絲加米粉真係無敵仔～👍🏻👍🏻好惹味Rating💁🏻:7.5/10沙嗲牛肉公仔麵🐮麵煮得好淋⋯🤔個人就唔太中意淋麵既，牛肉料唔少，但係沙嗲醬有少少怪😶，可能因為自家製關係啦Rating💁🏻:6/10香滑奶茶☕️係禾見過既茶餐廳最大杯裝奶茶😂😂飲極飲唔完，但其實茶夠濃味亦夠香✨不過愈飲就會愈想問幾時先飲得完😓😓因爲真係有點多⋯Rating💁🏻:7/10 (有時太大杯都係一個錯⋯香港人就係甘犯賤😂😂）好味指數😋：8/10翻啅指數🙆🏻：7/10人均消費💰：10-99------------------------------

夜晚經過香港風情, 見到門外宣傳牌大大隻字寫住$38任食一小時雞煲, 嗰下真係被呢個牌吸引咗入去.主角雞煲登場!! 望落幾靚仔㗎~ 食落呢?! 雞未有充份吸哂湯底嘅辣味, 不過當擺其他食材如菜、烏冬等就幾吸到辣味!啲菜都幾靚仔新鮮, $32 一碟, 都唔錯!! 另外仲點咗其他食材如魚片頭、讚岐烏冬, 呢兩樣都係未被解凍嗰種, 喺面層仲見到啲雪冰㗎  個雞煲差唔多清哂, 見仲有半個鐘就叫加雞啦,  轉個身就倒一大碟雞落嚟 呢一around嘅雞肉比一開始嗰時係多好多, 而一開始嗰煲反而有唔少雞翼尖和骨嘅部位.  要智勝$38任食一小時雞煲?! 最好喺開始之後20分鐘左右就叫加雞啦, 如果唔係要一小時內清埋啲雞埋單走人都幾趕~總結$38任食一小時雞煲抵唔抵就真係睇你點食~ 如你入嚟係以食雞為主要任務, 咁都係唔錯嘅經濟之選!

香港風情在Nosir公司附近，門口放著$38任食1小時鷄煲的牌，一直想試，今晩終於試了～星期六晚人不算多，大部分人都是來吃雞煲的，初推出時每晩六時多已經排滿人，現在已經看不見人龍了～除雞煲外，還可以單點其他火煱配料，每款都不同價錢，飲品偏貴我們點了原味雞煲，侍應強調只有小辣(原味)和大辣(辣味)，結果小辣等於不辣，一點辣味也吃不到，而且雞煲的味道真的麻麻，味道淡而且不是正宗雞煲的惹味，反而有點像茶葉蛋的調味，雖然雞肉份量多，但雞件大部分是同一部位，而不是包含全雞的不同部分，而且肉質乾和＂鞋＂口，說不上好吃，但價錢平和足夠填肚～我們只添了一次雞，和點了一罐$14的可樂，試過就算了，應該不會有下次😅

這天拜訪完朋友的工作室後在附近食飯，又不想吃連所快餐店所以選擇左這間最初是被$38任食雞煲吸引著但男朋友想吃小菜唯有下一次再吃雞煲我們點了「脆皮牛坑腩」 $118見到menu上的相片好像很吸引所以試一下外層都炸到很鬆但牛坑腩肉質就好韌有點咬不開也許牛坑腩本身是帶點韌魚香茄子豆腐粒 $78佢仲煲上都不錯即是魚香茄子豆腐煲份量都幾多味道少少辣，好惹味餸飯一流整體如果個牛坑腩再稔少少其他一切都不錯下次再黎試佢既雞煲

同朋友本來食第二間，但冇位又肚餓，就去左呢度食$38雞煲。本來見平平地去…但真係好大個伏-_-叫小辣，黎到覺得個湯好紅，又有好多辣椒，問佢可唔可以加多煲唔辣，侍應阿姐話：唔辣架喎。食左真係唔辣，仲要冇味………成煲野都係油，唔覺得有其他味。另外再叫左啲野食打邊爐，牛栢葉黎到，朋友完全揀唔落手掉落個煲度。唔好食既…我地揀左…都唯有認命，中途朋友想問清楚係咪要一個鐘內埋單走人，但個侍應阿姐一路行一路講野，聽唔到佢講咩(而個場其實坐唔過一半，唔忙既)埋單時發覺有碟雜菇拼盤冇黎，同佢講返，佢仲要一臉疑惑不信。仲要話：你話冇黎咪冇黎咯。講真，好地地做咩要講大話呃你四十幾蚊，我地六個人每人都慳唔到$10。而且呢種態度真係好有問題。朋友忍唔住鬧佢，要叫老細出黎，老細黎到，個侍應阿姐都仲爆緊粗鬧緊我地。唔係話顧客永遠是對的，但都唔係咁做野掛？

呢間係我呢世女食過最差既餐廳！無之一！我同班fd見佢個38蚊雞煲咁平咪試下，一開始見啲杯碟好污租已有小小唔開胃，但已經坐底叫左個煲，無計！唯有照食。個煲黎到，發現淨係得雞頸，雞翼尖，無肉既！啲雞仲要好似無醃過用水6熟就算數，係無味雞加啲辣油喺面！好難食，算！然後想問清楚第二個鐘唔加雞點收費，個呀姐態度超差，完全唔想答，求其講一句就行開，完全唔理我地，無答我問題，都算！埋單check單發現有碟野無黎都收左錢給，咪同個呀姐講叫佢改反單，我地當時係好好態度，點知佢勁臭串，好似覺得我地呃佢咁，我地真係忍唔住同佢開拖，佢仲要不斷用粗口鬧我地！勁嬲！出黎食飯未試過咁受氣！啲野又難食，服務超級差，無服務可言！埋單又唔平，每人都要175！頂佢！真係超嬲！千祈唔好去食，真係貼錢買難受！

去官塘搵嘢食，凍冰冰諗住食蛇羹點知大排長龍就走左去工廠區度打邊爐，見到雞煲又心思思。呢間野之前晏晝黎果食下午茶。雞煲佢哋有個人頭計任食計劃，一個怪味雞煲＄38 /1小時任食，咁我同肥仔都好鍾意食蝦，見到＄38任食（要連雞煲餐先叫得）就發咗狂叫埋任食白灼蝦。二話不說叫佢哋上咗白灼蝦先，個煲都唔理佢喇。啲蝦係中蝦，啲肉都實唔梅嘅但唔夠熱。不過係得一碟豉油，加多碟豉油調味料好似要加多＄20。我叫左碟芫茜唔見左$38（衰女食米唔知米貴🙈）咁呢我哋個怪味雞煲都仲未滾，我地已經食第二碟。叫左啲菜，食雞！呀⋯⋯成煲都係急凍雞全翼既支解版⋯怪味真係令到無雞味，雪藏雞唔好期望滑同鮮，我明既$38蚊係咁架啦，又唔麻辣又唔知點咁⋯⋯所以食晒啲菜，就狂食蝦，叫到第四碟（可能俾我哋喪食晒）係啱啱灼熟熱辣辣👍🏻，侍應阿姐好熱情，招呼好好，成日過嚟問使唔使加湯😁仲好好笑容，下次都係打邊爐好

睇飲食新聞，知道呢間茶記晚市做$38/位任食雞煲，有理無理，嚟幫襯出份報告先。遊戲規則，毎晚6點後，以人頭計，60分鐘內任食雞煲，每位$38另計加一，食雞煲要兩位起先可以享用。其他火鍋料酒水另計。就連辣椒絲等調味料都要逐樣收費。餐廳呢招，目前都幾成功，大部分客人都係嚟食雞煲。一入門口，比賽已經開始，先點雞煲，然後極速點埋耐煮嘅薯仔、南瓜同豬皮，店員可能受慣挑戰，5分鐘唔使已經拎到個煲嚟，唔知係啲雞唔夠新鮮，定係想客人快啲有得食，煲內雞件係先經油炸，本身已經熟，但就比較嚡口同無乜鮮味，明顯係雪藏貨。不過店家夠均真，食完雞再叫好快就上到枱，湯底夠辣無香味，鹹得過份，連淥菜都會過鹹。淖豬皮有街邊咖哩豬皮異曲同工之妙。但淖薯仔南瓜同菜，明顯體會到湯底對火鍋嘅重要性，所謂一分錢一分貨，既然食得平價雞煲都知質素有限。有啲人只求平價飽肚，用$42任食雞煲可能係翻本之選。但其實好享受食火鍋要慢慢食，而唔係好似食一品鍋咁，手口不停咁填飽個肚，辛苦到食咗都唔生肉。餐廳拋磚引玉，搏客人會叫酒水同其他食物，除笨有精，以事論事，是次消費人均$130，可以有更好選擇，對於雪藏雞件，可理解而不接受，好嘢無平，又一鐵

六點半到左 未係太多人 唔洗等位就直接入左去食 服務員都幾好 有清楚解釋到 落左order 5分鐘唔洗就上左雞褒 送上黎係凍既 多水到爆 應該係整定左好耐 個湯係幾好味 但係d雞完全唔入味 雞真係冇咩味 食過一次就夠